رواية تحت اقبية الظلام الفصل الثالث 3 بقلم ام سامان

البارت الثالث

عندما تريد أن تكون راقيا

قلل حديثك عن البشر

وعندما تريد أن تكون نقيا

احسن الظن بالبشر

الاهتمام دون طلب يكون أجمل .

الحب دون خداع يكون اروع ..

الصداقة دون مصالح تكون اعظم .

المحامي سعد_مجنت رايد اكولك هيج خبر بس بماانك مدتساعدني مجبور اكولك ابوك انتقل الى رحمة الله. ….

رفعت راسي بصدمه …

هزلي براسه …للاسف اليوم الي لزموك الشرطة صابته جلطة وتوفى …لازم هالمره تفكر باختك الصغيره …ماضل عها احد وحاليا هي تحت رحمة زوجة عمك الي انت قتلته فتخيل الشي الي راح يصير بيها…اني مجنت موافق اتبنى قضيتك ..بس من عرفت طالب قانون …قررت اساعدك .. ساعدني حتى تطلع

وتربي اختك …

عافني وطلع…واني جامد الخبر هزني هز معقولة بس لان دافعت عن روحي خسرت ابويه واختي يم وحده ماتخاف الله من يومها تكرهنا …لا يالله امتحانك صعب ربي …

يوم المحكمه …

ضليت ساكت …مااكدر احجي السبب الحقيقي بس خففو الحكم لان شافوني بعدني شباب وعقلي مايحكم والمحامي حاول يسويها دفاع عن النفس بس لان عمي مجان ويا اي سلاح انحكم عليه 15سنه ….كعدت بالكاع …واني اشوف مستقبلي الي ادمر نزلت دموعي …شفت زوجة عمي تقربت …وكالت حيييل بيك وربي لااذبح طلي لوجه الله ياقاتل وها انسى اختك والله لااطلع القضى والمضى منها …

فقدت ودرت اتهجم عليها لزموني الشركه والمحامي متضايق بالحكم …تقرب

سعد_تمنيت اكدر اخفف الحكم بس للاسف ماكدرت ..وعرفت انت اول قانون تضايقت لان خسرت مستقبلك …

ليث_حاجيته واني احس روحي تحترك من داخل …بروح غواليك. …مااري تكطع مني. .اريد اعرف اخبار اختي …منك ..

سعد_وعد راح احاول اساعدها من بعيد لبعيد..اعتبرني اخ جبير الك والها….

اتنهدت وكملت كلامي …

ليث_طلب اخير …عندي ابن عم اسمه سالم وهو ابن الي قتلته …بس من يرجع …التقي بي وجيبه الي …

الله كريم ..يلا روح وانت مطمئن..

*******★******★*****

اميره ..

يفوم واحد يوم واحدفقط…خسرني كل شي. ..

اخويه وابويه …ليش وشنو صار ماادري. ..

محسيت غيرعلى وحده …تجر بشعري وتضربني وتسب بيه وباهلي واخويه …

زوجة عمي رحمه_ولج كح… حيو… بسبب اخوج خسرت ابو بيتي ..بنت الكح… الله ياخذج انتي واخوج …حسيت راح اتخرط من كثر الضرب…شخص سحبها مني …سليم. .ابن عمي ..الي حبيته صار سنه …وهو هم يبادلني النظرات..بس قبل لاياخذ امه باوعلي بحقد وطلع….

نزلت دموعي واني جسمي يون من الوجع والحركة …دمرتنا يخويه دمرتنا ….

**********★*””*******★****

قررت اطلع ريام من المدرسه …لان صايره حلوة وخاف جهال الحرام يسوي بيها شي ..

كعدتها وهي تبجي وتلطم…مهمني من تكبر وتصير عدها بنيه راح تحس بلي دااحسه هسه واني احميها من زوج امها الكو… والذيابه الي براا…ربي بس استر عليها كل شي مااريد …

ريام ….يمه ..كعدت يم رجلي يمه فدوة مااريد اعوف المدرسه …بداخلي اتكطع عليها …بس مااكدر ..جاوبتها بجمود ..

