رواية يتيمة المشاعر الفصل الثالث والعشرين 23 بقلم الكاتبة نور ال زيادة

نورزان:بعد ما خلصت الأمتحانات والدي سافر لكركوك عنده شغل، امي و وريام راحن للسوگ يشترن غراض،للبيت اني استغليت الفرصه وكلت صار الوقت افتح الموضوع ويا زيد رحت عليه لغرفته،طرقت الباب واجاني صوته دخلت

_زيد اريد احجي وياك

نورزان: اني نفذت الأتفاق وهسه اجه الدور عليك

نورزان: شنو يااتفاق شنو السالفه انته مو كلت بس تخلص الأمتحانات افسخ الخطوبه وانته تساعدني

زيد: ههههههه، هاي انتي بعدج بيازمن بابا

نورزان: تفاجأت !!من كلامه ضليت اباوع علي احاول استوعب كتله….. شنو قصدك!!!؟

زيد: بابا هاي ياخطوبه تفسخيها، وبعدين وين تلكين احسن من حسام، اعقلي، وعوفي هل السالفه

نورزان: انت دتتشاقى مو صح؟

زيد: ليش هل مو ضوع بي شقى،

نورزان: ووعدك ألي واتفاقنا

زيد: بلي واشربي ميه، انتي ثوله وتريدين تخربين حياتج قابل أحنا هم ثولان

نورزان: انته كل عقلك تحجي؟!!، ليش هو بكيفك انته لو غيرك تحدد مصيري،؟واذا على الثول فصدك ثوله لأن صدكتك واني أعرفك اكبر حاقد واناني،، حصلت ألي تريده وهسه شلت ايدك مني اعرفك من زمان تكرهني بس وكفت وياك وكلت يبقى اخويه وأكيد ميضرني يله مصار شي….

سواء وافقتوا ولا لا ماراح ابقى ويا حسام

هسه اتصل بي وانهي كل شي واشوفكم، شلون تضحكون عليه

عفته ومشيت لغرفتي ومقرره اتصل بحسام وانهي كل شي قبل لاأدخل الغرفه انجريت من شعري وصار الضرب مااعرف مين يجيني والغلط

زيد: تريدين تنفذين ألي براسج وتخربين كل شي بنيته وسويته اموتج ومااخليج تسوين ألي أبالج

مو علمود عاجبج وماعاجبج يخرب زواجي

اشو تتزوجين حسام وغصبن عنج

نورزان: انته اكبر حقير، ونجوم السما اقربلك

لتصدك اضحي بروحي حتى ارضيك انته والخاتون مالتك من البدايه عرفت كلها لعبه وحنيتك كذب بكذب بس كلت لا مهما يكون اخويه لحمي ودمي ممعقوله توصل بي يغدرني بس نسيت انته شكد اناني ومستعد تبيع الكون كله علمود نفسك

زيد: احجي منا لبعد سنه ميتغير شي وانتي لحسام

واني اخذ رفل، ولطخي راسج بالحايط

نورزان: اخذ موبايلي بالقوه ودفرني برجله دفعني داخل الغرفه واخذ المفتاح وقفل عليه الغرفه،

ضليت اضرب بالباب واصيح……

اني اعلمك هسه تجي امي وابويه واشوف شراح تسوي، عبالك بهل سهوله،لو اذا عرفوا يسكتولك

ضليت ابجي واعيط، واضرب بالباب ماخليت انهاريت وماكو فائده ورا ساعه سمعت صوت امي وريام كلت اجاني الفرج صرت اضرب بالباب قوي حتى يسمعوني سمعت صوت ريام يم الباب

ريام: شنو السالفه شصاير وياج افتحي الباب؟

نورزان: المفتاح مو يمي يم زيد ضربني وقفل عليه الباب، روحي صيحي امي

ريام: اي اي، هسه

ام زيد: شكو شبيج كسرتيها للباب؟

نورزان: ماما زيد ضربني وقفل عليه الباب

ام زيد: ليش شنو سويتي؟

زيد: اني اكلج شنو سوت بنتج تريد تفضحنه

تريد من ورانه تتصل على حسام وتفسخ الخطبه

واخذت الموبايل منها وقفلت الباب

ام زيد: زين تسوي تنچب وتكعد ياخطوبه ألي تفسخها هيه لعبه

ريام: انتو شبيكم تحجون صدك ؟ ليش هو منو ألي ديلعب غيركم وين كلامكم مو انتو كلتو اذا ماتوالمتو انفصلي وبعدين شنو هو اجباري الزواج؟

