رواية زواج تحت التهديد الفصل السابع عشر 17 بقلم اسراء محمود
البارت السابع عشر
بعد ما اتفق الرجال على اعطاء الحريم درسا لن ينسى ابدا
عيسى تعالوا ندخل الاوضه بتاعتنا اللي كنا بنتجمع فيها ايام زمان فيها الحاجه
محمد تمام اكده عقبال ما تكونوا جهزتوا حالكم اكون فصلت الكهرباء عن الدور كله
عيسى ماشي وانت يا يونس جهز الجهاز اللي معاك بتاع الصوت
يونس ماشي يا اخويا واستمروا هكذا لعده دقائق يجهز ون ويرتبوا كل ما ينوا فعله. نسيبهم يجهزوا نفسهم ونروح نشوف الحربايه سلمى بتعمل ايه عند رقيه
بعد ما راحت سلمى عشان نشوف رقيه وتديها المبلغ اللي طلبته منها. اتفقت سلمى مع رقيه انها مش لازم تطلب منها حاجه تاني وده لمصلحتها عشان لما نحصل وتتخلص من تبقى تنفذ وعدها وترجعها للبيت ثاني ده طبعا كان الكلام اللي ما بينهم. لكن سلمى كانت بتخطط انها لما تخلص من صبا نهائيا هتشوف مصيبه كبيره تلبسها لرقيه عشان تخلص منها هي كمان وتعاقبها على المساومه اللي عملتها فيها النهارده على الفلوس اللي اخذتها منها. ولما حاولت رقيه تعرف من سلمى هي هتعمل ايه في صبا وازاي هي هتتخلص منها نهائي زي ما بتقول. بس سلمى رفضت تعرفها اي حاجه ما كانتش حابه ان يكون ليها شريك في حاجه. وبعدين سابتها وروحت.
اما بقى بالنسبه للشباب هم نفسه اشكال مرعبه جدا وعملوا الوان كثير جدا على اللبسوه بتروحي بوجود الوان دم مرعبه وكل واحد فيهم شاف مكانه ومحمد راح فصل الكهرباء عن الدور. واول ما الكهربا فصلت جوه عند البنات
صفا واه كيف انقطعت مش بعاده يعني
جميله مش عارفه اكيد في عطل حصل هشوف التليفون عشان اكلم يونس يجي يتصرف او يشوف حد يتصرف
ورد الله ينكد عليه اللي نكد علينا وقطع النور ما كنا قاعدين ومبسوطين لازم يجي يقطع قعدتنا ده الله يسامحك يا بتاع النور
ولكن مهلا اين صبا.
ورد فينك يا صبا يعني مش سامعه صوتك
صبا بصوت مخنوق انا موجوده بس مش قادره اتكلم
جميله مالك يا خيتي في حاجه تعباكي
صبا لا ابدا. وانقطع كلامهم حين بدات تعلو اصوات غريبه ومرعبه بالنسبه لهم دون اضافه الى انفتاح الباب بطريقه عشوائيه وغلقه بصوره مرعبه وظهور بعض الخيالات امامهم جعلتهم يصرخون طلبا للمساعده.
ولكن تصنم جسد صبا تماما واحست ببروده تسري في جميع جسدها ولم تقدر على الصراخ او طلب المساعده وكلما كان يحدث معها هو ارتفاع نسبه التنفس وقله الاكسجين لديها وشعورها بالاختناق
(زواج تحت التهديد بقلمي اسراء محمود لا اله الا الله وحده لا شريك له لا اله الا الله له الملك وله الحمد وهو على كل شيء قدير لا اله الا الله الواحد القهار لا اله الا الله القوي المتعال لا اله الا الله وهو على كل شيء قدير)
وبعد دقائق معدوده سقطت صبا مغشي عليها. وصرخت كلا من ورد وجميله باسمها وهذا ما جعل الرجال يندهشون ماذا يحدث هلع عيسى من صراخ اخته وزوجه اخيه باسم زوجته وفورا فتحوا النور ليروا ماذا يحدث وفي هذه اللحظه جاءت كلا من وهيبه وسلمى لمعرفه مصدر تلك الاصوات.
