تغيّرت المودّة والإخاء..
وقلّ الصدق وانقطع الرجاء .
وأسلمني الزمان إلى صديق …
كثير الغدر ليس له رعاء ..
وربّ أخ وفيت له بحقٍ …
ولكن لا يدوم له وفاء أخلّاء ….
إذا استغنيت عنهم …
وأعداء إذا نزل البلاء ….
يُديمون المودّة إذا ما رأوني …
ويبقى الودّ ما بقي اللقاء
الامام علي (عليه السلام)
********★*******★******
1995
_يارجال كتلك مااريد مااطيقك ليش ماتفهم مااااااارررررييييدددك
_وانتي عبالج تمسكي بيج لاغلطانه اني تمسكي بيج لخاطر الاطفال وبسسسس…
اسمع صياحهم اليومي
واني كاعد بمكاني ادرس مااتذكر بيوم امي
درستني لو عمالتني بحنيه كل ماتصيحلي او تصيح لاختي تكوللنا ياغلطة عمري بس ابويه لا جان حنين علينا …..
اني ليث من مواليد 80 حاليا بثالث متوسط
احب دراستي هوايه….عشت ايام صعبه هوااااي صعبه…بس دست على نفسي ومستمر
اريد اكمل دراستي واطلع شهادة زينه …
دخلت اختي بسرعه ودخلت بحضني ..هاي عادتها كلما يتعاركون اهلي …..تخاف من الصوت العالي …اتنهدت وياوعت عليها وملت ياريت لو الخوف الي بداخلي جان بس على
الصوت العالي ….
طلعتها من حضني …وهي تباوعلي بعيونها
المليانه خوف مسحتلها دموعها بهدوء ..
ليث_شبيها اميرتي ..جاوبتني وهي مبرطمه
اميرة_تعرف اخاف من يصيحون…
ابتسمتلها وخليها تتمدد بصفي ..
حجيت واني اباوع عالسكف ومنومها على ايدي…
ليث_راح يجي يوم اني وانتي ناخذ بيت ونسكن بي وحدنا …مبي لاصوت عالي لامشاكل وايامنا كلها تكون سعاده..
اميرة_ صدك يعني مابيها بابا وماما…
سكتت واني العبره خانكتني …..
كعدنا نتغدا توني اوصل اللكمه لحلكي واجتني
الصدمه من ابوي كال…
محمد_بويه باجر انا وامك نروح لبيت جدك وناخذ اميره بس عمك ماقبل ناخذك كال رايدك بشغله …استحيت منه ..
اريد ابلع ريكي مكدرت لحد مابلعت ريكي حسيت الدنيا افترت بيه..
ايدي كامت ترجف اريدد اوكف الرجفه البيه
ماكو …ابوي حس عليه ..
محمد _بويه شبيك …
ليث_ل ل لاا بببببووووييه ممماااكككوو ششي..
بالكوة كدرت اكول هالجمله كمت لحيلي …
ليث_حححمممددااللله ..
فتت للغرفه ..كعدت بالزاوية حطيت راسي بين رجليه …واني اررجف ..رجعت بذاكرتي
واني عمري 8سنوات
جنت العب اني وولد عمي حماد.. سالم وسليم
سالم بعمري وسليم اصغر مني بسنتين …
بيت عمي عدهم حوش خلفي مسوين بيها مخزن مو كولش جبير
حماد…تعال ابني ليث انطلع جم شغله..
سالم …انا اجي وياك بويه …
..حجه وهو عصبي وصاك سنونه ..
حماد_كلللت لليث..
رحت ويا..دخلت للمخزن جان بيها ضوا خفيف
ليث_عمي شنو اجيب….حسيت قفل باب
المخزن انداريت شفت نضراته وهو يلزم شواربه ويبتسم وسنونه الصفر المقززة مبينه
اتقرب مني شي خلاني ابتعد ويه كل خطوه يتقدم بيها لتجاهي رغم جنت طفل مع ذالك
حسيت روحي راح تطلع حسيت الحايط صار وراي ولحد ماوصلت للحايط جم مره ردت اوكع لان المخزن وصخ وواكعه شغلات بالكاع
رفع دشداشته ونزعها …
فزيت من صفنتي دموعي تجري على خدي
كرهت ضعف ال اني بي رغم كبرت صارت
عندي عقدت الخوف والتقزز من نفسي ..
*******★*********★******
ريام
زهرة …يمه انتي كبرتي …لاتضلين تلعبين
ومن تشوفين عمج ماجد لا تكعدين يمه
كبل فوتي لغرفتج …
باوعتلها واني حايره
ريام_ ليش ماما..
