رواية توكيل زواج الفصل التاسع 9 بقلم هبه منصور
الحلقه التاسعه .
في غرفه ندي وهيا تبدل ملابسها .تحدث نفسها. يخربيت مخك ياندي عقلك كان فين وانتي نازله كدا اوف كان هيموتني هههههههههه بس انامالي فرحانه كدا ليه دا كان هيضربني والله اما جننتك ياكامل مبقاش انا ندي وذهبت لجامعتها.
في غرفه المكتب .
محمود .افهم ايه من كلامك ده ياكامل .
كامل .كلام ايه ياحاج .
محمود.ان الجواز هتم ياولدي مش انتا جولد كدا دلوك لندي .
كامل .ايوه ياحاج انا فكرت واقتنعت بكلامك عمي ناجي غالي عليا ومش هقدر منفزش وصيته ليك وكمان كلمتك متنزلش الارض ياحاج انا موافق اكمل الجواز.
محمود .كلمتي والوصيه هه هتدحك علي روحك ياكامل .
كامل .قصدك ايه ياحاج مش فاهم .
محمود. متخودش في بالك ياولدي روح دلوك واني هكلم ماجد اجوله اننا هنسافر بكره الصبح اتأخرنا عليه جوي فاضل اسبوع علي الفرح .
كامل .ماشي ياحاج .
غادر كامل المكتب وذهب لغرفته .
ايه الي انا عملته ده ازاي وافقت علي الجواز وليه اتعصبت كدا لما شوفتها بالمنظر ده مقدرتش استحمل حد غيري يشوفها كدا وبعدين معاكي ياندي تعبتيني معاكي وقف امام باب غرفت ندي ونظر حوله لم يجد احد ففتح بابا الغرفه ودخل سريعا وأغلق الباب خلفه .
غرفه هادئه منظمه يتوسطها سرير وبهامكتب صغير ودولاب وعلي السرير فستانها الذي بدلته تحرك كامل ناحيه السرير وانحني واخذ الفستان بين يديه يتلمسه وجلس علي السرير قربه من انفه يستنشق عطرها فيه ثم وضعه مكانه وضع يده علي المكان الذي تنام به وقرب المخده من انفه واغمض عينه تمدد علي فراشها علي ظهره وبيده يملس علي الفراش كأنه يبحث عنها بجواره انته علي نفسه ماذا يفعل انتفض من مكانه وخرج سريعا من الغرفه ودخل غرفته واغلق بابها ووقف خلفه يسترج ماحدث .
كامل ايه الجنان ده هواانا مراهق علشان اعمل كدا ازاي ادخل اوضتها اخ انا شكلي حبيتك بجد ياندي .
في الجامعه .
منه هههههههههه هههههههههه يخربيتك والله انتي مجنونه .
ندي .اسكتي انامش مصدقه انه عمل كدا ده كان هيضربني .
منه .بس شكله وقع يابيضه هههههههههه.
ندي .مش عارفه والله بس كلامه كان بيهزني اترعبت منه بجد .
منه .يعني خلاص هتتجوزي ياندوش.
ندي .ايه اتجوز يالهوي صحيح ده قال اننا هنتجوز .
منه .مالك ياندي انتي اتجننتي .
ندي .لا بس انا لسا معرفش.عنه حاجه ولا اعرف عن حياته بره كانت ازاي مش يمكن كان مقضيها مع الخوجات .
منه .الله الله انتي غيرانه يابيضه .
يوسف وهوا يسحب كرسي ويجلس معهم مين الي غيران اكيد انتي يامنه غيرانه عليا صح .
منه .انا اغير عليك من ايه روح ياحبيبتي شوف البنات الي تعرفه اكيد بيدورو عليك .
يوسف .اه والله فعلا بصي حتي جاين يندهولي اهم .حاضر جاي ياحبايبي ونهض وتركهم .
ندي .مش هتبطلي ترخمي عليه يابت انتي .
منه .والنبي تسكتي ياندي ابن خالتك ده رخم ودمه يلطش .
ندي .يابت اتهدي بلاش كدا هيزهق ويطفش منك .
منه .يطفش ايه بس هوا في بينا حاجه انتي كمان مش شيفاه كل يوم مع واحده .ندي .بينكشك يامنه علشان تدايقي بيرخم عليكي ياحبيبتي علشان بيحبك .
منه .بطلي هبل لا بيحبني ولا زفت هوا عايز يتسلي وانا مش للتسالي فكك من الحوار ده .
ندي .بكره نشوف يامنه .
بعد عودتهم من الجامعه وتناول الغداء كانوا يجلسون سويا ويتناولون الشاي .
محمود .فين كمال ياراجيه ..
راجيه اتغدي وراح يستلم الشحنه من الجمارك ياحاج .
محمود . طب خودي ندي وهناء وانزلو نجو فستان الفرح واجهزو هنسافر البلد بكره اني كلمت ماجد وجولتله .
هناء .متنساش وعدك ليا ياحاج الجوازه مش هتم الا امااتأكد ان ولدك بيحب ندي صوح ورايدها يعني مفيش دخله ياحاج محمود .
محمود .منسيش كلامك ياهناء ومتخافيش ولدي راجل وجد كلمته واني هتكلم معاه جبل السفر .
هناء ماشي ياحاج .
ندي .في سرها الحمد لله كدا قدامنا فتره اتأكد من مشاعره نحيتي .
راجيه .يلا نجوم نلبسو علشان منتأخرش .
هناء وندي .يلا بينا .
ذهبو للمول واختارو فستان الزفاف وبعض لوازم العروس وعادو مساءا .
محمود. جيبتي الي نفسك في ياندي .
ندي ايوه ياعمي جبت فستان جميل اوي بس مفاجأه بقا هتشوفو في الفرح .
يدخل من باب القصر.
كامل مساء الخير .
الجميع مساء النور .
محمود. استلمت الشحنه ياولدي .
كامل استلمتهاوفي مخازن الشركه ياحاج بس تعبت اوي النهارده لحد ماخلصت الإجرآت .
راجيه . احضرلك الأكل ياولدي .
كامل .لا ياامي وهوا ينظر لندي ايه الي هناك ده وهو يشير لفستان الزفاف داخل العلبه .
هناء .فستان العروسه ياولدي الف مبروك .كامل وهوا ينظر لعين ندي الله يبارك فيكي ياخالتي بس ياريت ميبقاش زي فستان الصبح .
ندي بغيظ .والله احناهنعمل الفرح في الصعيد وهناك محدش بيشوف العروسه غير الستات والعريس بس فاأختار الي احبه .
كامل اديكي قولتيها العريس وانا محبش اشوف مراتي لابسه عريان حتي لو قدام ستات
التعليقات