ميار….اتوفعت محمود يجي بليل يحجي وياي يفهم اني ليش عفت البيت
او على الاقل يخاف عليه وعلى ابنه لان بقينا بلبيت وحدنا
بس مااجه ولا شفته
تعشيت وبدلت اتصلت باادم حجبتله كلشي صار وياي
لان طلعتي هاي من بيت عمي كانت بااتفاق بيني وبينه
ادم….اي عفيه ابقي على رايئج لا تخلين اي احد ياثر عليج صممي على الطلاك
ميار….بعد ماارجع المحمود لو يذبحوني
ادم….اي شي تحتاجي اني موجود
ميار…اعرف حبيبي انت مراح تقصر
ادم…اقفلي البيبان زين ولا تفتحين الباب الاي احد
حتلو محمود يجي بليل لا تفتحين الباب
ايجوز يقتلج ويكول اني مارحت عليه ديري بالج تفتحين الباب
ميار…اني اصلا تعبانه البوم نضفت البيت ورحت جبت مسواك راح اقفل غرفتي عليه وانام
كملت المكالمه وقفلت الغرفه خليت ابني بحضني ونمت
الصبح كعدت متاخره
خالتي اتصلت عليه تطمن على حسون
خالتي….شلونه حسون
ميار…زين الحمد لله
خالتي…اجيبلج مسواك
ميار…لا امس اتسوكت خير من الله عندي
خالتي…ما الله هداج ترجعين
ميار…خاله هذا القرار ماارجع منه ابد اني مصممه على الطلاك
خالتي…الله بهديج
قبل المغرب بشويه اندكت الباب
مبار…منو
محمود…اني محمود
فتحت الباب دخل بدون سلام لابس بنطرون وقميص وخال جفيه على راسه ولحيته شطولها وعيونه حمر
دخل كعد بلاستقبال
محمود….ووين حسوني
ميار…نايم
محمود….اريد اشوفه
دخلت جبته شايلته وهو نايم
انطيته اله دنك علي باسه ورجعه اليه
محمود….ليش طلعتي من البيت
ميار…اريد اطلك
محمود…..اني مو كلت ممنوع اطلعين من البيت بدون علمي
ميار….انت هسه جاي تحاسبني
محمود…احاسبج واكسر راسج انتي على ذمتي واي تصرف غلط ياثر عليه جمانه السعيدي
ميار….اني اريد اخلصك من هاي المسؤليه طلكني انت ترتاح واني ارتاح
محمود….الضاهر حنيتي الحياة الدياحه والشوارع والولد
انت مو مال بيت ورجال
مال تمشين على راسج
ميار….كلامك مايهمني انت من يوم ازوجنا لليوم تتعامل وياي بهذا الأسلوب الخايس
محمود…انجبي لا اجي افرك حلكج
ميار….هاي حقيقه اني من مات ابوي انكسرت عفت كلشي
وراي وقررت ابدي من جديد
كعدت ابيتكم قبل زواجنا سنه ونص لا اطلع ولا ادخل
ولا احجي ولا الي علاقه بكل شي
حتى التليفون فرمته وتركت كلشي وراي
من طلبت مني التليفون اخذته لو عندي شي مجان سلمتك التليفون
قررت ابدي حياة جديده وياك
بس انت رغم تعرف كلشي عن حياتي ببتكم ماقبلت تغفرلي ولا تسامحني
ماجربت تحبني وتقربني منك اني وحيده بهاي الدنيا
عاملتني بقسوه وحقد
يااخي غلطت سبحانه الي ما يغلط كل الناس تغلط
وقبلت بهذا الزواج
رغم اني مااحبك ولا اطيقك
بس انت شلو كنت تعاملني اسوء معامله
لهنا وكافي اني بعد مااكدر اكمل اكثر
لو باقي على رفضك الهذا الزواج هواي احسن من مصيبة زواجنا
محمود…اصلا اني الي ماكدرت احبج ولا اتقبلج ابوي الله يرحمه فرضج عليه فرض
ميار…طلكني وكل واحد يعيش مثل مايريد
محمود…وحسن جمانه السعيدي