ودخلوا الى غرفه ورده ومعهم عيسى الذي وجد صبا ساقطه على الارض وغائبه عن الوعي ولا يعلم ما بها عندما اقترب منها وجد وجهها قطعه من الليمون الاصفر وشفايفها لونها ازرق تصنم جسد عيسى وهو يراها بتلك حاله ولا يعلم ما بها نادى عليه اخاه من خلفه
يونس في ايه يا عيسى ايه اللي حصل. ولكن لم يجد رد من عيسى
صفا وهي تهز عيسى كلم اخوك يا اخويا عشان نطمن عليها. فاق عيسى من صدمته
عيسى مش عارف
يونس طيب اني هقرب عشان اجي اقيس النبض واطمن اشوف في ايه
عيسى بتردد بس
وهيبه التي جاءت لتوهه تخلي اخوك يطمن عليها مش وقت ده عاد
عيسى وهو يحملها لكي يصعد بها الى جناحه يونس كلم دكتوره تيجي حالا دكتوره يا يونس
يونس متفهما حاله اخاه حاضر يا اخويا. وبالفعل مرت دقائق معدوده وجاء الطبيبه ودخلت مهروله ومعها صفا الى غرفه عيسى وهو يقف متشنج الجسد لا يعلم ماذا اصابها وماذا عليها ان يفعل وكان تجذب بجوارها وهيبه
الدكتوره هو ايه اللي حصل
وهيبه ما عارفينش يا بنتي ايه اللي حصل طمنيني عليها
الدكتوره تمام يا ريت تتفضلوا عشان اعرف اطمن عليها
خرج عيسى وجميع من في الغرفه ما عدا وهيبه التي ظلت معها وكان عيسى يدور امام الغرفه ذهابا وايابا ولا يعرف ماذا حدث لها وما سبب تلك الحاله التي كانت عليها
محمد محاولا تهدئه عيسى اهدى يا اخوي ان شاء الله خير
عيسى ان شاء الله يا محمد انا قلقان قوي ربنا يستر
محمدان شاء الله هيستر
. بعد مرور فتره بسيطه خرجت الطبيبه وهرع اليها جميع الموجودين
عيسى خير يا دكتوره في حاجه مالها ايه اللي حصل
الطبيبه ممكن اعرف ايه اللي حصل وقت ما وقعت كده . حكت لها ورد ما حدث معهم من وقت جلسوهم معا حتى لحظه وقوعها مغشي عليها.
الطبيبه بهدوء اطمنوا خير ان شاء الله هي بس تقريبا عندها فوبيا حاده من العتمه سبب لها نوبه هلع شديده جدا واضطرت ان هي تخرج من الواقع اللي هي فيه تهرب لواقع تاني بعيد علشان كده هي فقدت معاها انا اديتها حقنه مهدئه وان شاء الله هتبقى كويسه
عيسى يعني ما فيش خطر عليها
الطبيبه لا ما فيش اي خطر هي بس نص ساعه بالكتير وهتبقى كويسه وهتفوق. عن اذنكم
استاذنت الطبيبه ورحلت. اطمئن الجميع عليها وتضايق كل الرجال من فعلتهم تلك ولكن الحمد لله فالامر عدى وربنا ستر. ونزل الرجال الى غرفهم ودخلت النساء واطمئنت على صبا ونزلوا جميعا الى اسفل وتركوا عيسى معها بعدما طلب منهم ذلك. بعد ان نزل الجميع اقترب عيسى منها وجلس بجوارها وقبل راسها معتذرا
عيسى اني اسف يا اجمل من رات عيني اسف يا نبض قلبي بس ما كنتش عارف لو كنت عارف كنت حميتك بعيوني وقلبي بس خلاص انت هتبقي زينه وما فيش حاجه هتضايقك تاني وربنا يباركلى فيكي يا فرحه قلبي بحبك ثم اقترب وقبل راسها مره اخرى وبعد ذلك دخل واخذ غيار وقام بتبديل ملابسه وبدل لها ملابسها باخرى مريحه ونام بجوارها وهو يضمها اليه وكانها سوف تهرب. عدى النائب بسكون وهدوقه على جميع ابطالنا وصعدت شمس يوم جديد باحداث جديده عليهم فتحت صبا عيونها بثقل شديد واحست وكانها مكبله الايدي وتذكرت ما حدث معها امس فاستيقظت بهلع احس بها عيسى وقام سريعا وهو يتفحصها
عيسى في ايه مالك حاسه بحاجه
(زواج تحت التهديد بقلمي اسراء محمود اللهم صل وسلم وزد وبارك على سيدنا محمد وعلى اله وصحبه اجمعين)
صبا وهي تدور بعينيها في جميع انحاء الغرفه وبدات تطمئن الى حد ما لا ما فيش حاجه هو انا فين وايه اللي جابني هنا
عيسى انت في اوضتك وانا اللي جبتك هنا لما غميتي وخضتينا عليك بس الحمد لله الدكتوره طمنتني قالت انك زينه وقام بتحويل الحديث معها حتى ينسيها ما حدث.
