الحلقة التاسعة
جنة الرسلان
الحلقة التاسعة
في جناح رسلان
صحي رسلان و نظر علي الكنبة لم يجد زينة فغضب بشدة لانه اعتقد بأنها غادرت الجناح
استمع لصوت همهمات فنظر علي الارض وجدها تنام علي الارض و تضم نفسها بشدة و تقول بعض الكلمات الغير مفهومة
اسرع رسلان لها و وضع ايده علي رأسها وجدها سخنة بشدة
رسلان : غبي غبي اذاي تخليها تنام بالشكل ده و مفيش غطا تقيل
عقلة : انت عملت الصح رسلان ديه تستاهل كل حاجة
قلبة : بس ديه زينة اذاي تسمح ان يوصل بيها الحال لكده
عقلة بحده : هي اللي عملت في نفسها كده لو كانت جت ليا وقالت إنها بتحب واحد و عوزة تتجوزة كنت وقفت معاها قدام الكل بس هي راحت عملت مصيبة و يستحيل اسامحها عليها
قلبة بحزن : بس
عقلة بغضب : انت تخرس خالص و نتهي الكلام
وقف رسلان و توجه الي الحمام و اخذ دش منعش و خرج يلف جسده باحدي الفوط و نظر عليها وجدها مازالت تنام علي الارض فتوجه الي غرفة الملابس و اخذ بدله و ارتداها و سرح شعره و تعطر و خرج
وقف رسلان ينظر عليها و لكن اسرع بمغادرة الجناح و تركها تنام
في الاسفل
نزل رسلان و وجد امه و خالتة و شقيقتة يجلسون
رسلان بابتسامة : صباح الخير
هنا بحنان : صباح النور رسلان
روتانا بابتسامة : صباح العسل ريسو
رسلان بحنان : مالك لولي
لميس : مفيش حبيبي انا كويسة بس دماغي بتوجعني
رسلان بحنان : انسي لولي انسي انا موجود و مش هسكت لغاية معرف هو مين و هجيبة و هربية
لميس بخوف : ماما سعاد اتصلت بيا الصبح و قالتلي انها هتيجي هنا عوزة تطمن على زينة و انا خايفة
رسلان بجدية : مفيش حاجة تخافي منها انا هعرف اذاي اظبطها و مش هتنطق بكلمة واحدة اطمني
لميس بخوف : يا رب يا رسلان
هنا : هي فين زينة
رسلان ببرود : لسه نايمة
هنا بزعل : ليه كده رسلان هي مكلتش من امبارح كنت صحيها علشان تفطر معانا
روتانا : انا هقوم اصحيها و خليها تنزل معايا
رسلان بجمود : لا روتو خليها نايمة
هنا : هو في ايه رسلان مش عاوز البت تاكل معانا ليه انت عملت فيها ايه
رسلان ببرود : هعمل ايه يعني يالا علي الفطار علشان انا جعان و عندي شغل كتير
روتانا : خلاص مامي خلينا نفطر دلوقتي و بعد كده نشوفها
توجه الجميع إلى السفرة لتناول الطعام و لكن قطع ذلك صوت هاتف رسلان و كان رحيم الرفاعي
رسلان : جدي رحيم بيتصل
لميس بخوف : ربنا يستر رد عليه
رسلان : اهدي بقي لولي
و بجدية : السلامة عليكم و رحمة رحمة الله و بركاته
رحيم بابتسامة : و عليكم السلام و رحمة الله و بركاته اذيك يا رسلان
رسلان : الحمد لله يا جدو حضرتك اخبارك ايه و اخبار تيتة ايه
رحيم : الحمد لله يا رسلان انا كنت عملت حاجه و قولت اعرفك و تقولي رايك
رسلان : خير يا جدو حضرتك كلام سيف علي رقبتنا احنا ننفذ و بس منقدش نعترض اي اي امر حضرتك تقول عليه
رحيم بحنان : ربنا يخليك يا ولدي انا امبارح كلمت رئيس الجامعة هنا و طلبت منه ينقل ورق زينة الجامعة عندكم بس هو سألني علي اسم الجامعة و انا معرفش قولت أسألك علشان ينقل الورق علي طول و حبيبتي زينة ميضعش عليها الترم و السنة
رسلان : تمام يا جدو اسم الجامعة لحظة واحدة و هقولك عليه
رحيم : ماشي يا ولدي
فتح رسلان جوجل و سأل علي اقرب جامعة خاصة بالإعلام و بالفعل وجد جامعة ٦ أكتوبر
رسلان : جامعة ٦ أكتوبر يا جدو
رحيم : تمام يا ولدي هكلمة و بعدها هقولك
