الفصل 18
ادهم قفل مع منه وكان بيغلى وبيطلع نار من ودانه وقام لبس ونزل يجرى وهو مستحلف لو كانت بتكلم راجل غيرة هيقتلها ويخلص منها احسن
عند منه
منه ..الو يا احمد انت فين
احمد ..بجيب حاجه وجى عايزة حاجه اجبهالك
منه ..اة عايزة شيبسي وبيبسي شوكلاته وأى سندوتش علشان جعانه وامك سبتني ونامت
احمد ..ايه يا بنتى هو انتى على طول مفجعوه هتكلى كل دة لوحدك
منه ..ملكش دعوه يا بارد انت هتحسدنى خلاص مش عايزة منك حاجه
احمد ..خلاص متزعليش يا طفلتى هجبلك إللى انتى عايزة هو انا عندى كام منه (انا عايزة من ده ونبي )
منه ..بحبك اووى يا مودى
احمد ..وانا بموت فيكى يلا سلام علشان هجيب الحاجه واجى
منه ..سلام
واحمد داخل السوبر ماركت خبط فى حد
احمد ..انا اسف جدا
البنت ..وانا اصرف اسفك منين
احمد ..وانا مالى اصرفيه من اى حته تعجبك
البنت ..يعنى خبطنى وكمان بتستظرف
احمد ..انتى إللى كنتى بتهزرى من شوية
البنت ..انت اصلا انسان عديم الزوق والتربية
احمد ..مين دة يا ماما انا مش عارف انتى شايفة نفسك على ايه دة انتى شبه حمادا صاحبى
البنت ..مين ديه شوف نفسك انت الاول وبعدها تعالى اكلم
احمد ..الكلام دا ليا انا دة انا دنجوان الجامعه
البنت ..انا مش هرد عليك علشان الكلام مش هيعجبك
احمد ..دة كله ومش هتردى آمال لو كنتى ردتى كنتى هتعملى ايه
البنت ..انا مش هرد عليك انت واحد عديم الزوق وسابته ومشيت
احمد ..بت شايفة نفسها اووى
نرجع بقا عند ادهم المجنون ، ادهم وصل لحد بيت منه واتصل بيها
منه ردت من غير متبص ..الو يا مودى انت فين
ادهم بغضب ..مين دة إللى بدلعيه يا هانم يا محترمه
منه بفزع ..ادهم
ادهم بغضب ..ايوة ادهم يا هانم انزليلى يا منه انا تحت البيت
منه وهى بتبص من البلكونة..متهزرش يا ادهم امشي
ادهم ..لا مش ماشي وتنزلى دلوقتى تعرفينى مين دة إللى بدلعيه
منه ..مش هينفع انزل
ادهم ..طب خلاص انا طالع
وفعلا طلع ادهم ورن الجرس ومنه مكنتش عارفة تعمل ايه
منه ..ارمى نفسي من الشباك ولا اقطع شريينى يارب طب اروح فين
فى الوقت دة صحيت سهام وفتحت الباب
سهام بستغراب ..ازيك يا ادهم ايه إللى جايبك فى وقت زى دة يا حبيبي فى حاجه
ادهم باحراج ..اصل كنت معدى من هنا ولقيتنى قريب من البيت فكنت عايز اقعد اكلم مع احمد شوية
سهام ..هو مش موجود بس اتفضل يا بنى اقعد استنى احمد زمانه جى استنى انادى منه تشوفه فين
سهام ..يا منه يا منه
منه ..يا لهههوى ماما بتنادى مكنش يومك يا منه يا عينى يا بنتى هتمومتى وانتى لسه فى عز شبابك
سهام ..انا هقوم اشوفها
سهام ..دخلت الأوضة لقت منه بتدخل تحت السرير
سهام ..ايه يا بنتى اطلعى
