انت طالق…!
ابتسمت وانا بكلم ابني
يلا يا بطل اسبقني برهه يلا..!
شايفك مبسوطه…!
اتنهدت وانا ببتسم
زي ما دخلنا بالمعروف…هنخرج بالمعروف…وابنك اكيد انا مش همنعك منه…في اي وقت تحب تشوفه هو موجود…الا بينا…ابنك وبس…!
انت الا وصلتينا لكده…!
ابتسمت وانا بقوله
هتفضل زي ما انت مش هتتغير حتي بعد ما اطلقنا انت حر متعترفش بغلطك بس متشيلنيش ذنب مش بتاعي عن اذنك…
يلا يا يزن يا حبيبي…
احنا هنروح فين يا ماما…بابا مش هيجي يوصلنا…!
ابتسمت وانا بنزل لمستواه
هنروح اول عند تيتا يا حبيبي…وبعدها هقولك علي مفاجأه
تيتاااا جدووو انا جيييتتت…
يلا يا بطل ادخل غير هدومك لحد ما احضرلك تاكل… وبعدها هنقعد مع تيته وجدو كتير…
حاضر يا مامي…
اي الشنط دي يبنتي…!
اتكلمت بسخريه
متقلقيش يا ماما انت وبابا…انا اطلقت…وجايه بس هنا لحد ما اظبط اموري وهمشي…!
اييييييي اطلقتييييي…!
اتنهدت وقولتلهم
ايوه اطلقت بس متقلقوش انا مش هتقل عليكم
اي الا بتقوليهه ده…اي الا حصل…
اطلقت اي الغريب في كده…وبعدين وسعولي كده اوضتي وحشتني اوي…!
اطلقتي الا هو ازاي…
يوهه بقي مش ده ابن عمي الا جوزتهولي ڠصب…اهو طلقني وارتحنا الحمدلله….!
انت الا طلبتي الطلاق صح…!
اتكلمت بزعيق
ايوه عاوزين اي مني…
عاوزني اعيش في الضب والاهنه…انتم ازاي مش شايفين ان انا پتألم والكمات دي كلها..
مش شايف يبابا…
ازاي يا ماما مش واخده بالك ان بنتك تعبانه…كل مره يرجع شاب ويضرني…مكنش حتي بيسيب مصروف في البيت اجيب اكل…كنت اكلمكم واقولكم ان انا كويسه…بس انا مش كويسه…كنت بقعد بالتلت ايام مكلش كنت بوفر لابني الاكل بالعافيه…كنت بطلع لحماتي اجيب منها اي حاجه اطبخها ولا كأني شحاته…المفروض انها مرات عمي…بس بتعاملني معامله الخدم وبتحرض ابنها عليا…كنت بطبخلها واكنس هنا وفي شقتي وانزل اجيب الطلبات ولو اتاخرت اخد ضړب منها ومن ابنها وبنتها…لما كنت في يوم اتعب…مكنتش بلاقي حد يشيل عني…وانتم السبب…انتم ايي…كنت بخاف علي ابني ومش عاوزاه يشوف باباه بالمنظر ده..لا وعاوز يضب ابنه..كنت باخد الضړب بداله…وفي حملي التاني انا نزلت بسبب ضبه ليا…كنت بتوجع وپتألم لوحدي يماما ويبابا ليي مسألتوش عني…!
بصولي بشفقه
احنا اسفين
متبصوش ليا بشفقه…هيفيد ب اي الاسف ده الا ربنا قدركم عليه…!
تعالي في حضڼي يا بنتي انا اسف…عارف انها مش هتعمل حاجه…وان احنا غلطنا غلط كبير اوي في حقك…بس صدقيني احنا مكناش نعرف ان ده كله بيحصل…وكنا بنكلمهم بيبينو انهم حلوين وجوزك كان عامل انه كويس… عيطي عيطي متكتميش في قلبك…!
اتكلمت بابتسامه
بس انا مش عاوزه اعيط هعيط لي اصلا…
انت بنتي وحفظاكي…انت زعلانه ومقهوره بس مش راضيه تبيني…متكتميش عيطي وخرجي الا فقلبك…حتي لو هتنبجري فينا حقك…!
اتكلمت پانھيار وانا بحضنهم
انا مش بعيط عشان حد…انا بعيط عشان نفسي…وكرامتي…وانوثتي الا اتجحت…انا بس عاوزه اعيش لابني واربيه تربيه سويه…من غير اذي نفسي…عاوزه اطلعه انسان سوي نفسيا…مبسوط…متعلم…وان شاء الله هربيه وهقدر اعمل كل ده لوحدي…
احنا جنبك…وهنعوضك…واسفين يبنتي احنا الا وصلناكي لكده…سبينا نعوضك ب الا فاضل من عمرنا…سامحينا يبنتي…احنا بس كنا عاوزينك مبسوطه…ومتطلقيش…عشانك انت كنا عاوزين مصلحتك وراحتك…
بس طلعنا غلطانين واوي كمان…وهنجيب حقك تالت ومتلت من عنيهم وهنرد كرامتك…احنا في ضهرك لو مكناش احنا سندك…مين هيكون سندك…احنا اه مش هنعيش كتير بس المهم نفرحك…
ابتسمت ودموعي علي خدي
ربنا يخليكم ليا ويديمكم المهم انكم عرفتوا الصح وانكم بس من خوفكم عليا ده الا حصل وخلاص الا حصل حصل…هروح ارتاح في اوضتي شويه….لسه زي ما هيا ولا غيرتوها هاا…
نغيرها اي بس…لسه زي ما هيا…دي بتاعتك وهتفضل بتاعه بنتنا الجميله الا نورت فيها…كنا بندخل انا وباباكي نفضل نفتكرك ونعيط…والله البيت نور بوجودك تاني….
