رواية أزوريتا الفصل الأول 1 بقلم هنا طارق
رواية أزوريتا البارت الأول
رواية أزوريتا الجزء الأول
رواية أزوريتا الحلقة الأولى
ـ صباح الخير يا جدو، صباح الخير يا تيتا
• صباح النور يا قلب جدو
* صباح النور يا عيون تيتا
– اومال فين ماما و بابا!
• نزلوا يشوفوا الشركه اخبارها ايه و ماشيه ازاي
– ماشي يا حبيبي، خمس دقايق و هكون حضرت الفطار نفطر مع بعض
• ماشي يا حبيبتي
“انا هنا متخرجه من كلية صيدله و فاتحه صيدليه انا و شريف ابن عمي (و اخويا ف الرضاعه) بنشتغل فيها، و عايشه مع بابا و ماما و جدو و تيتا ف ڤيلا، بابا و ماما يبقوا ولاد عم، جدو و تيتا اهل ماما توفوا من ٤ سنين و عمي و مرات عمي (اهل شريف) توفوا من سنتين”
– احلىٰ فطار لأحلىٰ جدو و تيتا
• رد عليا بضحك: تسلم ايدك يا بكاشه
– بقولك يا تيتا كان في اوردر طلبته و كان المفروض انه هيوصل انهارده متعرفيش وصل ولا لأ ؟
* مش عارفه يا بنتي، اسألي سعاد(الداده اللي بتساعدنا ف شغل البيت)ممكن تكون استلمته
– ماشي، انا كلت الحمدلله
* بالهنا يا حبيبتي
“طلعت صليت، و لبست؛ عشان اروح الشغل، و قبل ما امشي دخلت أتأكد من داده سعاد إنها إستلمت الأوردر”
– يا داده! داده سعاد
~ايوه يا حبيبتي
– هو في اوردر وصل انهارده بإسمي؟
~ ايوه بس انتِ كنتِ نايمه و معرفتش احطه فين ف حطيته ف الأوضه المقفوله تحت
– ماشي يا داده شكرًا، سلام
~ العفو يا حبيبتي، مع السلامه
ف الشغل:
– السلام عليكم، إزيك يا شريف
° و عليكم السلام، الحمدلله، إزيك انتِ يا نونا
– رديت بغيظ: يعم بطل تقولي نونا ديه
° بتدايقك يا نونا؟!
– مش هرد عليك يا رخم، رحمه عامله ايه؟
° رد بضحك: الحمدلله، بتسلم عليكِ
– سلملي عليها و قولها انها وحشاني
° حاضر، عاملين ايه كلكوا؟
– الحمدلله كله تمام
. السلام عليكم، لو سمحتِ عايزه الدوا ده
– و عليكم السلام، حاضر ثواني، اتفضلي
. شكرًا
بعد ٧ ساعات
– يااااه اخيرًا الشيفت بتاعنا خلص
° اه والله الواحد مش قادر، يلا عشان نمشي، هاجي اوصلك و اسلم علىٰ اهل البيت و امشي علىٰ طول
– طب ما تيجي تقعد معانا كام يوم كده
° معلش خليها مره تانيه
– وعد ؟!
° وعد
في البيت:
– يا اهل البيت، انتوا فين، انا جيت
* نورتي البيت يا حبيبت تيتا، إزيك يا شريف يا حبيبي عامل ايه
° بمزاح: الحمدلله يا فوفا، انتِ عامله ايه
* بضحك: يا ولد بطل تقولي يا فوفا انا كبرت علىٰ كده
° كبرتِ ايه بس يا تيتا، انا قبل ما اتجوز رحمه كنت بخاف امشي جمبك الناس تفتكرني خاطب و تقطعي رزقي
* بس يا ولد يا بكاش انت
– اومال فين جدو و بابا و ماما يا تيتا
* جدك نام، و ابوكي قال هيرجع متأخر انهارده من الشغل، و امك جوا ف المطبخ بتحضر العشا مع سعاد
° انا هدخل اشوف ماما زينه
+ ماما زينه بذات نفسها جت لحد عندكوا
° عامله ايه يا حبيبتي، وحشاني اوي
+ لو وحشاك فعلًا كنت سألت عليا او جيت تقعد معانا كام يوم
– رديت عليها بتصنع المواساه: معلش يا ماما بقا خلاص اتجوز و نسينا و مبقاش يجي يقعد معانا
° رد بضحك: بس ي حُقنه انتِ اسكتي، معلش يا حبيبتي بس كنت مشغول جامد الأيام اللي فاتت ديه
+ ربنا معاك يا حبيبي، خليك بقا اتعشىٰ معانا انهارده
° صدقيني لاز…..
+ مفيش اعذار اتعشىٰ معانا و بعدها اعمل اللي انت عايزه
° خلاص ماشي
“اتعشينا و بعدها دخلت اعملهم حاجه يشربوها”
+ رحمه عامله ايه يا حبيبي
° الحمدلله يا حبيبتي والله بتسلم عليكوا كلكوا
+ هستناك تجيبها و تيجوا تقضوا معانا كام يوم
° حاضر يا حبيبتي اخلص بس اللي ورايا و هعمل كده
“اليوم خلص و شريف مشي و كان تاني يوم أجازتي ف طلعت انام شويه”
“صحيت الصبح بدري روَقت اوضتي، و صليت، و افتكرت الأوردر اللي كنت طلبته و اللي كان عباره عن الوان و فرش رسم طلبتهم؛ لإني بحِب الرسم اوي”
– ي ربي ادور عليه فين بقا وسط كل الكراكيب ديه، اهو الحمدلله لقيته، ايه ده!!
“وسط مانا بدور علىٰ البوكس لاحظت إن في باب متداري ورا الكراكيب بس الغريب انه كان مرسوم عليه أشكال و رموز غريبه و الأغرب إني اول مره أخد بالي منه، لأ انا اول مره اعرف إن في باب في الأوضه ديه اصلًا … قربت منه بالراحه و انا حماسي و فضولي متغلبين عليا افتحه اشوف وراه ايه”
– بسم الله، ايه ده، انا فين!!
يا ترىٰ ايه قصة الباب ده؟ ، و تفتكروا ايه اللي حصل بعد ما هنا فتحته؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أزوريتا)
التعليقات