عيسى بس ما قلتليش ان قلبك خفيف اكده
صبا هو ايه اللي حصل
عيسى كنت بحاول اهزر معاكم انا ورجاله العيله بس جت فوق نفوخي. بس انا اللي استاهل عشان كنت عايز اعمل فيكم اكده
صبا يا ريت لما تحبوا تهزروا تاني بلاش الضلمه
عيسى انت بتخافي من الضلمه
صباح انا عندي فوبيا من الاماكن الضلمه والاماكن المغلقه ولما بتعرض لحاجه منهم بتخنق بحس اني مش قادره اتنفس وبيغمى عليا فورا مش بحس بحاجه غير ثاني يوم
عيسى ربنا يسترها وان شاء الله ما فيش حاجه تعرضك ليهم تاني بس كل اللي عاوزه منك انك طول ما انت ليه وانا جارك ما تخافيش من حاجه واصل. ابتسمت صبا وهزت راسها دليل على الموافقه
عيسى هقوم اغير خلجاتى واتسبح علشان انزل اخليهم يطلعوا لك الوكل اهنه
صبا مفيش داعي انا كمان هغير هدومي وهنزل معاك نفطر معاهم تحت
عيسى بقول خليكي مرتاحه في السرير النهارده وبلاش تنزلي مدام تعبانه
صبا انا كويسه جدا وهبقى كويسه اكتر لما انزل تحت واقعد معاهم
عيسى تمام كم عيسى واخذ ملابسه ودخل الى الحمام وصبا هي مع جالسه مع نفسها
صبا يا لهوي ايه اللي انا بحسه وهو قاعد جنبي ده بحس كان قلبي هيوقف من كتر الدقه مش عارفه ليه كده. ايه اللي ممكن يكون بيحصل معايا ممكن اكون معجبه بيه علشان هو شخصيته كويسه ومحترم معايا وهادي الصراحه وسيم وكاريزما كده في نفسه
قلب صبا انا بدق كده علشان انت حبيتيه
عقل صبا حب لا طبعا ازاي احبه وهو متجوزني غصب
قلبها مش عايزك تنسي انه اتجوزك علشان يحمي ولادك
عقلها ماشي بس برده اكيد مستحيل اكون بحبه
قلبها لا بتحبيه والدليل ان الاحساس اللي بتحسيه دلوقتي ما كنتيش حتى بتحسيه مع ماجد في اي موقف وفي اي لحظه مهما كانت
عقلها ولكن صبا بصوت ضعيف بس اسكتوا انتم الاثنين انا فعلا بحبه بس يا ترى بقى هو بيحبني وانا لا مش عارفه وتنهدت بحراره
صبا بس انا بحس ان هو بيحبني او بيميل ليا من تصرفاته ونظراته وتلميحاته مش عارفه المهم انا لازم اقوم اطلع غيار عشان اغير الهدومي اللي لابساها من امبارح دي وفي اللحظه دي جات عيون صبا على هدومها اللي متبدله وشهقت يا لهوي مين اللي غير لي هدومي ثم هدءت ممكن تكون ماما وهيبه ومعاه حد من البنات اكيد هما.