دخلت اوضتي ودموعي نزلت تلقائي لوحدها…رجعت بذكرياتي لزمان…لما كنت طفله مش شايله هم…كنت بحب الحياه…كنت بحب العب عريس وعروسه…لحد ما بقيت شابه…كنت جميله وملامحي جميله…وكنت معلمه في الكليه لكن سيبتها بسبب الا كان جوزي…كان غ ضب عني انجبرت
↚
اتجوزه…قولت لنفسي الحب هيجي بعد الجواز لكن الا حصل كان غير المتوقع…ضب وذل واهانه…غير الشتيمه….ولو جيت اشتكي كان يحبسني في الاوضه ويمنع عني الفون…لما جيت اقول لمامته فكرتها هتقف في صفي لكن ردها…ابني يعمل الا عاوزه…وابني راجل ڠصب عنك وجدع…وفيهاا اي لما يضبك ويشتمك كنتي الاميره ولا حاجه جتك القف…
كانت هيا
واخته بيقوموه عليا لو كان كويس معايا…لحد ما حملت في يزن ابني…كان مهون عليا ايامي…المفروض اي اهل يفرحوا لكن اهله مفرحوش وقالولي واي اب المفروض يفرح…لكن عدي جوزي يومها قالي…لو منزلتيهوش انت حره…شدينا يومها…مفوقتش غير وانا في المستشفي واهلي جنبي…طبعا عشان يداروا عمايلهم…قالولهم ان انا وقعت من طولي…متكلمتش فضلت ساكته…كنت هاخد ضب تاني وانا مش عاوزه ابني يحصله حاجه…كنت باجي علي نفسي عشان ابني يعيش وسط اهل سويين وعيله سويه…لكن لحد ما فاض بيا وطلبت الطلاق….اي يعني مطلقه…الطلاق مش عيب ولا حړام…بس مجتمعنا مبيرحمش نهائي…لكن مش هاممني…كل الا هامنني ابني وان اربيه صح ومش ناقصه حاجه…ناس كتير بتيجي علي اولادها عشان مسمي فكره مطلق او مطلقه لكنهم ناس غير متعلمين…لكن لو اولادهم م١تو كلمه ياريت او الند مش هيفيد ب حاجه…ناس كتير مطلقه وشايله بيت ومسئوليه واحسن من المتجوزين….
بتقولي ايييييييييييي….!
هنزل اشتغل يا جماعه في اي…
لا مش هتنزلي يا عائشه…احنا معانا هتنزلي تشتغلي لي وتتعبي نفسك…
هنزل برضوا يا ماما انت عارفه ان كنت بحب وظيفتي جدا واضطريت ان انا استقيل…يارب يقبلو بس يرجعوني…
مش هنجبرك علي حاجه المهم راحتك يبنتي واحنا عارفين ان دماغك ناشفه…
ابتسمت وقولتلهم
متقلقوش عليا بقي
مش هنقلق عشان احنا جنبك ومش هنسيبك
حبيب قلب ماما يلا يا زيزو عشان تفطر…وهقدملك في مدرسه تانيه هنا…وهدلعك اخر دلع…
هو بابا فين يا ماما مش هيجي…!
اتنهدت وانا بقوله
بص يا حبيبي…انت الوقتي بطل وكبير…صح ولا مش صح
صح يا ماما انا كبير اوي…
ابتسمت وكملت كلامي
انا وبابا انفصلنا…هفهمك…يعني انا خلاص هبقي بعيد عن بابا…وهو كمان بعيد عني…بس اكيد انت هتشوفه…وهتلعبوا سوا…وهتروح كمان تنام عنده يا سيدي…
يعني مش هنعيش مع بعض سوا تاني…!
اتنهدت وانا بهز راسي ب لا
اتكلم ببکاء
لي يا ماما هو انتو زعلانين من بعض
كنت عارفه ومتأكده انه مش هيستوعب…طفل بريئ ملوش ذنب في الا حصل…ذنبه ان اتخلق في اسره متفككه…كان لازم اطلق عشان اطلعه سوي نفسيا…مكنتش انانيه لما اخترت ان اطلق…انا اخترت عشان احميه هو من اهله…!
بص يا زيزو يا حبيبي دموعك دي مش عاوزه اشوفها تاني خالص مفهوم…وانت بطل صح وهتسمع الكلام…وهتفهم كلامي بعدين…الوقتي عاوزاك تجهز عشان هاخدك الملاهي يا بطل…
هيييي بجد يا ماما انا بقالي كتير اوي مروحتش
ايوه يا حبيب ماما يلا البطل الشاطر الا هيجهز لوحده…
اتنهدت بحزن وانا برجع لذكريات…المفروض نخرجه ده طفل وعاوز يتفسح ومن حقه…حتي لو مش هخرج معاه انا…خده انت…انت ابوه…الولد بيعيط عاوز يخرج…
وكان الرد بكل برود..مفيش فلوس…اعملكم اي…وملاهي اي الا يروحها…الدلع ده لا…ابني عاوزه ينشف كده…مفيش ده ولا كرتون ولا حاجات من دي…وكالعاده بعد ما دخلت ابني الاوضه ضرني عشان يطلع خنقته فيا…ازاي كان عاوز يعمل كده في ابنه…
لي قولتيله مكنش ينفع…
ابتسمت وانا بقولهم
مفهمش اوي ومسيره يعرف وانا هربيه صح وهفهمه كل حاجه…وهحاول مأثرش ليه….ومعتقدش انه هيحتاج لابوه…هو لسه بريئ ونضيف من جواه مش عارف حاجه
ربنا
↚
يعينك ويقويكي يا حبيبتي ويخليلك اجمل يزن
يارب ادعولي انا محتاجه دعواتكم ويلا عشان هخرج انا وسي يزن لوحدنا…
اخص عليكم بقي كده ماشي ماشي
وهنخرج لوحدنا لوحدنا
ماشي يا زيزو لما تيجي بس
ماماا عاوز اركب دي ودي…
كل الا نفسك فيه اعمله يا حبيبي وانا مش همنعك
انزلي كده يا ماما بسرعه هقولك حاجه
نزلت لمستواه عاوز اي يا يزن يا حبيبي
انا بحبك اوي يا ماما
اتكلمت بنبره حزينه بحاول اخفيها
اتاثرت بحضه ليا…قد اي طفل جميل زيه قادر حضه يطبطب علي القلوب…وانا كمان بحبك يا حبيبي
انت بټعيط ي لي يا ماما
بعيط عشان فرحانه بيك اوي يا زيزو يلا اجري العبب ..ا اخدك ونروح البيت وافضل احضك وازهق فيك…
ععععع لااا انااا هجريي من قدامك
متروحش بعيد خليك قدامي…!
