رواية اوقعتني في حبها الفصل السادس و الاربعون والاخير 46 – بقلم اسراء محمود

الفصل 46 والاخير

لازلت أنظر فى بحور عيناكى واسحر بها كا اول مرة اسهر بها بكي كلمه احبك لا تعنى ما أشعر به اتجاهك انا أصبحت اعشقك حد الجنون ، ادمن رائحتك التى مثل الفراولة اعشق طفولتك وبرائتك اعشق جنانك وطيبه قلبك ، سأظل اقع فى حبك كأول مرة واقعت في حبك بها .

كانت هذة الكلمات يكتبها مراد فل مذاكرته اقتربت منه هل ببطء ووضعت يديها علي عينيه بمرح

عشق بمرح .. حبيبي بيعمل ايه ومشغول عنى

لف لها مراد وحاوط بطنها المنتفخه أثر حملها بحب

مراد ..مقدرش انشغل عنك انتى والشقيه إللى جايه ديه

عشق بصتله بحب ..الشقيه ديه مش جايبه من برا طبعا طالعه لباباها متعبه .

مراد ببرائه مصطعنه..انا شقي ومتعب

عشق بتريقه ..لا خالص يا عينى انا إللى ظلماك

جذبها له من خصرها بحب ..المفروض بقا علشان ظلمتينى اخد حقي منك

عشق بدهشه…هو انا عملت حاجه

مراد بهمس قدام شفايفها ..دا انتى جننتينى معاكى احتليتى قلب وعقل مراد عز الدين إللى كان قافل على قلبه

حوطت عشق رقبته بحب ..ولسه هجننك اكتر واكتر معايا كل يوم جنان وبس

مراد ..وانا موافق بس بشرط

عشق . ايه هو

مراد قرب منها والتهم شفايفها بحب ونهم بدلته مشاعره بحب أكبر قلل مراد من عنف قبلته وأصبحت قبلات رقيقه متفرقه على شفتيها

بعد مراد بعد فتره ليست بقليله

مراد وهو بيحاول ان يلتقط أنفاسه..كل لما هتجنيني هعمل كدا واكتر موافقه

عشق بدون وعي مما كانت تعانيه من مشاعر ..موافقه

ابتسم مراد على معشوقته بحب ..صح يا عشق الشقيه ديه هتيجي امتى بقا انا زهقت من الانتظار

ضحكت عشق ..خلاص قربت تشرف فاضل شهرين او اقل وتبقا فى ايدك

مراد نزل باس بطنها بحب ابوي ..طيب يا قلب بابا انا هصبر واستناكى علشان مش قدامى حل تانى بس تعالى بقا بسرعه علشان بابا هيموت ويشوفك يا أميرتى

عشق بغير ..هي بقت اميرتك اومال انا ايه

مراد ..انتى اسيرتى إللى اسرة قلبي وعقلي

ابتسمت عشق له بحب

مراد شلها ..انا بقول نطلع فوق علشان ترتاحى

عشق ..بس انا مش تعبانه

مراد بغمزة..انا إللى تعبان

بصت له عشق وضحكت على تفكيره الوقح

عند آدم ورحمه

رحمه صحيت من النوم على خبط فى ضهرها بسيط بصت على آدم جنبها ملقتهوش قامت خدت دش وبدأت تحس بأن الألم بيزيد عن الاول

خرجت رحمه من الحمام وارتدت ملابسها حست رحمه بأن الألم زاد عن الحد

رحمه بوجع …اااه ….يا ماما …اااه ….ماما غادة…ااة

فى الوقت دا سمعت رحمه صوت تليفونها بيرن وكان آدم

رحمه بالم حاولت تخفيه..الو

آدم بحب ..الو يا كسولة لسه نايمه ولا ايه انا فضلي عشر دقايق واكون عندك بس عايز اجي القيكى صاحيه