وفي الوقت ده خرج عيسى من الحمام وهو يجفف راسه بالمنشفه ويلف حول وسطه من منشفه اخرى اتكسفت صبا جدا من منظره
محاوله تبص الناحيه الثانيه
صبا بصوت مهزوز هو مين من البنات اللي غير لي هدومي
عيسى محدش منهم غير لك هدومك
صبا باستغراب امال مين غيرها انا ما كنتش لابسه دول امبارح
عيسى بثقه انا اللي غيرتهم
شهقه عاليه خرجت من فم صبا دليل على اندهاشها
صبا ازاي تسمح لنفسك انك تغير لي هدومي وانا مش في وعيه
عيسى وهو يقترب منها بهدوء مميت على ما اظن انك مرتي ومش من حق اي حد تاني حتى لو كانت ست زيك انها تغير لك هدومك ومش مسموح لاي حد انه يلمح ظفر واحد منك الوحيد المسموح له بكل ده هو انا كمان مسموح لي باكثر من كده بس انا مستني عليك واحده واحده قال ذلك وهو يقترب منها بطريقه مميته لها
فقالت هي بصوت مهزوز انا عايزه اخذ شاور
عيسى بابتسامه وكان حد حاشك قومي خدي شاور
صبا طيب ابعد علشان اقوم ابتعد عنها عيسى بعدما لاحظ توترها الشديد وقرر انهاء الحديث معها اليوم عند هذا الحد ولكن سوف يعطيها مهله صغيره وسوف يعود يتحدث معها ولن يتركها الا وهي زوجته حقا ولكن فليصبر حتى تتعافى تماما قامت صبا دخلت الحمام خدت شاور وغيرت هدومها وهي مكسوفه جدا ومتوتره من وجود عيسى بدلت ملابسها وصلت فرضها وارتدت نقابها واستعدت
عيسى خلصتي
صباوهي تتحاشى النظر اليه اه خلصت
عيسى وهو يتقدمها تمام يلا بينا
ونزلت هي وهو معا بشكل مبهج بالنسبه لاهله وبشكل يشعل الحقد ويزيد من كراهيه سلمى الحقوده التي ظنت ان صبا سوف يصيبها مكروه وتتخلص منها الى الابد ولكنها عادت اقوى من الاول ولكن مهلا سوف تتخلص منها نهائيا واليوم ثم ابتسمت بخبث وهي تتذكر خطتها الشنيعه.
سلمى بعدما علمت باغماء صبا تحدثت مع احد الرجال الخارجين عن القانون وطلبت منه ان ياتي لها بسم ذات مفعول فعال من ياخذه يسقط سريعا ولا احد يعلم ما به حتى يموت وينتهي تماما
ولكن اجلت فكرتها ظنا منها انها سوف تتخلص من صبا دون تدخلها ولكن بعد ما راتها وهي تنزل مع عيسى بهذا المنظر عزمت على تنفيذ امرها اليوم
اما بالنسبه لجميله وورد وصفا ووهيبه ومهران الذين راوا صبا الكامل صحتها واناقتها فهي تنزل مع عيسى بشكل مبهج للروح فرحوا شديدا وقاموا جميعا وهم يحضروا صبا ويسلموا عليها
ورد خلعت قلبي عليك امبارح يا خيتي
صبا حبيبتي يا ورد ما اتحرمش منك ابدا
وهيبه صوح يا بنتي ساعه اما شفتك وانتى غميانه قلبي وجعني
صبا سلامه قلبك يا ست الكل
(زواج تحت التهديد بقلمي اسراء محمود لا حول ولا قوه الا بالله العلي العظيم)
صفا لا فعلا يا صبا انت طلعتي غاليه عندينا كلنا
صبا بابتسامه واسعه ربنا يبارك لي فيكم يا احلى نعمه في الدنيا.
وفي اللحظه دي تسحبت سلمى الى داخل المطبخ لكي تقوم بتنفيذ مخططها الدنيئ. والان عندما دخلت المطبخ وجدت الخادمه تعد كوب من العصير طلبه عيسى لصبا مخصوص. حتى تعيد طاقتها
سلمى واه يا بنت يا هنادي بتاعه مين كوبايه المانجا دي
هنادي دي بتاعه الست صبا سيدي عيسى طلبها مني اطلعها قبل الوكل
سلمى طيب ماشي روحي هاتي لي اشرب من الثلاجه. فعلا راحت هنادي واستغلت سلمى عدم وجود هنادي جنب الكوبايه ووضعت تلك السم في الكوبايه بالكامل. والقت الزجاجه في الزباله
هنادي اتفضل يا ست سلمى الميه اهي
اخذت منها سلمى كوبايه الميه عملت نفسها بتشرب وبعد كده خرجت بره المطبخ وقعدت علشان تتفرج على اللي هيحصل مع صبا بعد شويه وهي شمتانه وفرحانه ومستعده على تنفيذ مخططها الدنيئ.
