رواية ضالتي الفصل الثانى 2بقلم حبيبة محمود (حصرية في مدونة الشروق للروايات )
رواية ضالتي الفصل الثانى 2بقلم حبيبة محمود (حصرية في مدونة الشروق للروايات )
-اوعى ارجوك ماما بتنزف
ضربها بالاقلام وقال وعنيها فيها غل رهيب: ولا ماما ولا زف.ت انتي هترجعي معايا زي الج.زمة تخدميني أنا واهلي وتنزلي الشغل من بكرا أنا محتاج فلوس ولازم تجبيلي سلفة من شغلك
-أنت مش بني ادم
أخدها جرجرها على السلم وهي مغمى عليها من كتر الضرب ومتغرفة دم الناس ملمومة بس خايفة تقرب منه عشان الناس الي معاه وباباها فجأة جاي من على الائمة وكان معاه ظابط وأول ما شافوا كدا الظابط طلع المسدس وجري ناحيته وقال : يا روح امك أنت مش عارف احنا مين ولا هي تبقى قريبة مين سيبها حالا
عمار خاف وسبها وكان هيجري لأن الرجالة لسا فوق بس الظابط مسكه ونزل فيه ضرب
-عمي حاول تفوق نرمين وأنت يا عر.ة الرجالة هتشوف هعمل فيك ايه
الظابط ربطه واتصل بالبوكس يجي ياخده عقبال ما يطمن على بنت عمه
-مش بتفوق يا محمد اعمل ايه يارب سلم
ابوها قعد لا حول له ولا قوة وراح محمد طلع فوق لقى الدنيا مدربكة وصباح مرات عمه مغمى عليها ومخبوطة استحلف لعمار اكتر وشال مرات عمه ونزل جري
-عمي يلا بسرعة شيل نرمين وانا هوقف تاكسي
شال نرمين وجرى ورى محمد وقاله برعب :مالها صباح وايه الدم ده
-كلمت واقعة تحت جمب الترابيظة شكل العر.ة ده زقها
وقف التاكسي وقاله اسم المستشفى وطلع عليها وجريوا على الطوارئ
-مالهم دول وايه حصلهم
-حد اتهجم عليهم اكشفوا عليهم بسرعة وشوفوا فيه ايه
– لا يا حضرة الظابط مينفعش لازم يروحوا مستشفى حكومي ويبلغوا
بعصبية ونفاذ صبر :أنا قلت كلمة واحدة ومش هتنيها تكشفوا عليهم واديكي قولتي ضابط أنا هتصرف مش هيبقى في ضرر عليكوا فتتني.لي تشوفي شغلك وإلا
-خلاص يا فندم
قالت كدا وجريت وهوا واقف خلاص جسمه مش صلبه خايف يمكن هيبقى المرة ديه خسرها خالص يمكن قبل كدا خسرها بجوزها لكن المرة ديه هيبقى نهائي بص على عمه لقاه بيعيط راح ناحيته وحضنه مش عارف يواسيه هو ذات نفسه محتاج الي يواسيه عمه رفع رأسه وقاله :هيبقوا كويسين صح
طبطب عليه وقاله : هيبقوا بخير بإذن الله
طلع الدكتورة فجأة وقالت : لو سمحتم هي المريضة الصغيرة كانت بتشتكي من حاجة
-هي كانت بتدوخ على طول وتعبانة معرفش تفاصيل لأنها كانت في بيت جوزها
-بص يا فندم احنا شاكين أنها عندها لوكيمياء غير أننا بنحاول بكل الطرق نفوقها هي مش قابله ده احنا حاليا هنعملها رنين وشوية آشعة عشان نتأكد
-يعني ايه بالله عليكي لا خلي بنتي تقوم
– وحد الله يا فندم ادعي ربنا وبإءن الله خير
واقف مصدوم رجله مش شيلاه خايف حاسس أنه روحه بتروح منه وجرى ساب عمه لما سمع أذان العصر وراح يصلي ويدعي :يارب مليش غيرك يارب احفظهالي أنا كنت مستحمل العيشة من غيرها بس مش هستحمل حياة كاملة وهي مش فيها يارب كنت راضي بس بحسها في الدنيا وسؤالي عليها من بعيد يارب متوجعنيش فيها يارب قومها بالسلامه.
