رواية زواج تحت التهديد الفصل العشرين 20 بقلم اسراء محمود

رواية زواج تحت التهديد الفصل العشرين 20 بقلم اسراء محمود

البارت العشرون
اقترب منها عيسى وقبلها قبله رقيقه على وابتعد عنها سريعا اما هي ففتحت فاهه من الصدمه غير مستوعبه ما حدث معها الان
صبا انت عملت ايه
عيسى ما عملتش حاجه ده بس عربون صغير لحد ما تقومى بالسلامه
فضلت صبا صمت في تلك الحاله ولم ترد الدخول في نقاش معه. خرج عيسى الى البلكون الموجود في الغرفه وظل بها فتره وبعد دقائق وسمعوا خبط على الباب. خرج عيسى في هذه اللحظه من البلكون وهو يقول
عيسى مين
وهيبه احنا يا ولدي افتح جايين نطمن على صبا
فتح عليهم عيسى الباب. اتفضلوا يا جماعه
وكانول جميع من في المنزل من النساء لكي يطمئنوا على صبا وعلى صحتها .
صبا امال فين بابا فضل وبابا ومهران
وهيبه ابوكي مهران اخذ ابوكي وراحوا مشوار أكده اهو يشم هوا يعني بدل ما هو قاعد في الدار.
صبا تمام
عيسى طيب انا هنزل طالما انتم معاها عشان عاوز اشوف شويه حاجات واراجعها مع محمد ولد عمي خاصه بالشغل
هدى انزل يا حبيبي ربنا يقويك
وهيبه روح يا ولدي ربنا معاك. نزل عيسى وترك جميع نساء المنزل مع صبا يتحدثون معها ويطمئنوا عليها وظلوا هكذا مده. يضحكون ويتحدثون على اشياء عده ولكن صبا من كثره الجلوس والحديث معهم احست بدوار شديد يكاد يفتك براسها.
ورد مالك يا خيتي حاسه بايه
صبا ما فيش حاجه
(زواج تحت التهديد بقلمي اسراء محمود اللهم صل وسلم وزد وبارك على سيدنا محمد وعلى اله وصحبه اجمعين)
هدى بقلق مالك يا حبيبتي حاسه بايه
صبا ما تقلقيش يا ماما هم شويه دوخه بسيطه الدكتور قالت لي انها هتفضل معايا فتره وبعد كده هتروح بالتدريج مع العلاج.
صفا طيب يا جماعه بينا نقوم ننزل ونهملها ترتاح ليها فتره قاعده ويانا.
وهيبه ايوه يلا بينا يا جماعه وانت يا بنتي ارتاحي شويه.
هدى تحبي افضل معاكي لو مش مرتاحه.
صبا لا يا حبيبتي انا هبقى كويسه هنام شويه وهقوم ما فيش اي حاجه روحي انت كمان ارتاحي.
هدى ماشي يا حبيبتي
ورد احنا هننزل بس لو حسيتي انك مش مرتاحه اتصلي عليا فورا وانا هطلعلك.
صبا ما اتحرمش منكم ابدا يا حبيبتي حاضر. بس اطمنوا انا هبقى كويسه وشويه وعيسى كيد طالع. وفي هذه اللحظه سمع دق على الباب وكان عيسى
ابتسموا جميعا على هذا الموقف
صفا اهو طلع عيسى ما استناش شويه كمان ربنا يبارك فيكم لبعض يا رب ونشوف عوضكم عن قريب يا رب
نظر عيسى الى صبا وقال امين
اتكسفت صبا من نظرته. استاذن الجميع ونزلوا الى اسفل. لاحظ عيسى تعب صبا الملحوظ على وجهها. فقلق عليها واقترب منها
عيسى انتى كويسة. هزت صبا راسها بالموافقه
عيسى انا حاسس انك فيكي حاجه
صبا بصوت ضعيف اطمن انا كويسه هي شويه دوخه بسيطه هرتاح شويه وهبقى كويسه. ذهب عيسى الى التلاجه الموجوده داخل الغرفه واخرج منها عصير فريش وقام بوضعه في كوب واعطا لصبا
عيسى اشربي ده علشان تاخدي الدوا بتاعك لحد ما يحضروا عشا خفيف أكده
صبا لا عشا ايه انا مش هقدر اكل حاجه تاني دلوقتي.
عيسى لازم تاكلي بعد العلاج ده طوالي. لانه ثقيل وما ينفعش من غير اكل.
