رواية زوجة حسب الطلب خالد ولبني كاملة جميع الفصول بقلم زهرة الربيع

لبنى دفعته بكل قوتها وقالت بغضب… انا الغلطانه انا فعلا غلطانه اني امنت لواحد زيك وجيت معاك هنا

ولسه هتمشي خالد شدها من ايدها وقال بغضب ..تعالي هنا انت رايحه فين

لبنى قالت بغضب…وانت مالك همشي رايح في 60 داهيه مش عايزه اشوف وشك ثاني ومش عايزه الشغله كلها

خالد وقف قدامها وقال.. مش بمزاجك يا حلوه اولا احنا متجوزين يعني متقدريش تمشي من هنا الا لو انا عايز..وثانيا بقى احنا خلاص استلمنا الشغل ومضينا مع الناس ..ومش ناقصه بقى فرهده ..واصلا على ايه كل ده على حته .. ده انت بخيله قوي يا بت

لبنى زقت ايده بغضب.. واخذت مفرش ومخده وراحت فرشتهم على الارض وقالت انا هنام هنا يا رب ما تتهنى بالسرير ابدا عشان انا عارفه بتعمل كل ده ليه علشان تقومني من جنبك وتاخد السرير لوحدك

خالد ضحك ونام على السرير وقال ..انا عايز السرير لوحدي ده انا لو عليا.. الزقك فيا

بقلم زهرة الربيع

لبنى بصتلو بغيظ من كلامو وقالت..وقح بجد

خالد ضحك وقال..والله انا بعمل كل ده لانك عجباني مش اكتر طالعه من عيني يا بت من اول دقيقه امال انا عملت كل ده ليه الصراحه كلك على بعضك تتاكلي اكل

لبنى جسمها قشعر اوي اول ما قال الجمله دي وافتكرت جوز اختها كان دايما يقول لها الجمله المقرفه دي بصتلو بغضب وقالت …اسكت..ما تقولش الجمله دي تاني.. كلكم وسخين الوساخه في دمكم..كلكم زباله…وبقت دموعها تنزل بغزاره

خالد استغرب قوي وقعد بسرعه وبص لها وقال… طب بتعيطي ليه طيب… طب بس خلاص انا اسف.. يا بت طب خلاص حقك عليا مش هعمل كده تاني

لبنى قالت بسرعه وبكا.. انا مش ببكي علشان اللي انت عملته

خالد ضحك وقال …اه يعني عادي اكرره تاني

لبنى بصتلو بغيظ وسكتك

بس خالد نزل جنبها على الارض وبقي سايب مسافه ما بينه وما بينها وهو نايم على جنبه وباصص لها

لبنى بصتلو بغضب وقالت اطلع نام مكانك قوم

خالد ابتسم وقال… نامي بس زي كده مش هقرب لك وعد

لبنى كانت تعبانه ونامت زيو وبقت عنيهم مقابل بعض وابتسم لها ابتسامه جميله وقال… احكي لي بقى اختك ليه مشيتك من البيت

لبنى قالت بدموع ..ملكش دعوه

خالد ضحك بخفه وقال… الموضوع فيه راجل صح

لبنى ..هزت راسها بايوه وهي دموعها بتنزل

خالد مسح دموعها وقال ..جوزها

لبنى هزت راسها بايوه ودموعها بتنزل اكتر

خالد اتنهد بحزن عليها وقال..اما بجح بصحيح وحيوان كمان… بس ازاي تسيبي اختك معاه ليه مقلتلهاش

لبنى بكت اكتر وبقت تقول ..مسمعتنيش حتى صدقته هو مع اني اقسم بالله عمري ما فكرت اخونها..ولما كان بيعدي من جنبي بس كنت بترعب كنت خايفه من اليوم اللي تتجبر تختار فيه ..وتسيبني بالشكل ده.. وهي عارفه ان معنديش مكان اروحه.. احنا معندناش غير خزالي في الصعيد ومش بعاملونا كويس ابدا ..اصلا كان معاهم مشاكل مع ماما الله يرحمها