زهرة _العندي كلته مدرسه مااكووو

عفتها وفتت للهول كعدت على كرسي الي يم المكينه وانتجيت براسي عالمكينه …ودموعي تجري واني اتذكر علي …اااااااااخ ياعلي دمرتني اني وبنتك …اكوم واكعد اتحسب عليك لحد ماتكلع حوبتي بيك …تزوجت وعايش حياتك وجهال اثنين باحسن وضع…واني تزوجت واحد حقير …عود اعوضه عنك تالي حطيت كل حيلي عالشغل فوك بنتي جبت علة النفسي ..حسبي الله ونعم الوكيل بكل شخص اله دخل باذيتي ….

*********★*********★*****

سعد…

من حجولي بقضية ليث .وو وكلولي طالب قانون ..قررت اتكفل بقضيته…اعرف اكو انه بالسالفه ….لان هو مبين متربي …ميقتل بدون سبب …من دريت ابوه توفى ..وشفته ميساعدني بقضيته …قررت اكوله حتى يحارب في سبيل يطلع …بس للاسف ماقبل يكول غير شي…. وصاني على اخته …شي

بداخلي خلاني اوعده ادير بالي على اخته …

مره مريت من كدام باب بيت عمهم..

طلعت وحده لابسه دشداشه عريضه وطويله

ركزت بيها وانصدمت ..معقولة هاي اميره..

الوجه اصفر وآثار ضرب بوجهها… مصدكت ..لان اني شفتها مره من رحتلها تنطيني معلومات عن القضيه ….جانت حلوة وبريئه وصح ملامح الحزن جان مبين بوجهها بس هسه ماضل اي ملامح غير التعب …طلعت وحده وراها …جرتها من شعرها ودفعتها للحوش …مشاعر بداخلي مخربطه….مدري شنو هو ..كل الي عرفته لازم اطلعها من هذا البيت…وباسرع وقت…

*******★********★*******★**

دخلت للسجن المركزي ..

اول مادخلت ..انصدمت ..الاكثر اعمارهم جبيره مقارنة بعمري …اتقربلي واحد …

يطلع عمره ببداية الثلاثين …ملامحه جامده على غضب…

كال بصوت قوي ..

_الله يفك اسرك …جم سنه ..

اووووب 15ليش شنو الجريمه …

جاوبته بجمود واني احاول احجي بقوة جتى ليكولون خايف ..

ليث_قتلت عمي. ..

فك عينه ..بعدين شفت شبح ابتسامه على وجهه

_جيد …جيد جدا…مدلي ايده ..

_اني عزرائيل تدري ليش هي يصيحولي. …

هزيت براسه لاا ….

تقرب مني وحجه بصوت بالكوه وصل لاذني لان اخذ روح الي يخوني او يتقرب من شي يخصني والي يجذب ماارحمه …

ابتعد ورجع ابتسم …واني بصراحة حبيتك وقررت اضمك لجماعتي …

عكدت حاجبي ..جماعة شنو.

عزرائيل _كل شي بوقته حلو غمزلي واشرلي الحكه..

*******★*******★***

جاسم. .

جنت مراهق من قرر حمزه يزوج اختي للمرة الثانيه. ..وهي قبلت من حمزة كللها يدير باله عليج وعلى بنتج …بس مدري ليش ماارتاحله

وحاسس اختى ضامه شي عنه …قررت كل يومين ازورهم ..واطمن عنهم ….

من ازورهم …دائما اشوف امجد بالبيت ..ومن اسال زهرة تكولي اليوم ماعده شغل…

لحد ماعرفت انو اصلا اختى تصرف عليه وهو

واحد عطال بطال وعبء على اختي..

دكيت الباب طلعت مرت اخويه لمياء ..

لمياء ..هلا خويه تفضل…

جاسم _ابو مروة موجود..

لمياء_اي خويه تفضل…

فتت واني دمي محروك على اختي …

حمزة _هلا جاسم فوت …

رحت كعدت واني اهز برجلي …

انداريت علي …

جاسم _جنت تدري …

باوعلي باستفهام..

جاسم _جنت تعرف ذاك كاعد عطال بطال ..

مصرفه على اختنا …

طلع جكارته وهو يدخن …

باوعتله واني مصدوم..

حمزة _لان مو مستعد اسمع لغوة الناس على ابو طلكت للمره الثانيه ..

