رواية الحمال وبنت التاجر الفصل التاسع 9 بقلم جمانه السعيدي

من ترجع للغرفه تشكي من ألم بطنها

لان ادنك هواي

مهيب….مالج شغل بيها هي تدرس وحدها

نورس….لا شلون خطيه لازم اساعدها اني زينه بلرياضبات

وهي تكول صعبه

مهيب…اي موجاي تتاذبن من بطنج

نورس…ميخالف

ثاني يوم جبتلها طبله هاي الي تنطبك

مهيب…هاي جبتها المنى تقرأ عليهآ

نورس….اي حتى ندرس عليها

مهيب….حتى بعد لا تشكين من بطنج

منى…شكرا هاي اليه لو تخاف على نورس

مهيب…اللج ام السان

.منى …..ابن اخوي مبين راح يطلع رجال لان بعدها بالشهر الولى وبطنها جبيره

لو يمكن يطلعون توم

مهيب…لا تشغلين نفسج بهاي السوالف انتبهي الدراستج

منى…حاضر

حبيت الاختلاف الي صار بعائلتنا من بعد نورس مادخلت

حياتنا احس البيت صار حلو كلشي بي طعم

حتى الكعده على الاكل الها طعم ثاني من اشوفها تساعد امي لو تضحك وياا خواتي

لو تكعد وياهن بغرفتهن تسولف وتضحك

ارتاح نفسيا جمانه السعيدي

بليل كل واحد تممد بمكانه واجا وكت نحجي شويه قبل لا انام

نورس…. اني اذا رجعت الاهلي راح افتقد هاي الحياة هواي

مهيب…شلون يعني

نورس…يعني الحياة هنا بيتكم مختلفه حلوه وبيها طعم

اني تعودت عليها

مهيب…تعاي كل فتره زورينا

نورس….اذا انت ازوجت مراح اكدر ادخل بيتكم مره ثانيه

اكيد زوجتك مراح تقبل

مهيب…ازوجت

نورس…اي اكيد لازم ترتبط ويصير عندك أطفال

لان هذا زواجنا وهمي فترة وقت وراح تخلص

مهيب…اي وبعدين

نورس…راح تشوف حياتك من بعد ما تخلص مني

مهيب….اليوم زوجتيني والأطفال صارو وبعد

نورس…هيج مجرد فضفضه

مهيب…اني هم راح افضفض شويه

نورس….اي

مهيب….انتي راح ترجعين بيت اهلج وتربين ابنج احسن تربيه

ويجوز تزوجبن

نورس….مستحيل بعد ازوج

مهيب…غير اكمل ليش كمزتي بلنص

نورس…العفو مو قصدي بس لان اني شايله فكرة الزواج من بالي

مهيب…بما ان انتي شاطره بالرياضيات اكيد راح تلزمين الشغل وتساعدين ابوج لان كبر بعد مايكدر