زيد: اي اجباري للشخص ألي ميعرف مصلحته

ولتنسين اني خطبت اخته لحسام و اذا اختج عافته شلون بعد ينطوني بتهم؟

ريام: اي هيج كول اهم شي مصلحتك

بعد ماكملت كلامي اجاني راشدي معدل من امي

ام زيد: طايحات الحظ انتي واختج يراد اعيد تربيتجن شلون تتطاولين على اخوج الأكبر منج

اذا تدخلتي بسالفه نورزان اكسر راسج

وانتي هم ازوجج اول واحد يدك الباب ستري على روحج وكعدي، وجيبي موبايلج

ريام: رفضت انطيها الموبايل اخذته غصب وصارت تغلط علينا، اخذت زيد ونزلت رحت على الباب صحت نورزان تسمعيني ردي عليه

نورزان: الكلام ألي سمعته كان مثل خنجر نبت بصدري غدر الأهل اصعب غدر مااعرف شنو اكول واوصف مشاعري سمعت صوت ريام تحجي ،، جاوبتها…

_ريام ليش هيج ديسوون ويايا،،، ليش؟

ريام: حبيبتي لتبجين ان شاء الله تنحل هذوله لأن بابا ماموجود استغلو الفرصه بس يجي بابا اني احجيله هو يصدكني هسه تشوفين يلعب بيهم لعب شنو قابل هي هيته لو بكيفهم..

نورزان: ضليت بالغرفه مالتي همزين عندي حمام بالغرفه زيد يفتح الباب يجيب اكل ويطلع

ضليت على هل الحال اسبوع بهل الأسبوع دموعي نشفن وافكر هسه اكيد رافي استفقد غيابي شنو أسوي ياربي، كنت متأمله انو يجي بابا وينهي هل المهزله اجتي ريام تركض تبشرني برجوع والدي كلت الحمد لله اجاني الفرج.

فعلا ساعه واجه زيد فتح الباب وكلي امشي ابويه يريدج، فرحت من كل گلبي نزلت ركض، ورحت علي، مشيت باتجاها دااسلم مااشوف ألا اجاني كف قوي الى درجت أنشمرت على الارض!!!!

ريام: ليش بابا هاي فوكاها صار اسبوع زيد وامي حابسيها ومنتضريك تجي تحلها تالي انته هم

تأذيها

ابو زيد: لصمي حلكج لااخليج فوكاها هل العار

واحرگجن سوا

نورزان: ليش هسه صرت عار؟ لو لأن ردت افسخ الخطبه، تخافون على حياة زيودي لتدمر وتعوفه حبيبة الگلب كلت هل الكلام اجه عليه دنك لزمني من شعري ورفع راسي،

ابو زيد: تصدكين من اول يوم انولدتي وكل متكبرين اشوف بيج عمتج الساقطه، ألي انهزمت ويا واحد عار مثلها، حتى لون عيونج وشكلج وتمردج وتصرفاتج هم عليهابس لتصدكين اخليج تنزلين راسي مثلها

نورزان: ليش اني شنو سويت،؟ ترا من حقي اختار اي شخص اتزوجه مامجبوره اخذ واحد مااريده علمود اي شخص

ابو زيد: بنت الگ**ب، مخطوبه لواحد يسد عين الشمس مامالي عينج تالي تتمعشكين ويا غيره وتريدين تعوفي، وفوكاها ويا موعد العرس واخوج هم لازم يفسخ بهيج حاله

نورزان: انتو شنو تحجون شنو أتمعشك كل هذا لأن مااريد حسام شنو هل الضلم؟

ام زيد: ضلمت عيونج وأنعميتي كولي اميين،

حقيره تغشمين روحج موو؟اني بسببج يسمعوني كلام يكلولي بعدي بنتج عن رافي،، وخلي تعوفه بحاله لأن خاطب و بنت عمه أله

