ميار….انعزلت وحدي اكثر الوقت افكر بكلام ابوي وابجي
هسه يله حسيت طعم الندم
ندمانه والندم ياكل بكلبي ابوي مات بسببي
ليش هيج سويت بنفسي
بيت عمي كلهم يحاولون يطلعوني من هاي الحاله
خطيه يكعدون يحجون وياي يجيبولي شغلات
عمي كلما يطلع ويرجع يجيبلي علاكة حلويات
يوصي بلبنات يكعد يمي ويسولفن وياي
يكللهن ابد لا تعوفنها وحدها
ام محمود اجيبلي ملابس معطرات بس اني مااكدر اطلع من هاي الحاله
كاعده بلغرفه وساكته لا اطلع ولا ادخل ولا الي شغله بااحد جاي اعاقب نفسي على الشي الي سويته
ام محمود….ليش ماتقرين مو الامتحانات قربت
ماكنت اكدر اكول اني راسبه بكل المواد وماداخله بكلوريا
استحيت منهم رديت عليه
ميار…مااكدر اقرا ولا راح امتحن خليها على السنه الجايه
من اجا عمي زوجته كالتله ما تقبل تمتحن
عمي….حبيبتي ليش ما تمتحنين راح اضيع عليج السنه
حرامات اذا اكو شي ما تفتهمينه محمود موحود ويقريج
بس لا اضيعين هاي السنه
ابوج كان حلمه تنجحين اذا تحبينه امتحني
فرحي بكبره واي شي تردي اني مستعد
ميار….مااكدر فدوه لحد.يضغط عليه مااكدر عوفوني بحالي
فدوه لحد يلح عليه
كانو يخافون عليه لان يشوفوني كل الوقت منطويه على نفسي وعازله روحي ومااحجي ولا اشاركهم بااي شي
سكتو بعد محد فتح هذا الموضوع وياي
كنت عايشه مثل الاميره بيتهم محد يقرب عليه
يخلون الاكل كدامي حتى ملابسي البنات يغسلنهن
اغلب الوقت نايمه
ومن اكعد اكلب بلموبايل نادرا مااحجي واي اي احد بيهم
بعد الأربعين عمي صفا البضاعه الي بمحل ابوي
باعها وخله الفلوس بحسابي بلمصرف بعد ما طلعلي دفتر مصرفي
كلشي كان متوفر وحياتي عدهم مثاليه جمانه السعيدي
بس اني ما مرتاحه احس ماكو شي يفرحني مااكدر افرح
رحنا اني البنات البيتنا حتى نجيب ملابسي وكل الشغلات
المهمه اول مادخلت للبيت شميت ريحة ابوي
كل ركن احسه موجود
اذكرت شلون وكع ومات كمت ابجي
وتحسرت على الايام الي فاتت اني السبب
ضيعت كلشي بلحظه طيش
اخذت ملابسي وشغلات المهمه ورجعت بيت عمي
مرت الايام واني مااكدر تختلط ببهم ولا اكدر اكعد وياهم
ضايجه ومتملله وتعبانه ومالي خلك
شكد حاولو يشاركوني بحياتهم اليوميه بس اني مااقبل
مبتعده ومنطويه على نفسي
عمي….تجين نطلع
ميار…مااربد
عمي…ليش حبيبتي ليش عازله نفسج
ميار…مااريد اطلع
عمي…نتمشى اني وياج لو تردين نروح للمول
لو اخذج مدينة الالعاب
ميار…مااريد
عمي….مايصير هيج الموت علينا حق كلنا نموت
مو راح يصير بيج شي من كد ما حابسه نفسج
انتي حتى ماتكعدين ويانه حبيبتي اني اخاف عليج
انتي جنتي كلج حيويه ونشاط جمانه السعيدي
وهسه صرتي حزينه ومنعزله اني اريدج اطلعين تغيرين جو
ميار….اني اذا اريد اطلع اجيك اطلعني هسه مالي خلك للطلعه ابد
عمي…براحتج
ست اشهر بعد وفاة ابوي واني منعزله عن كل العالم
ونادرا مااحجي ويا بيت عمي
من بعدها عمي قرر يقدملي خارجي حتى اقرا احسن ماكاعده وساكته
جابلي كتب وبديت اقرا المواد صعبه واني طول ذني السنتين مامركزه بلدراسه مخلصتها لعب
استحي اطلب من عمي ادخل دروس خصوصيه
وخاصه همه يعرفون سوالفي القديمه كلها
كنت أحاول كد مااكدر اقرا بس مجاي افتهم هلكد
بعد مرور سنه على وفاة ابوي خلال هاي السنه اني رحت زرت قبر ابوي ٣ مرات عمي اخذني
كلما يروح للنجف ياخذني وياااا