منه ..لا مش هطلع انا مرتاحه هنا
سهام ..اطلعى يا بنت المجنونه من تحت السرير
منه ..لحظى انك بتشتمى نفسك
سهام وهى بترفع الشبشب ..هطتلعى ولا انزله عليكى
منه ..خلاص هطلع
سهام ..هروح اعمل حاجه لادهم وانتى اقعدى معاه لحد ماجيلك
خرجت منه وهى بتترعش اول مخرجت اقعدت بعيد عنه
ادهم قرب وقعد فى الكرسي إللى جنبها
ادهم ..هتوقلى مين إللى كنتى بتدلعيه ولا اضربك وافضحك قدام سوسو حبيبتى
منه بعند..مش هقول
ادهم ..يا سوسو
منه حطت ايديها على بوقة
منه ..خلاص هقول يا مجنون دة كان احمد اخويا وكان بيتصل عليا وانا متعودة ادلعه
وراحت منه شالت ايديها من على بوقه
ادهم بهيام..كنتى خلتيها
منه ..هى ايه
ادهم ..ايدك
منه خبطته فى جنبه ..اتلم
ادهم ..هو انتى ليه محسسانى انك الشويش عطيه فى نفسك كدا
منه ..ملكش دعوه ودخلت عليهم سهام
سهام ..عملتك عصير مانجا عمرك مهتشرب زيه
ادهم..تسلم ايدك يا سوسو
سهام ..تسلم يا حبيبي
فنفس الوقت دخل احمد
احمد بصدمه مصطنعة..ايه إللى سمعته دة امى وادهم مع بعض وفين فشقتى واختى اقعده قرطاس لب فى النص جبتولى العار
ادهم ومنه كانه ميتين من الضحك
سهام ..اتلم ياض تعالى ادهم كان جيلك يقعد معاك
احمد باستغراب..جيلى انا
ادهم..اة يا مودى جيلك انت آمال لمين يعنى
احمد ..مودى كمان هى منه لحقت تعرفهالك دة انا هوريكى يا منه
منه ..لا انا بقول اهرب بقا
احمد مسكها من هدومها ..لا تهربي ايه انا مش هحاسبك دلوقتى خدى الحاجات إللى كنتى عايزها اهى
منه ..هيييييييييية انا بحبك اوى يا احمد وراحت حضنته دة كله قدام ادهم إللى كان غيران ايوة غيران من أخوها وهو دة الحب يا سادة إللى بيبهدل صاحبه
ادهم ..لحظوا ان انا سنجل ومحتاج حد يحضنى
احمد..بوظت اللحظه الرومانسية
ادهم ..احسن
منه بكسوف ..طب انا هدخل انام بقا
ادهم بلهفة .. ليه خليكى
منه اكسفت ودخلت
احمد..انت وقعت يا معلم
ادهم بتوتر ..ايه وقعت اذا اقصد اة اقصد لا
احمد بضحك ..ايه يا بنى فى ايه عادى انت شكلك بتحب منه وحكايه انك جيلى ديه مدخلتش عليا فاخلص واحكى ومتخافش هساعدك يا معلم
ادهم ..حاضر بص بقا انا بحب اختك من اول ما شوفتها اة لسانها طويل وهى دبش بس حبيت طول لسانها وعجبني انك تحسها بتسترجل فى الوقت المناسب بس هى منشفها عليا اووى ومش موافقه انى حتى اتعرف عليها أو اكلمها
احمد ..بص انا اكبر من منه بسنه بس انا ومنه صحاب اووى وهى حكاتلى عنك على فكرة بس منه خايفة تحب وتعجب بحد ويسبها أو يكسرها ومنه اصلا عندها خوف من الفراق حتى لما بابا مات منه اقعدت فتره متكلمش مع حد لحد مرجعت منه إللى انت شايفها انا هحاول اساعدك علشان انا واثق فيك بس اتمنى تكون قد الثقة ديه