حاضر يا مامي…
ها يا سيدي خلصت…تعالي لما اجبلك حاجه حلوه
عاوز ترمس يا ماما وايس كريم وشيبسي
عنيا ليك يا زيزو اي اوامر تانيه
تسلمي يا ماما يا حبيبتي
ها اتبسطت يا زيزو
اوي اوي يا ماما
طب يلا نروح بقا عشان في حاجات كتير هعملها لسه
خلي بالكم من يزن…انا هنزل
ويارب يرجعوني تاني دكتوره في الكليه…!
ان شآء الله يا حبيبتي هيرجعوكي…
وقفت قدام باب الكليه هاجمتني الذكريات الا مش راضيه تسيبني…كان عندي اصحاب كتير وكنا قريبين لكن يشاء القدر ان فجأه…مشتغلش في الكليه…بسببه هو وكمان سحب مني الفون…مكنتش بقدر اتواصل غير مع اهلي…افتكرت زميلي يوسف قبل ما كنت اتجوز…مش هنكر ان كان فيه اعجاب مني ليه ولكن اتجوزت غص…مسحت دموعي واتنهدت ودخلت…
السلام عليكم يا اصدقاء نسيتوني…!
عائشهههههه بجد انت هنااا
ابتسمت وانا ببادلهم الحض…وحشتوني
لا اقعدي اقعدي انت وحشتينا اوي اي الغيبه دي كلها…ومكنتيش بتفتحي ولا تردي….حتي حاولنا نجيلك بيتك لكن حماتك كانت ..ا تخلق اعذار…كملو بدموع…احنا مش مصدقين انك رجعتي وموجوده بينا…
انا اطلقت…وقومت بسرد بعض التفاصيل….
اهو غار وساب القمر والله…المهم هترجعي معانا صح…
ابتسمت وانا بهز راسي بس يارب يقبلوني…
هيقبلوكي يبنتي انت بتهزري ده انت كنت من اشطر الدكاتره…انت كنت ..ا فوق الكل هنا…
دخلت لمكتب رئيس الكليه…ازي حضرتك…
مش معقول انت عائشه قدامي ولا انا غلطان…
لا مش غلطان انا بنفسي مكنتش مصدقه زيكم برضوا…
اقعدي يبنتي اي الا حصل فجأه واستقلتي انت عارفه ان انت من اشطر الدكاتره هنا…
قومت بسرد بعض التفاصيل…..
اتكلم بنبره حزينه
المهم انك رجعتي واكيد هقبل انك ترجعي هو انا هلاقي احسن منك…
ابتسمت بعد ما خلصت وخرجت اتمشي في الكليه…بفتكر ذكريات وحاجات كتير…حاسه ان كنت في سجن وخرجت منه…رجعت اطير من تاني…مش عارفه كنت مستحمله الفتره دي ازاي….بس الاكيد ان لسه جوايا ندوب وچروح مش هتروح بالساهل…. فوقت من شرودي وانا بخبط في شخص من غير قصد…
انا اسفه حضرتك مخدتش بالي…
انت…
رفعت وشي نحو الصوت…ايوه هو…يوسف… اتفاجئت بيه… وبشكله وملامحه الرجوليه…صوته الحاد لكن هيبقي في نبره امان محدش شايفها غيري…. ملامحه الجاده…
احم ايوه انا…
مسك ايدي وهزني جامد وقالي
انت كنت فين حاولت كتير اوصلك وابعتلك واسال عنك ومفيش ولا حد يطمني…حتي رسايلي كنت تشوفيها ومترديش ولا كأننا كنا زمايل او اصحاب في يوم…رجعتي ظهرتي تاني ليييي بعد ما كنت هحاول اتأقلم واعيش…ويا تري هتخفي تاني صح…اخر مره شوفتك فيها كان من كام سنه تخيلي..!
شديت ايدي منه…. حاولت اتكلم بثبات
كان غص عني وبعتذرلك
غص عنك ازاي يااا عائشهه هااا
يوسف انا اطلقت…..!
ايييي اطلقتيي ازاييي دهه انت اتجوزتي امته اصلا…..!
قولتله بعض التفاصيل واحتفظت بالبعض خصوصيات…لو مكنتش اطلقت مكنتش هتشوفني قدامك وللاسف انا اتجوزت غص
اتكلم بنبره حزينه حاول يداريها
↚
المهم انك بخير ورجعتي عن اذنك
وانت اتجوزت…!
للاسف لا كنت متعلق بأمل بس للاسف تقريبا انتهي
لسه هتكلم….قاطع كلامي ابني…
مامااااااا اناااا جيتتتت…
ابتسمت وانا بحضه
اي جابك يا معفن…انا كنت هروح اهو…ومين جابك…
جدو وصلني…
ده ابنك انت عندك ولاد كمان…
ابتسمت وانا بقوله عندي يزن بس اغلي حاجه عنديسلم علي عمو يا يزن…
ازيك يا عمو…
عمو بقي انا يتقالي يا عمو…الحمدلله يا جميل وانت
انا كويس الحمدلله…
يلاا يا زيزو لما نروح زمان جدو بيشتم فينا…وبعدين انت جيت لي ها…
مقدرش ابعد عنك يا ماما يا حبيبتي
يا سوسه علياا انا يا سوسهه…
كنت عاوز اجي اشوفك يا ماما واشوف المدرسه الا كنت فيها لما جدو قالي
طب يلا يبطل…عن اذنك يا يوسف
ربنا يخلهولك جميل شبهك اقصد فيه منك يعني…شكلك بتحبيه اوي….
انا عايشه عشانه وبس عقبالك يا يوسف لما تتجوز وربنا يرزقك…
ان شآء الله بس مش هتجوز تقريبا…
ليييي يعم ربنا هيرزقك ببنت الحلال
مهي راحت للاسف معتقدش…
ربنا يسعدك يلا عن اذنك بقي
ازيك يا حاج اتاخرنا ولا حاجه…
لا ابداا يلاا قداميي علي البيت
يلا يا يزن عشان نصلي…
حاضر يا ماما تعرفي انا بحب اصلي اوي عشان انت قولتيلي ان ربنا بيبقي شايفني…وجنبي…واي حاجه اطلبها منه هيحقههالي حتي لو بعد سنين…
ابتسمت بحب وانا بقوله
اشطر كتكوت كده كده وليك مني هديه بعد ما نصلي ونقرا قران وتحفظ زي ما انا قيلالك
فين هديتي بقا…
امسك يا سيدي شكولاته اهي…
شكرا يا ماما
ابتسمت بحب وانا شيفاه بيتعلم صح زي ما انا عاوزه…كنت عاوزه ازرع جواه من صغره…يحب الصلاه ويقرب من ربنا في الوقت الا يكون مخوق فيه…علمته يرضي ب اقل حاجه وميقولش لا…علي الرغم من
انه صغير بس قادر يستوعب شويه ويسمع الكلام…هطلعه انسان ناجح…!
