رواية يتيمة المشاعر الفصل الخامس 5 بقلم الكاتبة نور ال زيادة
نورزان: دخلت للصاله كانو كلهم كاعدين بس ألي صدمني من ضمن الكاعدين عمو رافي، تفاجئت وماعرفت من صدمتي وفرحتى شنو اسوي، ضليت واكفه ماتحركت!!!!
رافي
___
اني رافي نبيل الأبن الأكبر للعائله، انولدت بعد خواتي منال وسمر،
من كنت صغير رغم طبعي كتوم وغامض، ونوعا ما بعيد عن الكل بس بنفس الوقت، اتعامل ويا الكل بمحبه واحترام،
طبعي مثل اكثر الرجال العراقين، عندي عصبيه، بس مو قويه، اعرف اتحكم بأعصابي نوعا ما
وايضا، طبعي ثكيل ورزن، صح اتشاقه بس بدون مااقلل احترام من نفسي ومن المقابل،
اكثر شي اكرها الفوضى، ولهذا ماارغب للاطفال لأن فوضويين
من صار عمري ١٧سنه تعرفت على اجمل طفله خلتني اغير رأيي بالاطفال، …
حلوه ومرتبه، وواعيه، كانت اكبر من عمرها، تعلقت بيها وصارت جزء مهم من حياتي
حسيت نفسي اب وهي بنتي لهذا شعرت انها تنتمي ألي صرت اساعدها واعلمهه بكل خطوات من حياتها وهي هم تسمع كلامي من اتكلم وياها …
خلصت هندسه بس بعدين قررت اكمل دراسات
واخذ الماستر خارج العراق
، سافرت وماكان بعدي عن اهلي سهل ابدا بس حاولت اتأقلم، علمود مستقبلي
لكن الفراغ الأكبر ألي حسيته بعدي عن طفلتي ألي ربيتها …خصوصا من عرفت هي، متأثره على بعدي،ماغابت عن بالي لهذا طلبت من اخواتي انو ميتركوها، وخصوصا سمر ردتها تصادقها وتصير قريبه منها لأن اعرف نورزان طبعها بعيده عن اهلها
ضليت كل فتره اطمئن عليها واتصل واشوفها شنو محتاجه، حالها حال البنات حتى من اشتريلهن هدايا اذكرها هي وريام،
كنت اعرف هي بدت تكبر، بس اضل احسها هذيج الطفله الدبدوبه الحلوه ألي اخذت گلبي ، ام عيون زرگ
بعد مرور ٥ سنوات اواكثر قررت ارجع للعراق، بعد مااخذت شهادة الماجستير بالهندسه وطورت مهاراتي المهنيه بهل مجال
سويتلهم مفاجئه، ورجعت ،،،اهلي كلش فرحو بيه
وبعدها تغدينا وكعدنا نشرب چاي، سمعنا صوت الباب وراها بدقائق، دخلت شابه جميله، الى درجه تقطع الانفاس جذب أنتباهي طولها ورشاقتها وأناقة ملابسها ، والشعر اشقر، مغطي نص جسمها لكن ألي لفت انتباهي، عيونها !!
وكفت واني اباوع عليها، هاي العيون اعرفها،،
صرت اغالط نفسي، لامامعقوله، مو هيه صح نفس العيون لكن هذي شابه ناضجه امرأه متكامله، هذيج طفله؟!
انقطعت سلسلة افكاري.من توجه سيف، عليه وحضني، سلمت عليه
رافي: ولك سيف هاي شطولك صاير، العام من اجيتوا عليه كنت اقصر بهوايه
سيف: لعد شعبالك، غير اطلع على اخويه الكبير
نورزان: ألتفت عليه سيف
سيف: شنو السالفه، نورزان هانم، صفنتج مطوله
متجين تسلمين، صارلج سنين خابصتنا، عمي وعمي وينج لعد؟
نورزان: لمن سيف ذكر اسمي، عمو رافي رأسن رفع راسه وباوعلي، فتح عيونه متفاجىء!!!