لحظات وخرجت هنادي وبيدها العصير
هنادي العصير اللي حضرتك طلبته يا كبيره اهو. اخذه عيسى من يدها واعطاه لصبا
صبا ايه ده
عيسى ده عصير فريش طلبت من هنادي تعمله ليكي عشان يجدد طاقتك
صبا بس ما كانش في داعي
وهيبه كيف ما فيش داعي اشربيه يا بنتي ويكون بالشفاء ان شاء الله.
سلمى في سرها بالسم الهارى ان شاء الله ثم ضحكت ضحكه خبيثه لم يراها احد. واخذت صبا الكوب وشربته دفعه واحده ولانها عندها حساسيه شديده من المانجا ولكن لم تعترض احست بدوار شديد في وقتها وبالم شديد في معدتها وجرت على الحمام كي تنزل كل ما في جوفها. فزع الجميع من اجلها وانا حسن حظها ان يونس كان مازال موجود على غير العاده.
عيسى وهو يقف بجوارها وعلى وجه قلق شديد
عيسى مالك ايه اللي حصل
صبا وهي تشعر بدوار شديد يكاد يفتك براسها وبالم بدا ينتشر في جميع انحاء جسدها ولكن تحاول ان تهدا حتى لا تفزع الجميع انا بخير وكويسه بس عندي حساسيه شديده من المانجا
صفا بتوتر طيب ليه شربتيها يا حبيبتي كنت قلتي وكنا غيرناها
صبا ما حبتش اضايق عيسى.
مهران حصل خير تعالي اقعدي كلي وان شاء الله هتروقي وتبقي تمام
يونس وهو غير مطمئن من هول ما حدث معها فالحساسيه لا تحدث كل هذه الاعراض ولكن ظل صامتا لكي يرى ماذا سوف يحدث والذي طمانه قليلا انه رائها تخرج امامي ومن الممكن ان تكون اعراض الحساسيه عندها بهذا الوضع. جلسوا جميعا على مائده افطار وهم يبداوا بالطعام ولكن صبا لم ترد ان تاكل اي شيء فهي تحس بان امعائها تتقطع ولكن عللت ذلك بتلك الحساسيه وقالت لهم انها سوف تتحسن بعد قليل وسوف تاكل اي شيء
عيسى خلاص لازم يا امي بعد ساعه تقريبا خليهم يعملوا لها حاجه خفيفه تفطر بيها
وهيبه من عيني يا ولدي
صبا وهي تشعر بصعوبه في التنفس انا هخرج اشم هوا في الجنينه لحد ما تخلصوا
عيسى تمام
قامت صبا من جواره وهي تمشي بثقل واحست وكان الارض تدور بها وازدادت الم معدتها وهي تمشي خطوتين صرخت بصوت عالي باسم عيسى ثم سقطت على الارض وفزع الجميع عندما راوها بهذا الوضع وجرو جميعهم عليها واضطر يونس في هذه اللحظه ان يرفع النقاب من على وجهها لكي يرى ما يحدث ووجد انه وجهها بدا يتحول للون الازرق وان هناك سائل ابيض يخرج من فمها
يونس بصوت عالي شيلها بسرعه يا عيسى دي حاله تسمم
هلع الجميع من قول يونس وبالفعل حملها عيسى وركبوا السياره وتوجهوا الى المستشفى سريعا وعندما وصلوا كان يونس قد اتصل بالاطباء وجهزوا كل شيء لاستقبالها وعندما وصلوا وضعوها على السرير النقال. وبدا الاطباء في نقلها الى غرفه الكشف حتى يطمئنوا عليها.
عيسى ليونس مرتي امانه في رقبتك يا اخوي انت اللي تكشف عليها بلاش تخلي رجاله في الاوضه ولازم تخرج عايشه
يونس وهو يمسك يد اخوه اطمن يا اخوي ربنا يستر. دخل يونس مع صبا غرفه الكشف وبجواره العديد من الطبيبات وطقم التمريض كامل من النساء حسب رغبه عيسى وقاموا بالكشف عليها وقاموا بعمل العلاج اللازم لها
وفي هذا الوقت جاء محمد ومهران وسعد وكل نساء المنزل كي يطمئنوا على صبا وعلى حالها وكان عيسى في هذا الوقت في حاله لا يرثى لها .