هات حضڼ لماما بقاا…
تاخدي شكولاته يا ماما…
لا يا حبيبي كلها انت بالهنا والشفا…
انت جميله اوي يا ماما وانا بحبك…عاوز لما اكبر اكون زيك كده…
انا الا بمت فيك يا زيزو…هتكبر وهتبقي اشطر واحد واحسن مني كمان يا زيزو…
اهم حاجه نشجع اولادنا مهما كانت الظروف…منكسرش جناحتهم…. نديلهم امل وتفاؤل حتي لو احنا شوفنا كتير…لما بيسمعو كلمه حلوه مننا بيبقوا مبسوطين وده بيخليهم يسمعوا الكلام ويعملو اكتر من كده…لكن لو استخدمنا الضب والعف كده بيسبب نتيجه الكره بينكم والخۏف منكم…معاكم في نقطه ان لو ما سمعوش الكلام ممكن نستخدم عقاپ بسيط…زي اننا منتكلمش معاهم واننا نقولهم ان احنا مخصمينهم ونفهم لي بهدوء…او نتكلم معاهم بالمسايسه…
عاوز ايي منييي ابعد عن طريقي…
مش هبعد يا عائشه…!
ابعد لاما هصوت ولم عليك الناس سامع..!
انا جوزك هتقوليلهم جوزي بيقرب مني…
اتكلمت بسخريه
جوزي ده كان زمان…الوقتي انت طليقي وبس سامع…!
والله وطلعلك صوت اخيرا
ايوه طلعلي لو كنت فاكر ان انا كنت ساكته عشان ضعيفه تبقي غلطان…انا كنت ساكته عشان ابني بس…لكن انا اقدر اخد حقي تالت ومتلت…وربك يمهل ولا يهمل…حقي هيجيلي وقدام عنياا وساعتها هتدم انت واهلك…والند m مش هيفيد ب حاجه…ابعد عني يا ابن الناس…انت بالنسبالي هامش سامع…انا ساكته عشان ابني يعيش عيشه كويسه وبين بيئه سويه عشان يطلع بخير…ياريت تبعد عني ومتتعرضش ليا تاني سامع ولا اسمعك اكتر من كده مع ان مش بتكلم مع امثالك عن اذنك…!
شيفاني همت نفسي اوي عشانك يبت…ده انا جاي اعزمك علي فرحي وياريت تشرفيني…
فرحككك….!
ايوه فرحي…!
اتكلمت بابتسامه
اولا الف الف مبروووك…ثانيا ده شئ ميخصنيش ولا يهمني اعرف اصلا هتتجوز ولا لا…قولتلك انت بالنسبالي ولا حاجه…انا ما صدقت اطلقت منك
علي القليله انا هتجوز…ومش يعيبني شئ انما انت مطلقه شوفي مين هيرضي بيكي…انا مهما كان راجل…!
تفكيرك مريض وقديم وهتفضل زي ما انت…واي يعني مطلقه…بكره هتندم وهتشوف…والمطلقه
↚
ده هتبقي احسن منك…وممكن اتجوز من تاني يوم عادي بس بمزاجي…متفكرش نفسك محور الكون…او عشان اطلقت محدش هيتقدملي…لا بيتقدموا بس انت بس مريض محتاج تتعالج…اتمني مشوفكش تاني…!
ولا انا عاوز اشوفك…انا هعيش مع مراتي ومش عاوزك لا انت ولا ابنك…!
متجيبش سيره ابني علي لسانك…وهو مش محتاجك…انا معاه ومعوضاه عن كل حاجه…وكفايه اوي كده خدت اكتر من مقامك…!
مش عارفه لي اغلب البشر عندهم فكره وچشه عن الطلاق…عادي يا جماعه الطلاق مش حاجه وچشه…حاجه عاديه بين اتنين محصلش بينهم اتفاق…لي بتتحسسوهم انهم عر او ملهمش مكان وسطنا…لا ليهم…وزيهم زينا…بتيجو علي اولادكم لي…هما معملوش حاجه غلط…علي القليله بيبنو نفسهم من تاني…وبيعملو ليهم اسم…ومش اسمها مطلقه او مطلق…ومش معني كده انهم مش هيتجوزوا تاني وهيعنسوا لا ابدا…مش عارفه اي فكره انهم هيعنسوا تفكيركم غلط…كل واحد بياخد نصيبه…ونصيبهم لسه مجاش…ولو جه وانفصلوا مكنش خير ليهم…ياريت متضغطوش علي حد متعرفوش ظروفه…هما زينا بالظبط واحسن كمان…!
روحت البيت بتعب ظاهر علي وشي…
انت كويسه يا عائشه…!
اتنهدت وانا برسم ابتسامه علي شفيفي
انا زي الفل واحسن كمان يا ماما متقلقيش
مش باين عليكي انت بنتي وحفظاكي اكتر من نفسي
حاولت اغير الموضوع وقولتلها
امال يزن فين يا ماما
باباكي خده معاه وهو خارج
هزيت راسي ب ماشي
قوليلي مالك متتهربيش من وجعك واحكيلي
مفيش يا ماما انا كويسه يا حبيبتي محتاجه بس انام شويه
مش هضغط عليكي بس بالله عليكي يبنتي ما تزعلي نفسك…ادخلي اوضتك ارتاحي…
ماااامااا.!
اي يا يزن في اي سيبني نايمه…
اصحييي انت بقالك كتير نايمهههه….!
حاضر يا حبيبي شويه وهقوم
ماشي يا ماما يا حبيبتي ناميي براحتكك
يييييزننن تعالييي يا معفن بقي بترش علي مامتك ميه
هههه خلاص خلاص يا ماما بطلي تزغزينييي بقااا
لااا عشان ترشني اويي وتزعجنيي…!
