الرابع_عشر سهيله انا تحت بيت جوزك…خليه ينام وانزلي انا هستناكي اوعي يشوف الرساله امسحيها على طول واعملي باس ورد لتليفونك
منتصر ابتسم ابتسامه خبيثه وسحب السلاح بتاعو وقال….خلاص يا سهيله مبقتش محتاج اي اجابه منك…الاجوبه كلها جاتت لحد عندي برجليها والله يرحمها
قال كده وخرج بغضب شديد وسهيله اتسعت عنيها بزهول ورعب ومسكت التليفون بسرعه قرأت الرساله
لطمت على خدها بخوف وزهول وقالت بصراخ… يا نهار اسود استنى يا منتصر..منتصررر
عند اسيا كانت خايفه من كلام اكمل وقالت بقلق..احم…انت اكتر واحد عارف انو مش هيحصل..انا اولع في نفسي احسن ما اخليك تلمسني
بس اكمل قرب عليها اكتر وقال بغل…وانا بقى هخليه يحصل مش لانك عجباني ولا لاني عايزك لا ابدا انا هعمل كده علشان اكسرك يا بنت البشوات واخلي منخيرك دي تحت الارض وتعرفي اني خلاص بقيت جوزك وبقت كل حته فيكي حقي ومش بمزاجك لا غصب عن عينك وعين اهلك كلهم
وهجم عليها بس اسيا حطت ايدها على صدره بتمنعه وبصتلو بجمود وقالت…ماشي…. استنىثانيه واحده
اكمل استغرب قوي وبعد شويه وهيه وقفت بكبرياء و بتبصله بتعالي وراحت فتحت درج صغير وطلعت شريط حبوب واخدت حبايه من وقالت بجمود ..انا جاهزه… اتفضل خد حقوقك
اكمل بصلها باستغراب وقال..انتي اخدتي ايه
اسيا ابتسمت بسخريه وقالت..ابدا دي حبوب منع حمل…الاحتياط واجب
اكمل بصلها بدهشه وهو مش فاهمها وهيه ابتسمت وقالت باستهزاء…مصدوم ليه..دي حاجه طبيعيه اوي ..مهو انا مستحيل طبعا هاخلف منك..معقوله يعني اجيب طفل يتعاير عمره كلو بان ابوه ابن حرام تربيه شوارع ورقصات
وابتسمت بتشفي لما شافت تأثير كلامها على ملامحو اللي اتبدلت والصدمه اللي في عيونه
قربت عليه وقالت بتحدي..اللي زيك وصمة عار للعمر كلو..وانا لايمكن اجيب طفل ويتقالو ابوك ابن حرام اثبت نسبو بالتزوير..معندوش اب ولا اهل امه الله اعلم جيباه من انهي داهيه وبلت غيرها بيه..اللي زيك المفروض يدفن نفسو عايش مش يجيب عيل يتعاير معاه
كانت مستنيه انو يثور ويزعق ويغضب وكانت متوقعه الاكتر من كده كمان لكن فاجأها لما فضل باصص لها لدقايق وعيونه فيهم وجع ميتوصفش نظره فيها كلام كتير توجع قلب اي حد
بلع ريقه بصعوبه وحاول يبتسم او يرد…او يعمل اي رد فعل مقدرش
مشي بخطوات ضعيفه مهزوزه وهو مش شايف قدامه من الدموع اللي كست عيونه بقى يتكأ على اي شيئ يقابلو لحد ما طلع في البلكون
اول ما طلع اخد نفس عميييق جدا وهو مغمض عنيه وحاسس بوجع شديد في صدره زي ما تكون عضلات قلبة اتطبقت على بعض من الحزن
زكريات قاسيه بيحاول ينساها اترسمت قدام عيونه بعد كلامها
طفل عمرة خمس سنين واقف بيبتسم ببرائه وهو شايف اولاد بيلعبه كوره حواليه ومبسوطين ونفسو يلعب معاهم
فجأه جات الكوره عند رجلو مسكها باديه بفرحه عايز يوديهالهم بس خطفها منو طفل اكبر منو بحده ودفعو وقعو على الارض وقال….مش قولنالك قبل كده مش هتلعب معانا متلمسش الكوره بتاعتنا تاني امي بتقول انكم وسخين
وقف الطفل وهو بينضف هدومه بدموع والولد قال بغضب…متجيش جمب حاجتنا تاني مش بنلعب مع واحد معندهوش اب
قال بغضب ودموع…. انا..انا عندي اب… امي بتقول انو مسافر
