رواية انتقام عاشق (كاملة جميع الفصول) بقلم مارينا علي
والله يابنتى ماعارف اجبهالك ازاى
قالت بقلق: فى ايه بس يابابا قلقتنى!؟
رد والدها بقلة حيلة
=سامح فسخ خطوبته منك
قامت بصدمة من على الاريكه وقالت باانكار
سامح فسخ خطوبته منى! لا.. لا مستحيل اكيد حضرتك بتهزر يابابا
والدها بحزن: للاسف يابنتى دى الحقيقه
خرجت والدتها من المطبخ بحزن وقررت تخبر ابنتها باقى الحقيقة فلا داعى للصمت اكثر فعاجلا ام آجلا ستعرف
=مش بس كدة يابنتى ده كمان…
قاطعها عبد الحميد
=لا ياسهير متكمليش
سهير ودموعها نازلة ولكنها مضطرة لاخبار ابنتها
=لا لازم تعرف كدة كدة هتعرف
دنيا باانهيار: فى ايييه يامااااما مخبييين علياااا ايه اكتررر من كدددة ساااامح ليه فسخ خطوبته منى احنا كتب كتابنا كان كماااان اسبوع حددد يفهممنى انا مش فااااهمه حاااجة
خدها والدها فى حضنه واخذ يربت على ظهرها بحنية وقال بصوت حنون محاولا تهدئتها فهو يعلم جيدا كم تعشق هذا سامح الذى غدر بها وتركها
هفهمك كل حاجه ياحبيبتى بس اهدى اهدى انا معاكى يابنتى
بعد ثوانى كانت دنيا هديت فخرجت من حضن والدها وهى بتمسح دموعها وقالت
فهمنى يابابا ليه سامح سابنى ارجوك فهمنى اكيد فى حاجة غلط سامح مش بس بيعشقنى ده بيموت فيا وعمل كتير اوى عشانى ده… ده كمل تعلميه عشان خاطر ييجى يتقدملى وتوافقوا عليه كل ده عمله عشانى
=مش عشانك… كل ده مكنش عشانك يادنيا
قالها عبد الحميد بحزن شديد وهو يعلم جيدا اثر تلك الكلمات على ابنته ولكن ماذا يفعل لابدا وأن تعلم
دنيا بصوت ضعيف
=ازاى!؟؟ بابا ارجوك فهمنى كل حاجه متتكلمش بالالغاز
عبد الحميد
= من الاخر يابنتى سامح اتقدم لبنت عمك
سهير بتأكيد: ايوا يابنتى اتقدم لبنت عمك وللاسف هما وافقوا انا معرفش ليه سامح عمل كدة بس ده معناه انه محبكيش انتى من الاول الظاهر اننا فهمنا غلط
دنيا بكسرة: اتقدم لسهر طب.. طب ليه سهر تعمل فيا كدة ده انا طول عمرى بعتبرها زى اختى
سهير بحق*د: كله من امها الحرباية هيا الل صلطت البنت علينا زى ماوقعت مابين الاخ واخوه قبل كدة
تلك الكلمات اثارت ذكريات حزينة فى قلب عبد الحميد
عبد الحميد: خلاص ياسهير كفاية
سهير باانفعال: لا مش كفاااية عايزين يدمروا حياة بنتى زى مادمروا حياتنا قبل كدة انت لازم تتصرف هناخد حقنا الل سرقوه مننا قبل كدة
عبد الحميد: مش وقته ياسهير احنا فى ايه ولا ايه مش شايفه حالة بنتك
=الخطوبة بتاعتهم امتى!؟
قالتها دنيا بجمود فأجباها والدها بحذر
=كمان اسبوع.. ناوية على ايه؟؟
دنيا بعتاب: كل ده يابابا تعرفوه ولسة فاكرين تقولولى دلوقتي
سهير: خوفنا عليكى من الصدمه يابنتى ربنا يوجع قلب امه عليه زى ماوجع قلبنا عليكى
دنيا بهدوء: انا.. انا كويسة ياماما
دخلت اوضتها واغلقتها وفضلت الايام تمر لحد ماجه يوم خطوبة سامح وسهر كانت دنيا طول الاسبوع ده قاعدة فى هدوء غريب جدا اخاف عائلتها عليها وكانوا خايفيين خصوصا من اليوم ده كان عبد الحميد قلبه حاسس ان بنته بتخطط لحاجة ولكن ايه هيا ميعرفش
=يلا يابابا انا جاهزة
أردفت بها دنيا التى كانت ترتدى ثياب انيقة وتضع القليل من مساحيق التجميل ولكنها كانت فى غاية الجمال
نظر لها عبد الحميد باستغراب ومن ثم قال
=لابسة كدة ورايحة على فين؟؟
اجابت الاخرى بمرح وكأن لم يحدث شئ منذ ايام
: خطوبة بنت عمى ولا يكونش عمو مدعناش
سهير بهمس: البنت الظاهر عليها اتجنن*ت ياعبده
عبد الحميد: استنى بس ياام دنيا
بعدها وجه انظاره لابنته
=لا يبنتى محدش دعانا ومينفعش نروح مالك يابنتى جرى لمخك حاجة
دنيا بهدوء: بس انا هروح يابابا لازم اروح
وقبل ان تغادر امسك عبد الحميد يدها وقال بخوف عليها وقلق فى نفس الوقت
=ناوية على ايه يابنتى؟؟
دنيا بغموض: كل خير يابابا
سهير: اعقلى يادنيا وبلاش مشاكل هتروحى خطوبتهم تعملى ايه هاا؟ منهم لله وخلاص يابنتى احنا مش باايدينا نعمل حاجه
دنيا: كفااااية بقى انا قولت الل عندى الل عايز ييجى معايا يتفرج على العرض يتفضل والل مش عايز هو حر
مشيت دنيا وسابتهم وهيا فى نيتها تنتقم من سامح اكتر حد حبته وبنت عمها الل كانت بتعبرها زى اختها بالظبط رغم كل الخلافات مابين عمها ووالدها
بعد وقت كانت دنيا وصلت منزل عمها نظرت حولها لتلك الاضواء الصاخبة الزينة لقد كانت حفلة فى غاية الجمال كان من المفترض ان تكون هيا محلها
دنيا!؟
هتفت بها واحدة من الحضور بصدمة تجاهلتها دنيا وتقدمت بخطواتها نحو سامح وسهر الذين كانوا يرقصون بفرحه عارمة نظرت دنيا بصدمة حزن انكسار اهذا حقا سامح الذى كان يقول لها انها نبض قلبه انها حياته ولا يتخيل ان يعيش يوما واحدا بدونها اهذا هو حقا اكان يدعى حبها لهدف ما او انه احبها بالفعل ولكن تغيرت مشاعره لاحقا بسبب ابنة عمها اللئيمة ام انه لم يحبها بالاساس وكانت خطة بينه هو وحبيبته سهر للايقاع بدنيا ولكن لماذا؟؟ كلها افكار اختلطت برأس تلك المسكينة ولكن مهلا فيجب ان تأخذ حقها اولا وبعدها لتعلم السبب وراء خيانتهم تلك
اما عن سهر وسامح فكانوا يرقصون ويتبادلون الضحكات ولكن توقفوا عندما سمعوا مباركة احدهم
=الف مبروك ياسامح
=دنيااا!
أردف بها الاثنين بصدمة بصوت واحد
تفتكروا ايه هيا خطة دنيا عشان تنتقم منهم
انتقام عاشق١
الفصل الثاني من هنا
التعليقات