خالد حس بحزن شديد عليها.. وقال طب هو يعني البني ادم ده عمل معاكي حاجه

لبنى بصت له بزهول وقالت.. انت بتقول ايه لا طبعا ..انا اول ما لقيتو مذودها نادتلها على طول ..قامت صدقتو هو

خالد قال ..اه طبعا لازم تصدقو ده جوزها وفيه بينهم حاجات متتنسيش بالساهل

بصتلو بغيظ وكمل وقال..بس ما تزعليش الصراحه معذور ما هو ما حدش يستحمل القمر ده قدامه 24 ساعه كده ويقعد عاقل ده يبقى معندوش دم خالص لا مؤخذه

لبنى بصتلو بغضب وقالت…انت بتقول ايه انت..لو كان واحد محترم ما يعملش كده.. انا اخت مراته

خالد قال …لا طبعا حرام وعيب وغلط وكل حاجه ومن ابشع الحاجات اللي ممكن تحصل..استغفر الله انا مش ببرأه … بس انا بتكلم على سحرك يا برنسيسه اللي باين يسكر… والمداري يدمر …

لبنى قالت.. طيب طيب يلا اطلع اطلع على السرير كفايه رغي كده

خالد ضحك وقال.. لا معلش اطلعي انتي نامي على السرير ..ولو اني نفسي تنامي على ذراعي يعني..كنتي هتنامي نومه ما نمتيش زيها

لبنى بصتلو بابتسامه وقالت ..بجد

فتح اديه وقال بسرعه..جد الجد تعالي وشوفي هترتاحي ازاي

نطت على السرير بسعاده وقالت انا بتكلم عن السرير..يلا بقى نام تصبح على خير معانا شغل بكره

خالد نزل اديه بياس وقال…على السرير..طيب يا ختى اتخمدي …والله انا ما عارف ازاي هاخدك معايا الشغل كان عقلي فين ..بقوللك ايه على فكره انا دمي حامي قوي اوعي تتكلمي مع حد من الخدم او مع حد من اللي شغالين في البيت او حتى من صحاب البيت ..اقصد الرجاله ها

لبنى ضحكه جامد وقالت… ليه بتغير مثلا

خالد بص لها بغمز وقال.. جدا ..ومين ما يغيرش عليكي يا فلتة زمانك

ابتسمت بكسوف من كلامو وكانت هتنام بس قالت خالد

خالد قال.. عيونه

لبنى ضحكت وقالت.. شكرا

خالد ابتسم وقال العفو.. يا بطه بلدي.. انا في الخدمه في اي وقت ولو حابه تغيري رايك وتنزلي برضه في الخدمه او اطلع انا يعني انا ما عنديش مشكله

لبنى ضحكت جامد وقالت ..مفيش فايده فيك هي شكرا اللي قولتها عقلك راح فين

خالد ابتسم وقال ..وهيه شكرا قليله .انا طول العسل ده كله يشكرني

لبنى ابتسمت وقالت..طب نام بقى ..تصبح على خير

خالد اتنهد وقال..وانتي من اهلي..ما انا الخير كلو بكره تعرفي

لبنى ضحكت وهزت راسها بيأس واخدت نفس عميق وهيه مبسوطه ومرتاحه من جواها رغم جنانو وقلة ادبو لاكن مرتحالو جدا ومطمنه ان فيه حد جمبها لاول مره

في صباح يوم جديد قامت من النوم لقتو جمبها بصتلو بزهول هيه فاكره اخر حاجه انو نام على الأرض قالت بغيظ..خالد..خالد..انت يا اخ…خااااالد

خالد قام بضيق وقال..فيه ايه يا بنتي حرام عليكي ايه الزن ده

لبنى قالت بغضب..اقدر اعرف حضرتك بتعمل ايه هنا .مش قولتلي هتنام على الارض

خالد بص حواليه باستغراب مصتنع وبقى يبص لهدومه وقال بفزع مضحك..يا خراااشي..يا فضحتك يا خالد..عملتي فيا ايه…انا ايه الي جابني هنا

لبنى بصتلو بغيظ وكانت عايزه تضحك على حركاتو وقالت..اممم يمكن انا شلتك ونيمتك هنا مثلا