رحمه قطعت كلامه بصوت صريخها.. اة يا آدم الحقنى

اوقف آدم العربيه

آدم بقلق وخوف ..فى ايه يا رحمه

رحمه بصريخ ..انا بولد

دخلت فى الوقت دا غادة وشهقه بفزع عندما رأت ماء الولادة

آدم ساق بسرعه..خمس دقايق واكون عندك

رحمه بدموع ..بسرعه يا آدم انا هموت من الوجع

اقتربت غادة منها ..قومى يا بنتى يلا مايه البيبي نزلت لازم نجهز عقبال ما آدم يجي

رحمه بدموع ..هموت يا ماما من الوجع انا مش قادرة اقوم او اتحرك

غادة بدموع على وجعها هى مرت ما تمر بيه رحمه وتعلم كم الوجع التى تحس بيه المرأة فى هذا الوقت ..اهدى يا بنتى ان شاء الله خير ربنا هيقومك بسلامه انتى وحفيدي

فى الوقت دا وصل آدم بالعربيه عند الفيلا وطلع يجري على اوضه رحمه وكان سامع صوت صريخها إللى واصل ل آخر الفيلا

آدم دخل الاوضه اتصدم من شكل رحمه المتعب

آدم قرب منها ..اهدى يا حبيبتى وخدى نفس وطلعيه تانى ايوة يلا نفس الكلام واحنا فى خلال دقايق هنكون فى المستشفي

رحمه بدموع وصريخ ..يلا يا آدم انا خلاص مش قادرة استحمل د

شالها آدم وجرى بيها على العربيه ركبها ورا واقعد مامته جمبها وحط شنطه البيبي جمبه

رحمه كل الطريق بتصرخ من الألم وادم كان قلبه بيتقطع عليها

وصل آدم المستشفي بسرعه فاقه ونزل شال رحمه ودخل بيها بسرعه العمليات إللى كانت جاهزة من كل حاجه

طول العمليه كان آدم ماسك ايد رحمه

رحمه بدموع..خلاص يا آدم انا حاسه انى هموت

قرب منها آدم ودمعه منه نزلت على وجعها..اهدى خالص ومقوليش كدا ابننا قرب يجي اهو يلا فاضل شويه صغيرين يلا يا قلبي

رحمه بصتله بدموع وكملت العمليه

بعد فترة اعلن صوت بكاء المولود عن وصوله

ابتسمت رحمه بتعب ودموع الفرح ..عايزة اشوفه يا آدم

آدم بصلها بفرحه وبأس راسها ..حاضر يا حبيبتى

قرب آدم من البيبي وشاله بخوف وحب وكبر فى ودانه وقربه منها

شالته رحمه بحب ودموع..ياااه تعبتنى اووى على ما جيت بس كل التعب راح لما شوفتك يا قلب ماما من جوا

آدم..لا بقا كدا اغير بقا هو قلب ماما دلوقتى

.ضحكت رحمه بتعب ..انت حياتى كلها وانت عارف

باس راسها بحب ..ربنا يحفظك ليا وليه يا حبيبتى هاخد الولد بقا علشان اوريه لماما

رحمه باست الولد بحب ..خده يا آدم بس هاته تانى واتصلي على عشق انا عايزاها

آدم ..انا قولت لماما تتصل عليهم قبل ما ندخل زمانهم دلوقتى جم

رحمه بتعب ..ماشي يا حبيبي

آدم خد ابنه وخرج بيه كان الكل موجود مامته وباباه وعشق ومراد وادهم ومنه واحمد ورنا

عشق اول ما شافت آدم جريت على البيبي وخدته منه ..الله يا مراد بص جميل ازاى يا خلاثي عليه