ميار…شبي حسن مراح ينقص علي شي
محمود….اني اريدج ترجعين الخاطر ابنج ونحاول اني وياج نمشي الامور
ميار…نحاول نمشي الامور ترا ايامنا بلحياة معدوده
اليوم الي يروح بعد مايرجع
اني ما مستعده اضيع عمري واني احاول احب انسان
ماعنده ذرة انسانيه ولا رحمه بكلبه
انسان حاقد مايقبل يغفر وينسي
باجر مااعرف الضروف شراح تجبرني اسوي ايجوز اغلط
بلحظة غفله مني يمكن تعلكلي حبل المشنقه
محمود…يعني شنو ماترجعين
ميار…لا ماارجع اريد اعيش حياتي
محمود…خاف شايفتلج واحد صدكي ابني مااخلي وياج لو تموتين وحده مثلج بلا اخلاق مستحيل اعوفها تربي ابني
فكري زين لو ترجعين الخاطر ابنج
لو تنطيني ابني وتتنازلين عن كلشي المقدم والمؤخر
وكل حقوقج
ساعته اطلكج ولله وياج
طلع محمود وطبك الباب بكل قوته
باوعت على ابني يريدني اعوفه شلون اعوف ابني
دزيت رساله الادم
….هلو حبيبي
ادم…هله بريح الشمال هله بحبيت عمري
ميار…محمود اجا هنا
ادم….اي بس كون يطلك
ميار….يريد ياخذ ابني واتنازل عن كل حقوقي ويطلك
ادم…اي انطي ابنه وتنازلي عن كلشي
تعاي اله اعيشج بلجنه
ميار….يااا شلون اتنازل عن ابني
ادم….حبيبتي شايفه هذا الوجه الحلو وجهي عاجبج
اله اخليج تخلفين عشر كلهم ولد ويشبهوني
بابا عوفي كلشي و اشردي منه
انسان مريض مستحيل يتعدل لا ضيعين عمرج وياااا
تعاي واني اخليج تنسين اسمج مو بس ابنج
ميار….مااكدر
ادم….تحجين صدك بابا بعدج زغيره وراح يصير عندج بدال الطفل عشره
انت صدك تحجين علمود طفل اضيعين حياتج
ميار….ولله احتاريت
ادم…لا تحتارين ترديني لو لا
ميار.. اكيد اريدك
ادم…خلاص انطي ابنج وتنازلي وتعاي هنا الاربيل اله اعيش حياة ما تحلمين بيها
ميار….خاف اتندم
ادم….مو تكولين كلهم بيت جده يحبونه
ميار…اي يموتون علي الحفيد الأول بلعائله
ادم…خلاص هذا مدلل محد راح يقرب علي
ارجوج لا اضيعين بعد يوم واحد وانتي بعيده عني
العمر يركض واني محتاجج تكونين بحياتي لا تحرميني من هاي الفرصه
ميار….سكتت
ادم….لا تسكتين قرري بسرعه اني عمري جبير واريد ارتبط
واكون اسره كافي عشت هذا الوقت كله بعيد عنج
اذا ماترديني لا اضحكين عليه
كولي مااريدك حتى اشوف نفسي
ميار…شلون مااريدك طبعا اريدك
ادم…خلاص مجرد ما تستلمين ورقة ااطلاك كبل تعاي الاربيل اني منتضرج عيوني انتي
قفلت التليفون وتمددت وكمت افكر جمانه السعيدي
اني مااكدر اعيش بعد وياا محمود ليش اضيع عمري وياا واحد متعجرف مثله
مادام ما حبني من البدايه مستحيل راح يحبني
واذا انفصلت شلون راح اعيش اني وابني اني لا عندي شهاده ولا وضيفه اكدر اعيش منها
ادم كلامه واقعي احبل واجيب قابل مراح اخلف
واذا على حسوني خالتي تحبه تموت علي
اكيد بيت عمي مراح يقصرون ويااا
واني هم اطمن علي من وكت للثاني اتصل بخالتي تطمني علي
حضنت ابني ونمت هذا كان أقسى قرار اخذته بحياتي
ثاني يوم اتصلت على خالتي
خالتي….صباح الخير هله يمه ميار شلونج
