رواية غلطة ابكتني عمري الفصل الثاني 2 بقلم سحر السحرتي

*مسك ايدي بحب و باسها

:انا اسف يا دارين اكيد مش هكررها عشان انت مراتي ام ابني اللي بحبها وحقك تاخذي كل الضمانات

*عمل كده وقتها كان مروان واقف و شافه وهو بيبوس ايدي وطبعا كان هي-ولع فيه بس اتحكم في نفسه

*اتكلم علي

: ايه رايك يا مدام دارين

: شكرا لحضرتك و اسفه للازعاج احنا هنحل مشاكلنا من غير مح-ضر او تعهد

بقلمي سحر السحرتي

:عموما لو حصل حاجه افتكري ان في اخ هنا هيعرف يجيب حقك

*فرحت قوي بالكلمه و حسيت فعلا ان ممكن اتسند عليه من غض-ب وانف-عال عادل

*مشيت و حسيت ان انتصرت على عادل ومروان الاثنين في وقت واحد

*واحنا خارجين عادل حط ايده على كتفي بيحاول يتودد لي كأنه بيحبني وغلط حاجه بسيطه لانه شاف في عين علي انه مش هيعديها لو كررها وده كمان تحت نظرات مروان

*ركبنا العربية وعادل مشي بيا في طريق غير طريق البيت

:هو احنا رايحين فين يا عادل

:هنقعد على النيل شويه عايز اتكلم معاكي بعيد عن ماما واختي

:قصدك بعيد عن ودانهم اللي بيبقوا لازقينها على باب غرفتنا

:انت فاهمه كل حاجه مش هكدب عليك يا دارين ارجوك اسمعيني

:ماشي يا عادل هديلك الفرصه

*وصلنا و قعدنا و سألني

:اجيب لك ذره مشوي ولا حمص الشام لو كان معايا كنت جبت لك الاثنين

: ذره مشوي ريحته حلوه

*طلبت مش طف-اسة لكن الحمل خلاني أشعر بحاجات عمري ما شعرت بيها

*جاب لي و ناولني بحب وحزن في عينيه

: انا اسف من قلبي يا دارين انا فعلا غل-طان في حقك اعذريني انا مطلوب مني اصرف على البيت وعليك و اجهز اختي عشان تتجوز …. عارف ان من حقك في شقه لوحدك حتى لو صغيره بس اصبري معايا شويه على ما اختي تتجوز و هحاول اتصرف …. انا بحبك بجد ومش ناسي انك اخترتيني بعد ما اهلك رف-ضوني و ط-ردوكي من حياتهم

بقلمي سحر السحرتي

:انا مش قادره استحمل تدخلهم في حياتنا واستخدامهم لحاجتي وانت عارف اني مش هقدر اجيب غيرهم انا كنت عايشه في مستوى مختلف اقل شئ احتفظ بحاجاتي

:عارف يا حبيبتي اني مش قادر البي كل طلباتك بس ده من عشمهم فيك

: اختك مش بتحافظ على حاجتي ودائما تبوظ-ها متعمده وانت متاكد اني مش بك-ذب عليك

:انا هأكد عليها ولو اخذت حاجه و باظ-ت هاخذ حاجه من جهازها اديها لك بدالها ايه رايك

:اعمل ايه بحاجتها

:تهديد عشان تحافظ عليها

: لا مش هديها لها حاجه ما تحاولش تضحك عليا

: عشان خاطري هي عايزه تظهر بشكل كويس قدام خطيبها ساعديها عشان تتجوز بسرعه وتمشي

:طب انا هديها حاجه واحده المره دي ولو باظ-ت هعمل فيها مح-ضر

:على ضمانتي مش هيجرى لها حاجه

:على ضمانتك

:اه يا حبيبتي

: و ض-ربك ليا

:اخر مره صدقيني

*ما كانش قدامي حل غير اني الم الموضوع و اصدقه مؤقتا انا مش قادره اطلق لاني هبقى في الشارع وهو مش قادر يطلق عشان كاتب مؤخر كبير كان بيضحك عليا لما اتجوزته

*ساعات بحس انه بيحبني فعلا وساعات بحسه كان طم-عان في فلوس بابا

*مضطره اني اصبر نفسي انه بيحبني

*روحنا البيت وطنط قابلتني بحب هي واخته لما العسكري اخذه من البيت وهو قبل ما ينزل بلغهم لما ارجع يلموا الدور

