رواية يتيمة المشاعر الفصل الرابع 4 بقلم الكاتبة نور ال زيادة

اصعب شيء في الحياة هو الفراق،وبالتحديد فراق الأحباب…

نورزان: ايام وكلها تحاول تقنعني، هو سافر يدرس، فتره ويرجع،لكن اني ابد ماأقتنعت،، حسيت خسرت ابويه وسندي، واماني وصديقي،،

اعتكفت عن الكل وتغيرت، وحتى الأكل كرهته، كرهت كل شي بالحياةصرت مثل ألي ينطو كل شي، وفجئه، ياخذو منه، من غير استأذان،…ضليت فتره على هل الحال

ام زيد: نورزان وينج تعالي اجني البنات

نورزان: سويت نفسي مااسمع، وغطيت راسي، وراها بنص ساعه، دخلن غرفتي، عرفت من صوتهن، منال وسمر

سمر: نونو حبيبتي شنو السالفه صار شهر، مشايفيج ؟

نورزان: مارديت عليهن

منال: كومي نورزان اريد احجي وياج

نورزان: شالن الغطه مني وجرني كعدني،

منال: هاي شنو!! ليش هيج الوجه ذبلان والخدود رايحه

ام زيد: والله متاكل، ألي جانت مكابله الثلاجه، هسه متطلع من الغرفه

سمر: احنا كلناعطلتي هسه طول الوقت نشوفج يمنه الكل يسأل عليج، حتى رافي اتصل وسألنه عليج

نورزان:بس سمعت اسمه رأسن رفعت راسي بس ماحجيت ولا كلمه

سمر: ام زيد رافي راد رقمج يريد يتصل عليكم،

ام زيد: اي عادي

نورزان: ضليت فتره على هل الحال وحتى العطله كل شي ماأفتهمت منها،مره كنا كاعدين اني واهلي العصر، اجى اتصال على امي، حجت وسلمت وانطتني الموبايل،،،، بس كلت الو اجاني صوته

رافي: هلو نونو، ولج شلونج دبه حسيسه، مشتاقلج كلش مشتاقلج

نورزان:من سمعت صوته ولهفته حتى زعلي نسيته رأسن جاوبته وبلهفه …

– اني هم ّّمشتاقتلك

رافي: ولج ليش كل هل الفتره متسألين، ولاتروحين لبيت اهلي…شنو بعدج زعلانه، ؟نورزان ألي اعرفها عقلها كبير، متوكف حياتها لأي سبب، مو صح لو الضاهر ماكنت اعرفج زين؟

نورزان: اني مو زعلانه بس ضايجه

رافي: ماكو، ضايجه ترا هل مره اني ازعل،اذا تضلين هيج،،، صدك مبروك كالو نجحتي

نورزان: شكرا

ضلينا نحجي شويه وبعدها نهينه الاتصال، بيومها كلش فرحت، لأن حتى سماع صوته يحسسني بالأمان من بعدها رجعت لحياتي الطبيعيه، دائما نتخابر اني وعمو، حتى من يسافرون اهله أله،، يرسل هدايا للكل وبالتحديد ألي تكون الهديه خاصه ومميزه حتى يفهمني بعده مهتم لأمري،

اداوم مدرسه وحياتي عاديه وبديت اكبر، ..

عدنا طالبه ويانا بالصف كلش سمينه، راحت طبيب سوالها نضام غذائي هواي ضعفت علي،

واني هم بفترت مراهقه وبديت اهتم بمضهري لهذا اخذت جدول الدايت منها وبلشت رجيم و بعد فتره ضعفت وشكلي هوايه تغير،

بهل الفتره كلش علاقتي صارت قويه بمنال وسمر رغم فرق السن بينا، بس هنه كلش تقربن ألي، واني حبيت هل التقرب، …

وبمرور الوقت شعور الوحده بدا يروح، وعمو رغم هو بعيد يتصل دائما ويسأل عليه و يحثني على الدراسه، ويشجعني،

ويوم من الأيام كنا مجتمعين بالليل اجه اتصال على والدي وجها تغير وضاج،، بيومها اجانه خبر وفات زوج منال، كلش انقهرنا، صح مو هوايه شايفي بس المرات القليله ألي شفنا كانت كفيله تفهمنه انو هو انسان جيد، هو دكتور اسنان، انقتل بزمن الطائفيه هو وهوايا اشخاص مثله مع الأسف ….

راحت امي وابويه للفاتحه، وأحنا كلش تأثرنا خصوصا على منال وبراء وغيث مع الاسف راح وعاف زوجته وابنه وبنته،….

منال قررت ترجع تعيش يم اهلها، اني وريام هواي تقربنه على براء بهل الفتره نحاول نساندها بخسارت والدها، وبمرور الوقت صارت براء اخت ثالثه ألنا، صرنا اكثر الوقت سوا لو هي يمنا لو احنا يمها….

اما سمر تقربت مني بشكل مو طبيعي صارت كأنما ام ألي، ولا يوم بخلت عليه بالنصائح ابدا، خصوصا هي بعد وفات خطيبها اعتزلت الزواج وضلت على ذكراه وبهيج حاله، اجتمعن الأخوات بقدر واحد وهو فراق احبابهن، وعاشن بيت والدهن ….

وصلت مرحلة السادس، وبلشت مرحلة الجد، خصوصا كان طموحي اطلع طب، وكالعاده منافسي اللدود بالدراسه سيف، هو هم قرر يريد طب

خليت كل طاقتي بالدراسه وخليت مدرسين، وعشت ايام مليانه توتر وتعب ورغم هذا كله صح نجحت بس معدلي انقبل صيدله مو طب، كلش ضجت حسيت تعبي راح

سيف صح معدله اقل مني بس الاخ رتب وضعه وقدم صيدله وانقبل، وصرنا سوا بنفس الكليه.

قبل الدوام رتبت نفسي واشتريت ملابس حلوه

خصوصا اني هسه تغيرت ١٨٠ درجه صرت شابه بينت عليه ملامح النضوج صرت رشيقه وطويله

اني وسيف أنداوم نفس الكليه خليت خط بالفتره الأولى لكن يوميه سيارته عطلانه، وأضل حايره

مره عمو نبيل اقترح، اقتراح على بابا

ابو رافي: ابو زيد، خلي نورزان تروح ويا سيف على شنو هل الخط هي هم اخته يوصلها بطريقه على الاقل أئمن من الغريب

ابو زيد: والله مااعرف شنو اكلك، هذا ابو الخط خبلنه يوميه مطلع فلم شكل، وزيد بغير جامعه واضل حاير بيها

ام رافي: هذا هو هذا احسن حل وأئمن لأن هي ماشاء الله حلوه وينخاف عليها

ابو زيد: هاي هيه، على خير ان شاء الله

نورزان: بديت اداوم واروح وارجع ويا سيف، واساسا اني وسيف علاقتنا زينه صارت من كبرنا

مره رجعنا سوا، طول الطريق سيف، يبتسم

نورزان: ضحكت خير ان شاء الله اليوم شبيك بس توزع ابتسامات؟

سيف: مابيه شي هيج فرحان لو عندج اعتراض

نورزان:لا بالعكس ….

وصلنا يم بابهم وكف السياره،

_ ليش هنا مو يم بابنا؟

سيف: نزلي وبعدين تعرفين ليش

نورزان: نزلت، دخلنا للبيت تلكتني عمه ام رافي، تضحك، جرتني من ايدي، دخلتني للصاله هنا تفاجات!!!!؟

يتبع،….

الخامس من هنا