كاعده تتمعشكين، ويا ألي رباج جان استحيتي وبعدين لعبه هيه تنخطبين لواحد وتتسامرين ويا الثاني؟

ريام: ها ماما انتي هم اتفقتي ويا زيد عليها وكمتو تلفقون حجي

ابو زيد: لصمي حلگج،انتي الثانيه ولتدافعيلها والمراسلات والاتصالات ألي بجهازها شنو اكذب عيوني حتى ارضيجن اني صوجي انطيت ألجن مساحه من الحريه كلت خطيه الضغط يولد الانفجار بس مو ادميات انتن طلعتن

نورزان: طول عمرك ماحبيتني وأسال روحي ليش؟

طول عمرك تفرق بيني وبين اخوتي وتريدون عليه زله حتى تحاسبوني ولامره حسيت بأهتمامكم ولا حنيتكم عليه خليتوني احس نفسي يتيمه وأهلي عايشين،، طلع لأن اشبه عمتي، وهسه تريدون تضلموني،لهل سبب تريدوني اتزوج شخص مااريده، ماكو زواج بالأكراه اتقو الله بيه

ابو زيد: زيد موكلت حسام مخابرك على موعد العرس خابره كله خلي يجي اتفق ويا، هاي بعد متضل

نورزان:دموعي نزلت رفعت صوتي….. مو بكيفكم اخاف عبالكم تجبروني مااسكت والله افضحكم فضيحه حتى العرس اكلبه عليكم وأخلي الناس تاكل وجوهكم ، لتتوقعون اسكت، هاي حياتي

مو على مزاجكم اتزوج..

ابو زيد: هسه انشوف كلام منو يمشي،زيد رجعها لغرفتها واقفل عليها واريد اشوف وحده تفتح حلكها والله اكتلها خلاص

نورزان: اي موتني خلاص ميهمني بس لتصدك اسوي ألي تريدوا مااتزوج حسام

اجه زيد سحلني واني ادفع بي صعدني وشمرني

بالغرفه وقفل الباب وراح

ضليت ابجي بحركة گلب ملخت روحي، تهسترت كسرت حتى الغراض، انهاريت وماكو شخص اهتملي تعبت وكعدت صرت اردد.. ياربي ساعدني ياألاهي لتعوفني بهل شده،،، صرت أسأل نفسي

ممعقوله هذوله اهل هذوله وحوش، اتفقوا عليه ويريدون يدمرون حياتي اخر امل ألي راح حتى ابويه وكف وياهم ضدي شنو أسوي هسه ؟

خلصنا ترتيب بيت رافي، بعد ما قرر يستقر بي واني والولد رايحين جايين عليه، على كولت رافي يكول هذا هسه بيت الچناين الزعلانه ياهو يزعل يجي هنا

اجتي الامتحانات، وسيف ألتهى، يدرس و اكيد نورزان هم لكن وين يصرف لرافي هل كلام اذا ميسمع صوتها،الاخ صار مدمن رسمي، عليها

بس هيه تريد تدرس وماعدها وقت وهو يلح

اخر شي كلتله بعد منتواصل داادرس من تخلص الامتحانات يله نرجع هو ضاج وكلب خلقته

وين يصرفله هل الكلام،

ولهذا جند براء تتصل وتعرف اخبارها وخطيه براء صف سادس وبكلوريا وتستحي تفشل خالها

صار رافي ميمر يوم ويرتاح ألايسمع اخبارها،

خلصت الامتحانات واخيرا، رحت لبيت رافي اشوفه، حسيته ضايج

سمر: شبيك رافي ليش ضايح ؟

رافي: كل شي مضوجني بين يوم وليله بسبب ابويه حياتي تخربطت سكني تغير وعملي تغير والأصعب خطوبة نورزان لغيري هل موضوع ياكل بگلبي

وهسه طول الامتحانات مامفتهم منها شي والغريب هسه عطلت اتصل بيها هم مترد

أرسلتلي مسج وتكلي اسفه هل الايام اني ببيت جدي اهل والدي عدنا مناسبه وماراح اكدر اتواصل وياك