هزت صبا راسها بالموافقه وامتنعت عن التعليق لانها لم تقدر عن الحديث مره اخرى. شربت العصير واعطاها عيسى الدواء ثم بعد ذلك سمعوا خبط على الباب
عيسى وفتحه وكانت ورد ومعها الخادمه
ورد العشا يا اخويا
عيسى ما اتحرمش منك يا خيتي
ورد حبيبي يا اخوي. انا اجيبه فوق رموش عينيا ليك انت ومرتك
صبا من الداخل بصوت ضعيف ربنا يبارك فيك يا حبيبتي ويسعدك يا رب.
ورد اللهم امين اتعشي كويس وخدي العلاج وارتاحي لان شكلك تعبانه.
صبا ان شاء الله يا حبيبتي ما تخافوش عليا.
نزلت ورد ومعها الخادمه. وجلس عيسى يطعم صبا بيده تحت اعتراضها ولكنه لم يبالي هذا الاعتراض فكل ما يريده ان تاكل جيدا حتى تقدر على استرداد صحتها.
صبا بعد فتره عيسى بالله عليك علشان خاطري انا خلاص مش قادره اكل حاجه تاني عشان خاطري لو سمحت.
عيسى لانك حلفتي عليا وعلشان خاطرك عندي بالدنيا ماشي مع اني مش مقتنع.
(زواج تحت التهديد بقلمي اسراء محمود لا اله الا انت سبحانك اني كنت من الظالمين سبحان الله وبحمده سبحان الله العظيم)
صبا شكرا جدا يا عيسى.
عيسى باستغراب شكرا على ايه
صبا على كل حاجه بتعملها معايا ومع اولادي. شكرا على تعبك معاهم ومعايا طول الفتره اللي فاتت دي سايب شغلك وحالك وفضلت معايا في المستشفى ده غير اهتمامك باولادي. اللى ماقلش بالعكس ده زاد. بتحاول كل الطرق تساعدهم وتفرحهم . لدرجه انهم بقوا ينادواك بابا. كمان شكرا على اهتمامك باهلى ومراعاتك ليهم واحترامك ليهم مش عارفه بجد اقول لك ايه.
عيسى اقترب منها وقال ما تقوليش حاجه نامي علشان ترتاحي انا مش بعمل كل ده علشان مستني انك تشكريني انا بعمل كده لاني حابب اعمل كده غيركده ما كنتش هعمل ومش بعمل شفقه او تكليف لا انا بعمل كده لان دول اهلي والعيال دي هم اولادي كل حاجه تخصك بقت تخصني وتهمني اكتر من اي حاجه في الدنيا. ابتسمت صبا على كلماته ولم تعلق ولكن كان هناك شيء بداخلها سعيد على تلك الكلمات الجميله.
عيسى ارتاحي لانك محتاجه تنامي شويه وانا هنا جنبك مش هروح في حته لو احتجت اي حاجه اهمسي باسمي وهتلاقيني جنبك
ابتسمت صبا وهزت راسها ووضعتها على المخده وذهبت في ثبات عميق. ظلت العلاقه بين صبا وعيسى على هذا الحد من الاهتمام والمراعاه من جانب عيسى لكل شيء يخص صبا. وهي بدات تتحسن بسبب اهتمام عيسى الزائد بها. فهو لم يتركها لحظه ودائما يطعمها ويعطيها الدواء بنفسه. بالاضافه الى انه لم يسمح لها بالحركه او عمل اى مجهود حتى لا يؤثر هذا عليها. وكل هذا اد ى الى تعافيها بسرعه. وفي يوم كانت تجلس هي وعيسى في الغرفه
صبا عيسى لو سمحت ممكن اطلب منك طلب
عيسى اطلبي واتمني من غير ما تسالي.
صبا انا عايزه انزل تحت اقعد في الجنينه شويه مع الجماعه وكمان افضل مع ماما والولاد وبابا قبل ما يمشوا انت عارف انهم هيسافروا النهارده لو سمحت.
عيسى بس اكده من عيوني حاضر بس غيري خلجاتك وننزل
هزت صبا راسها وهي فرحانه. فعلا بدلت ملابسها ولبست حجابها ونقابها وقامت علشان تنزل. اقترب منها عيسى لكي يحملها وينزل بها الى اسفل
صبا انت هتعمل ايه
عيسى هشيلك
صبا لو سمحت يا عيسى والله انا بقيت كويسه واقدر امشي على رجلي كويس انت المفروض تساعدني علشان اقدر امشي على رجلي مش تعودني اني ابقى متشاله
عيسى مع اني مش تاعبني خالص انك تبقي مشتاله وفي حضني بس ماشي. قامت صبا وهو اقترب منها وامسك يدها ونزلوا الى تحت وعندما راها من جميع فرحوا جدا بسبب تطور شفاء صبا والذي لم ياخذ كثير من الوقت بسبب مراعاه عيسى ليها. بالاضافه الى فرح اهلها واحترامهم اللي ابتدى يزيد في عيسى واهله بسبب اهتمامهم وحبهم لبنتهم وخوفهم عليها وده خلاهم يطمنوا جدا عليها ويروح القلق اللى كان في قلوبهم من ناحيتها.