تيتههه جدووو الحقونيييي….
ملناش دعوه ياا يزنن بقا انت حر انت قولنالك مسمعتش الكلام…خليها تزغزك بقي…
لحظه صمت ثم ضحك…يلااا ناكلل اخر واحد هيفضل في مكانه حمر كبيييرر
ماما انا هشوف بابا امته…!
هاخدك بكره يا حبيبي وتشوفه…!
بجد يا ماما ولا بتضحكي عليا…
اضحك عليك…انا لما بقولك علي حاجه بعملها ياض…!
اقوله ازاي ان باباه مش
عاوزه…ولا عاوز يشوفه…لو كان اب قادر يشيل المسئوليه حتي ولو بعد الطلاق وكان بيراعي ابنه…بس هقول اي…نتيجه فشله..!
باباااااا وحشتنييييي….
اتكلم ببرود…عامل اي يا يزن…!
كويس يا بابا…انت مبتجيش تشوفنا لي يبابا…
مشغول والله مش فاضي…
انا عاوز اشوفك واخرج معاك كتير…
بعدين بعدين…الايام دي مش فاضي…!
طب هات حض يبابا…
مش بحب جو ده يا يزن اجمد كده…!
يلا يا يزن هنمشي…
ياريت والله…وفهميه ان مسافر عشان يسكت ويبطل صداع انا مش فاضي للجو ده…عاوز اشوف بابا….وحض…الكلام ده مش عندي….لازم يجمد كده…..!
عندك حق لواحد معندوش مشاعر وقاسې زيك وابني مش عاوزك تاني…يلا يا يزن يا حبيبي….!
افضلي انت دلعيه كده مش هيجيب نتيجه ف الاخر…
هدلعه وهعمله كل الا نفسه فيه وهتشوف ابني بكره يبقي حاجه تشرف…يلا يا زيزو نمشي…!
بټعيط لي يا يزن…!
ماما هو بابا مش بيحبني…!
اي الكلام ده هو فيه حد ميحبش يزن….!
انا بشوف صحابي ..ا هما وباباهم بيلعبو معاهم وحاجات كتير وانا لا….
اخص عليك يا زيزو وانا فين يا حبيبي انا هعملك كل الا نفسك فيه…وقدمتلك هنا في المدرسه الا كانت عجباك…يلا عشان بصراحه كده انا هشتريلك اللعبه الا كان نفسك فيها بس مقولتليش….
عرفتي منين يا ماما
ده انا ماماا يا زيزو…
انا بحبك اوي يا ماما….
انا اكتر….!
اتفضلي يا ماما…
بصتله باستغراب وقولتله
اتفضل اي…..!
الورده دي عشانك….
بصتله بحب وانا عيوني بتدمع من التأثر…
ربنا رزقني ب يزن طفل جميل حنين بيداوي الچروح…ازاي في ناس مش عارفه قيمه اطفالهم…علي رغم صغر سنه بس عارف حاجات كتير وقادر يفرحني…الحاجه الوحيده الا مندمتش عليها هيا ابني يزن….الدنيا عوضتني بيه…
يخرابي عليكي لما تتعصبي….اهدي علي الولد…
شايفه يا ماما هنتأخر وانا لسه هروح الكليه…
جرا اي يا شعونه خلصت اهو الله….!
نهارك اسوح انت هتشرشحلي ياض…
برئ يا بيه والله…
قدامي يا قرد يلا….عن اذنك يا ماما…بابا هيفرمنا تحت
يلا بينا يا جدو….
يلا يا حبيبي مع السلامه….خد بالك من نفسك…وجدو هيوصلك علي البيت لان انا هتأخر في الكليه…!
حاضر يا ماما…
↚
عائشههه احنا مبسوطين اوي…هنرجع نرغي تاني سوا…الكليه نورت بوجود
عائش…فرفوشه الشله…
ابتسمت وقولتلهم
وحشتوني ووحشني ايامنا اوي
خلاص هترجع تاني عشان انت بقيتي معانا
يلا اشوفكم في البريك بقا عندي محاضره لازم اديها للطلبه
واحنا كمان يلا عن اذنك
دكتوره عائشه….!
ايوه رجعتلكم من تانيي فكرنيي والا لسه ميعرفونيش هتعرفوني…!
احلي واجمل دكتوره والله اخيرا رجعتي اختفيتي لي وسبتينا نتبهدل من بعدك بس…
ضحكت وقولتلهم
يبت انت وهو…الظروف بقا هنعمل اي بس رجعتلكم اهو
وحشتينا بجد والدفعات الا قبلنا كان نفسهم يشوفوكي تاني
الحمدلله رجعتلكم من تاني ويلا نبدأ بقا مهما تاكلو بعقلي حلاوه هنشرح برضوا….
اي حاجه منك احنا عاوزينك وهنسمع…
وبكده خلصت المحاضره بتاعتنا ومتنسوش اي حد محتاج حاجه او اشرحله حاجه تاني انا
موجوده…مش هسيبكم…!
اول مره اشوف دكتوره طيبه كده
دكتوره عائشه من احسن الدكاتره في الكليه
هلااا يا ….احم انت بقيت بنوته وسطنا يا يوسف…معلش اقصد يوههه
اتكلم بسخريه
اسكتي يا عائش جيتي تكحيلها عمتها خالص
ثانيهه واحده ده قالي عائش..سرحت في ذكريات…يوسف كان ..ا بيدلعني ب عائش…كنت بحب الكلمه دي منه اوي…عشان كنت بحبه يمكن…..كنا قريبين لبعض في فتره لكن كل ده اختفي ولاماني والاحلام اتهت…!
سرحتي فين…
هاا ولا حاجه…رجعتلكم من تاني الساحره الشريره رجعت نياهاها…!