سمر: طبيعي هل الشي هم تخاف احد ينتبه عليها

رافي: ليش هو بس هل شي راسلتها كم مره مترد ومن ترد تكتبلي… مشغوله،

جاوبتها …بس اريد اعرف شنو سويتي بموضوع الخطبه؟ تكلي بعدين نتواصل وافهمك

سمر گلبي مامرتاح وحتى احس نورزان جاي تتهرب مني

سمر: انته صاير وهواسي كل شي تخلي بي أنه

ترجع من بيت جدها، وتتواصل وياك بس كول اشتاقيتلها ومتتحمل فراگها، أكثر

رافي:ههههه لا اذا على الاشتياق فمو مشتاق

احس روحي لايبه عليها صرت مثل المراهقين من يحبون اول مره ويتخبلون

سمر: اي وهسه اقتنعت انته قبل ماحاب مو ؟

رافي: اكييييد، ،،،ألي اعيشه حاليا واحسه مامار عليه نهائيا واني چنت متصور الحب أكدر انسحب منه بأي وقت يعجبني وعادي انسى واكمل،، هسه اذا مااسمع صوتها احس ناقصني شي احس حياتي تتوقف

سمر: ضحكت من تذكرت كلام سيف من كال احمد غركان وواصل المي لراسه ورافي للان مامنزل رجله ومبللها عود ديوصف مشاعركم

رافي:ههههه،،،هذا واحد عفطي،،، بس تدرين اي والله، هسه لو يمي چان كتله ابشرك المي مو وصل لراسي لا غركني عالاخر وكعت وماكو أحد سمه عليه

نورزان: انحبست بغرفتي وحتى من يجيبون الاكل مااكل، حياتي توقفت حتى نوم ماانام مثل البشرمن التفكير،،

كنت منتضره مصيري، ماألي غير اصلي واقرا قران وادعي الله يوكف ويايه

خطيه ريام كل شويه جايه يم الباب تحجي ويايا

هي هم راحت بالرجلين، هم حابسيها فوك

تنزل تنضف وتصعد ممنوع بعد تنزل

كم مره سمعنه اجه ضيوف بس منعرف منو

وحتى مره صعد زيد جابها يمي وقفل علينه

اثنينه الباب

ورا ايام واني على وضعي، كاعده شفت الباب انفتحت، اجت امي وزيد

ام زيد: اسمعي حتى لتكولين مابلغتوني اجوي حسام واهله واتفقنه على كل شي،وهمه راح يجهزون، وقررنا الخميس الجاي العرس

ريام: انتو دتتشاقون مو ؟

زيد: الف مره كايلج لتدخلين ولصمي حلكج

ولا منشاقه الخميس العرس، شوفو شنو تحتاجون وكولوا حتى نحضر

نورزان: اني سمعت هل الكلام بركان بداخلي انفجر هجمت عليهم وضليت اصيح وادعي، بس قوتي خانتني تعب وقهر وقلة نوم واكل انتهيت

وكعت وغبت عن الوعي

:

:

حسيت بعدها كانونه بيدي وخاليلي مغذي

ورجال متوسط العمر ديشرح ألهم…

كنت مااكدر حتى احرك جسمي احس روحي ميته من التعب،

خلص المغذي رفعه الرجال وسحب الكانونه من ايدي

، كال… هسه ضغطها صعد وخلي تاكل حتى تصير احسن،

بعدها راح باوعت لأمي، وكلت بتعب….

_لتصدكين اسامحكم على ألي سويتوا ولتصدكون راح اسكت،، مو نورزان ألي ينفرض عليها شي طول عمري اواجه الدنيا وحدي لأن ماحسستوني بوجودكم وهل شي خلاني اصير قويه راح احارب لأخر نفس بيه هسه تشوفون انتو نفذتوا ألي براسكم واني هم راح انفذ ألي براسي ألاافضحكم فضيحه وأخلي امة محمد كلها تعرف منو انتو وشدتسوون تدرون اني هسه صرت انتضر العرس بفارغ الصبر حتى اگلبه عزه اكشر،عليكم وافضحكم وحتى لو اعرف موتي وراها هم مستعده،صدكوني لو يكلفني حياتي مااخاف ومااهتم بس انفذ ألي اني اريده واكسر كلامكم