جاوبتني بصياح …
زهرة _الي كتلج علي سويه …
كمت لبره ودموعي تجري على رجال تزوجته
يصير سند الي ولبنتي …اتذكرت من تقدملي
ماجد جان مسوي روحه الملاك …ومية حلفان
اصير سند الج ولبنتج تالي طلع واحد ساقط
وشراب عرك …النوبه حتى طلاك خواني
مقبلو. اطلك على ابو محد يتحملج انتي
وبنتج…ضليت تحت رحمة رجال بلاذمة وضمير صرت زوج لرجال بس بالاسم ..
اشتغل خياطة وحطيت عيوني عالمكينه ..
حتى اطفال ميصير عدنا وشكرت وحمدت ربي لان مرزقني منه اطفال …خوفي كله على بنيتي وحيدتي غالية علي الي عافها وفضل
وحده رخيصه علينا …حسبي الله ونعم الوكيل ..
كمت اكمل الخياطات العندي …
صافن واحس بروحي بغير عالم من راجعت نفسي والسويتي فات الاوان خسرت بنتي وزوجتي الصايمه المصليه وفصلت عليها وحده ماعدها مخافة الله فضلت غرائزي على عائلتي زهرة الي جان اداري امي واداريني ومن ارجع تستقبلني بالضحكه الحلوة للاسف كل الوقت جنت احس مااحبها وكلبي يحن لحبيبتي سماهر الي عافتني واني جنت فقير
وتزوجت وطلكت عبالك هديه من ربي بدون موافقة امي وزوجتي اتقدمتلها شرطت اطلك زهرة من غبائي طلكتها خسرت بنتي وزوجتي …
رجعت من ذاكرتي على صياح سماهر عالجهال ..
سماهر …هاخير رجعنا للعزله والصفنه…
كمت لحيلي باوعت عليها ..بخزرة وطلعت ..
دخلت لغرفة امي …
كامت الممرضه لحيلها …لان سماهر رفضت اداري امي …
ليلى _تفضل استاذ علي ..
امي باوعت عليه ودارت وجهها رغم مرت على سالفة طلاقي من زهرة 5سنوات …بعدها مباريتلي الذمة …وكلما تسوي سماهر شي تكول حوبة زهرة …لدرجة اني هم احس كل شي يصير حوبة زهرة الي مقصرت بشي بس اني خنت ونسيت حتى بنتي ..
قررت اجيب بنتي واجيبها تعيش عندي ..
على الاقل تعوضني بزهرة …باجر اروح لخوالها …واتمنى المح خيالها..
ثاني يوم بدون مااكول لاحد …توجهت لاهل زهرة..
دكيت الباب طلعتلي ام زهرة باوعت عليه …
ام زهرة _ربي ليشوفك راحة عساها بحظك وبختك كل شي صار ببنتي …
جحظت عيوني واني ممفتهم …على صوتها طلع اخوها جاسم …اجاني بعصبيه..
جاسم _خير ليش جاي بعد هالسنين شرايد..
علي _اريد بنتي ..
جاسم_هههههههههه يابنت بالله ذكرني ..
علي _لو سمحت جيبلي بنتي …
اتقرب عليه بعصبيه …
جاسم_بنتم بح ..
خفت عبالي ميته ..
علي _شصار بيها..
جاسم _حجيت بهدوء اختي تزوجت وزوجها يربي بنتك…
علي_شششننوو ..هسه تنطيني عنوانها مااخلي غريب يربي بنتي…
باوع عليها باستصغار …وفات وقفل الباب بوجهي…
دكيت الباب بقوة ..ماكو رد …حسيت الحرارة صعدت براسي ماادري لان بنتي ضليت ادك …محد عبرني …طلعت بسرعه لمكان شغل اخوها الجبير حمزة …هو يشتغل موظف بدائرة الكهرباء …
دع الندامة لا يذهب بك الندم …
فلست أول من زلت به قدم….
هي المقادير والأحكام جارية…..
وللمهيمن في أحكامه حِكمُ ….
خفِّض عليك فما حالٌ بباقية……
هيهات لا نعمٌ تبقى ولا نقم ….
قد كنت بالأمس في عز…..
في دعة حيث السرور …..
وصفوا العيش والنعم ….
واليوم أنتَ بدار الذلِّ مُمتهنٌ…..
صفرُ اليدين فلا بأسٌ ولا كرمُ
لابن معصوم المدنيّ
دخلت للدائرة …سالت ودلوني مكانه …اندار
من شافني جمد بمكانه وراها خزرني وتقدم ..