شريره اتوكسي يا عائشه…
علي رايك يواد يا يوسف والله
واااد….. بقا شحط قدامك وتقوليلي واد…
خلاص متزعلش يا شحط…متراضي كده…
هنوت بجد مش قادرين وحشتنا خنقاتكم اوي…
ماشي يا شعونه ماشي
معلش بقا يا يوسف
لا خدي راحتك
اوعي تكون اتقمصت ازعل واجيب ناس تزعل
مبقدرش ازعل منك
الا قولي مش عاوز تتجوز لي الله
الا كنت بحبها راحت مني…معتقدش انها هتوافق بيا تاني
حاولت ابلغ الغصه الا جوايا وقولتله
يعم هتوافق هيا تطول
فكرك…
اها والله تبقي غبيه لو خسرتك
الغبيه دي تبقي….
قاطع كلامنا صوت ابني…
ماما ماما انا جيت هاهاها
يا معفنن انا مش قولتلك تروح علي البيت علطول
هاتي حضڼ اوي وحشتينيي
ابتسمت وانا ببادله الحض…برضوا ههزقك قولتلك ان انا هتأخر صح وقولتلك روح علي البيت ومتتعبش جدو…..!
انا قولت لجدو يوديني عندك ويروح هو…
وانت سيادتك خدت علي هناا كتير هنطر سوا
بحبك يا ماما عاوز افضل
جنبك الله
وعشان انا بحبك مش هقولك لا
ههه كفايهه بقا تزغزيني احناا مش في البيت
واي يعني الله…ببص جنبي فكرت يوسف مشي لكنه كان جنبي ومبتسم….!
سلم علي عمو يالااا….!
عمو يخبيت عمو…انا حبيتك اوي يا يزن…انا هجيلك يوم اجازتي وهنخرج سوا….
بجد يا عمو
ايوه بس لو بطلت عمو دي قولي يا يوسف
حاضر…
ملوش داعي مش عاوزين نتعبك
تعب اي انا هاجي وهاخده وهنخرج وبصراحه حاسس انا الا محتاج الخروجه دي
هزيت راسي ب ماشي
ماما احنا هنصلي امته عشان منتأخرش…
ابتسمت وقولتله حالا يا زيزو مصحفك معاك وسبحتك ويلا يبطل
ثانيه هو انا سمعت صح….!
ايوه يا يوسف اي الغريب
الاطفال في سنه مش كده يعني
انا ربيته علي كده من صغره عشان يتعود ويتعلم
ناس كتير بتسيب اولادها وبتقول لما يكبروا لسه صغيرين لكن غلط…احنا ممكن نزرع جواهم الفكره من صغرهم وبطرق بسيطه ومحبه بحسب انهم ميزهقوش…ممكن نشجعهم لو صليتو وحفظتم هنجبلكم لعبه…هنخرجكم…. هكذا وننفذ الوعد…وافتكروا ان هما لووشافونا بنعمل كده هيقلدونا…!
ما شاء الله انا فخور بيكي وبتربيتك
↚
يا عائش
تسلم يا يوسف يلا علي الصلاه يا عيال كلنا
حاضر حاضر نازلينن يخبيتك فضحنااا…
يلا بيناا يا عمو يوسف…
عمو تانييي قولتلك يوسف بس ولا احنا مش صحاب…
لا صحاب طبعا…
ااي يا يوسف الحفله دي هو فرح
احم لا ابدا بررحب بيكم
انت فعلا رحبت بينا بالطبل والتزمير والاغاني الله يفضحك
عجبتك عجبتك انا عارف وبعدين يلا عشان انا عاوز اقضي اليوم مع حبيبي يزن…!
ابتسمت وانا شايفه يوسف وهو مع يزن وبيضحكوا سوا صوت ضحكهم عالي…بيلاعبه وبيشاغبه…وبيأكلو ايس كريم…اتنهدت بحزن المفروض ابوه هو الا يعمل كده…لكن لا بيسأل ولا حتي بيبعت نفقته ولا اي حاجه لولا شغلي واهلي مكنتش عارفه هعمل اي…بس الحمدلله ربنا معايا وواقف جنبي ومش سايبني
عائش تعالي واقفه عندك لي تعالي العبي معانا انا ويزن
اجرواا ورايااا يا شعنونه انت وسفندي
اي ده بيقولك شعنونه زيي ده ابني ده
ايوه بيدلعني بيه…
طب يلا نمسكه
اقف عندك ياض مسكناك نياهاها
اتنين علي واحد ظلممم
لا عدل نياهاها صح يا يوسف
صح يا قلب يوسف…. احم مقصدش
ولا يهمك حصل خير
يلااا هنجريي انا ويوسف وشوفي بقي هتقدري ولا لا
اه يا بياع ماشيي
سلم نفسك انت وهو محاصر
الاتنين في نفس واحد
برئ يا بيه
وقعنا علي الارض من الضحك
يلا قوموا انت هنجتوا اليوم مخلصش…
هنروح فين تاني يا يوسف…
علي البحر مكانك المفضل
ابتسمت بحب وانا بمسك ايد يزن ومن الناحيه التانيه يوسف ماسك ايده
مامااااااااااا
نعم يا يزن
يلا نتصور بليز
حاضر يلا يا سيدي
كمان صورتين ويوسف معانا…
بس يا يزن يا حبيبي مينفعش
لا ينفع انا عاوز اتصور معاكم لاما هعيط
ضحكت وقولتله طب يلا يا سيدي وقف يزن في النص وكل واحد فينا في جهه
حلوين اوي انا بحبكم
وانا بحبك مبسوط…
طول ما انا معاكي مبسوط يا مامي….انا هلعب قدام البحر ماشي!
ماشي بس متروحش بعيد
تعالي نقعد سوا شويه
حاضر
اتفضلي
اتفضل اي
خد الجميل عارف انك بتحبيه اوي
ابتسمت بحب وانا باخدها
لسه فاكر يا يوسف ان انا بحبها
وهو انا عمري انسي برضوا بالذات اخر مره…لما اتخانقتي مع الراجل عشان خلصت وقعدتي ټعيط ي…
يوهه متفكرنيش بس هو الا غلطان ازاي يخلصها الله
مسك ايدي واتكلم وهو بيبص لعيني وقالي
لسه زي ما انت جميله…لسه ملامحك وطريقتك الطفوليه…متغيرتيش
شديت ايدي منه بسرعه باحرج وقولتله بابتسامه
شكرا يا يوسف
انا اسف مش عارف انا عملت كده ازاي متزعليش
ولا يهمك حصل خير
بس برضوا انت جميله
ضحكت وقولتله
مفيش فايده
وضحكتك برضوا وكفايه كده هناخد ذنوب
طب يلا يا سيدي عشان هنروح
حبيت اليوم اوي بوجود يزن اتمني تسمحيلي اشوفه تاني ونخرج انا وهو
معنديش مانع…!
