رواية اناينة حب الفصل الثالث 3 – بقلم ريتال احمد

الايام بتنسي عادي و مستقبلي اهم من اي حاجه حتى لو ادهم الي معمريش حبيت قدو !
سما قفلت الموبايل وقامت طلعت بره كان والدها طالب الاكل و وصل قعدت معاه و بداو ياكلو.
سما بهدوء : هننزل الساعه كام بكره ؟
عادل : لا انت بكره ترتاحي اعملي شوبينج لو في حاجه نقصاكي و بعد بكره هنبدا الشغل الي بجد و نبدا نشتغل على البراند الجديد باسمك يا سما..
سما بتفكير و حماس و بتحاول تتبسط وان هيا دي الحاجه الي نفسها فيها : يعني هنبدا بعد بكره علطول ؟ طب ما اجي معاك بكره اشوف الفرع و الموظفين انا مجتش هنا قبل كده و اروح اشوف المصانع الي تبعنا هنا برضو و نكسب وقت.
عادي و هوا مبسوط بحماسها: نكسب وقت ليه بس احنا معانا وقت كويس اوي متشيليش هم حاجه بس لو ده هيريحك ف اوي اوي معاكي في اي حاجه يا ست سما
سما اكتفت بابتسامه و بعد وقت كانو خلصو اكل و دخلو ينامو دخلت سما تنام و هيا بتحارب مع نفسها انها متفكرش في اي حاجه نامت سما و صحت على الساعه ١٠الصبح من التعب و الطريق صحت و اخدت شاور عملت كوفي و قعدت في البلكونة شويه رنت على والدها..
عادل : الو حبيبتي صحبتي ؟
سما : مصحتنيش ليه يا بابا
عادل : لقيتك مش قادره و عاوزه تنامي ف قولت بلاش اقلق و اخليكي ترتاحي شويه علشان على العصر هنروح نشوف فيلا بقى
سما : تمام انا هنزل اروح المول الي شفناه امبارح قريب من هنا اتفرج شويه فيه كده على اي حاجه على ما تيجي..
عادل : تمام خدي بالك من نفسك و معاكي الفيزا و كل حاجه تمام
سما : اه يا حبيبي متقلقش خد بالك من نفسك انت بس .
عادل : حاضر يبنتي ربنا معاكي يا حبيبه قلبي يارب اشوفك دايما مبسوطه و سعيده.
قفلت سما مع عادل و قامت لبست ونزلت المول الي جمب الاوتيل فضلت تلف فيه شويه ..

نرجع في مصر ادهم كان قاعد على مكتبو كالعاده مبعملش حاجه غير يشتغل طول اليوم و يروح ينام و يطمن على اخوه وبس كده هيا دي حياتو

ادهم كان قاعد على مكتبو و فجاءه دخل عليه صاحبو من دون ما يخبط حتى ..