جاسم ..بالكوه ضبطت وحاجيته بهدوء …خلي تنفصل واشيلهم لغير منطقة…ومصرفهم عليه ..

كام لكيله وجرني من زيجي ..

حمزة ..جنك كبرت وكمت تتامر عليه …اسمع لك ..كلامي هو اليمشي واني كلت طلاااك ماكو وكللها لذيج اذا فكرت تتطلك على هيج شغلات فاضيه اذبحها…دفعني ناحية الباب..

طلعت واني مخنوك لان ميطلع بايدي شي ..

سلمت امر اختي لربي …..

********★********”★*******

أميرة

حياتي تحولت جحيم …..تفاجئت بيوم الباب يندك ..رحت افتح وانصدم بوجود امي ..

تقدمت حضنتني …وهي تبجي وتحضن بيه …

ماعندي لهفه ….بس بالوضع الاني بي والجحيم المعيشتني بيها زوجة عمي ..حسيت اني حبل النجاة …حضنتها .واني ابجي ..

طلعو على صوتي سليم وامه..

رحمة..ها شوفو من اجت الك… باوعت عليه

ها ياك… شايفه حاضنه الي عافتج …

ضميت روحي ورا امي …

وهي تباوع لزوجة عمي بحقد …

سمر(امي)_سمعي لجججج اني من كلولي اميره يمج وكلبي علمني راح طلعين حقدج بيها لان ادري وحده حقيره مثلج مايهمها تضلم طفلة ..

سليم …هييي لاتعلين صوتج على امي ..اخذي بنتج وولي …خلقتكم منريد. نشوفها…

اندارت امي ..وين توديها ..هاي راح اخذها فصليه الك …والله لطلع ضيم كلبي بيها..

جرتني من ايدي …امي دفعتها ..وطعت بالكاع

وصااحت امي دفعتها قوي ..

يمكن حوضها اتاذى. .

سليم ..راد يتقدم يضربها ..بس صياح امه وقفه …والله اذا اتئذت اقرو على ارواحكم الفاتحه

شال امه …اندارت امي ..كومي بسرعه ولمي كل شي يخصج..

بسرعة كمت وجتي وياي..لمينا كل الاوراق الي تخصني وتخص اهلي …

امي من شافت الاوراق ضحكت بانتصار. ..

وطلعنا…واني مكيفه خلصت من جحيم رحمه

********★*******★********

ليث..

بالليل نمت ..وكت متاخر سمعت اصوات ..

هالاصوات ذكرتني بالجحيم الي عشت. بي..

جسمي صار يرجف ويختض …كمت لحيلي واني اتبع الصوت …لحد ماشفت المنظر الي رجعني لقبل سنوات …رجعت بسرعه ولحد ماوصلت للفراش وكعت عشرات المرات…صرت اختض وادموعي تنزل…

لح ماحسيت بايدي على متني …انداريت واني اشوف عزارئيل باوعلي بنظره مفهمتها …

عزرائيل_الحكني ..

بالكوه هديت روحي …لحكته واني بعدها الرجفه بيه .. الي يشوفني يكولي شكد جامد وماعده خوف ميدري خوف الدنيا بيه ..

وصلنا لساحة السجن..طبعا عزرائيل داخل السجن حتى الشرطيين والحراس …يخافون منه ماادري لحد هسه شنو شغله….

عزرائيل وانتجى بظهره عالحايط ..

ورث جكارته …اشرلي اكعد كدامه …كعدت واني امثل القوة..

عزرائيل_اسمعك ….

باوعتله باستفهام..

سحب نفس وذب الدخان وهو يتفحص مبامح وجهي ..

عزرائيل_ليش كتلت عمك…

ليث_جاوبته بهدوء …مثل ماسبق وكلت بالتحقيق وتلمحكمه راد يبوك من بيتنا انجبرت اكتله لان راد ياذيني …

هزلي براسه وهو بعده يتفحصني ..

عزرائيل…تتذكر اول يوم دخلت هنا ..كتلك ليش مسمييني عزرائيل…

تذكرت من كال اليجذب ماارحمه ..

ليث ..ماجذبت كلت الحقيقه ..

عزرائيل ..جيد ..

كمت لحيلي وصلت للباب وجمدت بمكاني من كال..

عزرائيل _يعني ماقتلته لان اعتدى عليك