يلا يبطل عشان تنام
اقولك علي حاجه…
قول يا حبيبي
كان نفسي يوسف يبقي بابا
اتعدلت وقولتله
بص يا حبيبي انت كبير الوقتي ولازم تفهم انا وبابا اطلقنا…عشان بابا مكنش حلو مع ماما…وبابا بعد عننا…بس برضوا مهما كان بابا وحش هيفضل باباك في النهايه…ولكن عمو يوسف…هو اه كويس وكل حاجه وبرضوا من حقك عشان شوفته كويس تقول انك عاوزه باباك بس مينفعش
اتكلم بدموع
↚
بس انا مبحبش بابا لانه مش بيلعب معايا ولا بيشوفني وبيضبني وبيزعقلي ولما
بروح اشوفه بيبقي وحش معايا
حضته وقولتله
انا معاك وجنبك وهعملك كل الا نفسك فيه المهم مشوفش دموعك دي ابدا ولا تزعل نفسك
بحبك يا ماما
اكيد هنقول ده طفل ازاي فاهم…وعارف للاسف الاطفال بيحسوا وبيعرفوا…وبيشوفوا اصحابهم… وبكده بيبقي جواهم شعور ان فيه حاجه ناقصه مهما كانو مبسوطين بس علي قدر الامكان هعوض ابني يزن
بعد مرور فتره زمنيه طويله….
انت كويسه يا عائشه
اتكلمت بارهاق
ايوه يا يوسف كويسه
لا يا عائشه انت مش كويسه انا عارفك
بصتله ودموعي علي خدي
احكيلي مالك يا عائشه بقالك كام يوم متغيره
اڼفجرت في العياط وانا بقوله
رجع رجع تاني عاوز ياخد ابني عشان يكسرني…انا حاسه ان انا مش مكفيه يزن وهو عاوز اب مهما كان…انا تعبانه اوي يا يوسف…خاېفه ياخده…خاېفه من كل حاجه…ومش حابه اضغط علي اهلي اكتر من كده واشيلهم همومي كمان مع انهم شيلني فوق راسهم ومش مخليني محتاجه حاجه..!
تتجوزيني…!
انت بتقول اي
تتتجوزيييني وانت عدتك خلصت مرت شهور..وهنرفع قضيه عليه وانت الا هتكسبيها وانا واثق ويستي تتجوزيني بشرط
لو كسبتيها وافقي لو مكسبتيهاش متوافقيش
ماشي يا يوسف
ابتسم وقالي في كلام عاوز اقولهولك
انا لسه بحبك يا عائشه مكانك في قلبي من ساعه ما شوفتك هنا محدش خده غيرك…وانت البنت الا كنت بتكلم عنها…مقدرتش اعيش بعدك…حتي لما عرفت وبصراحه مش فارق عندي موضوع الطلاق عشان تكوني عارفه انت بس الا انا عاوزاها والتفكير بتاع الناس ده مش عندي…وما صدقت ترجعي واقرب منك…وانا بحب ابنك ومش همنعه منك وهيعيش
معانا وياريت لو يقولي يا بابا…ارجوكي اديلي فرصه…انا بحبك زي ما انت…انت في عيني اجمل واحده شافتها عيني..مشوفتش بعدك اجمل…
بصتله بدموع وقولتله
بس انت مدخلتش دنيا…طب اهلك…انا مستعده اديلك فرصه لاني انا كمان بحبك…والا حصل زمان كان غص عني…انا كنت ببني احلام واماني معاك فجأه اهدت يا يوسف…مش عارفه ارد علي كلامك بس انت مفيش زيك
هدخلها معاكي انت اهلي موافقين وراضين بيحبوكي احنا ناس عاقله وفاهمه…انا مبسوط اوي الكلمه الا طلعت منك دي كفيله تنسيني اي حاجه وچشه شوفتها في بعدكوهنبني الاحلام من تاني سوا…
وانتهت القضيه بحكم رد الابن الي امه…ومع شهاده الجيران بذلك بأن الاب ومنعه من التعرض لهم مجددا وايضا من شهاده زوجته الجديده التي لم تستحمل العيش معه…!
اابتسمت بانتصار وانا شايفه حقي وحق ابني بيترد قدامي اتكلمت وقولتله
دموعك هتفيد ب اي انتهت خلاص… قولتلك هيجي وقت وهتڼدم… وحقي هيجي قداام عيني… حتي لو بعد سنين ولو مت وده حصل بس وانا عايشه…انت طلقت لتاني مره والعيب منك…وسمعت وعرفت الا مراتك عملته فيك وف اهلك…وده حقي والا عملتوه فيا قولتلك كما تدين تدان…
ااتكلم بدموع وڼدم
انا اسف سامحيني…حياتي ادمرت بسبب الا عملناه فيكي.
سامحينا يبنتي ابوس ايدك من ساعه ما خرجتي من حياتنا واحنا كل يوم في مستشفي ل ف مصېبه كله بسبب عمايلنا
اتكلمت بدموع
انا مسامحه ومش ضعف مني…لا عشان ربنا بيسامح مين انا عشان مسامحش…بس انا بالنسبالي معرفكمش ناس غريبه…ابعدو بس عن حياتي…
ربنا يسعدك يا بنت الاصول
تتجوزيني يا شعونتي
اافكر…!
وحياه امك
موافقههه طبعاااا…نزلني يا بجره دوختني…
زيزو كان نفسك يوسف يبقي بابا صح
اايوه يا ماما
طب يوسف هيبقيى بابا… عشان انا وهو هنتجوز وهنعيش سوا كلنا…!
بجد يا ماما
اها والله يا حبيبي
انا مبسوط اوي اخيرا هيبقي عندي بابا لا وكمان يوسف
ابتسمنا بحب واحنا شايفين فرحته…!
