رواية النصيب الفصل الأول 1 بقلم إسراء ابراهيم
رواية النصيب البارت الأول
رواية النصيب الجزء الأول
رواية النصيب الحلقة الأولى
اطلقت بسبب أمها، راحتلها عالبيت وهى دمو.عها مغرقة وشها بعد لما زوجها طلقها وهى حامل في الشهر التاني
فتحتلها الباب وقالت باستغراب: ندى!! إيه جابك في الوقت دا؟
وبتعيطي ليه؟
دا كله لسه عالباب حتى ماقالتش لها ادخلي وتطبطب عليها سابتها زي الغريبة عالباب
ندى ببكاء: أنا اطلقت يا ماما جوزي طلقني ورماني في الشارع بسببك، ومش بس كدا دا طلع متجوز عليا وخلف منها كمان، ودا كله من سنتين
أمها باستغراب وصدمة: ليه؟ وبسببي إزاي؟
ندى ببكاء: عشان عرف إنك اتهمتيه كذ.ب عشان يتجوزني، واكتشف دا من سنتين، وعشان ينتقم منك فاتجوز عليا، والنهارده لسه عارفة إنه متجوز عليا ومعه ولد منها عنده سنة
أمها بصدمة: عرف إزاي إني عملت فيه كدا؟
ندى بزعيق: هو دا كل اللي هامك بس، يعني مش هامك إني اطلقت بسببك ليه تعملي كدا؟
أمها ببرود: ما هو ماكانش عايزك، وأنا ماكنتش هيضيع واحد غني زيه
ندى ببكاء: إيه البرود دا؟ ليه تد.مري حياتي كدا أهو اطلقت أهو كان إيه لازمة اللي عملتيه الجواز عمره ما كان بالغصب، حتى لو بالكذ.ب هيجي يوم ويتكشف، يعني الارتباط من الأول اتبنى على حر.ام ربنا هيبارك فيه إزاي
أمها: مش وقت محاضراتك دي، خليه يرجعك تاني هتعملي إيه باللي في بطنك دا
ندى: مستحيل أرجعله عمره ما احترمني، وبيعاملني كأني خدامة، ومش طايقني أصلا، وكرامتي مش هدوس عليها عشانكم
أمها: خلاص مش هتقعدي في بيتي يعني أسيب الناس تاكل في وشي بسببك
ندى بعصبية: لا ازاي ار.مي بنتك في الشارع بالليل عشان خاطر الناس حر.ام عليكي بجد
وسابتها ومشيت
كانت ماشية دموعها على خدها هتعمل إيه؟ ولا تروح فين في وقت زي دا
هتروح لأختها اللي فيها اللي مكفيها وتحملها وجعها، هى أختها من الأب بس بتحبها
هى ماكانتش عايزة تتجوز محمد من الأول لولا أمها غصبتها عليه، وهى ماتقدرش تقولها لأ، لأنها ست قوية وصعبة
رجليها خدتها تاني على بيت طليقها، ودا غصب عنها ترجعله وتتطلب منه يرجعها أصل هتروح فين وهى ملهاش حد ولا هتقعد فين وعشان خاطر اللي في بطنها هيتشرد
راحت تخبط عالباب واستنت حد يفتحلها، فضلت قاعدة قدام الباب والجو برد، لأنهم كانوا ناموا ومش هيسمعوها
بعد ساعتين جه محمد ولقاها قاعدة قدام الباب ضامة نفسها
محمد بعصبية: جاية تاني ليه؟ هو أنا مش طلقتك روحي بقى لأمك وخليها تشوف نتيجة أعمالها السيئة
ندى ببكاء: أمي طردتني عشان خايفة من الناس رمتني في الشارع زي ما أنت رميتها أمي أصلا قلبها قا.سي، لكن اللي عرفته عنك من السنتين اللي عشتهم معاك إنك مش قاسي زيها، بس أنا مليش ذنب في اللي عملته فيك، أنا بردوا كنت مغصوبة إني أوافق عليك
ماكنتش أعرف إنها عملت العملة الوحشة دي، ماكنتش هوافقها وهى عارفة كدا، عشان كدا ماعرفتنيش، وأنا عرفت من ساعة ما جيت قولت، رجعني على زمتك تاني، لو مش عشاني عشان ابنك اللي بطني
محمد بعصبية: وأنا قولتلك قبل كدا مش عايز عيال تشيل اسمي منك فهمتي، ومش عايز حد على زمتي غير مراتي اللي جويا دي واللي اخترتها بنفسي وحبيتها
يعني أمك اللي أنتِ من لحمها ودمها طردتك، تتوقعي مني إني أرجعك على زمتي، هو أيوه أنتِ مالكيش ذنب، بس أنتِ بنتها ومش هقدر أسيبك عندي في البيت هفضل فاكرها، ومش هرتاح صدقيني، ولا معاملتي ليكي هتتغير، فالأحسن ليكي قبل ما يكون أحسن ليا إننا نكون منفصلين عن بعض، عيشي حياتك هوا اها اللي في بطنك مش عايزه ولا هعترف بيه بس هبعتلك فلوس الكشف شهريا، والولادة ومصاريفه فيها بعدين
وسابها ودخل وقفل الباب في وشها
وقفت مصدومة أكتر يعني دلوقتي بتتحمل نتيجة افعال أمها اللي مش فارق معها، دا كدا بينتقم منها مش من أمها الكل بيهينها وبيدوس على كرامتها ومش سامعين صرا.خ قلبها ولا قلوبهم رقت لدموعها
فضلت ماشية تايهة لغاية ماشي وصلت لمكان خالي من الناس وصرخت بأعلى صوتها ليه تعملوا فيا كدا هو أنا مش إنسان بحس ليه بتد.بحوني بس.كينة باردة يا رب ارحمني والطف بيا
وفضلت تعيط لمدة ساعة باصة للفراغ مش عارفة تعمل بتردد كلمة يا رب مش عارفة تقوله إيه مش عارفة تتطلع اللي جواها ولا تقول اللي جواها إزاي
قامت نفضت هدومها، لكن سمعت صوت من وراها خلاها تنتفض وتبص تشوف مين دا
يا ترى مين دا؟
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية النصيب)
ظهرت المقالة رواية النصيب الفصل الأول 1 بقلم إسراء ابراهيم أولاً على الشروق للروايات.
التعليقات