ضحكو الاولاد كلهم وقالو بصوت واحد..لا معندكش اب ..انت اكمل ابن الرقاصه… طب انا ابويا اسمو احمد وده ابوه خالد ..وده ابوه اسماعيل انت ابوك مين
اكمل فضل يبصلهم بدموع ومعرفش يرد ومشي قعد في زاويه لوحدو وفضل يبص عليهم بدموع
فاق من شروده وضرب على سور البلكون وهو بيجاهد علشان ميفكرش في الايام دي بس حاصرته الافكار بذكرى اسوء
لشاب في ال١٧ من عمره كان واقف مع شاب زيه وبيقول..يا حازم انا بقالي شهر بقولك هات المية جنيه اللي استلفتها مني انا محوشها بالعافيه
الولد قال بضحك..حاضر يا عم أكمل هدهالك ..وهديلك عليها ميه كمان…. بس عايز طلب
أكمل قال بضيق..يا سيدي قول وخلصني
حازم ميل عليه وقال بهمس…عايز اشوف امك…خدني اقعد معاها شويه بعد المدرسه انا هدفع زي غيري
اكمل قال بزعيق وغضب … انت بتقول ايه يلا ما نروح عند امك احسن
حازم ضربه في صدره بغضب وقال…انا امي جزمتها انضف من امك يا ابن الحرام هتترسم علينا يلااا…ما احنا عارفين البير وغطاه مش تحمد ربك اننا سايبينك وسطينا وانت ابن حرام الله اعلم امك جيباك من اي داهيه
هنا اكمل دفعو بغضب شديد وبقى يضربو جامد بس الولد اول ما زعق جم قرايبو واصحابو ومسكو اكمل كلهم ونزلو فيه ضرب بقوه لحد ما وقع على الارض وبقى ينز،،ف من انفو وبقو
وسابوه مرمي بيتألم واخر حاجه سامعها… سلملنا على امك يا ابن الحرام
اكمل فاق من شروده على دمعه خانته ووقعت على خده مسحها وبص لاثرها على صوابعه بسخريه وقال…مش مكانك هنا لا… انا عارف كويس انتي من حق مين الخد ده مبقاش مكانك خلاص
وبص قدامو بحقد رهيب
اما اسيا كانت بتبص عليه من جوه من وقت ما طلع وحاسه باحساس ابدا مكانش جميل زي ما اتوقعت… لانها مش بترتاح با ذية اي حد بس الشخص ده كان كرهها ليه اثتثنائي
اتنهدت وقالت…معقوله عندو دم وبيحس…ولا انا ذودتها…أووووف ما اهو يستاهل كمان هعمل ايه يعني
واتنهدت وبقت تحاول ترن تاني للؤي اللي مكانش بيرد عليها ابدا
عند سهيله لبست عبايتها ونقابها ونزلت جري ورا منتصر اللي كان ساحب سلاحو ومش شايف قدامو حرفيا
علي كان مستني سهيله وبيبص في ساعته بس اتصدم لما شاف منتصر جاي عليه بسرعه وغضب يحرق الكون
بلع ريقه برعب ودور العربيه هيجري بيها بس منتصر صوب على العجلات باحتراف وفعلا عطلها
علي بلع ريقه بصعوبه و اضطر يقف ونزل وهو مرعوب
منتصر قرب منو وابتسم بطريقه مخيفه وقال…يا مساء المزاج يا علوه..مش علي بردو ولا ده اسم حركي
علي قال بارتباك..لا علي..علي يا باشا
منتصر ابتسم وقال ….اممم..طيب يا علي انت ربنا اكرمك وقدرت تهرب في الفرح…جاي تاني برجليك …للدرجة دي مش عايزهم تاني
علي قال برعب… هما هما ايه دول يا باشا
منتصر ابتسم بمكر وقال …رجليك يا حبيبي
وضرب عليه رصاصه في رجلو وقع على الارض وهو بيصرخ بعلو صوته من شدة الالم
في الوقت ده كانت سهيله نزلت وراه وحطت ايدها على بقها لما شافتو من بعيد …. صرخت باسمه وجريت عليه بسرعه
اول ما وصلت عندهم ولسه هتكمل تشوف علي بس منتصر شدها من ايدها وقال بغضب مرعب…مكانك لافضي الخزنه دي في نص دماغو ..سامعه