ادهم ..متخافش ان شاء إلله اكون قدها همشي انا بقا بس ياريت إللى اكلمنا فيه يكون سر بنا وبلاش منه تعرفة
احمد..اكيد متخافش
مشي ادهم
تانى يوم مراد اتصل بعشق
مراد..الو يا حبيبتى عامله ايه دلوقتى
عشق ..مخنوقة يا مراد حتى مروحتش انهاردة المستشفى ولا الجامعه
مراد ..لا مينفعش لازم تروحى الجامعه علشان نتجوز انا مش قادر اصبر اكتر من كدا
عشق ..شوف انا بكلم فيه وانت بتقول ايه
مراد ..فوقتى انتى دلوقتى بقولك ايه انتى فين شكلك برا
عشق .. اة انا اقعده على الكورنيش
مراد. ..خلاص انا جى
وبعد ربع ساعه كان مراد عند عشق
مراد وهو بيغمى عنيها..انا جيت يا جميل
عشق..مش هتبطل رخامه خضتنى قولت مين إللى بيحط ايده على عنيا
مراد ..هو فى حد يقدر يعملها غيري انتى بتاعتى انا وبس مفهوم
عشق ..تمام يا فندم
مراد ..بصي يا عشق انا حابب اقولك متشيليش هم آدم ..آدم محبكيش بكرا هيعرف دة
عشق بحزن ..بس انا جرحته اووى
مراد ..متزعليش بقا
عشق ..خلاص مش زعلانه
مراد ..لا فين الضحكه إللى انا بعشقها
عشق وهى بتبتسم ..اهى
مراد ..ايوة كدة الشمس نورت
عشق بحب ..انا مش عارفة من غيرك كنت عملت ايه
مراد ..كنتى هتموتى
عشق ..بس يا بارد
مراد ..ما انا عارف
عشق ..طب غور يا مراد انا حالتى وحشه ومكتائبة ومش عايزة اشوفك النهاردة
مراد ..متقدريش ابدا على بعدى
عشق ..فعلا مقدرش بس مش عيزاك تبعد ابدا يا مراد حتى لو انا قلتلك تبعد متبعدش
مراد ..اكيد يا عشق
عند بقا الشر كله
شاهى..والله لتشوف يا مراد هحرق قلبك اذا على حبيبت القلب
مى صحبت شاهى ..حرام يا شاهى سبيها فى حالها انتقمى من مراد مش من عشق
شاهى ..علشان انتقم منه هو نقطت ضعفه عشق ولو اكسر مراد عمره ماهيرجع زى زمان تانى
مى ..طب هتعملى ايه
شاهى ..هو كان فى واحد بيحبها فى الجامعه اسمه عمرو انا هتفق معاه انه يعمل حاجه قدام مراد من غير ماعشق تاخد بلها ويفتكر مراد ان عشق بتخونه وكدة ابقى فرقت مابنهم وعمره ماهيجوزها ويجلى انا بقا
مى ..مراد عمره مايجيلك انتى عارفة انك كنتى غلطه فى حياة مراد ليكى وقت ومراد يرميكى
شاهى ..انتى مالك انتى وهتشوفى شاهى هتعمل ايه وهيرجعلى يعنى هيرجعلى
مى ..خلاص نشوف
عند منه فى الجامعه كانت اقعده هى ورنا ورنا كانت متنرفزة وبطلع نار
منه ..ايه يا بنتى مالك بطلعى نار كدة ليه
رنا ..فى واحد حمار خبط فيا وانا خارجه من السوبر ماركت امبارح
منه ..واعتذر الحيوان دة
جه من وراه
احمد ..اة والله اعتذر وهى هزقتنى
منه ..ايه دة هو انت الحيوان
احمد ..لمى نفسك يابت
منه ..خلاص اهو يا فندم
رنا باستغراب..هو انتى تعرفيه يا منه
منه ..اة احمد اخويا