خلص صلاة وقعد مكانه بيعيط أول مرة يحس أنه مهزوم اكتر من يوم جوازها ومفيش على لسانه غير كلمة يارب بعد شوية قام اتوضى عشان يهدى نفسه سنة عن الرسول (صلى الله عليه وسلم)وراح لعمه تاني
ــــــــــــــــــــــــــــــــــــ
في المستشفى
-طيب يا بنتي ومراتي حصلها ايه
-هي حاليا بتتخيط الجرح مش عميق متخافش وشوية وهتفوق بس عشان البنج
جه عليهم محمد وهو هلكان وقال:حصل ايه
– هي دلوقتي بتعمل الآشعة ولسا مفيش حاجة ظهرت بس قالوا إنه صباح جرح سطحي وثواني يا دكتورة هو اي الي خلاكي تشكي أنه بنتي عندها لوكيمياء
-عشان جسمها والكدمات والنزيف الي مش بيقف أنا مش لما دخلت اكشف عليها طلعت لحضرتك وسألت عن الكدمات وإذ كان من الأول ولا بسبب التهجم الي عليها
-بس هي سألت امتى يا عمي
-لما انت كنت قاعد هناك اول لما دخلت الاوضة
-طيب الاشاعات هتطلع امتى
-خلال 24 ساعة بالظبط بإذن الله نقدر نتطمن عليها متقلقوش ادعولها بس وكله خير واحنا بنعمل الي علينا همشي أنا دلوقتي
-عمي روح انت دلوقتي غير وتعالى وانا هقعد معاهم
-لا أنا قاعد ازاي اسيبهم مينفعش
-طيب خلاص روح اقعد مع مرات عمي وأنا هنزل اجيب حاجات وجاي
نزل السوبر ماركت اشترى عصائر وأجبان وعيش عشان مرات عمه التعبانة فوق وطلع تاني على المستشفى وهو لسا هيخبط ويدخل اوضة مرات عمه شاف حبيبة قلبه على السرير وبينقلوها لاوضة تانية ولسا ممرضين هيشيلوها راح قالهم :أنا هشيلها
شالها وضمها لقلبه وحطها على السرير في الي في الاوضة وقال:مش عايز أي ممرض يعتب هنا خلوا بس ممرضات وإلا مش هيحصل كويس
مشيوا الممرضين وهو قعد معاه بيبصلها وعيونه بتبكي وقال: متبقيش أنانية وتختاري كمان المرة ديه راحتك أنا بموت بالبطئ وأنتي كدا قومي وأنا هاخد ليكي حقق حتى لو هموته لكن متسبنيش متهربيش من وجعك بده أنا مش متحمل وجع فيكي كفايا عليا بعدك عني في حضن غيري بلاش تبعدي خالص وقاومي التعب عشان يا ستي حتى لو مش عشاني عشان أبوكي وأمك قومي لينا بخير .
مسك أيدها وباسها وضمها لقلبه وفضل يتكلم معاها عن تعبه وهي كدا ووهي بعيده
ــــــــــــــــــــــــــــــــــــ
في اوضة صباح
-شفتي نرمين حصل فيها ايه أنا مش مصدق بجد حاسس أنه قلبي بيطلع من مكانه قومي انتي كمان متوجعيش قلبي.
قعد قصادها وشوية حس بحركتها بص عليها لقاها فاقت وهي بتقول :حصل ايه اااه
-براحه براحه خلي بالك
-فين نرمين نرمين فين زقني واخدها راحت فين
-اهدي هي هنا جمبنا في الاوضة الي جمبنا متخافيش بس من كتر ما جرها من السلم نزفت ولسا مفاقتش بس الدكتورة طمنتنا
-أنا عايزة اشوفها
ويقوم راح مزعق لها :أنا مش مستحمل اهدي كدا وارتاحي وشوية وهخدك ونشوفها
-طب افتح الباب بيخبط
فتح الباب وقال بصوت واطي: حصل حاجة النتيجة طلعت
-تعالى بس يا فندم
ــــــــــــــــــــــــــــــــــــ
في الخارج
محمد وأبوها واقفين على أعصابهم وقالوا: فين الدكتورة ؟
-أهي جت
-ايه النتيجة طلعت
-اه بس
-بس ايه
-المريضه طلع عندها اااااااا……يتبع
تكملة الرواية من هناااااا
التعليقات