ميار…زينه الحمد لله
خالتي….ولله اشتاقيت الحسوني جيبي وتعاي
الخاطري اني اعرف محمود عصبي بس كلبه حنيين
لا اضيعبن حياتج تعاي واني راح احجي علي حتى يغير اسلوبه وياج
ميار…اني ماارجع المحمود اريد اطلك
البارحه محمود كال اذا تردين تطلكين اتنازلي عن حسون
وعن كل حقوقج جمانه السعيدي
خالتي….يااا هذا شلون حجي لا يمه لا اتصدكين بكلامه
اني وياا نجي اليوم وترجعين ويانه
البيت صار ٣ ايام فارغ مابي حس
ميار…اسمعيني خاله اني اريدج تجين تاخذين حسون
واريد محمود يطلكني بس امانه ديري بالج علي
اني اعرف انتي شكد تحبينه ديري بالج علي
خالتي….انتي صدك تحجين تعوفين ابنج ولج البزونه ما تعوف جهالها لا تعوفين ابنج لو شما راح نقدمله
راح يبقى مكانج فارغ
ميار.. خاله اني تعبانه فدوه افهميني
من يجي محمود كوليله ميار موافقه تتنازل عن كلشي بس تحصل ورقة طلاكها
خالتي….اذكري كلامي زين راح تتندمين على هذا القرار
وابنج مراح يسامحج ابد
ارجعي وحاولي تغيرين الوضع ارجعي حتى ابنج يربى بينكم انتي وابو
ميار…..ماارجع انتضر محمود يجيب ورقة طلاكي ويأخذ ابنه الله وياج
بليل اندكن الباب
منار…منو
محمود…اني محمود
فتحت الباب دخل وحتى السلام عليكم ماكو وجها ما يكصه الموس
محمود….صحيح الكلام الي سمعته من امي
ميار…اي بس استلم ورقة طلاكي بلاول
محمود….هسه اجيب الشيخ هنا بيتج واجيب ورقة تنازل
توقعين عليها تتنازلين عن ابنج وعن حقوقج كلها
وباجر ترحين ترفعين قضيه بلمحكمه
واني احضر واطلك اتفقنا
طلع محمود لبست ثوب الصلا وحضرت ملابس ابني
خليته بحضني وكمت اشم بي وهو عباله اللعب وياا يضحك
ميار….اسفه إذا راح اتخلى عنك الضروف جبرتني
اعوفك ضروفي صعبه جبرتني ازوج ابوك اول مره
وهلمره تجبرني اعوفك
سامحني اريد اعيش حالي حال الناس
اذا بقيت وياا ابوك انتحر مثل ماامي انتحرت اكيد راح تجمعنا الضروف بيوم من الايام وراح اشرحلك وضعي
اندكت الباب دخل محمود جايب وياا خالتي والشيخ
وثنيين ولد
دخلو الزلم بلصاله وخالتي اجت يمي
خالتي….يمه ميار سمي بلرحمان شلون تعوفين ابنج
ميار….خاله فدوه اني كوه لازمه نفسي
صعب عليه اعوف ابني بس محمود ما بقالي خيار
مضطره
خالتي….شنو الي جابرك لا تتخلين عن حياتج ابنج شنو ذنبه
ميار…ذنبه ابو محمود محمود دمر حياتي
اريد الحك على البقه منها
خالتي…..الله يهديج
صاح عليه محمود دخلت والشيخ سئلني موافقه على الطلاك
ميار…اي
الشيخ …ووتنازلين عن كل حقوقج من ضمنها ابنج
ميار…اي
الشيخ…اكو ضغوطات عليج
ميار…لا
الشيخ تعاي وقعي هنا على ورقة طلاكج وعلى هذا التنازل
ميار…وقعت والولد الشهود وقعو على نفس الورقه
طلعو الولد والشيخ ومحمود دخل صاح يله يمه جيبي حسن وتعاي
ميار….حضنته حيل وكمت ابجي
اجا محمود اخذه من حضني
محمود…ليش تبجين روحي عيشي حياتج انت الي ردتي هذا الشي بلعافبه عليج
للحكايه بقيه تفاعل حلو مثلكم
التعليقات