نورس…شغل ابوي تصدك هاي الشغله مو ابالي ولا مفكره بيها

مهيب…ليش ابوج تعبان وخاصه بعد الجلطه الاخيره

ومحتاج احد يساعده

ولو المكان كله زلم وانتي حلوه

تحتاجين حرس مسلح حتى اي واحد يتحرش بيج

كبل يكتله خلاص

نورس…ياستار عليمن الكتل

مهيب….لعد يتحرش بيج وتسكتين

نورس….المهم اني موقفي شنو ترا الجلاب الي تنبح بكل مكان موجوده

مهيب…زين اذا ماعندج حرس شلون راح تتصرفين

نورس…اطلب منه يلزم حدوده

مهيب….اي واذا مالزم حدوده شسوين

نورس…اطرده من المكان وماابيع علي

مهيب….اي ينتضرج برا ترا الشارع ملك الحكومه مو ملكج

ينتضرج برا

نورس…اشتري سياره ومن اطلع اصعد السياره وكبل للبيت

مهيب…واذا عنده سياره واجا وراج

نورس…ولله خوفتني ترا اتلث اربع النساء تشتغل مابقت عليه جمانه السعيدي

مهيب….بس مو مثلج حلوات

نورس….اني حلوه برائيك

مهيب…طبعا اني اول مره شفتج تخبلت عليج

نورس…كعدت على حيلي اي وبعدين

مهيب…ليش كعدتي

نورس…حتى اسمع الكلام زين الله عليك كمل

مهيب… شفتج وعجبتيني بس انتي ماكنتي تباوعين عليه

ولا على اي احد داخل اامكان

عبالك وحده مغروره

نورس….لا مو مغروره بس استحي اي كمل وبعدين

مهيب…قررت بس اكمل جامعه اتقدملج

نورس….احجي بسرعه ليش اسحب الكلام منك سحب

مهيب…كعدت شو اخذج الحماس هههه

نورس….طبعا اسمع قصة حب اول مره لازم اتحمس

خليت ايدي على الجربايه ورديت عليها

مهيب…حب من طرف واحد

نورس….ليش ماحجيت انت السبب يكون هذا الحب من طرف واحد

مهيب….هو اني وين شايفج حتى احجي

حتى ابوج من سوا العمليه امج كاعده بلغرفه ما تحركت

كلشي ماكدرت احجي

نورس…. اي وانت سكتت ليش ماحاولت مره ثانيه وثالثه

اني لو متعرفه عليك قبل وشايفه اطباعك هاي جان

مهيب…اي كملي جان شنو

نورس…لا هيج اخذني الحماس على حجيك

مهيب…اني اكمل جان حبيتيني لو لان احنا هنا هسا سوا

تحسين هيج احساس

نورس….لا انت الصراحه تنحب لو ملتقيتك بغير هاي الضروف جان حبيتك

بس كلشي قسمه ونصيب حتى خطبتك اليه

ماعرفت بيها اله متاخر

مهيب…انتي كلتي قسمه نصيب

نورس…الله يسعدك ويهنيك تستاهل كل خير

مهيب…وانت هم تستاهلين كل خير

مهيب….اني ارجع الضهر اتغدا وانام ساعه وارجع اطلع للشغل

بليل ماارجع من وكت ارجع بلعشره بلعشره ونص مرات ١١ يله ارجع للبيت

نورس منتضرتني اتعشى واشوف ابوي وامي وانام

جمانه السعيدي

من بعدها بيومين اتصلت عليه نورس ورا العشى بساعه

نورس…هلو مهيب ممكن ترجع للبيت بسرعه

مهيب…ليش شكو يوجعج شي

نورس…اي تقريبا خالتي ماتكدر تاخذني للمستشفى

ممكن ترجع من وكت

مهيب…اي هسه اجيت

رجعت للبيت مستعجل

بس دخلت لكيت الورد والنفاخ والكيك والحلويات

خواتي وامي ونورس وابوي كاعد بس دخلت

نورس والبنات بصوت واحد

هبي برا ديتويو سنه حلوه ياجميل

بقيت واكف بمكاني متفاجئ محد.مسويلي عيد ميلاد كل حياتي

احنا ما نحتفل بهيج مناسبه

تقدمت نورس لزمتني من ايدي وقربتني على الكيك

نوس….عيد ميلاد سعيد وكل سنه وانت بخير

لا بسه ثوب وردي يخبل عليها وشعرها مفتوح

