رواية الحمال وبنت التاجر الفصل السادس 6 بقلم جمانه السعيدي

نورس…اني ماكنت اعرف ان مهيب طلب ايدي من بابا و

ابد ما سامعه بهاي السالفه

الحد ماطلع ابوي من المستشفى كنت حابسه نفسي بغرفتي مااكدر اطلع ولا اخلي يشوفني

الشي الي سويته صعب ومحد يكدر يتحمله

كنت راح افقد ابوي بسبب غبائي

سمعته يحجي وباا امي بلصدفه

ابو نورس….اني ماافتهم مهيب طلب ايدها مني ورفضت

ولله ولد ما يتعادل بكل الدنيا

جان شاريها وميت علبها بس اني جنت اشوفها بمكان ثاني

اتوقعت تتخرج وترفع راسي واي واحد يطلبها اكعد اشرط علي

تالي نزلت راسي للكاع

هسه وين اكو واحد يستر عليها بس يعرفون بيت عمها لو بيت خالها تصير فضيحتنا كدام الناس شكبرها

كلها تتشمت بينا

ام نورس…اي ولله مهيب ماكو منه ذيج اليله بلمستشفى

حار بيك واني هم كل شويه يسئلني محتاجه شي

شفايتلنا لو منطيه اله ولا هاي المصيبه

ابو نورس…اني رفضته اني السبب جان عاقد عليها وساترين البنيه

ام نورس….ليش ما تحجي وياا ابو رجال خير بلكت يكدر يقنعه يعقد عليها حتلو بس عقد كدام الناس

هاي ضيعت نفسها وضيعتنا وياها جمانه السعيدي

ابو نورس….ولله زحمه من ابو مهيب ومنو يكول مهيب راح يقبل صار سنتين من عرض عليه يزوج نورس

من سمع اني ما قبلت الحد هاي اللحظه مايقبل يحجي وياي ولا يباوع بوجهي

اصلا اني تفاجئت من شفته بلمستشفى

من شفته واكف ومهتم بيه عبالي احلم

ام نورس…مهيب ولد بار باابو اجا بقا بمكان ابو علمود ابو يروح يرتاح

احسن عائله تعرفنا عليهم بيت ابو مهيب

اخلاق وادب وشرف وسمعه طيبه

افتح الموضوع وياا ابو مهيب بلكت يكدر يقنعه يساعدنا

كلشي ما يخسر كلشي مانريد منه

بس العقد يكون كدام الناس حتى هاي الفضيحه تنتهي

ابو نورس…لو ما كلبي هذا المصخم جان ذبحتها وخلصت منها حيوانه بلاعقل تريد اضيع هذا البيت

وضيع سمعة خواتها تستاهل الموت

نورس…رجعت الغرفتي وكمت ابجي فعلا حجي ابوي معقول اني غبيه ضيعت كلشي

بمكان ماابوي جان كاعد ويتشرط على الناس الي تخطبني

هسه يتوسل حتى يكدر يطم عاري

نرجع لليوم الي حاول ابو مهيب يقنعه يزوج نورس

ابو مهيب…اني اريدك تكون رجال حقيقي هاي المره

وتوكف وياا عمك حتى يعدي هاي الازمه

اعرف انت شايل بكلبك منه بس انت تخطيت هاي الشغله

وتكدر تتخطى الاكبر منها

عمك تنخى بيك لان يعرف انت كدها تكدر تساعده

ولا هو يكدر يجيب اي واحد من العمال وبنطي مبلغ ويخلي يعقد عليها بس يخاف باجر يروح بحجي عنه كدام الناس

انت أهل الهاي الثقه مستحيل راح تحجي بهاي السالفه

مهيب…اني بعد مااريدها ومثل ماهو زغرني وما قبل اخذ بنته خل يحير بهاي السالفه ويحلها وحده

ابو مهيب….لا بابا اني اريدك تزوجها اذا اني الي عندك خاطر اعتبره عمل انساني

اذا انت وافقت راح تنقذ عائله كامله

المشكله ما تخص نورس وبس لا تخص عائلتهم كلها

خواتها وامها شنو ذنبهم

وافق الخاطري اعتبره زواج كدام الناس وبس

نستضيفها بيتنا منا لمن اجيب وبعدين ترجع بيت اهلها

مهيب…بس بشرط هذا الطفل مااسجله بااسمي

ابوي…خل يصير ولله كريم اني اخلي ابو نورس يسجله بااسمه مراح اخليهم يسجلونها بااسمك

مهيب….زواج بس على الورق مالي شغل بيها ولا أقرب عليها

اني مااريد هبج وحده تصير زوجتي

ابو مهيب….ياسبحان الله جنت ميت عليها

مهيب.. اي من جانت بنيه هسه هي مو بنيه

ابو مهيب…موافقين عمي مانكدر نحجي

اروح اتفق وياا عمك على التفاصيل

مهيب…اني مااحضر اله يوم المهر لا يتخيل اني اروح اطلب ايدها منه جمانه السعيدي

ابو مهيب…اني اروح اتفق وياا انت الك الصافي

بليل راح ابو مهيب حتى يبشر ابو نورس خلاص لكه حل

الهاي المشكله

ابو مهيب…خلاص مهيب موافق

ابو نورس….الله يبشرك بلجنه الف رحمه على اهلك

مهيب رحال والنعم منه شكد اني ندمان لان رفصته

هسه هو ثبتلي احسن مني صدك الزلم ما تنعرف اله بلمواقف الصعبه

ابو مهيب…بس عنده شرط

ابو نورس…يدلل ياامرني امر

ابو مهيب…ما يقبل الطفل يسجل بااسمه اذا انولد

ابو نورس…شلون ما يسجل بااسمه

ابو مهيب….اني اتفقت وياا هذا الزواج يكون زواج وهمي كدام الناس حتى البنيه لا تنفضح