مراد قرب من البيبي وباسه من جبينه ..ما شاء الله عليه ربنا يبارك في

آدم ..يارب يا مراد

غادة ..رحمه عامله ايه يا بنى

ادم..كويسه يا امى الحمد لله ودلوقتى زمانها وصلت اوضتها

عشق بلهفه..طيب يلا نروحلها

الكل اتحرك ودخل لرحمه

رحمه شالت ابنها بحب وباسته

عشق بصت لرحمه باستغراب

رحمه لحظت نظرات عشق ليها..مالك يا عشق بتبصيلي كدا ليه

عشق .. مستغربه انك من شويه كونتى بتصرخي وكونتى هتموتى من التعب ودلوقتى بتضحكى وفرحانه

رحمه ابتسمت..كل الوجع راح لما ابنى وصل اول ما سمعت صوته كل إلوجع اختفى واتبدل بفرح وحب وابتسامة عارفة لما تشوفى جزء منك وصل بعد انتظار طويل كل الانتظار دا بيتنسي اول ما يكون فى ايدك مشاعر الامومه ديه مش لعبه ديه مشاعر لا تقدر بثمن مشاعر عند كل بنت من يوم ما اتولدت وهى بتلعب بعروستها وعملها كأنها بنتها

يا عشق وجع الولادة دا ساعه او ساعتين بكتير بس بعد كدا هيوصل إللى استنتيه وتعبتى علشانه وعمرك ما هتندمى على اى وجع اتوجعتيه قبل كدا

عشق حطت ايديها على بطنها ..فعلا انا من دلوقتى وهموت واشوفها بقا

رحمه ..ربنا يقومك بسلامه يا قلبي

مراد ..هتسموا البيبي ايه بقا

آدم بصله وببتسامه جميله ..مراد

مراد بدهشه وصدمه ..نعم

آدم..هسميه مراد علشان نفسي يطلع زيك فى قوتك وجدعنتك وحبك للناس من غير مقابل شجاعتك أخ جدع وصاحب مفيش منه ياريت ابنى يطلع زيك

مراد حضن آدم بحب ..انت احسن أخ فى الدنيا

آدم..انت إللى مش عارف اقول عليك ايه انت مصدر امانى يا مراد

مراد ..انت اخويا يا آدم مهما حصل بنا انا هفضل احبك

ادهم ..ترانى تاثرت من كميه الحب ديه لا هعيط ولا هعيط

مراد وادم ضربوه فى نفس الحظه ..مش هتبطل

ادهم ..مكونش انا ادهم لو بطلت عيب عليك

مراد..لمى جوزك يا منه احنا مش ناقصين

منه ..والله وانا كمان مش طايقه

مراد ..اهو شوفت الكل مستغنى عنك

ادهم ..كدا يا منه بس لما نروح لهتشوفى هعمل فيكى ايه

منه ..ليه كدا يا ادهومى دا انت حبيبي

ادهم ..دلوقتى بقيت حبيبك ماشي يا منه ماشي

احمد ورنا ..بصوا بقا يا جماعه احنا حبين نقولكم ان خلاص الشقه بتاعتنا خلصت وفرحنا الشهر إللى جى

الكل ..الف مبروك

احمد ورنا ..الله يبارك فيكم

انتهى اليوم وعدى شهر بكل تفاصيله مراد وعشق كل يوم اشتياقهم للمولدة بيزيد ادهم ومنه على طول فى مشاكل بسبب منه مضايقه من موضوع تأخير الحمل رنا واحمد بيجهزة كل حاجه لفرحهم

رحمه وادم بيتابعه كل تفصيل مراد الصغير بحب ورحمه هتجنن منه لانه مش بينايمه

يوم الفرح كانت منه مع رنا فى الفندق إللى هيقام فيه الفرح و بيجهزة لكل تفصيله فى ومنه كانت بتساعد رنا فى كل حاجه