رسلان : تمام يا جدو في اي وقت انا موجود
رحيم : رسلان خلي بالك من زينة انا عارف انك بتخاف عليها من صغرها بس دلوقتي بقت مراتك خلي بالك منها و حبها فوق حبك ليها
رسلان : حاضر يا جدو حضرتك عارف اني بجد بهتم زينة
رحيم بحنان : ربنا يهدي حالكم يا ولدي
رسلان : ربنا يخليك لينا يا جدو
رحيم : يالا يا ولدي انا هقفل و هشوف الدنيا هنا و بإذن الله من بكرا خلي زينة تروح الجامعة و تدرس حلو
رسلان : حاضر يا جدو
رحيم : يالا يا ولدي سلامة عليكم
رسلان : و عليكم السلام
اغلق رسلان مع رحيم و رمي الفون علي السفرة
هنا : في ايه يا رسلان
رسلان : مفيش ورق زينة بتاع الجامعة هيتنقل جامعة ٦ أكتوبر
روتانا : كويس
لميس : انت هتخليها تروح الجامعة تاني رسلان
رسلان : اه لولي هخليها تروح و تكمل بس تحت حراسة مشددة مش هخليها تلف وراها هخليها ذي الالف انا مش هضيع مستقبلها و حياتها هي هتبقي من الجامعة للبيت و بس
لميس : ماشي رسلان
رسلان : طيب يالا انا هقوم عوزين حاجة
هنا : لا حبيبي توصل بالسلامة
روتانا : رسلان انا مش هروح الشركة النهاردة
رسلان : تمام روتو براحتك
هنا : انا هروح النادي و هاخد لميس معايا
لميس : لا مش عوزة اخرج
رسلان بحنان : لا هتروحي لولي اوعي تحني راسك أفضلي عارفة اني موجود و مش هقبل للميس المغربي تنكسر
لميس بابتسامة : ربنا يخليك ليا يا حبيبي
رسلان بابتسامة : حبيبتي يا لولي يالا يا حلوين انا ماشي
غادر رسلان و صعدت روتانا الي جناح رسلان حتي تصحي زينة و توجهت هنا و لميس الي الخارج للتوجه الي النادي
في جناح رسلان
دخلت روتانا الي جناح رسلان و نصدمت عندما وجدت زينة تنام علي الارض فاسرعت لها و جلس بجوارها
روتانا : زينة زينة حبيبتي اصحي
زينة بنوم و تعب : امممممممم
روتانا بحنان : زينة حبيبتي اصحي
فتحت زينة عيونها الحزينة المكسورة و نظرت الي روتانا
روتانا بحنان : انتى ليه نايمة علي الارض
زينة بحزن : امال هنام فين
روتانا بحنان : نامي علي السرير
زينة بحزن : مش عوزة انام عليه عوزة افضل بعيدة عن رسلان مش عوزة مشاكل
روتانا بحنان : حبيبتي وحدي الله و طمني حقك هيظهر
زينة بحزن : عادي هو مين تحت
روتانا : مفيش حد نونا و لولي راحو النادي و ريسو في الشركة و انا و انتى اللي هنا
زينة : طيب انا جعانة اوي ممكن تخليهم يعملولي اكل
روتانا بحنان : حاضر حبيبتي قومي خدي دش و انا هكلمهم يعملولك الاكل
زينة : ماشي
توجهت زينة الي الحمام و اخذ دش منعش و خرج تلف جسدها بإحدى الفوط و توجهت إلي غرفة الملابس و اخذ ملابس منزلية عبارة عن ترنج شتوي تقيل و ارتدت الاسدال و وقفت تصلي فروضها بخشوع تام
اما روتانا فامرت الخدم بتجهيز الطعام و احضارة الي جناح رسلان
بعد فترة صعدت احدي الخدم و هي تحمل صنية مليئة بالطعام و وضعتها و غادرت
انهت زينة صلاتها و توجهت إلى روتانا و تناولت طعامها بجوع شديد
كانت روتانا تمسح علي شعرها بحنان و حب
انتهت زينة من تناول الطعام و نظرت لروتانا بكسوف
روتانا بحنان : بالف هنا و شفا يا قلبي
زينة بكسوف : انا كنت جعانة اوي
روتانا بحنان : لسه جعانة زوزو
زينة بابتسامة : لا الحمد لله على كده
روتانا : اسمعي بقي اخر الاخبار
اولا : طنط سعاد هتيجي مصر
ثانيا : عمو رحيم نقل ورق الجامعة لجامعة ٦ أكتوبر
ثالثا و ده الأهم : عوزاكي تفوقي لنفسك و لمستقبلك و برنامجك اللي وقفتي حلقة الاسبوع ده