هو مراح يقرب عليها منا لمن اجيب وتكوم بلسلامه

وبعدين ترجع الببتكم معززه مكرمه

ابو نورس…ميخالف اني اسجل الطفل بااسمي

ابو مهيب خلاص اتفقنا

ابو نورس…نخليها هي خطبه هي عقد هي زواج

اني مااريد هوسه كل يوم راح اعزم كل الاهل والاقارب

بعد العقد والحفله ياخذها كبل البيتكم

من توصل البيتكم ممنوع تطلع من الباب منا لمن يخلصن اشهر الحمل بسلام

ابو مهيب..اتفقنا

ابو نورس….ولله بعمري مراح انسالكم هذا الفضل

ابو مهيب…كافي خمسه مهر لان ماعندي غيرهن

ابو نورس.. تحجي صدك اني انطيك فلوس لان خلصتوني

من هاي المشكله الدنيا صارت سوده بعيوني

كلشي مااريد منكم وجزاكم الله خير الجزاء

بلغ سلامي المهيب وكله عمك حيل بتشكر منك

خلي الحفله يوم الثلاثاء حتى نلحك انجهز كلشي

اربد الناس كلها تعرف هذا زواج نورس حتى بعد محد يحجي ويفتح حلكه

ابو مهيب….تمام من تكمل كلشي اتصل علينا وراح نكون جاهزين

مهيب…رجع ابوي بليل وحجالي كلشي صار بينه وبين

ابو نورس

اني ما مقتنع بس مضطر اوافق الخاطر ابوي

الخاطر ابوي مو الخاطر ابو نورس اني مااكدر ارفض طلب الابوي ولا اكدر ازغره كدام الناس

مدام هذا الزواج فتره ويخلص اتحمل شلون مجان

ابوي اضطر يحجي كلشي الامي عن حقيقة هذا الزواج

لازم تعرف حتى تتصرف صح

امي ماكان عدها مانع بلعكس كانت مرحبه بلفكره

تكول عدنا بنات الله يستر عليهن مثل ما نستر عرض الناس

تحددالمهر والزواج بعد ٣ ايام

اتفاجئت ابوي ثاني يوم جايب غرفه تركيه حاهزه

ضخمه تخبل لونها ابيض

من رجعت لكيتهم ناصبيها

مهيب..هاي شنو

ابوي.. اكو عرس بدون غرفه

مهيب…هو موعرس حقيقي

ابوي.. كدام الناس حقيقي اريدك تروح اجيب قاط

كون يخبل اريدك تطلع كشخه كدام اهل العروس

كون الكل بكول منين هذا العريس التحفه

مهيب…ميخالف سهله

ابوي…هاي ٥٠٠ اريد اجيب بيهن هديه حلوه العروستك

يعني قطعة ذهب مرتبه

مهيب…اني مااعرف بهاي السوالف خلي امي اجيب

ابوي…اي صح وتجيب ملابس الخواتك وثوب حلو تكشخ بي ام العريس بعد جمانه السعيدي

مهيب…ابوي كلش مهتم بلتفاصيل عبالك عرسى حقيقي

بيوم المهر ابوي عزم كل اقاربنا وكل المعارف والناس الطيبه وأمام الجامع القريب

ورحنا مشيه عليهم

ابو نورس من بعد الجلطه الاخيره يمشي على عكاز وأيده خطيه مايكدر يحركها حيل

اول ماشافني دخلت وكف على حيله حضني باايد وحده

ابو نورس.. هله بوليدي

مهيب.. هله بيك عمي

ابو نورس….اذا اكو زعل بكلبك عليه اريدك تسامحني

اني غلطان

مهيب…لا ماكو اي زعل انشاء الله

طبعا عازم ناس عدد مو طبيعي بيتهم مليان والحديقه مليانه كراسي والشارع السايدين خالين كراسي

والسيارت تارسه شارعهم والشارع الثاني

فعلا اضخم مهر شفته بحياتي

اول شي الشيخ عقد للبنيه وبعدين عقدلي

طبعا هذا العقد باطل لان الحامل مايصير تزوج حتى تضع مولودها

الشريعه والدين تكول هيح

بس احنا مضطرين نسوي هاي التمثيليه كدام الناس حتى البنيه ما تنفضح

من بعد العقد اغلب الناس طلعت من بيتهم بقو بس الاقارب موجودين

دخلت جوه بيتهم حتى البسها الذهب واخذها واروح البيتنا خواتي وامي موجودات

لابسه بدله بيضه تول على الصدر والردن طويله رافعه شعرها لأبسه تاج مكياجها هادء وحلو

عطرها كلش طيب

دخلت سلمت على الكل امي طلعت الذهب

لبستها من قربت عليها دنكت وتحسرت كملت

الكل كام يصيح بوسها بوسها

قربت بستها من راسها خليت البركع على راسها ولزمته من ايدها وطلعنا

طبعا بعد ماخلصت المشيه والناس راحت

قربو سيارتنا من بابهم صعدنا اني وياها ومشت السياره

باقي السيارات اجن امها وخواتها واقاربها

وامي وخواتي وبنات عمي وخالتي

بس دخلنا للبيت عفتها يم النسوان وطلعت

ابوي كان جايب طباخ حتى يطبخ العشى

لكينا كلشي كامل وجاهز صبينا الاكل للمعازيم

قبل أذان المغرب الناس اتعشت وشربت جاي وكلمن

راح البيته

اما العروسه لكيت امي وخواتي مصعداتها الغرفتها ترتاح

السابع من هنا