وهيبه طمني يا ولدي ايه الاخبار
عيسى مش عارف يا امي يونس معاها جوه ربنا يستر
وبعد عيسى عنهم قليل فهو غير قادر على اي حوارات مع احد الان كل ما يريده هو الاطمئنان عليها وفقد وبعدها سوف يرى من فعل بها هذا وسوف ينتقم اشد انتقام ولكن فليحفظها الله له اولا
اقترب منهم محمد وهو يرتب على كتفه
محمد اطمن يا عيسى ان شاء الله خير يا واد عمي هتقوم بالسلامه
عيسى يا رب يا محمد انا ما صدقت لقيتها. وفي هذا الوقت خرج يونس في غرفه الكشف وعندما راه عيسى جرى لكي يطمئن منه
عيسى طمني يا يونس.
يونس دي حاله تسمم حاده.
عيسى وهو يبلع ريقه بتوتر وخوف وهلع هي عامله ايه
يونس اطمن يا اخوي هي الحمد لله بخير ان اسعافنا انها رجعت على طول بعد ما شربت العصير ولو ما كانتش رجعت ما كناش وصلنا بيها هنا وهي حيه لكن ربنا لطف بينا
مهران الف حمد وشكر ليك يا رب استر علينا يا اللي بتستر يقولوا ايه اهلها هملوها لينا واحنا قتلناها. لازم نعرف مين اللي عملك ده
عيسى بغضب شديد اطمن بس عليها الاول وبعد كده ايه اللي عمل كده مش هيواجه غيري انا وشه بس
عيسى طمني يا يونس حالتها ايه يا اخوي عايز ابقى مرتاح
يونس حالتها غير مستقره لكن الحمد لله السم قدرنا نتخلص منه لما عملنا لها غسل معده وكان الباقي حاجه قليله جدا لكن تاثيره على جسمها لسه مش هنعرفه غير بعد 24 ساعه ربنا يستر
عيسى بحزن وتوتر ان شاء الله خير يا ولد ابوي
يونس للجميع روحوا كلكم على الدار ما فيش داعي لوجودكم هنا محدش فيكم هيدخل عندها دلوقتي خالص فما فيش داعي انكم تكونوا اهنه
وهيبه انا عايزه اطمن عليها يا ولدي
يونس اطمن يا امي هي هتبقى كويسه ان شاء الله بس دلوقتي ممنوع حد يدخل عندها
عيسى روحي يا امي مع ابوي واخواتي وان شاء الله اول ما تفوق وتبقى بخير هخليك تيجي تشوفيها. انما وجودك هنا هيخليك تتعبي واحنا عاوزينك عافيه وقويه
صفا اخواتي بيتكلموا صوح ياما يلا بينا. فعلا روحت وهيبه هي وبناتها وجميله مرات ابنها وكمان مهران ومحمد الى البيت ومحمد راح يشوف الشغل لان عيسى مش هيروح.
يونس طلب من عيسى انه يروح هو كمان لكن عيسى رفض رفض قاطع وقال انه مش هيتحرك من هنا. غير لما يطمن عليها الاول واضطر يونس انه يسيبه لانه عارف انه مش هيقدر عليه. وفضل عيسى بره الاوضه وهو متوتر وحزين وبعد شويه جه عليه يونس يطمن عليه وطلب منه عيسى انه يدخل يشوفها ويطمن عليها
يونس بس ما تعوقش عندها يا اخويا لان ده غلط عليها.
عيسى اطمن مش هعوج
يونس تمام ودخل عيسى عقم وكويس جدا وبعدين دخله يشوف صبا اللي اول ما شافها دموع نزلت اللي كان حابسها من وقت اللي حصل بس دلوقتي انهارت وهو مش قادر يشوفها بالشكل ده قدامه مكان وشها يحاكي الموتى كان شاحب ولونه اصفر شايفايفها لونها زرقاء كانها بتموت فعلا وده اثر فيه جدا وخلاه مش قادر يحبس دموعه اكثر من كده
عيسى لازم تقومي يا نبض القلب لانك لو جرى لك حاجه قلبي هيقف عن النبض انا لسه ما بداتش حياتي معاكي عشان تسيبيني وتمشي انا ما صدقت اني لقيتك ووعد مني اني هجيب لك حقك وهنتقم من اللي عمل كده اشد انتقام هخليه يعرف هو واقف قدام مين وكان عايز يؤذي مين. دقائق ودخل يونس ليه اللي اول ما عيسى حس بيه مسح دموعه فورا
يونس كفايه كده يا اخويا لازم تخرج
وفعلا خرج عيسى وهو قلقان جدا عليها فوجهها لا يبشر بالخير ابدا.
التعليقات