زينة بابتسامة : انا فرحانة اوي ان تيتة هتيجي و كمان فرحانة ان جدو نقل الورق للجامعة بس خلاص البرنامج انسية
روتانا بجدية : اسمعيني كويس البرنامج مش هيقف و هيستمر و انتى هتقفي علي رجلك خلاص اللي حصل حصل و انتى دلوقتي لازم تفكري في حياتك انا و انتى عارفين ان رسلان لم الموضوع و خلاص انتهي
زينة : بس يا روتو
روتانا بجدية : انتهي الموضوع يا زينة انتى هتكملي البرنامج و هتنجحي و هتثبتي للكل انك قوية مفهوم
زينة بحزن : طيب سبيني فترة
روتانا بجدية : مفيش حاجة اسمها فترة اسمها هبدأ اجهز حلقة الاسبوع الجاي
زينة بحزن : مخي مش هيساعدني خالص
روتانا بجدية : لا لازم تفكري شوفي أراء المتابعين و فكري
زينة : بس البث هنعمل فيه ايه
روتانا : و لا تشغلي بالك يا قلبي البث هيخرج عادي من جناحي انا هجهزلك كل حاجة كمان انتى عملتي فيزا علشان ينزلك عليها أرباح اليوتيوب و الصفحات التانية
زينة : انا عندي فيزا
روتانا : لا احنا هنبعد عن الفيزا ديه الكل عارف عنها و حنا مش عوزين مشاكل
زينة : طيب هعملها اذاي و اكيد رسلان مش هيسمح ليا بالخروج
روتانا بابتسامة خبيثة : عيب عليكي يا موزة الفيزا زمانها بتخلص بس كلها ساعة أو ساعتين و نتصل على اليوتيوب و نديهم رقم الحساب
زينة بابتسامة : ربنا يخليكي ليا يا روتو
روتانا بابتسامة شقية : عيب يا بت انا مرات عمك
زينة بحزن : ماجد عمري مكنت متوقعة انه يضربني طول ١٩ سنة عمره مرفع ايده عليا كنت بعتبره اخويا الكبير قبل ميكون عمو بس خلاص الحمد لله على كل حاجة
روتانا بصراخ : زوزو الفيزا اتعملت و تفعلت
زينة بابتسامة : بجد طيب هنستلمها امتي
روتانا بابتسامة : بلاش تقلقي واحدة صحبتي هتجيها و هتيجي بعد شوية و دلوقتي هنتصل علي شباب اليوتيوب علشان نعرف اذاي الفلوس هتنزل
زينة بفرحة : ماشي
روتانا : بسرعة هاتي الفون اللي كلموكي عليه
زينة بحزن : الفون كنت مخبياه في وسط الأجهزة
روتانا بحنان : بلاش تقلقي الشباب جابو جهاز معاهم و انا بعتهم جابو الباقي و خلتهم يقلبو الجناح بتاعك عن أي حاجه تاني
زينة بفرحة : ربنا يخليكي ليا يا روتو انتى احسن اخت في الدنيا
روتانا بحنان : يالا تعالي نطلع الأجهزة و نظبطها و نطلع الفون و نبعت ليهم رقم الحساب
زينة بابتسامة : يالا
توجه البنات الي جناح روتانا
بعد فترة وصلت صديقة روتانا و اعطتهم الفيزا و فضلت معاهم شوية تخبرهم بكيفية طريقة سحب الأموال و كيف تروج زينة للحلقات الخاصة بها و غادرت
روتانا بجدية : دلوقتي بقي نشوف أراء المتابعين في الحلقة الاخيرة كمان نشوف اقراحاتهم في الحلقة الجديدة و عوزاكي تجهزي قايمة بالأغاني الجامدة
زينة بتفكير : لا رد
روتانا : بت انا بكلمك
زينة : معلش بس انا بفكر في حاجه
روتانا : بتفكري في ايه يا قلبي
زينة : عوزة اخلي البرنامج في بلاد تانية
روتانا : اذاي
زينة : يعني كنت بفكر اعمل نفس البرنامج في روسيا و أوروبا
روتانا : فكرة حلوة بس اذاي
زينة : عادي انا هعمل حلقة و اذعها هناك و هظبط الدنيا
روتانا : تمام انا معاكي و هساعدك
زينة : ربنا يخليكي ليا يا روتو
روتانا بحنان : حبيبتي يا زوزو
و بجدية : دلوقتي بقي شوفي شغلك
زينة : روتو ممكن تخلي طنط سارة تجيب سجادة تقيلة و تفرشها في اوضة الهدوم علشان انا هنام فيها و بعد عن رسلان خالص
