رواية دلال وشهم الفصل الثالث 3 بقلم جمانه السعيدي

الحد ماعرفت حنان شهم يوصلني يوميه

واني مانفذت كلامه وبعدت عن شهم

وشهم موبس يوصلني لا

وحتى يشترلي اقلام ودفاتر

جمانه السعيدي

فديوم جانت منتضره فرصه اكون وحدي ولزمتني وكتلتني

وملخت شعري

وتعيط عليه اني مو كتلج لاتتقربين الشهم

اني دخلت غرفة خاله وبقيت ابجي

خالتي جانت بلحمام طلعت واجت تنشف شعرها

وسمعني ابجي

اقبال…ياااا هاي دلول شبيج حبيبتي منو وياج هاي شبي شعرج ليش هيج كفشه

دلال حنان اهي اهي حنان كتلتني تكول لاتتقربين من شهم ولاترحين ويا للمدرسه

اقبال لاهاي حيل زودته لحد للرعنه خاله عقله وياج

وبيومها صارت عركه جبيرة بلبيت بين خالتي وحنان

وجان عمو راشد موجود

خالتي انفجرت مثل البركان وكانها كانت منتضره الفرصه

الصراحه الكل صار بصف خاله

لان هي الي شايله البيت شيل

والكل معتمد عليه

وأثر هاي المعركه الي اني كنت الشراره بانطلاقها

البيت نقسم نصين

المشكله ماله حل غير البيت ينقسم وكلمن يعيش وحده

لان بيبي ام راشد ماتقبل واحد من ولده يبتعد عنه

جمانه السعيدي

ونبنا حايط بلنص شهم وزوجته بنص واني وبيبي وخاله اقبال وعمو راشد بنص

هذا كان انسب حل للطرفين حتى تنتهي المشاكل

يمكن حنان كتلتني بسبب الغيره اي تغار على زوجه

وثاني شي الفراغ الي كانت عايشته بسبب الاطفال يخليه دور على المشاكل

بس عمو شهم مآ عافنا ابد وضل كل شويه يجي علمود يشوف بيبي

اني حسيت هاي المشكله صارت بسببي

وقررت اروح وارجع للمدرسه وحدي واعتمد على نفسي

بس اتفاجئت بعمو شهم الصبح اجاني وياشرلي يلله انروح

جان يهمس همس يخاف زوجته تسمع

الي هي كالعاده نايمه وهو اجا تريك يم بيبي

طلعنا من البيت وهو لازم ايدي

دلال…..عمووووو انت زعلان مني

شهم لا مازعلان ليش ازعل

دلال…عمو ولله اني مامسويتله شي هي ضربتني

شهم اعرف حبيبتي اني نسيت الموضوع

ومازعلان منج بس ممكن ازعل منج

دلال ليش عمو

شهم اذا ماجبتي درجات عاليه ازعل منج زين

دلال زين

مرت الايام واني وصلت الصف خامس وماكو اطفال بلبيت

لاعمو راشد ولاعمو شهم

وهذا الموضوع بدا يقلق بيبيتي كلش

بدا عمو شهم يراجع هو وزوجته ومن دكتور الدكتور

وماكو فايده

التحاليل اثبتت ان عمو شهم عنده ضعف

وأكثر من خمس دكاتره اكدوله صعب يصير عنده اطفال

بس هم الدكاتره كانو يكتبوله علاج على أمل أن يصير عندا تحسن

هنا بدت حنان تحس بلملل وتتغير بلمعامله ويا شهم

ويوميا نسمع المشاكل بينهم

جمانه السعيدي

عمو شهم بين على شكله الضوجه والكئابه بينت على ملامحه

وكل العلاجات الي جان ياخذها تأثر على نفسيته

وهي ماجانت تقدر حالته النفسيه

من يجي للبيت تلاكي بلمشاكل

واي شي مايعجبه

الصراحه كانت تتحجج

رادت تنفصل عنه

الى ان كبت على بيوم وواجهته

جمانه السعيدي

حنان اني اريد انفصل عنك

شهم ليش اني قصرت وياج بشي

حنان اي مقصر اني اريد اطفال وانت عقيم واني من حقي يكون عندي اطفال ليش اربط مصيري وياك

