ميار….كلما يطلع ادم للشغل يرجع يكول مالكيت شغل
الديون تراكمت علينا انطيته ذهبي كله باعه
حتى يصرف علينا منه
وهو بعده مايطلع للشغل يشتري مسواك وفواكه وارصده
ميار…شلون ادم الفلوس راح تخلص وانت مالكيت شغل
ادم….لا تخافين حبيبتي اكيد الكه شغل لا تشيلين هم
ميار….يمكن اني فكر لان من اجيت انت بطلت تشتغل
ادم….ممكن ما تفكرين بهاي الشغله
اني راح الكه شغل لو ابيع نفسي مراح اقصر عليج
عيوني انتي اطمني
بلشهر الثالث اجا ابو الايجار وكف بلباب
طلع ادم منطي بس شهر واحد وبقى يطلبنا شهرين
ادم… شلون وياا الاجار حرامات هلكد واحد يدفع ايجار
ميار… شلون لازم ندفع ماكو سكن ارخص
ادم…لا ماكوووو شنو تردين اكعدج بمكان عادي
ميار….ميخالف حبيبي لعد تبقى هيج شايل هم الاجار
ادم…… ولله حرامات واحد يدفع هلكد اجار البيوت اسعارها معقوله تقريبا نفس الأسعار بكل المحافضات واحد لو يشتريله بيت ويخلص من الاجار
عاد تبقى بس العيشه سهله
ميار… اي ولله واحد هنا يصير عنده بيت
هنا الأجواء تخبل
ادم…انتي مو عندج بيت بيت ابوج ليش ما تبيعي وتشترين بيت هنا
ترا نفس الشي اذا كان عندج هناك بيت لو هنا احنا راح نستقر هنا وبعد مانرجع
ليش ماتشترين بيت ونكعد بي اكتبي بااسمج
ميار…يعني بيتي هناك يجيبلي بيت هنا
ادم…اي اكيد يجيب
ميار…يصير عندي بيت هنا
ادم….شنو الي ساكنين هنا احسن منج
ميار…اي ولله ابيع بيتي واشتري هنا هنا احلى الف مره
واني اصلا ما ناويه ارجع هناك جمانه السعيدي
ثاني يوم اخذني ادم افترينا على كل المكاتب شفنا بيوت تخبل وتقريبا الأسعار مقاربه او شوبه اغلى
لكينا بيت يخبل ١٠٠ متر ومنطقته اجنن وسعره معقول
بناء حديث متت علي البيت من برا ابيض واسود
والشارع والمنطقه تحفه
ميار…اي اني اريد هذا البيت عجبني يخبل
ادم…. سوي توكيل للمحامي هو يروح يطلع أوراق بيتكم
ويعرضه يم الدلالين ونشوف اذا السعر يعجبنا نبيع
ميار….اي ولله اني مالي خلك ارجع واعرض البيت وانتظر لمن يوصل سعر هاي خوش فكره عاشت ايدك
ثاني يوم اخذني للمحامي بمكتبه كال هذا خوش محامي ومعروف
دخلنا المحامي سئلني على اسم ابوي الثلاثي
وعنوان البيت ومن اي سنه هذا البيت مبني
واذا اكو ورثه غيري
انطيته كل المعلومات المهمه
وقعتله على التوكيل دفعنا قسم من الاتعاب والباقي من يطلع أوراق البيت ويبيعه
من رجعنا للبيت مريت اشتري كم حاجه
شفت اكو محل جبير داخل مول كاتبين على الباب
بحاجه الى عامله
محل ملابس نسائيه
ميار…ادم خل اشوف شنو الشغل اني اريد اشتغل حتى اساعدك بلمصرف
ادم…بكيفج يله نسئل
دخلنا جوه اكو بنات ثنييتن
ميار.. …صباح الخير
…صباح الخير تفضلي
ميار…..بخصوص الشغل
…انتي تشتغلين
ميار…اي اكو مانع لو الشغل اله عمر محدد
….لا ماكو مشكله احنا نريد شابه كون تشتغل بحماس
ميار….اني اشتغل اي شغل جمانه السعيدي
….احنامحتاجين عامله تنضف المكان
اذا اجتنا بضاعه ترتبها
جاي كهوه هيج شي بس الدوام من التسعه الصبح
للخمسه العصر
ميار…هاا ادم شنو رائيك
ادم…بكيفج حبيبتي اني ماادخل اذا عاجبج الشغل اشتغلي
ميار…اي موافقه شكد الراتب
….٤٥٠ بلشهر
ميار. .تمام يمتى اكدر استلم الشغل
…من باجر تعاي للشغل بس جيبي الهويه لان اكو مسائله على العماله
رجعت طايره من الفرح شغله بسيطه وسهله وتحصل فلوس بمكان ماكاعده بلبيت
رجعنا للبيت مامصدكه نفسي حاسه طاقة السعاده انفتحت عليه
ما سكتت لا لازم اكشف كل اوراقي
حشاكم حيوانه ماافتهم
ميار…اذا البيت انباع وما كفن الفلوس اني عندي مبلغ بلمصرف من زمان من مات ابوي مااعرف شكد بلضبط
من ٨ إلى ١٠ مليون
ادم…ياربي كنز مو مره انتي كل يوم تفاجئني بشغله جديده
ميار…ضحكت فرحانه من كلامه احس الدنيا اخيرا ضحكتلي
ازوجت ادم وراح يصير عندي بيت بااربيل