روتانا : و ليه مش تنامي علي السرير
زينة بجدية : روتانا من فضلك مش عوزة مشاكل مع رسلان الحكاية خلصت هو في حاله و انا في حالي
روتانا : بس
زينة بجدية : من غير بس انا هجهز الحلقة
جلست زينة تجهز قائمة الاغاني و تجهز كل شي للحلقة
في المساء
عاد رسلان الي القصر و صعد الي جناحة
وجد رسلان زينة تجلس علي الكرسي امام البلكونة و تنظر للخارج بشرود فلم يهتم و توجه الي الحمام و اخذ دش منعش و خرج يلف جسده باحدي الفوط و توجه الي غرفة الملابس حتي يلبس و لكن صدم عندما وجد سجادة سميكة مفروشة علي الارض و يوجد مرتبة عليها و مخدة و بطانية تقيلة موجود علي المرتبة
رسلان بذهول : هي هتعمل ايه مصيبة لتنام هنا اكيد هتنام هنا يعني فرشة كل ده و في الاخر هتنام علي الارض برا
ارتدي رسلان ملابسه و خرج يصلي فروضه بخشوع تام و بعد ذلك توجه إليها و جلس علي الكرسي و وضع قدم علي اخري
رسلان بجمود : من بكرا الصبح تجهزي نفسك علشان هتروحي الجامعة
زينة : حاضر
رسلان بجمود : و عزة و جلالة الله يا زينة لو عرفت انك اتكلمتي مع حد او صاحبتي حد لوريكي
زينة : حاضر
رسلان بجمود : هيروح معاكي حرس و هيفضلو معاكي و مش عاوز اي مشاكل هناك
زينة : حاضر
رسلان بجمود : ممنوع اي حد يعرف انك متجوزة مفهوم
زينة : حاضر
رسلان بجمود : الحجة سعاد هتيجي علي اخر الاسبوع ده
زينة : تمام
رسلان بجمود : الحرس جابو ليكي كل حاجة و اكيد الجامعة هنا ذي الجامعة هناك
زينة : حاضر
رسلان بجمود : لو اي شكوة وصلت ليا منك صدقيني مش هرحمك
نظرت زينة لعيون رسلان و كأنها تبحث عن رسلان الطيب الذي كان يدللها باي شي و لكن لم تجد فيهم غير الجمود فتكونت الدموع في عيونها و اخفضت نظرها الي الارض
زينة بخنقة الدموع : حضرتك عاوز حاجه تاني مني
رسلان بجمود : لا
زينة بخنقة الدموع : بعد اذنك هروح انام
توجهت زينة الي غرفة الملابس حتي تنام بها لحظة و نزلت دموعها بغزارة و اخذت تشهق بشدة من شدة الدموع
كان رسلان يقف في الخارج يسمع صوت دموعها و شهقاتها و جاء ليدخل ليها و لكن وقف و قرر النزول للاسفل
في الصباح
في جناح رسلان
صحيت زينة علي صوت المنبة و توجهت إلي الحمام و اخذت دش منعش و خرجت تصلي فروضها بخشوع تام و بعد ذلك اخذت البرشامة الخاصة بالانيميا وقفت امام ملابسها و اختارت بنطلون باللون الازرق الفاتح مع بدي باللون الأبيض و بوط باللون الاسود و بلطو باللون الوف وايت و شنطة باللون الاسود و رفعت شعرها إلى الأعلي و عملت مكياج هادي يداري اثار الضرب و حملت كشكول و نزلت الي الاسفل
صحيت زينة علي صوت المنبة و توجهت إلي الحمام و اخذت دش منعش و خرجت تصلي فروضها بخشوع تام و بعد ذلك اخذت البرشامة الخاصة بالانيميا وقفت امام ملابسها و اختارت بنطلون باللون الازرق الفاتح مع بدي باللون الأبيض و بوط باللون الاسود و بلطو باللون الوف واي…
في الاسفل
كان الجميع يجلسون يتناولون الطعام و لحظة واحدة و كانت زينة تقف أمامهم
زينة : صباح الخير
هنا بابتسامة : صباح العسل زوزو يالا حبيبتي اقعدي علشان تفطري
لميس بحده : انا هقوم
رسلان بجمود : اقعدي لولي و انتي الحرس مستنيكي برا يالا علي الجامعة
زينة بكسرة : حاضر
هنا : خليها تفطر الاول
زينة بكسرة : شكرا يا خالتو انا مش جعانة بعد اذنكم
نظرت زينة لأمها بكسرة و غادرت القصر
التعليقات