خالد قال بسرعه..اخ يا غداره صحيح الستات ملهاش امان..وعملتي ايه كمان يا هانم

لبنى وقفت وقالت بسخريه.. روح اكشف وانت تعرف

خالد ضحك جامد ووقف وقال..صباح الجرائه على الصبح وقرب منها

دفعتو وقالت بغيظ بطل قلة ادب..واخلص قولي عملت ايه وانا نايمه

ضحك وبص لعيونها وقال..والله ما عملت حاجه طلعت اتفرج على جمالك شويه وانتي نايمه..محستش بنفسي لما نمت جمبك

لبنى فضلت تبص لعيونه الي بيلمعو وحاولت تصتنع الضيق وقالت..احم..طيب..متتكررش واخدت هدومها ودخلت على الحمام

خالد اتنهد وهو بيبص لطيفها باعجاب وقال…هو فيه ايه..اتحدفتي عليا منين ..ده انا ما صدقت سلسلت القلب وركنتو على جنب

بعد شويه كانو جهزوا وراحوا على الشغل فورا واستلمو شغلهم وبدأو فيه

كانو هم الاتنين في المطبخ وكان خالد شغال طباخ اما هي بتغسل الطباق والحاجات جنبه خالد بصلها و هو بيشتغل وقال..ها بقى كلميني عن نفسك شويه بدل الملل اللي احنا فيه ده

لبنى قالت بتنهيده…لا يعم .. مش هتكلم تاني كفايه الي حكيتهولك امبارح

خالد ضحك وقال ..ندمتي انك قولتيلي ولا ايه

لبنى اتنهدت وقالت..لا مش ندم … بس يعني مش من اول ما اعرفك كده احكيلك الجاجات الخاصه دي يعني

خالد ابتسم وقال …القلب الابيض ميعرفش يخبي…وعلشان كده بيفضل ابيض زي ما هو

لبنى بصت له بابتسامه وقالت.. طب وانت…احكي عن نفسك شويه

خالد اتنهد وقال..انا مفرقش عنك كتير انا يتيم الاب والام كنت عايش مع عمي لحد ما توفى وبعد كده فضلت من شغله لشغله زي ما انت شايفه كده

لبنى قالت بحرج ..طب..احم.. يعني ما فكرتش تتجوز وتستقر ولا معندكش مكان تستقر فيه

خالد اتنهد وقال..لا عندي عندي شقه بابا وماما مقفوله بس انا مش برجح حكايه الجواز دي انا حلو اوي كده

لبنى قالت بسرعه.. لا طبعا مش حلو …ايه الحلو في حياة التشرد دي…انا هنصحك اهو نصيحه اول ما نخلص الشغل ده ونمشي من هنا وكل واحد يروح لحاله تتجوز فورا..ومتضيعش عمرك على الفاضي

خالد غمز وقال …يمكن يكون ربنا اراد واكون فعلا استقريت مين عارف مفيش عليه بعيد

لبنى ابتسمت بكسوف لما فهمت قصده وبقت تكمل تنظيف الاطباق من غير ما تبص له

بعد شويه جات بنت جميله في العشرينات ودخلت المطبخ وبصت للبنى وخالد وقالت..انتو جداد هنا

خالد قال بجديه…ايوه حضرتك

البنت ابتسمت وبقت تبصلو بنظارات اعجاب واضح وقالت انا ..روما هانم بنت صاحب الفيلا دي ..والاوامر هنا بتتاخد مني لحد ما بابي ومامي يرجعو من السفر

ولسه هتطلع بصت لخالد وقالت ..انت

خالد بصلها وشاور على نفسو وقال..انا حضرتك

روما قالت ..اه انت تعالى ورايا.. في حاجه عايزاك ترتبها في اوضتي..قالت كده ومشيت

وخالد حرك بقو يمين وشمال بطريقه كوميديه… وقال احيه… ارتبها..وفي اوضتها… شكلي هتاخر في الترتيب ده وهنترفد في نفس اليوم يا بركة دعاكي يا سوسو ووووو

احيه… ارتبها..وفي اوضتها… شكلي هتاخر في الترتيب ده وهنترفد في نفس اليوم يا بركة دعاكي يا سوسو