مهران حمد لله على سلامتك يا بنتي نورت الدار
صبا الله يسلم حضرتك يا بابا شكرا
اقترب منها فضل وحضنها وقال الف حمد لله على السلامه يا حبيبه بابا اهو كده اروح انا وماما واحنا مطمنين عليك
صباربنا يبارك لي فيك يا بابا الله يسلمك. طيب خلوكم معايا شويه كمان.
فضل انت عارفه يا حبيبتي شغلي وانا هنا ليا فتره واخد اجازه كمان علشان اخوك ومدرسته علشان مدرسه الاولاد
هدى اه يا حبيبتي كان على عيني والله بس لازم نمشي علشان المدارس وشغل بابا وانت خلاص بقيتي كويسه انا كده مطمنه عليك وكمان بسبب الناس اللي زي العسل ان ربنا بعتهم ليكي.
صبا اه والله يا ماما ربنا يبارك لي فيكم وفيهم.
امن الجميع على كلامها
وهيبه ايوه كده انزل نور الدار. وبلاها الرقده دي
صبا حسيت اني مرتاحه وعايزه انزل اقعد وياكم كمان اقعد في الجنينه واشم هو كويس.
وهيبه يا سلام بس كده خلاص يبقى نفطره ونشرب الشاي في الجنينه كمان. ابتسامه صبا على ذلك وطلبت وهيبه من الخدم تجهيز كل شيء في الجنينه وخرجوا جميعا الى الجنينه وكان عيسى بجوار صبا لم يتركها.
جلسوا بعد ذلك في الجنينه فطره شرب المشروبات بتاعتهم كمان عيسى ادى لصبا لعلاج بتاعها. فضل وقت كبير جدا مع بعض كمان اهل صباواولادها مشيوا سافروا بعد ما جهز لهم عيسى عربيه خاصه توديهم لحد البيت وده كان موقف مؤثر جدا بسبب تعلق اولاد صبا بيها ولكن عيسى اتكلم معاهم وحايلهم كمان ومشوا وهم مبسوطين وده فرح صبا جدا وبعد ما اهلها مشيوا فضلوا مع بعض هي واهله وهو كمان فين الجنينه.وفي الوقت ده اتكلمت بهمس بجوار اذن عيسى.
صبا ممكن اطلب طلب كمان
عيسى بابتسامه وبنفس الهمس انت تؤمري
صبا ممكن تجيب سلمى وتخرجها
غضب عيسى و تبدلت ملامحهم فاقتربت صبا منه مره اخرى
صبا علشان خاطري ومن غير غضب. عيسى حاول يهدي نفسه.
عيسى هو ينادي على كبير الحرس. جاء ذلك الرجل وهو يهرول اليه
كبير الحرس امرك يا كبير
عيسى تروح تطلع سلمى من المخزن الغربي وتجيبها اهنه.
كبير الحرس تحت امرك يا كبير وذهب ينفذ ما طلب منه. وفي هذه اللحظه ابتسم مهران سبب معرفته ان صبا من طلبت ذلك وهو كان يعلم ان ابنه لن يفعل لها شيء وسوف يطلب من صبا ان تاخذ حقها ولكن هو يعلم ان صبا لن تفعل لها شيء وهذا ما جعله لم يتحدث في الامر بالرغم من مجيء اخته اكثر من مره وهي تطلب العفو منهم حتى يسمحوا لها من رؤيه ابنتها والعفو عنها ولكن لم يقدروا على طلب هذا من عيسى وكانوا يحاولوا ان يطمنوها بانهم سوف يفعلون ما بوسعهم. دقائق وجاء الرجل ومعه سلمى التي تبدلت ملامحها الى الارهاق والتعب بالاضافه الى العديد من الكدمات على وجهها ويدها الظاهرين. بالاضافه الى انها كانت لم تقدر على الوقوف او السير
وقف عيسى وهو غضبان وكان يريد ان يخنقها ويتخلص منها ومن اذاها ولكن صبا
صبا برجاء لو سمحت يا عيسى. نظره لها ثم عاد مره اخرى وجلس مكانه.
وهيبه اطلبى السماح من مرت الكبير يا سلمى وتعلمي من الدرس ده كويس قوي. وادعي ربك انها تسامحك.
عيسى بصوت غليظ ايوه اهم حاجه تسامحك لانها لو ما سمحتكيش صدقيني مش هرحمك وانا اتمنى ده ونفسي فيه.