رنا بصدمه ..هااا
احمد ..انتى تعرفى البنت ام لسان ونص ديه يا منه
رنا ..مين ديه يا حيوان إللى بالسان ونص
منه ..بس يا احمد ديه رنا صحبتى
احمد ..ميشرفنيش انى اعرفها
رنا ..يعنى انا إللى هموت فى دبديبك
احمد ..لا مش عايزك تموتى فيا اصلا
منه ..بسسسسسس انا قربت أشد فى شعرى منكم ايه اقعده مع أطفال
احمد ..هى إللى طفلة
رنا ..انت إللى كبير
احمد ..عندك انتى كام سنه اصلا يا طفله
رنا بغرور..١٨ سنه
احمد ..انا إللى اكبر ١٩
منه ..بس انا إللى اصغر احمد انت ايه اللى جابك
احمد..كنت جى اوصلك معايا فى الطريق
منه ..ماشي يلا يا حبيبى
منه لرنا ..ماتيجى معانا يا رنا نوصلك فى طريقنا
رنا ..لا شكرا يا حبيبتى مش ناقصة اموت بسكته قلبيه
احمد ..انا إللى كنت هتخنق لو جيتى معانا يلا يا منه ومشيوا
عند عشق لبست وراحت المستشفى وقررت انها هتستحمل آدم علشان هى حاسه وعارفة بوجعه
اول موصلت دخلت على مكتب آدم على طول
عشق..ازيك يا آدم
آدم هو بيتصنع البرود ..الحمد لله كويس اووى
عشق بحزن ..ليه يا آدم كدة ليه بتصعب عليا الموضوع
آدم..انتى اللى مصعبه عليا الموضوع انا قولتلك ابعدى انتى إللى معندكيش دم ومش راضية تبعدى عنى امشي بقا يا عشق ونسينى وخلى كل واحد فى حاله
عشق بحزن والدموع فى عنيها ..حاضر يا آدم بس كنت اتمنى نرجع زى زمان
آدم بحزن ..مبقاش ينفع يا دكتورة
عشق ..عن اذنك وخرجت تجرى على المكتب
عند مراد فى المكتب
دخل عليه ادهم
ادهم ..ازيك يا برنس البرانيس
مراد..برنس البرانيس بيئة اووى مش هتبطل بقا
ادهم ..لا مش هبطل يا معلم
مراد .. هعمل ايه بقا اخويا ولازم استحملك
ادهم ..ايوة بقا دة انت إللى فى الحته الشمال
مراد ..انا بردو احكيلى عن حبيبت القلب
ادهم بهيام ..اة جتلى على نقطه ضعيفى
مراد ..هى مين
ادهم بهيام ..منه روحى وقلبي وعشقى
مراد ..اتلم ياض منه اخت عشق صح
ادهم .. اة عسل كدا الله يخربيتها معرفش امهم كانت بتاكل فيهم ايه هما الاتنين
مراد ..بس بقا بطل قر عليهم صح عشق وحشتني هروح اجيبها من المستشفى
ادهم ..ماشي يا معلم ماشية معاك حلاوة
مراد ..يخربيت اقرك عينك وحشة
الخاتمه
كل انسان بيحب مش معنى انها كلمه بتتقال مكونه من اربع حروف ب.. ح.. ب ..ك هتفرح البنت لا لازم يكون الحب بلفعل مش بلكلام الراجل إللى لما تحتاجيه يقولك انا مش فاضي لا لما تحتاجيه يجيلك جرى ويشوفك مالك إللى لما يكلمك يبقا بدنيا وبحالها وبكلمه واحدة يخليكى ملكتى الدنيا وما فيها دة فعلا إللى بيحب الراجل إللى يخاف عليكى من نفسه قبل من الناس نفسها دة فعلا إللى متخفيش وانتى معاه اهم حاجه الإنسان يختار صح ويحب صح .
يتبع
التعليقات