لبنى ضحكه جامد وقالت…صفي النيه.. ان شاء الله خير

خالد ضحك وقال..النيه..النيه مهلبيه.. هو خير قوي بس لو مش هنا..لو اتقفشنا هنتسوح

لبنى بصت له بصدمه من كلامه

خالد قال بسرعه وتوتر.. مش وقت تبرقيلي دلوقتي مش وقته خالص…يارب استر

وطلع ورا البنت اللي ندهته على اوضتها

اول ما وصل كان الباب مفتوح خبط عليه وقال..احم ..حضرتك كنتي عيزاني

كانت حاطه رجل على الرجل وقالت… اتفضل دخل

شوف.. عايزاك توضبلي السرير ده بس ترتيبه حلوه على زوقك

خالد بلع ريقه وقال..بس انا طباخ ..حضرتك وده مش شغلي

روما قربت عليه وقالت… مش هتفرق كثير المهم ان شغلك يعجبني

خالد بعد بسرعه وقال.. اه اوبا …لا ما هو حضرتك انا مبعرفش خالص

روما قالت بدهشه…نعم ..مبتعرفش

خالد قال بسرعه …لا لا انتي فهمتي ايه انا قصدي مبعرفش ارتب الاوض لاني ما اشتغلتهاش قبل كده بس هبعت لك حد من تحت ..عن اذنك ولسه هيمشي

مسكت ايده وقالت .. استنى انا متاكده انه هيعجبني بس جرب

لسه هيتكلم جات لبنى ودخلت فورا وقالت.. خالد

خالد بصلها باستغراب وروما بصتلها بغضب وقالت.. انتي ازاي تدخلي كده من غير حتى ما تخبطي على الباب

لبنى قالت بسرعه..اصلي يا هانم معلش انا اسفه اصل ده الطباخ وسايب الاكل على النار وما حدش عارف ياخد باله عليه والاكل هيبوظ

روما قالت… طيب انزل انت دلوقتي بس لسه هنكمل كلامنا وقت تاني

خالد هز راسو بالموافقه و نزل مع لبنى

نزلو يوا وهما متوترين قوي بس اول ما قفلت اوضتها بقوا يضحكوا جامد سوا وخالد قال..برافو عليكي والله

لبنى ضحكت وقالت.. اي خدمه..ولو اني عارفه ان الخدمه انك تفضل فوق… لكن صحيح ليه كنت خايف يعني

خالد اتنهد وقال مش خايف..بس انا بلاقي الشغل بالعافيه والموضوع اللي هي عايزاني فيه ده اخرته رفد لا محاله… يلا خلينا نشوف لنا شغل

و نزلوا وبقم يشتغلوا سوا لحد اخر النهار ورجعو على سكنهم بتعب شديد واترمو على السرير هما الاتنين في نفس الوقت

لبنى قالت بتعب…اااه… انا اول مره اشتغل الشغل ده تعبانه بجد

و لسه هتقوم شدها من ايدها وقال… لبنى..انا حابب اتكلم معاكي في موضوع مهم

لبنى بقت تبصلو وقالت..طب ينفع تسبني ونتكلم

خالد قرب اكتر وقال… لا ما ينفعش.. بقولك ايه انا حابب نخلي جوازنا حقيقي حاسس ان ربنا جمعنا لحكمه معينه ..انتي ملكيش حد وانا كمان خلينا نبقى سند لبعض في الدنيا

لبنى دفعتو وبعد وقالت …وانا يوم ما الاقي سند الاقي واحد زيك فلاتي وكل يوم عند واحده…عشان يومين ثلاثه تروح تريل على اقرب واحده تلاقيها في طريقك

خالد اتنهد وقرب منها وقال …شوفي..انا..انا عارف ان الي حصل من جوز اختك مخليكي فاقد الثقه في الرجاله ..واصلا تصرفاتي متطمنش…بس انا جايز اكون واخد حريتي دلوقتي بس ده لاني مش بأذي حد.. انما لو كنتي فعلا مراتي وقررنا نبقى سوا فمستحيل اخونك صدقيني