وليش اكذب اني هم تفاجأت بي وحتى بشكله هواي متغير صاير عنده لحيه خفيفه منطينه جاذبيه اكثر
تقدمت أله وسلمت،وهو بعده ينضرلي بأستغراب بالبدايه حسيت كأنما اغراب ولاكأنما هذاالشخص اعرفه او يعرفني ولاطول هل السنين معرفتنا واتصالاتنه
رافي: شلونج نورزان،؟تدرين ماعرفتج وليش اكذب،،، انصدمت من شفتج !!طول الوقت راسم صورة نونو الصغيره، الدبدوبه شوكت كبرتي وهيج صرتي؟
نورزان: ماكو واحد يضل على حاله، وبعدين ياطفله بعد شهرين ادخل بال٢٠ سنه
صح بالبدايه استغربت لأن صار فتره طويله ممتشاوفين، بس بعدين من كعدنا وبدينا نسولف
استوعبت الأمر، وحسيت بالفرحه
هو كل شويه يلتفت عليه
رافي؛ ولج كلش متغيره وينها نورزان الدبدوبه والله مامستوعب انتي هيه نفسها
نورزان: ابتسمت على كلامه
ب الليل قرروا يسوون عزيمه لكل الاهل بمناسبة
رجوعه من السفررحنا كلنا ويا اهلي واجوي بيت عمهم وعماتهم ألتمينا وبدت السوالف والأسأله
ابو وسن: والله فرحنه بجيتك ابني مكانك خالي چان
رافي: اشكرك عمي البيت عامر بيكم وبالأهل
ابو وسن: هسه بعد ماألك حجه درست وخلصت وصار لازم نفرح بيك كافي كبرت صار عمرك بال ٣٠ سنه،، طلابه بعد شتنتضر؟
رافي: الله كريم كل شي بوقته حلو
ابو رافي: اي ابني ومكانك بالشركه هم حاضر وضمن اختصاصك
رافي: اي حجي اكيد ان شاء الله بس ارتب وضعي
وابلش
*(على فكره ابو رافي عنده شركة مقاولات بناء )
نورزان خلصنا عشا وضلو الكبار يسولفون، وأحنا الشباب طلعنا للحديقه، وكعدنا نسولف….
، لكن المشكله بنات عمهم، ماطايقاتنا لااني ولاريام، اللي كبرت وصار عمرها١٧سنه وصارت كلش حلوه
بيت عمو نبيل كلهم يعاملونا بمحبه واحترام
وكلش يحبون زيارتنه ألهم خصوصا براء
ولهذا من نجتمع نسولف ونتشاقه وبنات عمهم وعماتهم يغارون من علاقتنه بيهم
براء: بنات، بنات باعن انتبهتن على وسن شلون لاطشه بخالي رافي عبالك راح يطير،هههههه بس بقى تكعد بحضنه، هسه ياريت لو معبرها
ريام: ههههه، اي والله صدك،،، بس ألي انتبهتله اكثر بنات عمكم وعمتكم لو بيدهم ياكلونه عبالك ماخذين ورث ابهاتهن
براء: ههههه، لاخلينا ساكتين انتو متعرفون شنو وجعهن
نورزان: كاعدين ونسولف بس اني صراحه مو مثل قبل ميانه، لأن كبرت وصارت تصرفاتي وكلامي محسوب عليه، لهذا اتصرف بثكل واحترام
ضلينا تعللنا وراها رجعت ويا اهلي لبيتنا
مرت الايام عاديه بين الدوام والبيت بالجامعه، اكو شاب عدنا بغير قسم اسمه اميركلش شايف نفسه مغرور بشكل لأن ابن مسؤول بالدوله والبنات كاتلات روحهن علي، مامخلي بنيه تعتب عليه
اجت فتره بدا يتقرب مني بس ماانطيته وجه
وصار يلح واني اتلافاه بس الضاهر هل شي خله يصير عنده تحدي ويلطش اكثر، ….