علي_باي حق تبقون بنتي يم رجال غريب..
رفع راسه وهو يخزرني
حمزة_بحق السنين الي عفتها يمنا …لاسالت عليها ولافكرت تجي تشوفها …الحق انت ضيعتها من خمس سنين من بعتها هي وامها..
روح علي ولاتشوفني وجهك …
عافني وراح …طلعت من الدائرة واني اقدم رجل وارجع رجل …ودموعي مستمر تنزل …بنتي الي ماجنت اقبل دمعه تنزل منها ..عايشه يم رجال غريب يصرف عليها وابوها عايش ..لعد شكد اني حقير وماعندي ذرة احساس ومسؤوليه …رجعت للبيت كبل دخلت يم امي …الممرضه طلعت ..كعدت عالجربايه يم رجل امي …حطيت راسي على رجلها …امي تباوع باستغراب ..رفعت راسي ..
احس النار تطلع من راسي …من عيوني …
ام علي _شبيك يوم ..اول مره اشوفك بهالحاله…
علي..يمه زهرة متزوجه..
باوعت عليه بصدمه..وراها اداركت نفسها وكالت..
ام علي _لعد تبقى على ذكريات واحد خاين..
روح يم التفت لحياتك وخليها ترمم كلبها الي دست عليها برجلك وماانداريت عليهم..
علي ..يمه وبنتي ريامه …
ضحكت باستهزاء …
ام علي_جا يمه هسه اتذكرت ريمه…
دخلت علينا مثل الاعصار …
سماهر …يعني سويتها ورحت يم ذيج الكح…
كمت لحيلي وضربتها راشدي وكعت بالكاع ..
هاي اول مره امد ايدي على حرمه …
بس حسيت خسرتهم بسببها …
*******★*******★*********
ليث
كاعد ادرس حسيت باب المطبخ ينفتح …
اهلي مموجودين …رحت اشوف منو ..
طلعت وشفت كابوسي …
صرت ارجف منه كبل دخلت لغرفتي …قفلت الباب واني ارجف …
حسيت بيدة الباب تنفتح وتنسد …
وصوته الي تسبب الي كل مشاعر الخوف والرهبة …
افتح الباب حبيبي …تعال ماكو احد يخلصك مني …
حطيت ايديه على ذاناتي ..مااريد يوصلني صوته الكريه ….
افتتتتتتتتتتتتح…
ويه صياحه رجعت بفزة وضميت روحي يم الكنتور …
اختفى صوته …حسيت يحجي ويه شخص …تقربت من الباب سمعت صوت ابويه وامي …
كبل طلعت. ..باوعلي بعصبيه …وخزرني وطلع..
فزيت من حلمي …شفت الشمس راح تشرق …
واني كل ساع افز اذا اخر مره كدرت انهزم هسه شسوي …
كعدت وانتجيت عالحايط ربي رحمتك. ..ربي رحمتك. …
مدري مرت شكم ساعه سمعت صوت اهلي كعدو
كل عادة على عركة بين امي وابويه …
طلعت واني حسمت امري احجي لامي ..
طلعت سمعت صوت طكطكه رحتلها حجيت بصوت ناصي..اول مره نسولف اني وامي ..
اندارت وجاوبتني بعصبيه
ليث_يمه …اريد اجي وياكم مااريد اروح
لعم…مكملت حجي حسيت بنار بخدي …
ضربتني راشدي قوي ..
_اسمع لك اني ابوك واختك كوه متحملتهم على عمه عيوني قبلت يجون وياي والله ان سمعت صوتك لسانك اكصه ..حيوان شبي عمك اشو كل مره يحمد بيك ويحطك بحظنه..
صافن عليها وايدي على خدي ..واحس الدموع متحجره بعيوني …واني بداخلي ناار ياحب وهو مخليني لعبة لنفسه الوصخ …..
نزلت ايدي …باوع عليه ويمكن آثار الراشدي
شبيك بويه منو ضاربك .
حجت امي برعونيه
اني ها شكو حتى تتدخل بتربيتي للجهال …
وضلت تتعلل وتصيح ..عفت ابوي يترادد وياها..واني حاير بلي راح يصير بيه …قررت ماينفرد بيه..
ابوي وصلني لعمي وهو يوصي عمي بيه …
وهو يضحك باستهزاء ويكله..
بعيوني لايضل بالك ….حط ايده على جتفي
وهو يضغط على كتفي …
وهاي رجعت لوكري ياااليووووث…
يتبع….
*******★******★******
التعليقات