لبنى بقت تبصلو وقالت بتوتر انا…انا مش جاهزه يا خالد ..بس ممكن احاول

خالد ابتسم وقال.. خدي وقتك انا حاسس اننا هنتفاهم قوي كل ما اقربلك قلبي بيدق جامد زي ما يكون بيقولي هي دي

لبنى نزلت عيونها بكسوف

خالد بقى يبصلها وقرب منها

لبنى بقت تحاول تبعده ودفعته وبعدت وقالت بغضب وبعدين معاك انا مش قلتلك هحاول ..طب ايه رايك لا هحاول ولا زفت وهتطلق منك كمان

ووقفت بعيد عنو وهيه مكتفه اديها بغضب

خالد ابتسم وقرب منها وقال .طب ما تزعليش حقك عليا هستناكي قد ما انتي عايزه.. بس عايزك تعرفي اني خلاص نويت اني عايزك انت وبس يا ريت تديني فرصه

لبنى ارتبكت قوي وقالت… ماشي موافقه بس من غير قلة ادب وتلزم الاحترام معايا

خالد قال… واخر احترام.. انت بس جربي..وانا هاحترم فيكي للصبح

دفعته بغيظ وقالت .. ما فيش فايده فيك اصلا..وراحت تنام وهيه بتظهر الغضب بس من جواها مبتسمه ومبسوطه جدا

خالد نام على الارض وقال..امتى يجي اليوم اللي ننام فيه سوا على السرير الغلبان ده والله بيصعب عليا

لبنى ضحكت ونامت وقالت..ما انت ونستو امبارح يلا نام يا اخويا ما يصعبش عليك غالي

خالد ضحك وقال..على راحتك يا جميل بكره تندم وتميل

و في صباح يوم جديد قامت من النوم وفتحت عينيها لقتو برضو جمبها على السرير

لبنى اتنهدت وقالت… اللهم طولك يا روحي عايز ايه صحتني من النوم

خالد قال.. المفروض تصحي احنا هنتنفخ لو تاخرنا اكتر من كده

لبنى قامت بتعب وقالت… انا تعبت خالص امبارح مش قادره اشتغل تاني

خالد ضحك جامد وقال..يا حلاوتك هو انت لحقتي عملتي حاجه..يلا بلاش كسل قومي استحمي علشان عايز الحمام انا كمان

لبنى قامت ودخلت تستحمى و بعد شويه خرجت وبقت تنشف شعرها

خالد اتجمد مكانه بزهول وهو بيبص لشكلها وقال بتعملي ايه

لبنى قالت بلا مبالاه عادي بنشف شعري ..هخلص بسرعه متقلقش

خالد شدها عليه بقوه وقال.. بتنشفي شعرك… ده انتي نشفتي ريقي .. انتي ازاي تطلعي كده

لبنى استغربت وقالت ماله كده

خالد قال …يا حلاوتك….بقول لك ايه يا بت انتي طالعه من عيني والمصحف.. ما تحني على الغلبان اللي معاكي ده واهو كله بالحلال

لبنى ابتسمت بسخريه ودفعته وقالت.. على اساس بيفرق معاك الحلال من الحرام ..يا ابتاع سوسو

خالد ضحك وقال ‏ ..وانتي تيجي ايه في سوسو وحلاوه سوسو ..ده انت لو شوفتي سوسو

لبنى اتغاظت وقالت بضيق ..من غير ما اشوفها اكيد حاجه رخيصه زيك

خالد ضحك وقال.. هو الصراحه الحلاوه كلها انتي..و الشقاوه انتي والدلع انتي

لبنى ضحكت وقالت..هو انت يا ابني متبرمج على قلة الادب اربعه وعشرين ساعه

خالد قال …لا طبعا..بس القمر لازم يتقلو انت قمر والقلب في هواك بقى في خطر

لبنى ابتسمت وقالت ..طيب يا عم الشاعر ممكن بقى تدخل الحمام تستحمى علشان انا عايزه اغير

