البارت الثالث عشر
جمانه السعيدي
ميار…اول مادخل محمود للغرفه اتوقع اني نايمه
اصلا اني ما مخليه رمز
بعدا ماعنده ثقه بيه جاي يدور وراي بلكت يلكه شي
ويلزم عليه لزمه
بعد مااخذت العلاج صرت احسن
انزل كل يوم اخلص شغلي واصعد اكلب بلتليفون
وانام قبل لا يرجع محمود
خلصت اشهر الحمل اول مادخلت بلشهر التاسع
خلصت اسبوع صار عندي طلوك
من اليل عندي وجع نزلت يم خالتي
ميار…خاله عندي وجع
خالتي….كل شكد يجي الوجع
ميار….كل عشر دقايق لو ربع ساعه يجي الوجع ويروح
خالتي….خل افور ماي وهيل
شربت ماي وهيل وضليت اروح وارجع كلهم نايمين بس اني وخالتي كاعدبن
بااذن الصبح اشتد عليه الوجع
محمود نايم فوك لا نزل ولا سئلني ليش نزلتي ولا يدري شكووو
خالتي كعدت عمي صلى صلاة الفجر واخذنا اني وخالتي بلسياره للمستشفى
اول مادخلت فحصتني الدكتوره المناوبه
كالت اي عندج ولاده اتحركي شويه علما نجهز صالة الولاده
اشتد عليه الوجع حيل كمت اعيط بصوت وعالي
ولج يمه الحكيلي راح اموت
دخلوني غرفة الولاده وبدت الممرضه اجيبني تحت إشراف الدكتوره
شفت الموت بعيوني اعيط بكل صوتي
متت اريد اشرد من كد الوجع
منا لمن نزل الطفل كصت السر الممرضه ولفته ونطته الخالتي ورجعت عليه نضفتني
عمي اتصل على محمود يدك التليفون ومايرد عليه
رايح بسابع نومه
ورا عشر دقايق اتصل علي وبقا يلح بلاتصال منا لمن رد علي
عمي…مبروك اجاك ولد
محمود…الله يبارك بيك
عمي….تجي للمستشفى
محمود…مو تكول جابت بعد اني شعندي جاي من تجون واشوفها
لملمتني الممرضه وغيرت ملابسي وسجلوا الطفل حتى يطلعوله بيان عمي سما حسن
طلعنا من البيت الساعه خمسه الفجر ورجعنا الساعه سبعه ونص
البنات كاعدات ومجهزات غرفتهن حتى يساعدني على الطفل وهم خالتي ماتكدر تصعد وتنزل كل شويه
لكيتهن محضرات جربايه وفارشات عليه فراش جديد
تمددت وتغطيت
ميار…اريد اسبح بيه زفره وريحه موطيبه
خالتي.. اي اني هسه اجهزلج الحمام خالتي اخذت حسن سبحته وكمطته حتى ينام
بعدين اني دخلت للحمام سبحت وبدلت طلعت البنات مشطن شعري وعطرني
نزل محمود من فوك صادف يوم جمعه يعني ماكو دوام
خالتي بلمطبخ
خالتي…مبروك يمه محمود الف مبروك
محمود…الله يبارك بيج
شفت خالتي دفعته وكالتله روح بارك الزوجتك
دخل للغرفه
محمود…صباح الخير الحمد لله على السلامه
ميار…الله يسلمك
دنك على الطفل وباسه واني ماقرب عليه ولا حضني ولا باسني مبروك من بعيد وطلع من الغرفه
جمانه السعيدي
راح احجيلكم محمود ليش هيج يتصرف وياي
محمود يعتقد ابوي الله يرحمه من جان قاسي ويانه اني وامي ويعاملنا بلغلط والضرب والقسوه
كنا نمشي صح وماكو اي غلط
من امي انتحرت وابوي رخه الحبل على الاخر وعافني اتصرف بكيفي كمت اغلط كمت اسوي علاقات
جبتله العار من تصرفاتي هاي
محمود يحاول يقلد ابوي بتعامله السابق وياي
يعتقد القسوه والتحكم والعصبيه والخوف هي الي راح
تخليني انعدل وامشي صح ومااغلط
مايعرف تصرفاته هاي خلتني اكرها واتمنى اخلص منه