رنا بتوتر ..انا مش عايزة اجوز

منه وهى بتضحك ..ليه بس دا الجواز حلو اووى

رنا..لا خالص انا مش وش بهدله يا ستى سبونى اهرب والحق نفسي قبل ما ادبس فعلا

منه..ما انتى خلاص ادبستى يا قطه

رنا بهزار ..يعنى لا يوجد مفر من هذة الجوازة

منه بضحك..لا لا يجود مفر هو في اصلا زي اخويا

رنا ..ما اة ما انا عارفة مفيش فى سفاله وقله ادب اخوكى معرفش كنتوا بترضعوه ايه وقاحه

منه ..والله الواد كان محترم انتى إللى غيرتيه نقول عليكى ايه انتى السبب

رنا ..وانا مالى هو إللى منحرف مش،ذنبي بقا

منه .. طيب يلا علشان نلحق نجهز ونخلص

رنا ..يلا

بدأت رنا تجهز من مسكات وكل حاجات العروسه

عند احمد فى الاوضه كان هو وادهم بس

ادهم ..عايزك تشرفنا يا وحش

احمد ..ملكش دعوه بيا انت بس وانا هشرفكم كلكم

ادهم ..والله خايف عليك يا صغنن انت لحسن تبوظ الدنيا

احمد..لا دا انا هبهرك

ادهم..هنشوف

احمد..هاا البدلة حلوة عليا

ادهم ..ياختى بطه قمر يا ناس اهئ اهئ اهئ

احمد ضحك ..خدت فكرة ماما فى نفسها اووى

ادهم ..مالها الأمهات يعنى هى إللى بتطبخ وبتكنس وتنضف وتخلف وتحمل وفى الاخر يجي الراجل ويقولها عملتى ايه طول اليوم علشان تتعبي ايه يا اختى القرف دا

احمد وقع من كتر الضحك على كلام ادهم وتغير صوته باحترافيه

ادهم ..طيب يلا قوم ساعدنى انا كمان فى البس بقا

احمد ..طيب يلا

عند منه لبست فستان طويل من الون الأبيض ولبست عليه كوتشي ابيض لكرهها لجزم الطويله وحطت ميكيب رقيق جدا

احمد لبس بدله سوداء وتحتها قميص ابيض وكان شديد الوسامه

رنا ومنه نزله وكان فى استقبالهم احمد وادهم

قرب أحمد من رنا وخد رنا فى حضنه ونزلت دموعه اخيرا حلمهم اتحقق رنا كانت حضنه احمد ليها جامد وبطبطب عليها ودموعها نزله

احمد ..ياااه اخيرا بقيتى بتاعتى فعلا ومش هتبعدى عنى ثانيه وكمل بخبث وهنعمل كل حاجه مع بعض

رنا فهمت تلاقيحاته ضربته على ضهره ..انا لسه كنت بقول سافل مسمعوش كلامى

احمد بغمزة..هو انتى لسه شوفتى حاجه يا قلبي التقيل كله ورا

رنا بصدمه ..هو لسه فى تقيل

احمد ..اة لسه فى كتير اووى

رنا ..ربنا يستر

دخل احمد ورنا القاعه

عند ادهم ومنه

ادهم..المزة ديه بتاعتى انا

منه ..طبعا طبعا انا مش اى حد

ادهم..دا احنا ليلتنا عنب انهاردة

منه ..لا يا حبيبي انت هتروح انهاردة تبات عند طنط

ادهم بصدمه..نعم ليه

منه ..انا مش طايقاك اعمل ايه يعنى

ادهم ..لا بقولك ايه هى مش ناقصه جنان انا مجنون وممكن اخطفك دلوقتى ومحدش يعرفلك طريق يا منه

منه . لا وعلى ايه يلا الطيب احسن يلا نروح ليهم

ادهم ..يلا يا اخره صبري

دخل منه وادهم القاعه وبعدهم آدم ورحمه

عند مراد وعشق فى البيت

مراد ..يلا يا عشق اتاخرتى كل دا ليه اخوكى هيموتنا مش كفايه انى اعتذرت و مروحتش وقفت معاه من اول اليوم