خالد قال طب ما تغيري هنا لازم ادخل

لبنى قالت.. وبعدين يا خالد..كده مش هنخلص

خالد اتنهد وقال…طيب حاضر هدخل اهو ودخل جوه الحمام وهيه لسه هتغير بترفع هدومها وجه طالع وقال نسيت الهدوم بتاعتي

نسيت الهدوم بتاعتي

لبنى شهقت ونزلت هدومها تاني وقالت بغضب …انت قاصد على فكره

خالد ضحك وقال بمشاكسه.. نسيت الهدوم في ايه…اه بس لو استنيت تلت ثواني كنت لحقت العرض الاول

هزت راسها بياس من حركاته وهو دخل على الحمام تاني

لبنى لبست وجهزت وكان خالد خرج من الحمام ولبس

هو كمان وراحو على الشغل من تاني

بقم يشتغلو سوا مع بعض ببيمات وسعاده من الطرفين كل واحد لقى الشخص اللي ناقصه اللي هيكمله حياته ويعوضوا عن اللي فات ومرت ايام على الحال ده..وكانو بيقربو من بعض قوي و تعلقهم ببعض يزيد جدا وبقوم يعملوا كل حاجه سوا

وفي يوم لبنى كانت مبسوطه قوي جريت على خالدوحضنتو بقوه وبقت تقول.. انا قبضت يا خالد.. قبضت قبضت بقى معايا فلوس

خالد ضحك وقال…مبروك تصرفيهم بالهنا .. كل ده علشان الفلوس انا مستعده اديكي مرتبي كلو لو هتحضن كده

ضحكت بكسوف وبعدت وقالت..لا طبعا مش علسان الفلوس بس انا اول مره اشتغل وامسك مرتب في ايدي من تعبي .. يعني كنت طول عمري بابا بيصرف عليا وبعد كده بقيت اصرف من الفلوس الي سبهالنا وعمري ما اشتغلت واعتمدت على نفسي كده

خالد اتنهد بحزن وقال….بس انا لو بايدي ولا تشتغلي ولا تتعبي ولا تعملي اي حاجه تبقي اميره كده…و تحكمي قلبي وبس ..هيجي يوم واكون انا وانتي لوحدنا ومستتك في بيتك ومريحك على الاخر انا حاسي ان ربنا هيحققلي الامنيه دي

لبنى ابتسمت وقالت.. انا مبسوطه طالما انت جنبي مش عارفه اقول لك ايه بس انا اتعودت عليك قوي يا خالد مبقتش اقدر اقعد دقيقه من غيرك

خالد ابتسم بسعاده وقرب وقال.. ده اسمه حب..قولي بحبك يا خالد

لبني وقالت… لا مش للدرجه دي

خالد قال.. ليه بس دي سهله قوي… شوفي كده.. بحبك يا لبنى بعشقك يا بت دايب في عينيكي الحلوين دول

بقت تبصلو بابتسامه جميله وقالت..احم..انا..انا بحبك يا خالد..الظاهر كده

خالد بقى يلف بيها و قال بسعاده يا لهووووووووي على الجمال ..يا فرحتك يا خالد.. ده خالد هيولعها النهارده

لبنى ضحكت وقالت.. بس يا خالد بقى بتكسف احنا في المطبخ احسن حد يدخل

خالد قرب منها في لحظه جميله متبادله

بس فاقو على صوت روما يتقول بغضب.. انتو بتعملي ايه هنا في المطبخ الله الله

بعدو عن بعض بسرعه ولبنى خافت جدا واتوترت واتكسفت قوي وروما قالت.. اسمعي انتي النهارده اجازه وكل الخدم اصلا اجازه و بصت لخالد وقالت وانت حصلني على اوضتي عايزاك في شغل..و بصيلو بسخريه وقالت..متقلقش شغل هتعرفلو… تقريبا نفس الشغل اللي انت بتعمله هنا..عشر دقايق وتحصلني