جلس سلمى تحت رجل صبا
سلمى وهي تقترب على قدمها لكي تقبلها ابوس يدك ارحميني وخليهم يرحموني واوعدك ما هجيش هنا تاني واصل ولا كانكم تعرفوني
ولكن صبا رفعتها ولم تجعلها تقبل قدمها
صبا اطمني ما حدش هيعمل لك حاجه بس طبعا ده بعد اذن بابا وعيسى بس اللي انا عايزه اعرفه انت عملت كده ليه
سلمى غباء وغيره عاميه وحقد وشر ربنا يكفيك شر كل ده لما يتجمع جوه انسان بس الدرس اللي علمهونى عيسى في الكم يومين اللي فاتوا دول خلاني فوقت وعرفت انا فين ومين ايوه هو ما جاش ناحيتي ولا حتى لامسنى بس بعتلى لي اللي تربيني. ابوس يدك خليهم يهملوني وانت مش هتشوفي وشي ثاني
نظرت صبا الى عيسى بتوسل. فهزه راسه اليها موافقا.
ابتسمت صبا تقدري تروحي وما حدش هيجي جنبك تاني طول ما انت مش هتاذي حد. بس المره الجايه اوعدك اني مش هقدر اساعدك. هزت سلمى راسها عده مرات بفرحه فهي لم تكن تصدق ان يعفو عنها خصوصا صبا التي توقعت ان تسقيها من كؤوس العذاب والمرار ما يجعلها تموت وهي حيه وقامت وركدت وهي تخرج بعيد عنهم
مهران لكبير الحرس ابعت حد من الرجاله معاها يروحها لحد الدار ويجي على طول من غير اي حوار مع اي حد
كبير الحرس امرك يا كبير. انصرف ينفذ ما طلب منها.
صفا قلبك طيب وابيض يا مرت اخوي. حد تاني غيرك كان ولع فيها وهي حيه
صبا ليه يعني كفايه عليها عقاب ربنا.
ورد عندك حق يا مرت اخوي بس ده ما يمنعش انك قلبك كيف البفته البيضاء
جميله اي والله تحسك ده انك نقيه كيف من جوه وجميله ورقيقه وحنينه واحنا فعلا ربنا بيحبنا انه هدانا بيكي
صبا ربنا بيحبني انا عشان رزقني باهله كويسين وحنين زيكم.
وهيبه ربنا يبارك فيك يا بنتي وان شاء الله ربنا يتم شفاك على خير وعايزين في اسرع وقت يكون عندنا حفيد منك.
اتكسفت صبا جدا ما قدرتش تعلق ولكن هزت راسها . في اللحظه دي عيسى بص عليها. وابتسم على كسوفها الواضح
ورد واه وبعدين معاكي ياما كسفت البنيه.
عيسى تعالي قومي ارتاحي كفايه عليك كده النهارده.
وهيبه ايوه يا بنتي اطلعي ارتاحي كفايه قاعده من بدري
صبا فعلا حاسه اني محتاجه ارتاح.
وهيبه خلاص اطلعي مع جوزك عقبال ما يحضر الغداء بس هننتظرك تنزلي تتغدي ويانا
(زواج تحت التهديد قلمي اسراء محمود لا حول ولا قوه الا بالله العلي العظيم)
صبا اكيد يا ماما. ثم قامت اخذها عيسى وصعدوا الى الغرفه ودخلتها وبدلت ملابسها وجلست على السرير.
عيسى ارتاحي شويه وانا هخرج هروح عند محمد في حاجات في الشغل لازم ابص عليها وكمان هو عاوزني في موضوع.
صبا تمام ربنا يقويك
عيسى اللهم امين بس قولي لي انت عملت ايه في موضوع ورد اني كنت حكيت لك عنه قبل ما نسافر ساعه فرح فريده. محمد اكيد هيسالني عن الموضوع وهو مش على بعضه وكل التاخير ده خليه قارفني وهيجنني.
صبا بابتسامه انا كلمت ورد وهي موافقه طبعا بعد موافقه باباك وموافقتك وشكلها كده يعني في قبول ومحبه كمان بس البنت مكسوفه ومش مبينه اي حاجه.
عيسى بابتسامه خلاص يبقى على بركه الله وخير البر عاجله. هروح ابل ريقه. وكمان اكلم ابويا وربنا يقدم اللي فيه الخير
صبا ان شاء الله .
عيسى طيب انا خارج محتاجه حاجه من بره
صبا شكرا سلامتك
عيسى بغض النظر عن شكرا بس ماشي ارتاحي انت لحد ما اروح واجي تمام ولو احتاجتي حاجه رني علي على طول او كلمي صفا او ورد او جميله.
صبا حاضر..