*فعلا حماتي كانت لطيفة لطف مصتنع مش لائق عليها

: ايه يا دارين يا وح-شة زعلتي عشان اختك عايزه منك شنطه وجزمه ذنبنا ايه انت وعادل تشدوا مع بعض تقومي تنزلي تعملي مح-ضر في جوزك مش عيب …. الست الاصيله تستحمل جوزها لما يزعل شويه

:انا مش بفهم الكلام ده اللي اعرفه ان المفروض الراجل يحترم مراته وخلاص مش زعلانه عادل صالحني بس لو اتكررت هزعل وهو عارف ان زعلي بقى وح-ش

عادل: خلاص يا دارين

ادخلي استريحي على ماما ما تحضر لك لقمه تاكليها

*حماتي رجعت لطبيعتها ما تقدرش تكمل في الدور ده كثير

: منين يا حبيبي التلاجه فاضيه بعد ما اتعشينا افتكرناها راحت بيت اهلها زي اي ست بتزعل

:شكرا يا طنط انا تعشيت الظابط هناك قام بالواجب وزياده

:هما دلوقتي بقوا بيعشوا في القسم

بقلمي سحر السحرتي

*حبيت اغي-ظها و اهد-دها في نفس الوقت

: اسكتي يا طنط مش الظابط طلع معرفه ويبقى بالنسبه لي زي اخويا بالظبط وقال لي لو حد زعلك تعالي لي بس وشوفي انا هعمل فيه ايه حتى اسالي عادل

*طبعا عادل دخلني غرفتنا عشان ما اطولش معاها في الكلام ….. وحكى لهم اللي حصل و نبره الظابط و ح-ذرهم يضايقوني لانه ساعتها هو اللي هين-ضر

*دخلت نمت وانا مبسوطه من اللي حصل وكنت مخبيه باقي الاكل في الشنطه للاسف من الجوع اللي بقيت بشوفه

*صحيت الصبح كملته اصل ما محدش يعرف ان حماتي من قله الفلوس عشان تجهز الست مديحه بناكل وجبه او اثنين وانا مع الحمل بحس بجوع غير طبيعي

*جوزي من بجاحته شاف ورق الاكل

: ايه ده يا دارين

:ده ورق الاكل بتاع امبارح

:و شايله معاكي ورقه ليه

:لا ده كان في باقي اكل كملته الصبح

: وما عزمتيش علينا ناكل معاكي ليه هو احنا بنحرمك من حاجه

*بصيت له بطريقة سخ-رية هو انت مصدق نفسك

:انت لك عين كمان تتكلم …. اه يا عادل بناكل وجبه واحده او اثنين وساعات كمان اختك بتنزل وانت مش موجود تجيب اكل لها هي و مامتك و ياكلوه في الاوضة لوحدهم وانا حامل و محتاجه غذاء اقول كمان و لة نقفل الموضوع على كده

*شعر بالكسوف

:معلش هبقى اجيب لك اي حاجه تنفع تحطيها هنا وتاكليها لما تجوعي

*حسيت ان شعر بالاحراج لان ايده مش طايلة

: يا عادل انا لو عليا مش باكل كثير بس ما اعرفش ليه بحس بالجوع قوي كده الفترة دى

:هو الحوامل كده حقك عليا

*اخذني في حضنه لما حس انه مقصر معايا وخصوصا انه عارف ان مامته واخته فعلا بيخبوا الاكل مني وتقريبا عايزين يطف-شوني

:عادل انا بجد مش مس-تريحه انا عايزه اشتغل ويبقى لينا دخل ثاني انت بتنزل من الصبح ترجع بالليل و بتتعب قوي والفلوس كلها رايحه على مديحه و جهازها

:هتشتغلي ايه بس وانت حامل مش كفايه بتتصرفي في دواكي الغالي ده

: معلش انا هدور على حاجه مش متعبه بس لازم اشوف شغل منه اجيب فلوس ومنه ابعد عن هنا ما افضلش قاعده طول اليوم

بقلمي سحر السحرتي

:طب يا حبيبتي اللي تشوفيه بس لو تعبتي سيبي الشغل على طول ولازم اعرف كل حاجه عنه

:ماشي يا عادل اوعدك بس انا هنزل النهارده شويه

:رايحه فين

:هبيع بالطو من بتوعي لان الدوا قرب يخلص

:ما تستني يمكن يجي لي فلوس بدل ما تبيعي البالطو

: الدواء لازم يكون موجود لان لو جات لي النوبه و وقع-ت ممكن البيبي يجراله حاجه ده كلام الدكتوره