سهيله مسكت في هدومه وهيه بتتخبى فيه مش قادره تشوف المنظر وقالت ببكا ورعب ..ارجوك ابوس ايدك وحيات اغلى حاجه عندك سيبو متموتهوش ارجوك انا بيني وبينك ربي عمري ما هقابلو ولا اكلمه وانا على زمتك ارجوك بس سيبو سيبو وانبي
كانت بتبكي جامد وبترتجف من الخوف وماسكه في هدومه ومخبيه وشها في صدره بخوف
منتصر اتنهد وحط ايده على راسها وهو بيضمها ليه اكتر وبص لعلي وهو قاصد يفهمه انو خلاص ميحاولش وقال…سهيله بقت على زمتي …واللي يفكر لمجرد تفكير انو يتعدى حدودي افرمو والرصاصه اللي في رجلك دي هتفكرك ديما
وشدها من ايدها ومشي بيها وهيه بتبص لورا عليه وبتبكي جامد وعلي على الارض بيصرخ من الالم
عند لؤي كانو كتير عليه وبيضربوه بقوه وفرحه جريت عليه وبقت تحاول تبعدهم عنو
بس واحد منهم ضربها وقعها على الارض
لؤي اتفاجأ وبقى يبعدهم عنه وهجم على الشاب الي ضربها وبقى يقول بزعيق..يا سافل يا حيوان هقطع ايدك يا كلب
بس اتلمو عليه وبقم يضربوه ومش قادر عليهم وفرحه بقت تصرخ وتلطم بخوف
في الوقت ده وقفت قدامهم عربيه فخمه نزل منها شاب في ال35 ومعاه بنت جميله في العشرينات
الشاب اتقدم عليهم وقال بزعيق …..فيه ايه يلا انت وهو ايه العوق ده اربعه على واحد عليه العوض في الرجوله
واحد منهم قال بغضب..ملكش فيه يا شبح خد مزتك وامشي احسنلك
الشاب بص للبنت اللي معاه باستغراب وقال..فين المزه دي ..تقريبا يقصدك انتي
البنت بصتلو بغيظ
وهو التفت للشاب ومسكو من هدوه وضربو بالدماغ بقوه بحركه سريعه وقعه على الارض وحط رجله على صدره وسحب سلاحه ووجه عليه قبل ما يستوعب اي حاجه
اصحابه كلهم جريو بسرعه وخوف لما شافو السلاح
الشاب ابتسم بسخريه وقال.. مش انا قولتلك قبل كده عند ما اترفع السلاح الدنيا بتبقى برااح
الشاب اللي على الارض قال برعب…ابوس ايدك يا باشا..ابوس رجلك سبني مش هاجي هنا تاني
داس على صدره بغضب شديد وقال…طب وبالنسبه للمزه
الولد قال برعب..انا انا المزه سيادتك
شال رجله من عليه وابتسم برضا وقال…اه اذا كده معقوله شويه..يلا يا مزتي روحي عند ماما وبلغها سلامي وقلها..هعدي عليكم انتي جوله وهيه جوله..بس طبعا ما اولى
هز راسو بالموافقه برعب وجري بسرعه
لؤي اتقدم عليه بتوتر وقال..شكرا…احم ممكن تبعد البتاع ده علشان نتكلم
الشاب ضحك وقال..البتاع ده لو معاك واحد زيو دلوقتي مكنتش اتبهدلت كده
لؤي قال بتوتر..لا شكرا البهدله احسن انا مش بشيل الحاجات دي انا دكتور..احم دكتور لؤي الانصاري ودي فرحه ..اا..صديقه
الشاب ابتسم وقال..اه تشرفنا ..انت من عيلة الانصاري..عصران الانصاري قريبك
لؤي ابتسم وقال..اه..عمي
الشاب قال …كان فيه بنا بزنس من فتره قريبه كان ماسكو والدي مع عمك ….انا مالك الثابت ..ابن اسامه الثابت..ودي حنون..حنين مراتي
لؤي ابتسم بحماس وقال…اه..اغنياء عن التعريف طبعا…ضرغام باشا يبقى عمك صح
مالك ابتسم وقال..اه عمي….بس سؤال معلش انتو ايه اللي مقعدكو هنا لحد دلوقتي ايه الاسلوب القديم ده…ما تشفولكو شقه ولا اوتيل لو حابب تذنقها و
بس قاطعتو حنين لما داست على رجلو وقالت بهمس من ببن اسنانها…ايه اللي بتقوله ده..احن مالنا يا لهوووووي
مالك اتألم وبصلها بغيظ ولؤي قال بزهول من كلامه….. لا انت فهمت ايه دي..دي صديقه عادي