وطلعت على اوضتها

لبنى اتجمعت الدموع في عيونها وقالت بسرعه.. اوعى تروح هطلع عينك يا خالد

خالد ضحك جامد وقال.. يا بت هشوفها عايزه ايه بس واحاول اتكلم معاها

لبنى قالت بغضب اكبر.. لا يا اخويا اهي واضحه عايزه ايه ما انتاش رايح لا

خالد اتنهد وقربها ليه وقال انا اسيب الدنيا كلها علشان عيونك

لبنى بقت تبصلو بعشق وهو قلع لها المريله بتاعه المطبخ..وقلع هو المريله بتاعته

لبنى قالت باستغراب انت بتعمل ايه

خالد مسك ايدها وقال بحب… همسك ايدك ومش هسيبها ابدا ..ورزقي ورزقك على الله

ابتسمت بدموع وقالت قصدك هنسيب الشغل هتسيبه علشاني

خالد ابتسم وهو بيبص لعيونها وقال.. انا جيتوا علشانك واسيبه واسيب 1000زيه علشانك

لبنى ابتسمت بدموع وهو شدها من ايدها وطلع من باب المطبخ من غير حتى ما يقولوا لروما انهم ماشيين

راحو سوا على الاوضه واخذوا شنطتهم وطلعوا بسرعه على المحطه بعد شويه كانوا في القطر وكانت لبنى حاطه راسها علي كتفه بسعاده وقالت…انت مش هتصدق السعاده الي انا فيها

خالد ابتسم وقال..فرحانه علشان سبنا الشعل..ده احنا مش معانا غير الفلوس الي قبضناها انهارده

لبنى ابتسمت وقال..لا انا مبسوطه لانك عمات كده علشاني سبت الشغل وسبت كل الحاجات دي وسبت البنت نفسها مش مصدقه والله

خالد ابتسم وقال.. انتي اصلك ما تعرفيش قيمه نفسك انتي اهم مكسب ليا انتي بجد الانجاز الوحيد في حياتي

لبنى بصت لعيونه بحب و قالت… انا بحبك اوي

خالد ابتسم وقال..و انا بموت فيكي… كانت اجمل حاجه حصلت في حياتي اني قابلتك يا ريتني عرفتك من زمان قوي

لبنى ابتسمت بسعاده ولسه هترد الفون بتاعها بقى يرن

مسكت الفون وبصت لاسم باستغراب وكان اتصال من اختها قالت بدهشه.. دي معالي غريبه اوي

خالد لما شاف ملامحها استنتج وقال..دي اختك

لبنى قالت اه هيه..غريبه اوي دي من يوم ما مشيت ما اتصلتش عليا ابدا وردت وقالت.. الو ايوه يا معالي

جالها صوتها وهي بتبكي بشده وبتقول.. لبنى حبيبتي انا اسفه يا حبيبتي انا اسفه شكيت فيكي سامحيني يا حبيبتي وارجعي..انا..انا عرفت انه خاين وزباله وقبضته مع واحده من الجيران كمان..انا اسفه يا حببتي ارجوكي ارجعي

لبنى ابتسمت بسخريه ونزلت دموعها على حالة اختها وقالت بدموع… خدي بالك من اولادك يا معالي ويا رب تتعلمي وما تسمحيش للشخص ده تاني يدخل حياتك لانه انسان قذر..و بالنسبه لي انا ما تقلقيش عليا ابدا

ومسكت ايد خالد جنبها وبصت لعيونه وقالت… انا بعيش اجمل ايام حياتي متقلقيش عليا خالص انتي اصلا محتاجه شكر على اللي عملتيه معايا وانا مسمحاكي

لبنى قفلت مع اختها وهي بتبص له بحب وهو شدها ليه حط راسها على كتفه وقال… هنرجع على بيت ابويا وامي هنفتحه ونعيش فيه وهاشتغل اي حاجه هناك المهم نكون سوا

لبنى قالت بحب شديد.. معاك حق اهم حاجه تكون جمبي انا ماصدقت لقيتك يا خالد..ربنا يعوضني بيك

خالد بص عيونها بعشق واضح وقال ..هيعوضك باذن الله هيعوضنا سوا وهحاول بكل طاقتي اسعدك وانسيكي اي حاجه وحشه عشتيها يا حبيبتي هتبقي اماني وسكني وكل اللي طلعت بيه من الدنيا..بحبك يا لبنى..بعشقك اجمل قلب قابلتو