*شفت في ملامح وشه علامات انكس-ار قلت اخفف من عليه شويه

:هو عموما البالطو تقيل قوي كنت بلبسه في لندن عشان الجو برد جدا فهنا مش هبقى محتاجه له غير اني بفلوسه هجيب الدواء وكام فستان واسع عشان الحمل

*مسكني وحضني ج-امد لاحساسه من الذنب من انه مش عارف يتكفل بأقل متطلباتي ودموعه نزلت بسرعه مسحهم بس انا حسيت بيها

: هتنزلي مع مديحه

:لا اعوذ بالله هنزل مع عمتك فريده

بقلمي سحر السحرتي

:هي رجعت من السفر امتى امبارح بعتت لي رساله

: تحبي تقعدي عندها كام يوم لو انت تعبانه من هنا هي بتحبك وبتعتبرك بنتها

:يا ريت بس اختك بتدخل تفتش في حاجاتي وانت بتنسى تقفل بالمفتاح

: لا مش هنسى لو عايزه تروحي وبعد الكلمتين اللي قلناهم امبارح ما افتكرش حد هيقرب من حاجتك

:طب سيبني يومين اشبع من حنيتك الجديده دي وبعدين هروح

:حنيتي الجديده انت عارفه لولا الظروف كنت حطيتك فوق راسي

:يعني الظروف هي اللي بتخليك تدوس-ني برجلك

:خلاص يا دارين سامحي ونفتح صفحه جديده انا هنزل عندي شغل ادعي لي يجيلي فلوس كويسه النهارده هاخدك اكلك بره عشان اصالحك اكثر

*نزل عادل وانا كمان لبست ونزلت وافتكرت اني نسيت اقفل الغرفه بالمفتاح رجعت الحقها اصل مديحه ما بتصدق … وفعلا لقيتها في غرفتي وكانت واخده الشنطه والجزمه اللي كان نفسها فيهم وطبعا وشها اصفر من الص-دمه انها شافتني

: هو انت مش كنتي خرجتي

:يا بجاح-تك يا شيخه هاتي حاجتي انا مش قلت لك قبل كده ما تمديش ايدك على حاجاتي اروح اعمل مح-ضر س-رقه وبدل ما تدخلي دنيا جديده تدخلي الس-جن

*جت طنط من ورايا

: ايه الكلام ده يا دارين دي اختك معقول تقولي كده هي عشمها كبير فيك اصل حماتها لسانها طويل ودايما بتعلق على لبسها بلاش تكسري خاطرها

:معقول في لسان اطول من لسان مديحه واللي عشمها فيا تاخد حاجتي من ورايا

*فجاه حماتي قلبت على الوش الثاني ما قدرتش ترسمه فترة أطول من كده

:اسمعي بقى احنا عمالين نتحايل عليك وانت مزوداها قوي اعتبري انها بتستلف الحاجه قصاد قعادك انت وجوزك هنا انا مش ملزمه اقعده وهو شح-ط كبير هو ومراته عندي في بيتي

:عندك حق خلاص فلوس الجهاز اللي هو متم-رمط بيها و بيشتغل ليل ونهار احنا اولى بيها يأجر شقه نقعد فيها بدل ما بتتفضلي علينا

*ردت عليا بنبرة قوية وثقة

:اخته يا حبيبتي ملزمه منه وانا كمان ده الدين اللي بيقول كده ولا هتعرفي منين هو انتم في الفيلا بتاعتكم تعرفوا حاجه عن الدين وانت رايحه جايه بشعرك و فساتينك القصيره و الضيقه

: لا حضرتك اللي تعرفيه اكثر بأماره ما انت سايبه بنتك تس-رقني

:بنتي ما سرق-تش دي بتستلف

:السلف مش بيبقى من ورا صاحب الشيء بيبقى باستئذانه عموما لو هي عايزه الحاجه قصاد الغرفه اللي و اخدينها تحط رهان علشان لو الحاجه باظ-ت

