رواية في قلبي زهرة الفصل الثالث 3 بقلم سيمو

خليها تخرج الفا***جر**ه بتاعت الرجال خليها تغور من اهنه

الله يرحمه الشيخ محمد اجوز واحده جابتله العار ووس*خ*ت البلد

اخررررررس ياكل*ب منك ليه ودا كان صوت عامر الي مجرد ما شافوه خافوا وكلهم سكتوا عامر قرب من الراجل وفضل يضرب فيه بغل ورماه ع الارض قال بغضب جحيمي

اتفوووة علي الرجاله الناقصه الي عم بتجيب في سيره الولايه الي هم أصلن اشرف منه ومن ميت جعر زيه

وبص للباقي وقال

اسمع يا نطع منك ليه الي هسمع يتحدت علي الست زهره أو يحوب ناحيه دارها اني هنسي ان أمه خلفته من الأساس ومن النهارده هي وعيالها في حمايتي ومعوزش اسمع كلمه زياده من نفر فيكم مفهوم

لكن قاطع كلامه دا لما واحد قال

يبقي الكلام الي سمعناه صوح والدليل انك اهنه وجاي كمان ادافع عنها عيني عينك أكده

عم بتقول ايه يا ولد المركوب انت

عم بيقول الحقيقه يا عمده ولا عشان انت عمده البلد يبقي تمرمغ شرفنا في الطين احنا لازم نقتلها الفاجره دي يا اما تطلع من بلدنا كلاتها

ايوة صوح احنا نخاف علي حريمنا وبناتنا منها الفاجره دي وأصبح كل واحد يقول كلام

عامر وغضبه خلاص عماه طلع مسدسه وضربه في الهوا وقال

اقسم بالله ورحمه ابوي لو سمعت كلمه من كلب فيكم لكون دافنه مطرحه هو وليتشددله ولا هيفرق معاي حد ونظر ليهم بغضب وأكمل

الست زهره اشرف من الشرف وبميه. جعر وخسيس منكم يا أشباه الرجاله واني بقولها وقدامكم كلكم والبلد تشهد اني هجوز الست زهره ودا مش خوف منيكم ولا حاجه لع المرحوم محمد قبل ما يموت وصاني عليها بحكم الاخوه الي بيناتنا والبلد تشهد عليها سمعت ا ولا اقول تاني يا بلد مفيهاش غير حريم تحب الرط وتركهم في صدمه

واحد من الي واقفين اسمه يونس اتصل برقم

ايوه يا حسان الحكايه عكت علي الاخر ايوه زي ما بقولك العمده طلع هيجوزها وكل الي خططله باظ

حسان بغضب

كيف يعني كل الي عملته راح وزهره هتروح مني تاني بس ورحمه الي ماتوا مهسيبهاش تتهني مع غيري ولو علي موتي وانت يا عامر الكلب بتصتاد في الميه العكره بس ومالو اكيد هلقيلها حل مبقاش اني حسان لو مختهاش وطالما مش بخطرها يبقي غصب يا زهره غصب

عند زهره كانت بتبكي وصعبان عليها نفسها من الي بيحصلها دا واتهام الناس ليها برغم انها عمرها مصدر منها حاجه تدل انها ست مش كويسه

عامر بحرج

احم يارب يا ساتر

زهره بدموع

اتفضل يا بيه

عامر بحزن لما شاف شكلها والحزن الي في عيونها

كيفك يا ست الستات

زهره بدموع

الحمدلله زينه

مش باين معقول يكون كلامهم هامك وهو الي مخليكي تبكي أكده

زهره انفجرت في البكي وقالت

ايوه كلامهم دبحني يا بيه اني عمري ما اذيت حد ولا خرجت من داري غير علي أرض عيالي وعمر ما دخلت راجل غريب دا انت اول واحد اني اتحدت معاه ويدخل داري بعد المرحوم اني مش عارفه ليه حسان مش عاوز يهملني لحالي طب بلاش عشاني اني كان حتي عمل حساب للحم التربه أو حتي عمل حساب لعيال اخوه كيف هيوروا وشهم للناس لما يكبروا وكل دا عشان مش راضيه اجوزه يقوم يخلي مين هب ودب يجيب في سيرتي وفي عرضي اني تعبت والله تعبت يارب خدني عشان ارتاح

عامر كان ماسكه دموعه وقلبه بيتقطع عليها وعلي حالها قال بصوت واضح فيه الحزن

بعيد الشر عنك يا ست الستات وحياه دموعك الغاليه ديه اني قطعتلك لسانهم كلاتهم ومحدش هيستجري يرفع عينه فيكي اني عارف اني مليش حق اني اطلبك للجواز بس مكانش قصاد غير أكده والا حسان مكانش هيسيبك في حالك لا هو ولا الناس

زهره رفعت راسها ولاول مره تتلاقي عنيهم كل واحد كان مستغرب التاني ومش عارف يقول ايه

هو انت ليه قلت انك هتتجوزني مع انك عارف اني مش رايده الجواز وعشان أكده رفضت حسان اني مكنتش رايده غير حمايتك يا بيه بس انت أكده بتثبت كلامهم واني ابق….

لكن عامر قاطعه قبل ما تكمل وقال

قطع لسان الي يجيب في سيرتك انتي اشرف من الشرف ياست زهره وعمري ما اظن فيكي حاجه عفشه بس صدقيني دا هو الحل الاحسن ليكي وبكره الايام تثبتلك اني رايدلك الصالح اني هسيبك تفكري زين في كلامي اني هحميكي منه ومن كل لسان يحاول يتعرضلك

زهره كان جواه صراع مش عارفه توافق ولا ترفض هي مهما كانت ست ومش هتقدر علي حسان وغيره وبرده مش قادره تنسي جوزها هما صحيح مجوزوش عن حب بس كانت بينهم حياه وعشره طيبه

عامر بلع ريقه بتوتر وسألها برجاء

ها ياست زهره اني حابب اسمع رايك قبل ما امشي إذا كنت هتفكري في كلامي ياريت تعرفيني واذا كنتي رافضاني من اساسو احب اعرف