عشق خرجت وهى لبسه فستان سواريه من اللون الاسود بارز بطنها الكبيرة وحطت ميكيب رقيق بعد خناقات مع مراد

عشق ..اهو خلصت مع انى اصلا مش عايزة انزل كدا بالكورة إللى طلعالى ديه

مراد ضحك عليها..بقيتى دبدوبه يا قلبي

عشق بتزمر ..متقولش عليا كدا انا قمر لسه وبكرا اولد وكل إللى طالع دا هيروح

مراد قرب منها وباسها بوسه رقيقه علي شفايفها ..انتى حلوة طول عمرك

عشق. انت قاصد تعمل كدا علشان تمسح الروج صح

مراد ..الصراحه اة

عشق ..بارد ومتملك

مراد..عارف يا قلبي يلا بقا ننزل علشان منتاخرش

عشق ..يلا

نزلت عشق ومراد وركبه العربيه وصله الفرح

اول ما داخله كان احمد ورنا بيرقصه سوا على اغنيه نشيد العاشقين

الرقصه خلصت والكل سقفلهم وسعادة احمد ورنا كانت باينه في وشهم

شويه واشتغلت اغنيه رومانسيه وكل بطل من الروايه خد الرحله وبدا يرقص معاها

عند ادهم ومنه

منه ..ادهم انا عايزة اقولك حاجه

ادهم ..اوعى تقولى جعانه هضربك

منه ..لا مش هقول ديه حاجه مهمه

ادهم ..ايه هى

منه همست فى ودانه ..انا حامل

ادهم بصدمه ..نعم يا اختى من مين

منه وهى بتكتم بوقه..انت اهبل يا ادهم انا كنت عارفة ان ردت فعلك مجنونه بس مش لدرجاتى يعنى

ادهم بعد ما ان استوعب الحقيقه شال منه ولا بيها ..يا جدعان هبقا اب هيبقا عندى أطفال اخيرا

منه كانت بتضحك بسعاده وبتحمد ربنا كل نعمه وتتمنى السعادة ديه تدوم

عشق كانت بترقص هى ومراد وفجأة حست بوجع وخبط جامد فى بطنها وضهرها

وبان على وشها الألم

مراد بقلق ..مالك يا عشق

عشق..تعالا نقعد بس علشان شكلى تعبت من الرقص

مراد خد عشق واقعدها..انت كويسه دلوقتى

عشق بنفي..لا مش كويسه بطنى هموت منها هى وضهري

مراد ..طيب نروح نكشف

عشق ..لا هبقا كويسه

مراد ..بجد

عشق الألم زاد عليها..اااااااه

كل القاعه بصت عليها والكل اتجمع جمبها

رحمه ..مراد عشق بتولد شلها بسرعه نروح المستشفي

احمد ..بتولد ايه بس لا مش دلوقتى وفرحى اللى بوظتيه حرام عليكى

عشق بتعب ..منك لله يا مراد انت واحمد على إللى عملتوا وبتعملوا فيا

مراد ..وانا عملت ايه دلوقتى بس

عشق بصريخ ..انت السبب انت السبب انا بكرهك طلقنى

مراد ضحك ..ليه هو انا كنت اغتصبتك كله كان برضاكى يا قطه

عشق بصريخ..حسبي الله نعم الوكيل فيك

مراد شلها وهى بيضحك على كلامها ومنظرها جرى آدم ورحمه وركبه معاه

طول الطريق عشق بتصرخ وفجأة العربيه وقفت فى حته مقطوعه

مراد خبط ايديه فى العربيه .. هو وقته ان البنزين يخلص

آدم ..انت مش معاك بنزين زيادة

مراد ..لا

رحمه بصريخ..عشق بتولد احنا خلاص مش هنلحق نروح المستشفي

مراد بقلق ..طيب هنعمل ايه

رحمه بتوتر ..انا هولدها بس خليك انت ماسك ايديها وانت يا آدم انزل حاول تتصل بحد منهم يجي علشان هنبقا محتاجين بعد كدا نروح المستشفي