وانته يازيد ألا افضحك ولو اني لو انته واريد اشوف شلون تتزوج حبيبة الگلب مالتك

هجم عليه زيد وصار يضرب وامي وريام يسحبون

بي واني استفزه واكله اي اضرب حتى الأثار تصير دليل عليك من افضحك كدام الناس من سمع كلامي عافوني وراحوا بقت يمي ريام

ريام: ولج انتي بيا حال هسه وقت هل الكلام؟

نورزان: ومنو كلج هذا كلام صدكيني راح اسوي هل شي،،، طول عمري قويه ومتمرده لتتوقعين هسه اضعف واخضع ألهم، راح احارب وادافع عن حقي لأخر نفس بيه مامسويه شي حرام الله حلل ألي اختار شريك حياتي برضايه مو اتزوج بالأجبار

ريام: ليش اذا سويتي هل شي راح يخلوج عايشه؟

نورزان: اني هيج ولاهيج ميته،، ليش عبالج اذا تزوجت حسام وعشت ويا واني مااطيقه هاي عيشه؟ هذا موت بطيء

على الأقل خلي اختار موته تليق بأنسانه قويه

والله لاافضحهم واخزيهم واخلي بحياته زيد ماكو أحدبعد ينطي مره اني ضامه علي بلاوي

ريام اااخ هسه لو بس اكو موبايل كان اتصلت على جدو هو يحلها اكيد ميخليهم يسوون هل الشي

بلله رافي مااكدر ادخله لأن مو ضوعنا انكشف وتدخله يزيد الموضوع سوء

ريام: اي صح شكد حاولت بس همه لاعبيها صح ومخططين بحيث شكد حاولت وفكرت بطريقه

اتواصل ويا احد ماكدرت

قبل كم يوم مااعرف منو اجه صعد سيف من جابني يمج وقفل الباب يعني حاسبين حساب كل شي

صدك!!! تدرين قبل اسبوع اجت براء وامي من الباب دعبلتها ماادري شكالتلها،

نورزان: عزززه،، شكد عيب من براء

ريام: ارتاحي هسه بعدين نحجي

نورزان:ارتاحيت وبديت استعيد صحتي صرت اكل واقوي نفسي حتى اكدر اواجه واشوف حل لمصيبتي،

اني وعدت رافي اكون قويه ومااتنازل عنه بسهوله

لكن مع الأسف الواقع يكول أني ورافي بعد مننجمع ابد،،، كلهم حكمو علينه هل حكم

قررت صح ماراح اكون أله لكن ماأصير لغيره

ورا كم يوم، اجاني زيد فات وقفل الباب، رفعت راسي بشموخ وقوه

_ها اليوم هم جاي تشوفني بطولاتك؟ لو فلم جديد

جاي تمثله؟

زيد: انتي ماخليتي عندي حل اخر،استعملت وياج كل الحلول وصار الوقت استعمل اخر حل واتذكري انتي جبرتيني على هل شي

نورزان: شنو حلك تقتلني مثلا ؟هاي اني كدامك شتسوي سوي مااخاف حتى من الموت

زيد: لتخافين موتج لو يفيدني چان موتج وخلصت منج بس موتج مضره ألي مو نفع لكن موت غيرج هو ألي راح ينفعني،لتصدكين بعد صبر وتعب كل هل الوقت وبعد مارفل صارت ألي اخليها تروح من ايدي صدكيني لو اعرف اقتل واسوي اي شي بهل دنيا مااخليج تخربين زواجي

اسمعي زين وافهمي كلامي وهل مره راح اكون

ديمقراطي وأخلي القرار والاختيار ألج

نورزان: اتحفنا ابو الديمقراطيه

زيد: اسمعي هذا التسجيل

نورزان: شغل تسجيل بالموبايل، سمعت صوته هو وحسام يسأله….

