رواية راما الفصل السادس عشر 16 – بقلم اسماعيل موسى
راما
١٦
كانت جين جالسه فى الصاله عندما خرجت راما من غرفة النوم، مرتديه قمي_ص النوم وروب احمر قصير وكان وجهها متورد مثل زهره فى مطلع الشمس..
راما __ صباح الخير جين
جين _ صباح النور راما
راما _ عامله ايه
جين _ هعمل ايه، عادى يعنى
راما _ تخلت عن فكرة الذهاب إلى الحمام، جلست على المقعد فى مواجهة جين
جين__ همست جين، راما إياكى ان تبدأى، سأتقبل الأمر بمفردى ولا أحتاج لشفقتك او توضيحاتك
راما __ ربما كانت راما صادقه فى نيتها، أرادت ان تخفف عن جين، ان تطلب منها ان لا تحزن ولا تغضب نفسها وانها مثل اختها وهذا الكلام الفارغ
لكن اعتراضات جين فتحت أمامها باب أخرى اشعرها بالحماس والسعاده
راما ___انا مش جايه اشفق عليكى ولا حاجه يا جين
ادم دلوقتى جوزى زى ما هو كمان جوزك!!
جين __ رفعت جين وجه باهت مخطوف وهزت رأسها تستفهم ؟
راما __ انا ست حقانية ومش ممكن اجى على حقك، بعد ما شهر العسل ما يخلص، ادم هيقسم الآيام بينى وبينك
اربع ايام عندى وتلاته عندك
جين __ بدت جين مندهشة، ليس من فكرة راما، على كل حال كان لابد أن يحدث هذا الكلام ان يقسم ادم ايام الاسبوع بينها وبين راما
لكن نبرة راما المستفزة واصرارها على اغضابها بدت لها غير مفهومه
تمالكت جين اعصابها، __ ليه انا تلت ايام وانتى اربعه يا راما؟
راما __ فتحت راما فمها بأبتسامه، دى عايزه سؤال يا جين؟ واردفت بسخريه، انا مراته الحقيقية، انا الى هيخلف منى وريثة واعتقد من حقى يوم زياده
وبعدين انتى زعلانة ليه يا جين ؟ هو هيعمل ايه عندك؟
على حسب معرفتى، ادم مش بيقرب منك من يوم جوازكم
ربنا يشفيكى طبعأ، انا مش شمتانه والله لكن عايزاكى تكونى منطقيه، وفى النهايه احنا كل إلى يهمنا سعادة ادم.
شعرت جين ان ساطور صديء شرخ جسمها نصفين
طلبت من ادم ان يحتفظ بهذا السر بينه وبينها
ان يخبر راما انها فقط لا تنجب، عميقه لأنه من غير المهم ان تتعرف راما على أسرارها
جين __همست بضعف وجسدها كله يتصدع هو قالك كده؟
راما __ ايوة، ادم حبيبى مش بيخبى عليه حاجه من اول يوم !! ثم انتى زعلانه ليه؟ هو المرض الناس بتتكسف منه؟
جين __ لا، مش بنتكسف منه، الحمد لله على كل شيء
بس مستغربه ان ادم قالك على اسرارنا الخاصه ؟
راما ___ بسخريه أسرار ايه بس يا جين تلاقى الدنيا كلها عارفه مرضك!!
_أرادت جين ان تصرخ ان تحطم رأس راما، ربما هذا رد الفعل الطبيعى لما كانت تشعر به
لكن جين وجدت نفسها مهزومه داخلها، نعم كانت مثل جندى اسير فى يد جيش العدو يتلقى الصفعات والاهانات بصمت
__نهضت جين، ركضت نحو غرفتها، لم ترغب ان ترى راما انهيارها عندما وصلت باب غرفتها خرج ادم ورأى جين تدخل غرفتها راكضه وتصفع الباب خلفها
ادم __ فيه ايه؟ حصلت حاجه…
راما __وهى بتحط رجل على رجل،، لا مفيش حاجه
أدم…. امال جين بتجرى ليه ناحيت غرفتها بالشكل الغريب ده؟
راما… ودى عايزه كلام يا ادم يا حبيبى
ادم… تقصدى ايه
راما __مينفعش اقول
ادم… بقلق، قولى من فضلك
راما.. هقول لكن متفهمش جين غلط من فضلك
ادم… ها
راما…دى الغيره يا ادم، مش سهل الست تشوف واحده تانيه فى حضن جوزها
واحده تقدر تديله إلى هى متقدرش تديهوله انا مشفقه عليها بجد، ادم؟ حبيبى ادخل اقعد معاها شويه عشان خاطرى
ادم _هاخد حمام وادخلها
هسمت راما ، هتاخد حمام لوحدك؟
وضع ادم يده على فم راما، تغيرت ملامحها التعيسه واشرق وجهه، ادخلى قدامى من سكات.
انهمرت الدموع من عيون جين، لقد عايرتها راما بمرضها
انها تفهم جيدا حجم السخريه فى نبرتها
بقا كده يا ادم؟ حتى أسرارى الشخصيه قلتها لراما؟
كانت دموع راما غرقت الوساده لما دخل ادم، قرب منها
مالك يا حبيبتى؟ ووضع يده على كتف جين
جين _ابعد ايدك عنى لو سمحت، انا عايزه اقعد مع نفسى شويه
ادم….. جين؟ انا ادم حبيبك، لو فيه حاجه ضايقتك قوليلى؟؟
فكرت جين ان تخبر ادم عن كلام راما
بس كان عارفه كويس ان ادم مش هيصدقها، هيقول ان راما مكنتش تقصد حاجه، وفرت على نفسها الكلام ومسحت دموعها، انا تعبانه شويه مش اكتر
اخرج اقعد من مراتك يا عريس ميصحش تسيبها تقعد لوحدها
همس ادم…. جين؟
صدته جين اخرج يا ادم، اخرج واقفل الباب وراك
بعد الضهر لقيت جين الشقه فاضيه، ادم وراما كانو فى غرفتهم كان واضح انهم نايمين
انتهزت جين الفرصه، دخلت استحمت وخرجت من الحمام تروح غرفتها، كان لابسه قميص ولافه الفوطه على شعرها
مشيت ناحيت غرفتها بسرعه
لكن باب غرفة انفتح وخرجت منه راما
اطلقت راما ابتسامه شعرتها جين تذبحها، ايه إلى انتى عملاه دا يا جين؟
جين من غير ما تبص عليها، عامله ايه يعنى، كنت بستحم
راما بسخريه؟ كنتى بتستحمى؟ ها ها
جين خليكى واضحه عايزه تثبتى ايه باللبس ده؟
عايزه تغرى ادم؟
حست جين بقها عاجز عن الكلام، وجدت صعوبه فى نطق الكلام
انتى ليه بتعملى كده يا راما؟ ليه بتتعمدى تضايقينى؟
راما…. بالعكس جين اسألى انتى نفسك ليه اللف والدوران ده؟ بطلى جين شغل الحربايات ده
•تابع الفصل التالي “رواية راما” اضغط على اسم الرواية
التعليقات