خواتي مبدلات وامي لابسه ثوب ازرك ومكحله

مهيب….شكرا شكرا منو صاحب هلي الفكره الحلوه

نورس.. اني سئلت على عيد ميلادك وقررت افاجئك

اسفه إذا ازعجتك أو خوفتك

مهيب….لا بلعكس فرحتيني

قربت عليه نورس وباستني بخدي وانطتني هديه

لزمت خدي لان باستني اول مره تقرب عليه هيج

فتحت الهديه محبس فضه شذرته اسود

اخذته نورس ولبستني بايدي

نورس….الله حلو بلعافيه

خواتي وحده جايبتلي قميص ووحده ساعه ووحده عطر

وامي جايبتلي كلابيه مال بيت

ابوي….مهيب اني هم تريد مني هديه

مهيب….وجودك بحياتي احلى هديه

ابوي….الله يحفظك

مهيب…شكرا فاجئتوني شكرا الكم

طفن الضوه وكامن يغنن

نورس واكفه بصفي لزمتني من ايد

نورس…اتمنى امنيه قبل لا اطفي الشمع

مهيب….اي تمنيت قربت طفينا الشمع

كطعنا الكيك واكلنا حقيقتا فرحت بهاي الحركه

ترا الرجال هلكد.شايل مسؤليه ويتعب محتاج اهتمام من نوع خاص يحتاج يحس نفسه محبوب

كملنا الحفله اخذت الهدايه الغرفتي

شويه واجت نورس وراي

نورس…عجبتك الهديه

مهيب….اكيد عجبتني لان انتي جبتيها

نورس…لا تنزع هذا المحبس من ايدك حتى يبقى يذكرك بيه طول العمر

مهيب….ليش انتي وين رايحه

نورس….يعني اذا انفصلنا ورجعت البيت اهلي

مهيب….لا مراح انزعه ابد اصلا عاجبني حيل

نورس…بلعافيه

مهيب…شكرا

نورس….اجيبلك عشى

مهيب….لا اكلت كيك اذا جعت اني اروح اكل اي شي

نورس طلعت اساعد البنات لان المكان صار هوسه

منى….احنا جاي نرتب ارجعي الزوجج احتفلي ويااا

نورس…خلاص احتفلنا

منى…ميخالف روحي بلغرفه لا تعوفي وحده

نورس رجعت للغرفه سمعت مهيب يحجي بلتليفون

نص الحديث كان

مهيب….هلو حبيبتي اي فد شويه واجيج

…اي التليفون جبته هذا شويه واجي

….من عيوني تدللين

نورس دخلت اخذت ملابسي اريد اروح ابدل بلحمام

وهو مستمر يحجي بلتليفون جمانه السعيدي

مهيب…اي اجيت بعد تردين شي

…من عيوني اني كم جنه عندي

نورس…شكد ضجت من سمعته يحجي

هاي منو الي يحجي وياها وليش يكول حبيبتي

هيج كدامي علني

حتلو زواجنا مو حقيقي على الاقل يراعي مشاعري شويه

بدلت رجعت للغرفه مالكيته طالع

بقيت اكل بنفسي كلش ضجت

اني ليش ضايجه اني اصلا مو زوجته

من حقه يحب بس اني كدام الناس زوجته على الاقل

يراعي مشاعري

يحجي كدامي عيني عينك

حبيبتي حبيبتي والنوب حبيبتي

من كد ما ضجت معدتي كامت توجعني

كمت احوس والدمعه بطرف عيني اني ليش ضايجه

احبه واذا احبه هو ما يحبني اني انفرضت علي

اكيد يحسب يوم يوم يمتى يخلص مني حتى يشوف حياته

من باجر اروح بيت اهلي خل الولد يشوف حياته

اجيب بيت اهلي بعد الناس كله عرفت اني ازوجت

ارجع بيت اهلي مو ضروري اجيب هنا

خلي يطلكني ويشوف حياته

كلما ادخل الكا يراسل ايجوز يراسلها من زمان

من وكت ابوي رفضه اتعرف عليها ويحبها

اي حقه اني انفرضت علي فرض

هو الصراحه ينحب والف وحده تتمنى

اني واكفه بطريقه ليش ايجوز يريد يزوجها

جايبلها تليفون هديه لازم حيل يحبها تليفون غالي ايجوز

على كد المحبه

ساعه ونص واني اكل بروحي مرتين بدلت ملابسي

بعدين طلعت ثوب ابيض قصير ربع ردن ولبسته