فد يوم كنا بالكافتريا كاعدين، اني وصديقتي ساكار، اجه علينا
امير: هلو بنات، نورزان شلونج؟
نورزان: الحمد الله ،،خير محتاج شي؟
امير: على كيفج انت غير حديه، انطي مجال واحد يحجي، لاكبل هيج تهاجمين
نورزان: اني ماحجيت شي ترا عندك كلام تفضل اسمعك،
امير: اريد احجي وياج على انفراد
نورزان: احجي عادي ماكو احد غريب، اني ماضم شي عن صديقتي
امير: هيج صار الحجي زين،،، الله كريم
نورزان: عافنا وراح وهو مدخن، ورا بشويه اجه سيف
سيف: ها هذا خوما هم رجع ضايقج،؟
نورزان: خلي يولي عباله كلها كاتله روحها علي
بس اطمئن اني دوا
سيف: كفو والنعم، مينخاف عليج، بس اذا تماده كليلي حتى نوكفه عند حده
نورزان: اكيد اخويه السبع
سيف: تصنفين مو نونو هانم
نورزان:هههه لاوالله بالعكس منو ألي غيرك
مرت الايام بين الدراسه والبيت وخلصت السنه
واخويه زيد تخرج من الجامعه،….
امي رادت تسوي حفلة تخرج بس الوالد ماقبل خصوصا هو علاقته متوتره ويا عمامي، لهذا راد نسوي عزيمه عاديه
عزمنه بيت جدي اهل امي اجني خالاتي وعوائلهن وخالي هم وبيت عمو نبيل صارت لمه حلوه
كعدنا من الصبح بلشنه شغل وبنات عمو نبيل هم اجن يساعدن واني ذبوا عليه الدولمه قبل يوم ب الليل سويتها حتى نلحك
وراها بدو خطارنا يجون صارت لمه حلوه مدينه السفره طويله بالصاله كلنا سوا ماكو غريب بينا
وبلش التصنيف والشقه مال سيف
سيف: نورزان وين الباچه مو واعدتيني تسويلي؟
رافي: بربك بدينك ليش متبطل حرشه هي راس الباجه تخاف منه جانت تكول يباوع عليه ويخوفني بعيونه…تريدها هسه تطبخلكياها وهي تتخبل منها
سمر: صح النوم هاي انت بيازمن بعدك هاي قبل
هسه صارت اضبط وحده تطبخ باچه ،، ابويه كل فتره يطلب منها تسويله من كثر مايحبها من أيدها
سيف: اي اللللله ،،،،وخصوصا الممبار والكيبايات وياها حياة تصير
رافي:(بتعجب) انتو تحجون صدك لو تشاقون، وينها وين الطبخ وهل السوالف بعدها صغيره
ام رافي: يمه انت الضاهر ماراضي تقتنع هي كبرت
هاي الدولمه الطيبه هي مسويتها والباچه تاكل الاصابع وراها اذا سوتها وبعد وبعد…
سيف: اني مااريد اكل اصابيعي، لهذا راح احترم نفسي واكل دولمه وها اطلبج مو تغلسيين
نورزان: والله افتهمت كتلك تطلبني باچه،
رافي: كل يوم اتعجب اكثر هاي شوكت كبرتي وصرتي تسوين هيج اكل طيب
ام زيد: كل عطله تروح لبيت جدها، وامي الحجيه تسويلها واهس وتعلمها، على الطبخ وتعرف الحجيه معروفه بنفسها الطيبه بالاكل
ام رافي: اي والله الحجيه صدك طبخها مابعده طبخ
نورزان: خلصنا غدا ولمينه الهوسه وغسلنا المواعين وكعدنا نشرب چاي ونسولف
رافي: زيد شنو مشروعك الجاي بعد التخرج؟
زيد: اشتغل ويا الوالد اصلا ماكو تعيين وخصوصا اني كليتي اهليه
ابو رافي: هو هذا الصح ألزم عمل والدك
نورزان: طلعو الولد، ضلينا كاعدين نسولف، خالتي ام احمد كالت…
ام احمد: ام زيد بمناسبة هل اللمه الحلوه جايتج بطلب وارجو مترديني
ام زيد: غاليه والطلب رخيص من عيوني
ام احمد: اريد اطلب ايد نورزان لأحمد وشتريدون احنا حاضرين،
نورزان: فتحت عيني مصدومه والكل صار يباوع عليه
يتبع….
السادس من هنا
التعليقات