شهم بس هذا الشي موبيدي انتي تعرفين اني سويت المستحيل علمود يصير عندي اطفال بس رب العالمين ماريد ابد واحنا لا اول ناس ولا اخر ناس

حنان رجاءء هاي مشكلتك مو مشكلتي اني ما اكدر اعيش بدون اطفال

شهم …اصبري اني جاي اسئل وادور بلكي اللك دكتور زين

حتى للخارج خابرت واسئل

اذا اكو علاج الحالتي

حنان شكد بعد اصبر هاي خمس سنوات وراح ندخل بلسنه السادسه اني جاي اكبر وفرص الحمل عندي تقل

شني اني جاي اكبر لو ازغر

انت رجال شعليك بس اني التأخير مو بصالحي

بعدين اسمحلي انتم عائله كلكم عقيمين هذا اخوك صار عشر سنوات مزوج وماكو اطفال

شهم هذا اخر كلام عندج

حنان اي اني خابرت اخوي يجي ياخذني ودزلي ورقة الطلاك بدون مشاكل

واريد حقوقي كامله

شهم طلع بدون مايرد عليه ابد

اني جنت برا وسمعت صياحهم

من طلع عيونه حمر

ويمسح بدموعه

جمانه السعيدي

اني رحت البيبي كتله حنان تريد تطلك وعمو شهم طلع عصبي

بيبي راحت عليه تقنعه تبقى لان تعرف شهم يحبه ومايفرط بيها ابد

بيبي….حنان يمه حبيبتي ليش تخربين بيتج ولله ماتلكين واحد يحبج مثل شهم

والأطفال رزق رب العالمين مو بكيف الدكاتره ابد

حنان ….يابيت حجيه البيت الي مابي اطفال شسوي بي

بيبي….بس الاطفال رزق ربج وانتي ماضامنه هذا الرزق

حنان….شنو قصدج اضيع عمري ويا واحد الدكاتره كله أكدت مايصير عنده اطفال

واكول رزق لا اني اعوفه وازوج ويصير عندي اطفال احسن

خلي يدورله وحده ارمله مطلقه وعدها اطفال ويعيش وياها

اني ويا هذا حدي بعد ما اكدر اتحمل

حجيه لو الصوج مني انتي اول وحده ازوجينه وماترحميني

هذا واقع ليش اضوجين منه

بيبي…الله يهديج يمه واني ما اكدر اغصبج تعيشين ويا

بس هو يحبج وانتي طلعتي ماتحبينه ابد

بيبي طلعت من يمها حزينه وتبجي

تبجي على ولدها اثنيينهم الي نحرمو من الذريه

وفعلا شويه واجه اخو حنان وجاب سياره حملت غرضه وراحت

وهاي كانت آخر مره تدخل بيها حنان للبيت

ادهورت حالة شهم وكام مايكعد يمنا وقليل يجي للبيت

صار انسان ثاني

حتى من يجي للبيت كبل الغرفته وينام

تمت إجراءات الطلاك وأخذت حنان كل حقوقها

وصلت للسادس وهاي السنه بشار كلساع يهددني مجرد ماتخلصين السادس تبطلين من المدرسه

كافي تعلمتي قرايه وكتابه بعد شسوين بلمدرسه

تردين تتوضفين راتب الموضف بوقتها ٣الاف

تكرمون حذاء مايجيبن

جمانه السعيدي

بابا كان يدافع عني وكل مره يحجي على بشار ايكله مالك شغله بيها ماطول اني موجود محد يقرب منها

بصف اول متوسط بدا شهم يحضر اجراءات السفر

قرر يعوف العراق ويسافر

قدم على اجازه بدون راتب

بيبي ماكان عاجبها الوضع ابد تكول خاف اموت وهو بعيد واني ماشايفته

بس هو صمم لان حالته النفسيه حيل ادهورت

الاحساس بلنقص مسيطر علي

وخاصتا من حنان اتخلت عنه وهو كان يحسبها أقرب الناس اله

كمل اوراقه ودعنا وسافر البنان بعد ماقدم على اجازه بدون راتب

ورا سفره بكم شهر صارت احداث الثوره الشعبانيه

والمدارس توقفت

حتى خاله وبيبي راحو وياي البيتنا لان الأوضاع بغداد صارت تخوف