اكعد ابجي والطم يم قبر امي وابوي بس شنو الفايده اني صرت وحيده بعد الدموع والندم ما تفيد
بعد مرور سنه على وفاة ابوي
عمي قرر يطلب ايدي المحمود
محمود.من سمع تخبل كان رافض الموضوع رفض قطعي
سمعته يكول العمي هاي ام الولد اني ازوجها
كلش ضجت من كلامه بس ولله حقه هو لزمني اكثر من مره طالعه وياا ولد وكل مره طالعه وياا واحد شكل
فعلا اني موخوش انسانه ومااستاهل محمود
محمود موضف وخوش ولد مرتب الف وحده تتمنى
حتى جكاير مايشرب ولا عنده سوالف بنات
يستاهل وحده احسن مني الف مره اني ضيعت كلشي
بغبائي وحماقتي
اني سويت نفسي ماادري ولا عبالك اعرف بالموضوع
بس عمي مابطل يلح على محمود
محمود….مااريدها هي كوه
عمي…بت عمك ويتبمه وين تروح اني ماامن عليها واي اي واحد غريب انت اكثر واحد تكدر تحافظ عليها
محمود….انت تعرف هي كل يوم جانت تمشي وياا واحد شكل
عمي…جانت زغيره وطايشه ابوها يخاف عليها بعد ما امها انتحرت دللها وانطاها الحريه اكثر من الازم
محمود…ولو مااريدها وكحه وطالعه من الطريق
عمي…صار سنه عايشه ويانه حتى من الباب ما تطلع
انكسرت بعد موت ابوها سامحها وابدي وياها من جديد
تكسب ببها اجر وثواب
انت علمها على الصح علمها عليك خطيه مكسوره ووين تروح اني مادايم الها
انت اكثر واحد تكدر تحافظ عليها وتحميها
محمود…مااريدها
عمي…واني مراح اخطبلك وحده غيرها لو تزوج ميار لو ماكو زواج فكر زين
شهرين عمي يركض ورا محمود ويلح علي على موضوع الزواج ومحمود معند مايقبل جمانه السعيدي
اني احس نفسي لا حول ولا قوه
لان اني فعلا غلطانه بعلاقاتي السابقه
وبعدين اني عايشه بيتهم تحت رحمتهم مالي احد غيرهم بلدنيا بعد
وهم يعاملوني احسن معامله بلدنيا من جنت بيت اهلي
محد عاملني هيج
شايليني على كفوف الراحه شيل
اي قرار راح يكول علي عمي راح اقبل بي واني ساكته
قبل عاندت ابوي وما سمعت كلامه لمن ضعت
بعد مستحيل افرط بكلام عمي
رغم اني ابد ما احب محمود ولا مقتنعه بي
بس اذا عمي كال تزوجينه ازوج واني ساكته
على الاقل ابقى عايشه بيت عمي
بعد اربع اشهر من الحاح عمي على موضوع الزواج
قبل محمود يخطبني
بس ما مقتنع بهاي الزواجه قبل علمود عمي
قبل بسبب الحاح عمي علي
اجاني عمي الغرفتي كنت كاعده وخاله الكتاب كدامي احاول اقرا
عمي….شلونها بنيتي الحلوه
ميار…الحمد لله
عمي…يمته ناويه تعوفين الاسود مو خالتج ام محمود جابلتج ملابس اللوان ليش ما تلبسبن
ميار….علمين لابسه اللوان شنو الي يستاهل البس اللوان علموده
عمي….اني اليوم اريد اطلب ايدج المحمود
انتي بنيتنا ومحد غيرج تستاهل محمود محمود عاقل
ويكدر يحافظ عليج
ميار…الي تشوفه صح سوي اني بنتك ومراح اخالف اوامرك
عمي…بارك الله بيج عفيه بنيتي من باجر ترحين انتي وأم محمود اختاري الذهب والملابس
ميار…ماكو داعي لا تكلف على نفسك
عمي….لا المهر من حقج ومن حقج تشترين اي شي يعجبج اريدج احلى عروس بلدنيا
ميار…ولله ماكو داعي اني قابله بااي شي
عمي…. الي اكول علي يصير باجر ترحين تشترين اي شي يعجبج
ميار….اني مااروح خاله تروح تشتري
عمي….انتي روحي جيبي اي شي تردي على ذوقج
ميار….خاله ذوقها حلو خليها هي تروح تشتري
بس مااريد هواي وهوسه شي قليل كافي عليه
عمي…بكيفج مبروك الف مبروك
ميار…شكرا
التعليقات