اني هسه يتيمه وماكو احد يحس بيه محتاجه حنان وعطف واهتمام ما محتاجه قسوه وعنف وضرب
بعد اسبوع واني انام جوه بغرفة البنات ماصعدت فوك ابد
ومحمود ماله شغل بيه
لا يسئلني شنو محتاجه ولا ليش ماتصعدين
البنات ياخذن الولد يمه برا يبوسه وبس
عاشر يوم صعدت الغرفتي
نضفت الغرفه وغيرت الجرجف وعطرت المكان
صعد لكاني فوك
محمود…هااا اليوم صعدتي فوك
ميار…اي هذا بليل كل شويه يكعد ومايخلي البنات ينامن
محمود…لا يكون يبجي بليل ويزعجني
ميار…طبعا يبجي غير زغير
محمود…اذا يبجي لازم اشوفلي مكان انام بي اني عندي دوام ومابيه حيل العياط
محمود كله قسوه من راسه الحد رجلي
لا كال مشتاقلج ولا كال اني اساعدج على حسوني
ولا كال شنو اجيبلج
اهم شي عنده ينام مرتاح
بليل كعد حسوني اول مره بلثنتين كام يبجي
محمود.. اهو شلون ما انام غطه راسه بلمخده ماكدر ينام
اني غيرت حفاضته ورضعته وكمت افرك بضرها خاف عنده مغص
نام حسوني للساعه اربعه رجع كعد
محمود…اهوووهاي السالفه ما تخلص
اخذ مخده والغطى وطلع من الغرفه
انزعج من صوت حسوني
اني بدلتله وغيرت الحفاظ ورضعته شويه ورجع نام
اني هم نمت
الساعه سبعه ونص صعد محمود فتح الضوه وبدل ملابسه
سبح بلعطر الغرفه صارت عباره عن عطر ونزل
عاف الباب مفتوح والضوه مشتعل
كمت طفيت الضوه وطبكت الباب ونمت
للساعه عشره يله كعد حسوني غيرتله ونزلت جوه اساعد خالتي
اليله الي بعدها محمود ماصعد فوك جمانه السعيدي
محمود.. اني اريد فراش هنا بأصاله مااصعد فوك حسون ما يخليني انام بليل لو انتي وابنج تنزلون واني انام فوك
خالتي…ياا وين تنزل خليها بغرفته انت نام هنا تريد تبهذله
هي وابنها وملابسه نازله جوه
فرشت المحمود ونام جوه واني صعدت اني وابني الغرفتي
اول مانام حسوني تقريبا الساعه ١١ ونص واني اخذت ملابسه غسلتهن وشريتهن ورجعت للغرفه بس دخلت سمعت صوت رساله
فتحت التليفون
….مشتاقلج موت
ميار…كلبي كام يدك على السريع
بس قربت الرساله كلبي يكول هذا ادم مارديت علي
….ليش ماتردين اني كلش زعلان عليج كل هذا الوقت وما سئلتي عليه ماكدرت انساج مو بيدي
ميار…منو انت
ادم….لا صدك يعني حتى رقمي مسحتي مجاي اصدك
البنيه الوحيده الي حبيتها من كل كلبي ما سحه رقمي وما تسئل عني
اني ليش ماعندي حظ اول انسانه اتعلق ببها واحبها
تعوفني لا تسئل ولا تذكر ولا الها شغل بيه
ميار…كول منو لو احضر الرقم
ادم…لا هيج هواي عليه اني صخام ادم كل هذا الوقت ادور عليج
تالي اعرف ازوجتي ليش هيج ماكو صبر
غير تنتظرين وتشوفين اني شنو صار وياي ليش اختفيت
ميار….ولله اتصلت على رقمك الف مره ودزيت رسايل
لمن مليت وماخليت مكان مادورت عليك بي
ووين جنت لو تعرف ضروفي وشصار وياي
ادم….اكيد مو اتعس من ضروفي اني انصب عليه
واخذو فلوسي ولبسوني قضيه كنت بلسجن
شريكي بلعمل طمع بلفلوس اخذهن مني وسجل عليه قضيه نصب وحتيال وجاب شهود
على اساس اني ماخذ بضاعه من المحل وبايعها لحسابي
الفلوس اخذهن يعني مابقى عندي فلوس حتى اخلي محامي وجاب شهود زور وثبت القضيه عليه