هااا جاهزييين…
يا ماما يلا انت هتذلينا مخرجانا بقالك ساعه بتقولي كده
اها والله يا يزن يا ابني
ولد عيب ولا عشان كبرت حبتين تلاته هتعلي صوتك كده…تصدقوا انا غلطانه
طب قولي يا حبيبتي يلا وادي راسك ابوها
فيه حار قاعد معاكم يا حج لو مش واخد بالك…
احلي حار في حياتنا
يلا قولي يا شعونه هتذلينا
اتكلمت بابتسامه ودموعي علي خدي
انا حامل
الف مبروك…ثانيه عيدي كده انت قولتي اي…!
انا حامللل…يوسفففف نزلنييي كفايهه هنقعع
بجد انا مش مصدق نفسي والله يعني انا هبقي بابا للمره التانيه
ابتسمت ودموعي علي خدي وانا بهز راسي..مكسرش بخاطر يزن وحسسه ان هو مش ابنه…كل مدي بيثبتلي انه احسن عوض ربنا عوضني بيه بعد
يزن ابني
بعد اذن اللحظه السعيده الا بينكم انا كمان مبسوط اوي يا ماما…هيبقي عندي اخ
↚
او اخت…بالمناسبه السعيده دي يلا ناخد صوره بس واحنا بنحط ايدنا علي بطنك عشان لما تتنفخ ناخد صوره كمان
تصدق ياض انا الا هنخك
انا محظوظ بيكم وعيلتنا هتكبر وهتنور فرد
بعد مرور فتره زمنيه
يلاااااااااااا يااااااا زفت انت واختككككك
اي يماما صوتك عالي لييي كدههه
بتتت هتجبيلي الضغط
بس عيب كده يا زينه ماما هتجبيلها الضغط لوحدك
ابني العاقل الحكيم الهادي
ااحنا هنجيبلها الضغط سوا
روح يشيخ ادعي عليك ب اييييييي
ااييي يا حبيبتي صوتكم عالي ليه
حبيبتتتك هتتشل من العيال هنتأخر علي حفله تخرج ابنك…انت لسه ملبستتتش امشيييي من قدامييييييي
اجروااا يعيييال انبطحوااا امكم هتموتنا مالها دي
مش عارفين والله
هاتي راسك ابوسها اي الحلاوه دي…كل مدي بتزيدي حلاوه
بجد يعني حلوه
حلوه بس قمر مفيش كلام
وانت كمان جنتل مان
احم احم نحن هنااااا
امشي يا جوسه منك ليه
ماشي يا بابا ماشي
يلاا يا زيزو انت وزيزي عشان نروح حفله تخرجك
حابب اوجه الرساله دي لامي واقولها
شيلتيني فوق راسك ولحد الان…. محققالي كل الا نفسي فيه ومش مخلياني محتاج حاجه…كنتيلي ام…واب واخ…واخت وصديق…وصديقه…عوضتيني وضحكتيني وفرحتيني ومسحتي دموعي استحملتيني لحد الوقتي انا معنديش غيرك وبس…انا مش فاكره ولو
↚
افتكرته…مبحبوش ومبحبش سيرته…محدش يستغرب ويقول عليا قاسې..لكن الا شوفته كان
اقوي وخلاني كده…بالنسبالي هو واحد غريب…انا فاكر كل حاجه كان بيعملها فيا وفيكي …مهما اقول واشكرك مش هيكفيكي حاجه…!
وكمان لبابا يوسف
مش نسيك ولا هنساك..انت عوضتني وكنت ليا الاب…وقفت جنبي فيى صغري…مسبتنيش.. شجعتني… قوتني… خدتلي حقي من اي حد يضايقني…انت كنت الاب بمعني الكلمه…فرحتني ولعبتني وحققتلي كل الا نفسي فيه
نيجي بقي لاختي الصغيره مش صغيره اوي الفرق مش كبير بينا..
انت جيتي نورتي حياتنا كلنا بس انا اكتر طبعا…انت اكتر واحده بفضفض ليها…وبكلمها…وبحب انكشها…واتخاق معاها صدقيني انت من ساعه ما جيتي وانا مبسوط بيكي…وفخور بيكي…..ا عامله للبيت بهجه…واوعدك ان هكون فيى ضهرك ..ا وهحميكي…!
اتكلمت بعياط وانا ببادله الحض
انت ابني وسندي وروحي يا يزن انا عايشه عشانك…وبقيت شاب زي القمر وتربيتي طلعت صح….مخذلتنيش…كلهم بيتباهو بيك… وفخورين فيك وعاوزين يرجعولك…انت بيهم كلهم…انا هفضل ..ا فيى ضهرك وسندك…انت الحاجه الحلوه في الدنيا…انت رزق ويا بختي بيك ويا بخت اي حد بيك…!
انت ابني يا يزن…ويعلم ربنا ان حبيتك من اول مره شوفتك فيها…ومش بعتبرك الا ابني
وبس…..وده واجب الاب قصاد ابنه…وانا هفضل جنبك علطول وسندك يا حبيبي….!
اخويااا وحبيبي…شق الشقايق…الا معلمني السرسجه…ربنا يخليك ليا…وتفضل ..ا سندي…وافضل ارخم عليك يا حبيب ها اقول هه خلينا ساكتين الوقتي…انا بحبك اوي يا يزن…انت اخ جميل…انت مفيش كلام يوصفك..
طب يلاا نتصور…صوره جماعيه الاول…
شكلهم حلو اوي مع بعض وهما بيتصوروا لسه زي ما هما في عيني يزن الطفل وزينه برضوا ما زالت طفله لسه
وفيت بوعدي ليكي ان اكون زوج واب لاولادنا تفتخري بيه
بصتله بدموع وقولتله
كنت الاول والاخير فيي قلبي مكنش لحد غيرك مهما بعدنا
اتكلم وهو بيحضي وبيبس ايدي
بحبك وهفضل احبك للابد
احم احم نحن هناااااا
معرفش استفرد بمراتي شويهه عيال تخق
ضحكنا واحنا بعض في جو ملئ بالسعاده…
كنت عاوزه اقول مهما كانت صعوبه الدنيا ومشاكلها مسيرها في يوم تفرج…وتتحل والدنيا تضحكلنا من تاني…المهم الصبر…ان بعد الصبر جبر…وربنا بيعوض…والعوض حلو اوي كفيل ينسي هموم الدنيا…والحق بيرجع لاصحابه.
تمت بحمد الله بقلم_انين_الجارحي
التعليقات