:نعم يا اختي يعني ايه

:يعني تجيب حاجه غاليه من عندها احطها عندي لغايه ما ترجع حاجتي سليمه مش زي كل مره

:واذا جرى لها حاجه غص-ب عنها

:هحتفظ بحاجتها وهي تحتفظ بالبايظ قلتي ايه

:كده يا دارين

:انتم اللي بدأتم ومش كل مره هسكت و افوت

:اتغيرتي قوي يا دارين بعد ما روحتي للظابط بتاع امبارح

*بصت لي بخ-بث وكملت

: هو معرفه ولا حبيب قديم

*رفعت صباعي في وشها وقلت بح-ده

:اوعي اسمعك تقولي كده تاني رد فعلي مش هيكون كويس و افتكري ان عندك بنات واحده متجوزه والثانيه يا عالم هتتجوز ولا هتقعد جنبك

: هتتجوز يا حبيبتي برضا اهلها وجوزها هيستلمها من ايد اخوها الدور والباقي على اتجوزت من ورا اهلها

بقلمي سحر السحرتي

*طبعا مسكت نفسي وما عيطتش قدامها بس نتشت الحاجه من ايد مديحه

:هاتي حاجتي ولما تجيبي حاجه عليها القيمه رهان لهم ابقي تعالي اتكلمي معايا بعين ق-ويه انت و مامتك ولما يرجع عادل هقول له على الكلام ده

: اه قولي له و نكدي عليه وهو راجع تعبان من شغله يا بنت الاصول

*رديت عليها بح-دة اكبر

: هو انت كل شويه يا بنت الاصول يا بنت الاصول هي الاصول دي لازم انا اللي اعرفها بس لكن انت وبنتك بتعدي من جنبك كده ولا كأنك تعرفيها حرام عليك بقى

*دخلت غرفتي ورزعت الباب جامد حماتي الحركه دي بتنرفزها قوي من بره

: هو ده الادب يا بنت الاصول

*فتحت ثاني وانا عيني بتطلع ش-رار

: لا انا ما اعرفش الاصول وما اعرفش التربيه ايه رايك بقى واخر مره تتكلموا معايا

*قفلت الباب ثاني ودخلت اخذت من هدومي كام قطعه غير البالطو وانا مصره ابيعهم واجيب فلوس اديها لعادل عشان يشوف لنا لو غرفه فوق السطوح نأجرها

*فعلا كنت اعرف محل بيشتري الهدوم الماركات العالميه ويبيعها على أنها جديده لو حالتها كويسه وانا هدومي كلها حالتها كويسه اصل ما كنتش بخرج كثير

*قدرت اخذ منه مبلغ كبير

*قابلت ماما فريده عمه عادل دي بقى عسل السنين فيها كانت بدايه معرفتي بيها مش كويسه بس بعد كده حبيتها قوي و خلتني انادي لها ماما وده بيضايق حماتي جدا لاني بناديها هي بطنط مش ماما

*ماما فريده اخدتني محلات تعرفها

بقلمي سحر السحرتي

*اشتريت هدوم كثير للحمل وغيره بدل اللي راح مني و اسعارهم معقوله وما كنتش زعلانه الحاجات كانت حلوه بس مش نفس الشياكه اللي متعوده عليها الحاجة اللي حسيت اني بعرف أتقنها تنسيق اللبس

*عند عادل في الشغل جاله تليفون

: الو

الشخص :هو انا كان اتفاقي معاك انك تض-ربها

:ده سوء تفاهم بيني وبين مراتي وخلاص اتحل و صالحتها

:هو انا كل اللي طلبته منك تتجوزها بس ومن ورا اهلها وما تلمسهاش وشوية و تطلقها تقوم تعمل عكس ما طلبت و تخليها حامل كمان

:مراتي بشرع الله ما حدش يقدر يمنعني اني المسها

:طبعا انت اتمكنت دلوقتي لما اتجوزتها لو عرفت مره ثانيه انك ضر-بتها هوديك ورا الشمس

:بقول لك يا باشا انا مش بت-هدد انت خلاص انتق-مت منها و اتفض-حت انها اتجوزت من ورا اهلها واحد ميكانيكي واحد مش من مستواها زي ما بتقولوا اللي بعد كده خلاص بتاعي بقى سيبني اعيش حياتي معاها ولو على فلوسك رجعتها لك يبقى كده قصتنا انتهت مع بعض

: طيب يا عادل هسيبك بس مسيرك تيجي تحت ايدي وساعتها مش هرحمك

*اغلق الخط وهو يشعر بالض-يق من تنفيذ خطه المجهول على دارين ولكنه كان قد وقع في حبها

الثالث من هنا