آدم ..حاضر

رحمه ..مراد معاك اى حاجه اغطى بيها عشق

مراد بتوتر ..اة بتهيالى فى بطنيه فى العربيه لما كونا بنسافر كنا بنسبها فيها

رحمه …طيب هتهالى

مراد جاب البطنيه لرحمه ورحمه نيمت عشق على الكنبه إللى ورا وغطتها بالبطنيه ومراد مسك ايديها واقعد فى الارض جمبها كان مع كل صرخها كان بيسمعها من عشق كانت دموعه بتنزل وكان حاسس بالعجز وخايف لا هى كمان تروح منه وبذات انها ولدت بدرى عن معادها ودا كان مخوفه اكتر عدت لحظات لحد ما سمع صوت بنته

رحمه خرجت لمراد و هى شايله البنت ومغطيها بالشال بتاعها

رحمه ..الحمد لله عشق كويسه بس لازم نروح المستشفي بسرعه علشان نتأكد من صحه البنت

مراد شال بنته بخوف وباسها ..طيب

فى الوقت دا ادهم وصل بعربيته وكان معاه منه واحمد ورنا

منه ..طمنى عشق عامله ايه

مراد ..كويسه بس لازم ناخدها دلوقتى المستشفي علشان نطمن عليها وعلى البنت

ادهم ..طيب يلا

مراد راح وشال عشق ونايمها براحه على الكنبه إللى ورا واقعد جمبها وادهم ومنه طلعه معاهم

وادم كان كلم حد جابله عربيته واتحرك فيها هو ورحمه ورنا واحمد

وصله للمستشفي ودخل مراد بسرعه بعشق وبنته وبدأت الدكتورة تكشف عليهم

بعد فترة خرجت الدكتورة

الدكتورة..الحمد لله اطمنه البنت كويسه والام كمان كويسه بس هى هتحتاج تغذيه جامده الفترة إللى جايه

مراد ..تمام شكرا

دخل مراد لعشق ولقاها حاضنه البنت وبتبوسها

مراد قرب منهم وباس راسها ..الف مبروك يا حبيبتى

عشق بتعب ..الله يبارك فيك شايف حلوة ازاى زيك

مراد ..لا دا كلها منك وعنيها حتى زرقاء زى عينك

عشق..لا شبهك ومتعبنيش

دخل الكل فى الوقت دا

احمد ..كدا يا ست عشق تبوظيلى فرحى

عشق بضحك ..معلش بقا المفعوصه ديه عملتها فينا

احمد ..ما هى لوما انها قمر مكونتش شفعتلها

رنا ..انا بقولك ايه انا هحجزها ل ابنى

آدم ..لا معلش ديه خلاص بقت مرات ابنى انا

منه ..لا لا ديه هتبقا مرات ابنى إللى جى

مراد ..بببببببس انتوا التلاته بنتى مش هتجوز هتفضل فى حضن باباها قال اجوزها قال

ادهم ..طيب هتسميها ايه

مراد ..حياة علشان تبقا اسمها حياة مراد عز الدين هى فعلا حياتى كلها اتلخصت فيها

عشق ابتسمت بحب

مراد قرب منها وباسها وحضنهم هما الإتنين

ادهم خدلهم صورة فى الحظه ديه علشان تبقا ذكرى

احمد قرب من رنا وشالها..هروح انا مش معقول كمان هقدى اليله كلها فى المستشفي ومعاكم يلا اشوفكم بعد سنه باي

رنا..نزلنى يا مجنون

احمد ..مفيش نزول دلوقتى وانتى تسكتى خالص بدل ما اسكتك انا بطريقتى

الكل ضحك على جننهم …وهنا انتهت الروايه …. 

تمت  .. وتابعوني مع الروايه الجايه

للكاتبه /esraa mahmoud

….