ولكيت شغل راح اطلع واغير جو واستلم فلوس
معقوله هاي الاشياء الي جاي تصير وياي طبيعيه
بعد اسبوع المحامي اتصل كال البيت وصل كذا سعر
السعر كان مقارب السعر البيت الي انريد نشتري بس بيت اهلي ٣٠٠ متر والبيت الي اريد اشتري ١٠٠ متر
الشخص الي اشتر البيت اتصل علينا وحجينا وياا وتفقنا على السعر
بيت ١٠٠ متر كافي علينا اني وادم
ميخالف اهم شي يصير عندي بيت
ميار.. حجيت وياا المحامي كتله بيعه بلتوكيل الي عندك
ثاني يوم ادم وصلني للشغل وطلع للمحامي يشوف شنو الاخبار
بديت اشتغل البنات كلش حبابات
والشغل سهل نضفت المكان وبديت ارتب بلبضاعه
الضهر اتصل عليه ادم يسئلني على الشغل
ادم..هاا شلون الشغل
ميار…تمام وانت شفت المحامي
ادم…اي يكول يومين ونخلص الاجرائات
ميار…زبن
البنات جابن لفات اكلت وياهن شكد فرحانه بنفسي
خدرت جاي وشربنا
ادم بطل يدور شغل من اني كمت اشتغل اعتمد عليه من اسئله يكول ماكو شغل
ميار…شنو القصه اي شغل ماكووو
ادم…انتي ما مصدكتني
ميار….لا مصدكتك بس
ادم…باجر تعاي وياي نفتر ندور شغل قابل اني مااكيف يصير عندي شغل
ميار….براحتك
ادم….ممكن ماتحجين بهذا الموضوع بعد
ميار…لا اضوج مني بعد ماافتح حلكي
جمانه السعيدي
ميار….. اني ارجع تعبانه يادوب اتعشى وانام وادم يبقى على التليفون مرات اكعد الساعه ثنتين او اتلاثه
والكا بعده كاعد اكول ميخالف ليش اسوي مشاكل
مادام زين وياي خل اسكت
بعد كم يوم كال المحامي باع البيت
ميار…اي همزين نروح نستلم الفلوس ونشتري البيت
الي عجبني
ادم…لا ما يحتاج انتي ابقي بشغلج بلتوكيل الي عند المحامي يخلص كلشي
يشتري البيت ويكمل كل الجرائات
بس نحتاج اسحبين الفلوس الي بلمصرف علمود اجور المحامي والمعامله حتى البيت يصير باسمج
لان تعرفين الفلوس يله تكفي نشتري البيت
ميار…شلون يعني اروح للمصرف
ادم…لا منا نسحب من اي مصرف تحويل
ميار..تمام
رحنا للمصرف سئلنا عن المبلغ
المصرف دز رساله للمصرف الثاني عرف اكو مبلغ مالي بااسمي
فعلا طلعن الفلوس ١٠ مليون وياا الارباح
من يوم خلاهن عمي بلمصرف لليوم تنضاف عليهن الارباح
ذني فلوس المحل مال ابوي بعد وفاته عمي صفا المحل
وخله الفلوس بحسابي بلمصرف جمانه السعيدي
رحنا وسوينا معامله بعد ما اتاكدو من المبلغ
بس ما قبلو يسلمون الفلوس كلهن
يسحبون ٥ مليون يسلمون اليوم
وبعد كم شهر نكدر نسحب الخمسه الثانيه
سحبت خمسه مليون وسلمتهن بأيد ادم
ضيعت نفسي بايدي شكد غبيه
يومين نطلع اني وياا هو يروح يكمل إجراءات البيت واني اروح للشغل
الحد ماجابلي عقد شراء البيت
على اساس اشترا البيت وصار بااسمي
شكد فرحت من شفت العقد
ميار…اليوم العزيمه على حسابي بمناسبة البيت الجديد
ادم…تستاهلين حبيبتي
ميار…يمتى نستلم البيت اريد اسكن بيتي
ادم….. نستلم البيت بعد خمس اشهر
الحد مايطلعون منا المؤجرين لان عدهم عقد ايجار
ميار.. اهووو نبقى ندفع ايجار خمس اشهر
ادم. هانت هسه يعبرن الخمسه اشهر بسرعه اني راح اشتغل وادفع الايجار
طلعنا اتعشينا كاعد وكبالي ادم واكول صدك جذب
وين جانتلي هاي السعاده
هذا الحلو الاعزب زوجي وعندي بيت هنا باربيل
بيت يخبل مو عادي
اني شكد محضوضه
هنا هو اتأكد اني مابقى عندي شي
لا ذهب ولا فلوس ولا اي شي
بس منتضر ياخذ الخمسه مليون الي بقت بلمصرف
كان ناعم وياي كلمت حبيبتي ماتوكع من السانه
كنت احسد نفسي علي وعلى حبه اليه
بعدها بكم يوم من رجعت من الشغل لكيت بنيه شابه كلش حلوه بيتنا بيضه عيونه بخبلن لابسه ثوب احمر قصير
دخلت اتفاجئت بيها
كلبي كام يدك على السريع
ادم.. هلو حبيبتي اعرفج هاي اختي اماني
فرحت من كال اختي لان اني عقلي راح بعيد من شفته امكيجه وفاتحه الشعر وشكلها كلش حلوووو
للحكايه بقيه القادم الاخيررر
التعليقات