دخلت سجن ماكدرت اتواصل وياج
طلعت قبل يومين بس حالي اسوء حال
كلشي مر عليه بكفه ومن سمعت انتي مزوجه بكفه ثانيه
لو باقي بلسجن ولا سامع هيج خبر
اني ما محضوظ هي كوه الانسانه الوحيده الي حبيتها وتعلقت ببها عافتني وزوجت
ميار….ولله شكد دورت عليك ماخليت مكان ماسئلت عليك
وانت ماكووو جمانه السعيدي
اني هم مريت بضروف صعبه ابوي عرف اني راسبه
ضربني شسوي بيه من قوة الصدمه علي مات ما تحمل
اخذني عمي اعيش بيتهم
وجبرني ازوج ابنه لو تعرف شلون عايشه عيشة المذله
اكره زوجي اموت منه
المصيبه صار عندي طفل عمره ١٢ يوم
ادم…لا لا ضوجتيني بلزايد ليش ما صبرتي ليش استعجلتي
ميار…مو كتلك جبرني
ادم….اني مااكدر اعيش بدونج مستحيل هذا الكلب يحب وحده غيرج كل البنات مو بعيني بس انتي
كنت متوقع اطلع من السجن والكاج تنتضريني
ميار…قدر ضروفي الدنيا اضلمت بعيني ماعندي احد
ادم…احبج تعرفين شنو احبج
ميار…شراح تسوي وين تشتغل
ادم….راح ادور شغل واشتغل بعد شسوي
ميار….ياعيوني انت انظلمت مثلي
ادم…ممكن اطلب منج طلب
ميار….اي كول
ادم….نبقى على تواصل اني وياج يهمني اعرف اخبارج
ميار….اني الي ما مصدكه انت كل هذا الوقت بعدك تفكر بيه واول ما طلعت من السجن اني اول وحده فكرت تتصل عليه
ادم….حقج ما تعرفين اني شكد احبج
ميار…. اني الي مااعرفت ولا حبيت واحد غيرك
انت اول انسان دخل كلبي وكعد بي
ادم….زين مايصير ننفصلين ونزوج
ميار….ياا وهذا الطفل شلون
ادم….تردين جيبي اني اخلي بعيوني تردين عوفي الابو
واني وياج نجيب درزن اطفال
مجاي اكدر اتخيل حياتي من دونج
اذا مو انتي اني مستحيل ازوج وحده غيرج راح ابقى اعزب طول عمري
ميار….ولله اتمنى اني وياك نزوج بس شلون
ادم…اطلكي اقسم بلله ازوجج
ميار…مايصير هيج كبل اطلك صح زوجي موزين وياي
بس بيت عمي كلش زينيبن
وخاصه عمي يعاملني احسن معامله
ادم….فكري لازم تلكين حل واني راح ابقى منتضرج
حتلو سنه ماعندي مانع انتضرج
ميار…محتاجه وقت اريد افكر هاي الشغله مو بسهوله
تصير
ادم….احبج تعرفين شنو احبج اموت عليج
انتي الوحيده الي بقيتي بكلبي وعقلي
فدوه لا تعوفيني مااكدر بدونج حبيبتي
ميار.. لا مراح اعوفك اني ما صدكت لكيتك انت الحب الحقيقي بحياتي جمانه السعيدي
من كملنا حديث مسحت المحادثه كلها
حقيقة رجوع ادم لا حب ولا بطيخ ولا هو اصلا جان بلسجن كله كذب عايش بااربيل ومتونس
محتاج فلوس ورجع يدور بنات تصرف علي متصل على كم بنيه ومن ضمنهن رويده كلشي ما محصل لا من رويده ولا من غيرها
سئلها عني عرف من كلامها اني ورث بيت ابوي
وعرف اني ازوجت بيت عني
حب يرمي اشباكه عليه اذا اجيت وياا للطريق
يقشمرني ويأخذ البيت مني
واذا اني صديته وما اجاوبت وياي يمسح رقمي
ويدور غيري هو هيج عايش على البنات
كل وحده يدخللها من سكة الحب نعومته وجماله يساعدنا
بهذا الموضوع
على فكره اني من ازوجت قطعت كل علاقاتي وياا رويده
وويا غيرها من البنات الموزينات بعد صدمتي بوفاة ابوي
الرابع عشر من هنا
التعليقات