بلكت تخف الحراره الي صارت بروحي جمانه السعيدي

غسلت وجهي ما تقبل الحركه تطلع من كلبي

سمعت صوته جاي راسا اتمددت وتغطيت

دخل للغرفه استغرب اني نايمه كل يوم انتضره لمن يرجع

مهيب…نورس ليش نايمه من وكت

نورس…حجيت من جوه الغطى تعبانه

مهيب…اخذج للمستشفى

نورس…لا شكرا

مهيب….شبيج اكو شي تحجين بعصبيه ونتر

نورس…لا مابيه شي

مهيب….كعدت على الجربايه يم رجليها وسحبت الغطى من وجها

مهيب….شكووو اريد افتهم

نورس….كعدت وهو كاعد يم رجليه وكامش الغطى بايده

وعلى وجها الف علامة استفهام

مهيب…قبل شويه كنتي فرحانه وتحتفلين بعيد ميلادي وشحلاتج شصار اذا يوجعج شي كولي

اجيبلج علاج لو نروح للمستشفى

نورس….لا ماكو شي

مهيب…مااروح منا ولا اخليج تنامين اذا مااعرف شنو الي صار

نورس….ليش رجعت بسرعه جان كملت السهره وياها

مهيب…منو تقصدين

نورس…حبيبت الكلب ست جنه

مهيب….جنه منو جنه هاااا هههههه هههههه هههه

يابويه راح اموت

ههههه ههههه كلبي راح يوكف صدك تحجين

تغارين من جنه

نورس…. شنو اغار قابل اني شعندي وياك انت حر بتصرفاتك

مهيب….ههههه ولج راح اموت هههههه

نورس…..كوم اضحك بعيد عني رجاء كوم اريد انام

مهيب….ولله اله اضحك هنا ومااخليج تنامين

ههههه يابويه تعالي هههههه دموعي كامن ينزلن منا ومنا من الضحك

نورس…ابقه انت اني اكوم واعوفلك المكان كله اضحك براحتك اروح انام بغرفة البنات جمانه السعيدي

مهيب..بس وكفت لزمتها من ايدها

واهون عليج ابقى وحدي مو يسولف عليه

نورس….اتصل عليها واحجي وياها (احجي بعصبيه)

مهيب…اي هم صدك

نورس…عوفني عوف ايدي

مهيب…لا اريد اتصل عليها كدامج اريدج اسمعين صوتها

نورس…كلشي مااريد اسمع بلعافيه عليك

مهيب…لازمها من ايدها هي واكفه لابسه ثوب ابيض

قصير وشعرها مفتوح والعطر يخبل تسحب بايدها مني تريد تطلع من الغرفه

اني لازمها ايدها واتصل

نورس…عوفني تعبت فحطت عوفني

مهيب…هلو امجد شلونك والو الوقت متاخر بس جنه

كاعده اريد احجي وياها

نورس….عوفني واحجي براحتك

مهيب….هلو جنه حبيتي افتحي كامره

نورس…انت تريد تجلطني عوفني هيج مشاعري عندك مالهن مكان

فتحت الكامرا

مهيب…هلو عمو جنه حبيبتي

جنه.. هلو عمو

مهيب…عجبج التليفون

جنه يخبل عاشت ايدك

مهيب…هاي زوجتي تريد تسلم عليج

جنه…هلو خاله

مهيب..خليت التليفون على نورس

نورس.. هلو حبيبتي شلونج طفله عمرها خمس سنوات

جنه…اني زينه انتي شلونج اني ماحضرت عرسج جنت بلمستشفى

سويت عمليه وكل يوم اكول البابا اخذني اشوف خاله

مايقبل

نورس..اخذت التليفون وكعدت بصف مهيب وكمت احجي وياها ومهيب بعده لازمني من ايدي ما يقبل يعوفها

نورس…لا تعبين نفسج اني اجي اشوفج

انتي شكد حلوه

جنه….خاله انتي حلوه

كملت مكالمه ورجعت التليفون المهيب

مهيب…جنه بت صديقي امها ميته واني اتصل عليها كل يوم احجي وياها طفله عدها نقص كالسيوم

جاي تتعالج بس ماكو علاج يفيدها اني اتصل عليها حتى اخفف عنها

هاي حبيبتي السريه عرفتيها لو لا

نورس…اني اسفه

مهيب…لا اني زعلت

العاشر من هنا