مالك ضحك وقال ..اااممم..صديقه..عارف عارف..انا كان عندي صديقه للخميس وصديقه للتلات …وكانو ونعم الصديقات
فرحه ولؤي بصولو بدهشه وحنين بصتلو بغيظ وهو كان عايز يضحك على شكلها وباس ايدها برومانسيه وقال…بس اللي في القلب ميتعوضش طبعا
على العموم فرصه سعيده انتو رايحين فين خلينا نوصلكم
لؤي ابتسم ولسه هيرد اتغيرت نظرة عنيه وبص لحنين فجأه وقال بمعاكسه ..على العنايه المركذه …. الحته جامده ومقلوظه
فرحه ضربت على خدودها بصدمه
وحنين اندهشت اما مالك الغضب بان على ملامحو ومسكو من هدومه بسرعه وحط السلاح في نص دماغو وقال..انت قولت ايه….سمعني يا حيلتها
بقلم…زهرة الربيع
لؤي حس على نفسة وبلع ريقه برعب بس فرحه قالت بسرعه…ده يقصدني انا..انا بيقولي يا مقلوظه..هو ديما يحب يقلوظني قدام الناس… مش كده
لؤي هز راسو بالمواققه بسرعه
ومالك بصلهم بشك وقال بخنقه..ولا…غور روح يلا شكلك عيل مختل اصلا يلا روحو من هنا واحمدو ربكم ان حد لحقكم غوور
وشد حنين من ايدها ومشي بيها بغضب
ولؤي قال بصوت عالي ..مع السلامه سلملي على اسامة بيه وضرغام بيه…واسد بيه كمان…شكرا..شكرا اوي
بس مالك مردش عليه وراح عند العربيه وبص لحنين بغضب وقال..عاجبك كده بتتعاكسي قدامي عيني عينك واحد يقول مزه والتاني يقول مقلوظه اطلعي قدامي علشان ليلتك مش فايته انهارده
قالت بزهول..الله وانا مالي با جبران يعني
مالك قال بغيظ..يلا جبران بلا رمان انتي فاكره لما تقوليلي يا جبران ههدى يعني اطلعي يلا خلينا نمشي
حنين ضحكت وقالت ….لؤه
عقد حواجبو وقال….ايه
قالت بضحك…لؤههه
قال باستغراب ..نعم ياختي ايه لؤه دي
قربت منو وقالت بدلع….دي ياسمين عز قالت الواحده تقول لجوزها لؤه بدل لا ..بصوت شتوي ودلع
مالك قال بغضب…..لا هيه لما قالت كده اكيد مكانتش تقصدك انتي ..لان انا ممكن ألوؤك ونبوظ الحكمه للاستاذه…اطلعي يلا
حنين ضربت رجلها على الارض بغيظ وقالت..انا غلطانه اني سايبه ابني مع جده وطالعه اسهر معاك …. ولسه هتطلع شدها ليه وباسها من خدها برقه واتنهد وقال..يابت متتقمصيش ….انتي عارفه اني مش بستحمل حد يبصلك…لولا انو باين اهطل كده كنت شلت عنيه…عارفه انا صحيح هفرقع من اللي اتقال….بس هما مكدبوش واي حد يفقد عقلو في حرم الجمال ده معذور
حنين ضحكت بخفه وقالت…بحبك والله …الجمال ده مش شايف غيرك في الدنيا ولا هيشوف
ابتسم وهو بيبص لعيونها وقال فجأه بغضب ..بس ده ميمنعش ان الفستان ضيق وانا قولت من البيت انو ضيق انا اصلا كلامي مبيتسمعش
حنين ضحكت جامد وجريت ركبت العربيه وقالت..انا عارفه اني مش هخلص. انهارده….يلا اطلع اسامه زمانو جنن جده بلاش دلع يلا
مالك اتنهد وركب وقال…اسامه ايه بس دلوقتي..ده انا كنت بفكر اشوفلنا حته ازنقك فيها بدل ما بدي نصايح للاخرين وباب النجار مخلع
حنين قالت بغيظ….اممم وياترى هتاخدني على شقة الخميس ولا شقة الثلاث
مالك ضحك من قلبو وقال….يالهوي على شقة التلات…وعنيات وادب عنيات …احح ذكريات
حنين ضربتو في صدره بغيظ وهو شدها لحضنه بقوه وباس جبينها وقال….مليش غيرك انا ولا بيدق القلب غير معاكي يابلسم العمر يا مقلوظه انتي
حنين ضحكت بخفه وضمتو وساق العربيه وهو مبسوط جدا بالوقت اللي قضوه سوا بالحلو والسئ المهم انهم مع بعض