زيد: اكلك حسام اكو واحد مضايقني كلش واريد اتخلص منه شلون تكدر تساعدني؟

حسام: بسيطه اسهل منها ماكو نسحله ونذبه جوا

ونخلي يعفن بالسجن طول عمره بتهمة اربعه ارهاب

زيد: بس هو مو قليل وأهله معروفين وعدهم معارف بالدوله وأحتمال يكدرون يطلعوا؟

حسام: عدنا اماكن الجن الازرگ ميكدر يوصلها

لا هو ولاعشيرته ولااي شخص مسؤول يكدر

يطلعه انته بس انطيني اسمه وشوف

نورزان: غلق التسجيل واني الصدمه رسمت ملامحي لأن عرفت شنو قصده جاوبته…

_شكد شفت حقاره بحياتي مثلك ماشفت

، اخاف عبالك انته وهذا العار الثاني ألي صرت متأكده أنتو واحد أنكس من الثاني تضحكون عليه بهاي السوالف وتمشوها براسي، فلتعب نفسك، لأن ابو امير المسؤول تتذكره ماكدر لبيت ابو رافي مو هسه حسام بيك تكول عبالك وزير، وراح يكدرلهم، فلتعب نفسك

زيد: ترا اني هم فكرت بهيج احتمال كلت اول شي نشمرله تهمه ونسجنه ونعذبه وثاني شي اوصل لحسام علاقتكم أنتي ورافي واذا عرف حسام بعلاقتكم اول شي يسوي يقتله خلاص بالسجن باختصار رافي يموت بالسجن قبل لا ابو رافي يكدر يطلعه صدكيني اسهل منها ماكو،

واذا كلهن مادبرن اكو حل اخر ابسط من ذني كلهن طلقه تايهه هو ويمشي بالشارع ويسجل سبب الوفاة شخص مجهول الهويه وياكثر ألي ماتوا بهل طريقه بالعراق وللأن مالكو گتالهم والنتيجه يصير المرحوم رافي الله يرحمه،

نورزان: حقييييير، انته شيطان مو بشر انته حتى الشيطان هم يتبرى من افعالك، لك شتكول لربك

لك اني اختك شلون هيج تسوي بيه ؟ علمود وحده تحبها، اني عرضك اختك، المفروض انته تصير سندي وتحميني من الناس،مو انته ألي تبيع وتشتري بيه وتأذيني، حسبي الله ونعم الوكيل بيك

عبالك خلصت عبالك الله راح يعوفك؟

زيد: عود الله كريم وبعدين اني شمسوي قابل؟ جاي ادافع عن حبي وجايبلج عريس يسوى راسج

اللي يسمعج يكول شامرج بالشارع،ترا راح ازوجج واحد كل البنات تحلم بي لاوهو الزمال كاتل روحه عليج هههه

وكف راد يطلع توقف…

_ها صدك نسيت اكلج حسام صار يحبج اكثر واكثر هسه بعد ماتواصلتوا انتي ويا وبينكم مسجات وكلام حب واعترفتيله انتي هم تحبي تخبل ماصدك صار ينتضر العرس يوم،، يوم

يعني هسه اذا اكله حبيبتك وخطيبتك اكو واحد يريد يلعب بدماغها ويغويها حتى تعوفك

يقتله بدون ميرفله جفن

نورزان: لك انته ساقط وماعندك غيره ولاشرف

يعني ماخذ موبايلي وتراسل بحسام بدالي وتبيع حبيات براسه حتى يتعلق اكثربس الي ماعنده غيره وشرف يسويها حتى ألي ماكل لحم خنزير ميسويها

زيد: كل شي اسوي ولاأخسر وصدكيني اخاف چان حسام يحبج هسه صار مهوووس بيج ومستعد كل شي يسوي حتى لتصيرين لغيره،

واذا ماسوا شي فتعرفت على واحد يصير ابن عمه صگاك، كم فلس ويصير حضرت المهندس رافي في خبر كان

وانتي عود لتتزوجين كعدي نوحي عليه العمر كله، وحتى لو اخسر رفل مااهتم لأن بهيج حاله نكون تساوينه نكعد نلطم اني وياج سوا شفتي اني شكد حقاني حتى من اخسر مااحب اخسر وحدي

نورزان: عافني وطلع أجتي ريام تركض لأن ماقفل الباب ورا هل المره عود صاير ديمقراطي وعاف الأختيار ألي

ريام: سمعت كل شي من هذا الحقير، شنو راح تسويين؟

نورزان:عصرت راسي بقوه أحاول أستوعب ألي سمعته حاليا داأعيش ضغط اكبر من طاقتي جاوبتها…

