رواية عهد بحب كاذب الفصل التاسع 9 بقلم مريم احمد
هزت داليا راسها و هي مش مقتنعة بكلام عهد اصلا
و سمعت صوت رحيم و هو بيقول لصادق بثقة
رحيم…لا العفو يا عمي ازاي طبعا
صادق…اومال ايه طيب م انت اللي بتقول اهو
هز رحيم راسه بتأكيد و هو بيقول لصادق
رحيم…عمر شافلي وظيفه معاه ف الشركة بمرتب كويس و هبدأ شغل من الاسبوع الجاي بإذن الله
هز صادق راسه بتفهم و صفاء مامة رحيم اتكلمت و هي بتقول لهالة
صفاء…اومال فين العروسة با هالة
هزت هالة راسها و هي الابتسامة على وشها و قالتلها
هالة…ثانية واحدة
و دخلت لداليا اللي كانت متوترة لما عرفت انهت هتخرج
هالة…صفاء بتسأل عنك
بصت داليا لعهد بتوتر و عهد قالتلها بحكمة و هي مبتسمة
عهد… مش عايزاكي تتوتري خليكي عندك ثقة ف نفسك كدا هما اللي جايين يطلبوا ايديكي و هما اللي متوترين مش عارفين هتقبلي ولا هترفضي
ابتسمتلها داليا و هزت راسها بعد م كلام عهد شجعها. و قالتلها
داليا….تعالي اخرجي معايا
هزت عهد راسها و طلعت معاهم و اول م صفاء شافتها فضلت تمدح فيها و تقول كلام زي ” تبارك الله ” ” الله اكبر جميلة اوي ” و كلامها خلى داليا تتكسف
سلمت داليا عليهم و عهد ابتسمتلهم و فضلوا قاعدين شوية ميتعدوش العشر دقايق و رجعت هي و عهد للأوضة تاني و هي فرحانة
عدى وقت بسيط و مشي رحيم و اهله و اول م داليا سمعت صوت باب الشقة بيتقفل خرجت بسرعة لعمها عشان تشوف رأيه بس وقفت مكانها بصدمة و خوف لما شافت تعابير وش صادق غير راضية بتاتا و باين عليه انه مش موافق و دا خلاها خايفة تسأله حتى احسن يقولها انه مش موافق و ف نفس الوقت ابتسمت على نفسها بسخرية لما افتكرت امبارح و هي خايفة عمها يرفض و بالفعل اللي كانت خايفة منه حصل من وجهة نظرها ووووو
استغفر الله العظيم الذي لا اله الا هو الحي القيوم و اتوب اليه عدد خلقه و رضا نفسه و زنة عرشه و مداد كلماته
لمتابعة باقي الرواية زوروا قناتنا على التليجرام من هنا
جاري كتابة الفصل الجديد للرواية حصرية لعالم الشروق للروايات
التعليقات