عند سهيله كانت واقفه بتفرك اديها برعب من منتصر اللي كان في قمة الغضب وقاعد بيهز رجليه بتوتر وغضب بيحاول يسيطر عليه
سهيله مكانتش قادره تستنى اكتر وقالت بدموع…منتصر بيه..انت..انت اكيد ميرضكش ان شخص يموت بسببك ارجوك اطلبلو الاسعاف ولا انزلو وديه المستشفى وانا هفضل هنا والله
منتصر رفع عيونه ليها بزهول ووقف وقرب منها وقال بطريقه مخيفه…..انتي ..خايفه عليه
سهيله بلعت ريقها بخوف منو وقالت…خايفه من ربنا ..ده..ده انسان وقتلو خطيئه
منتصر ضحك جامد وقال…بتضحكيني قوي لما بتقولي ربنا…على العموم يا شيخه سهيله ربنا مقالش ان يجي شخص يحاول ياخد مراتي واسكت..ولو فعلا يهمك عواقب ربنا مكنتيش تصيعي معاه وتحاولي تهربي في فرحك
سهيله قالت بضيق شديد…انت لو فضلت تتهمني سنين انا مش هتكلم ولا هبرر ولا هشرحلك اي حاجه..متتعبش نفسك
مسكها من دراعاتها بغضب رهيب وقال…ليه..ها ليه مش عايزه تبرري ليه..مش احسن ما انا عمال افكر في حاجات وسخه واسخ من ان عقلك يستوعبها…انطقي وريحيني ايه العلاقه اللي بنكم وواصله لفين بدل ما اقتلك واقتلو في دقيقه واحده
سهيله كانت بتتالم من مسكتو ونزلت دموعها بس بصتلو بالم وقوه وقالت….انت ملكش حق تسألني ملكش اي حق بعد اللي عملتو
منتصر دفعها على السرير وقال بغضب..انا جوزك..سامعه جوزك وليا كل الحق فيكي…وقلع الكرفته بتاعته وبصلها بغضب وقال…انا هعرفك دلوقتي انك بقيتي حقي وهعرف بالمره السافل ده قربلك ولا لا
بقلم…زهرة الربيع
سهيله بصتلو بصدمه وقالت ..انت..انت عايز ايه
منتصر ابتسم وهو بيقرب منها وقال..عايز حقوفي الشرعيه يا شيخه سهيله…ولا حابه الملايكه تلعنك طول الليل
عند اكمل كان واقف بضيق في البلكون وجالو اتصال وقال..ايوه عايز ايه
وسمعو شويه وقال..لا خلاص ملهاش لزوم التسجيلات اللي معاك انا جبتك تسجل لاني كنت راسم حاجه كده ومكملتش
وسمعو شويه وظهرت ابتسامه خبيثه على شفايفه وقال بسرعه….لا استنى متمسحش..انت بتقول سجلت كل حاجه..يعني لما لؤي اتحر،،ش بأخت الظابط كنت بتسجل
وابتسم باتساع بعد ما اكدلو انو سجله بوضوح وقال..استاذ يا حمو..اسمع بقى قصلي المقطع ده ووضحو وابعتهولي وليك حلاوتك…هعمله هديه لجوز بنت عمي في صباحيته يعني اتوصى بيه
وقفل معاه وهو مبسوط وقال….استنى الانفجار بكره يا عصران… لما اشوف هتقف مع ابن اخوك ولا جوز بنتك
ولسه هيدخل جاتلو مكالمه تانيه وبص للتليفون بغضب لما شاف اسم علي ورد وقال بانفعال …عايز ايه ليك عين تتصل بعد ما بوظت الخطه كلها ومقدرتش تهربها و
بس قطع كلامو وهو بيسمعه بزهول وصدمه وقال..انت بتقول ايه..ضرب عليك نار ازاي انت فين ووووووو
بووووم اللي جاي انفجاااار يا ساده
ياترى ايه اللي هيحصل
واكمل هيعمل ايه وهيوصل الفديو لمنتصر
اللي جاي خطيييير
ادوني رأيكم في البارت وياترى عرفتو ابن الثابت قبل ما يقول اسمو ولا بعد
ملحوظه اللي ميعرفش مالك وحنين هما ابطال الجزء الثاني من روايتي عهد الاسود موجوده في البومات الصفحه
عايزه تفاعل يهز الفيس كلو عيب لما يكون ضيف البارت جبران الثابت ويبقى التفاعل عادي عايزاكو تفرحوني بتفاعل جامد ومشاركات كتييير انطلقوووووو
التعليقات