_احس روحي راح اموت وتدرين هو افضل حل اموت لأن اذا متت كل شي ينحل هو لوكايلي اموتج ألج افضل من أنو يهددني برافي ماتصورت يطلع نذل وحقير الى درجه ماكو احد يكدر يوكفه زين هسه شسوي؟ شسوي ياربي شسوي، ؟

شلون اعوفه للسجن اوالموت واني اعرف زيد يسويها وفوكاها لكاله مسانده من هذا العار حسام

تدرين هسه صرت متأكده هذا حسام ميفيدني واحد نكس وعار وأذا ماوافقت على كلام زيد معناها أخسر رافي للأبد

، شلون اكمل حياتي واني ادفن اعز انسان على گلبي وبسببي

رافي ابويه وامي واخويه، وصديقي، وحبيبي

وكل شي بحياتي اني لا شيء بدونه مااسوى شي

مجرد اي شي يصير بي اموت الف موته مو عاد ينقتل واني أكون السبب بموته

تدرين للأن صورته مافارقت بالي من امير صوبه

للأن خوفه بگلبي واني شفته بدمه

ريام: انحذره لرافي حتى ياخذ احتياطه

نورزان:فكرت بهذا كلامج بس وين نشوفه

لو شلون نتواصل ويا ونحذره، زين أفرضي كدرنا پأي طريقه نوصله وحذرناه شنو الضمان؟

يجوز بعد ماتخلص السالفه وبعد فتره تجي طلقه تايهه وتقتله بهيج حاله شنو ألي فرقنا؟

ولج هذا زيد حاسب حسابه ولاعبها صح بدون ولا غلطه تفكيره مال مافيات

شسوي؟ شلون هسه؟ اني بين نارين مين مااتوجه

راح تحرگني

، لورافي يموت لو اني اتزوج وينحكم عليه بالموت، فهميني؟

(ضليت ابجي بحرگة گلب شخص مغدور من أهله وأقرب ناسه شخص الدنيا سدت كل ابوابها بوجهه الى درجة حسيت الضغط خلاني افقد دماغي ومن اكول فقدت دماغي هذا الوصف الصح للشعور ألي حسيت بي،، بلحضتها دماغي فصل صرت مجنونه ووحده بلا عقل أتهسترت فجئه صرت املخ روحي واضرب على گلبي بلكي يسكت ويتوقف من الي دااعيشه)

صرخت بصوت وگلبي محروگ…

_ولج ريام هو كان گلبه حاس كل شويه يكلي مامرتاح خايف اخسرج فهميني شلون راح اغدره ؟

شلون راح أئذي ؟ زين شنو راح يصير من يسمع ؟

واني شلون اعوفه واصير لغيره؟شلون اخلي شخص غير رافي يصير زوجي؟شلون اتحمل اصير زوجه لغيره واعيش ويا واني مامتقبلته؟ يعني بهيج حاله راح اموت الف موته باليوم

وكفت واني منهاره مسحت دموعي وكلت…

_اي اموت،، اموت،، هو هذا افضل حل من اموت كل شي ينحل كلها تخلص وحتى رافي يعيش

فقدت عقلي رسمي وماكنت قادره اتحكم بعقلي وتصرفاتي

دخلت للحمام بسرعه صرت ادور على شي حاد تهسترت ماضل عندي لاحل ولاعقل خلص، اخر ذره عقل براسي انتهت ضاقت الدنيا بعيوني، حتى ايماني فقدته مااعرف شنو صار بيه صرت مجنونه رسمي

اخذت موس وبدون وعي بدون تفكير بدون مايرفلي جفن… كصيت وريدي،

صارت ريام تسحب بيه وتصرخ بأعلى صوت

بهل لحضه صارت صورت رافي بعيوني وهو يحضني من اعترفت بحبي، أله أبتسمت من بين دموعي ألي تنزل

بهل لحضه أتمنيت اشوفه اخر مره واودعه

تمنيت احضنه واحس بحنانه،

احس بالأمان ألي فاقدته وماألكى بس ويا،

وينك حبيبي،،، وينك؟اني والله صرت يتيمه من دونك،، بنص اهلي ويتيمه

كان هذا اخر شي نطقته وكنت على امل تكون هل لحضات الصعبه اخر شي اعيشه بعدها فقدت و ماحسيت بشي