اني مهيب مواليد ٩٠ شاب عراقي ملامحي عراقيه
طولي ١٨٠ حنطاوي جسمي حلو
عندي عضلات مو من الرياضه لا عضلات صارت من الشغل
اني من عمر عشر سنوات واني اشتغل حتى اساعد ابوي
اني الأخ الوحيد والأكبر على ٣ بنات
هدى اجت من بعدي
بعدها رنا الاخيره منى
من بعدها امي تمرضت وضطرت ترفع الرحم
الحمد لله على كل حال
ابوي رجال يشتغل على باب الله
بس لو اكو جائزه اطيب واحن اب راح يكون ابوي
مستعد يساعد كل الناس
الي يعرفهم والي ما يعرفهم مستعد يطلع اللكمه من حلكه وينطيه للمحتاج
حتلو اعداءه هم يسامحهم ويساعدهم
مو مسئله متدين هو صح يصلي ويصوم
بس هو هيج مخلوق بلفطره انسان طيب
مايكره احد ولا يحقد على بشر
اي واحد يااذي ينطي عذر
يكول مايدري لو الله يسامحه
لو يكول عوفو هذا الدنيا متعبته
بعمري ماشفت ابوي يتعارك وياا اي احد
اني تربيت على هذا الشي
اني ماأخذ هواي شغلات من ابوي تقريبا اني اشبها
بلطبع
الناس تاخذه بلكعدات يكولون انت انسان صاحب بخت
اما امي ربت بيت محترمه
الاكل يطلع من جوه ايدها اله طعم خاص
حتلو بيضه طعمها يخبل جمانه السعيدي
لان ابوي مامكمل دراسته الحد المتوسطه اكيد ماعنده وضيفه
بس عنده شي اهم من الوضيفه
صديق عمره انسان محترم جدا اصدقاء من ايام العسكريه والجيش
بعد ماخلص عسكريه هو وابوي قرر ابو نورس صديق ابوي يفتح مشروع خاص بي
ابو نوس اب إلى اتلث بنات ماعنده ولد
ابو نورس من عائله ثريه ورث أملاك وفلوس من اهله
فتح مشروع بيع أدوات صحيه
مغاسل ومقاعد تواليت وشغلات ماي
من سقط النضام رب العالمين كرمه اخر كرم
كبر مشروعه بعد مادخلت شغلات استيراد صار صاحب اكبر مجمع تجهيز هاي الشغلات
شويه شويه اشترا بنايه مكونه من ٣ طوابق
البنايه جبيره حيل وموقعها تجاري
الطابق الاول كان ابو نورس يديره
الي يحتوي على اي شي يخص تأسيس الماي بلبيت
يعني صوندات مغاسل مقاعد صحياة حنفيات
بلاضافه إلى ادوآت عمل مثل البلايس والدرنفيس
والجاكوج والديرل والكوسره وكل هاي الشغلات
اما ابوي كان لازم الطابق الثاني
الطابق الثاني بي أدوات كهربائيه اي شي يخص الكهربائيات
نقط كهرباء اكثر من موديل اضويه بلاجكتور وايرات
كلوبات مراوح ثريات كميات جبيره كراتين ما تنعد
كلشي يخص الكهربائبات
ابو نورس كان يبيع بأسعار اقل من السوك بشي قليل جدا
والي يشتري كميه يوكعله اكثر
صار اله سمعه انو يبيع ارخص من السوك بحيث كل النهار
اكو ازدحام داخل المجمع جمانه السعيدي
اما الطابق الثالث كان مخزن
البضاعه تصعد للمخزن
من خلال مصعد حديد خارجي
مصعد حموله نسمي يكون مصعد حديد مفتوح يتحمل أوزان ثقيله
هاي اني حجبتلكم طبيعه الشغل الي يشتغل بي ابوي وابو نورس
اني من عمر عشر سنوات بديت اشتغل وياا ابوي
اشتغل حمال داخل المجمع الشغل فقط اوقات العطله
اما بلدوام كنت مااشتغل اي شي
الصراحه ابو نورس كان ينطي اجور اكثر من باقي العمال
اكراما الابوي
وكان يعتمد عليه يعني اني بلعمل انسان موثوق مني
اي شي يريده يدزني عليه
ويخليني انتبه للعمال
دائما يكول انت سبع وشاطر دير بالك على الشغل
انت خوش ولد
بالاضافه اني حرك يعني اكو عمال يغلس لو يضم نفسه
لو بطئ بلشغل لو يتمارض
اني كلي نشاط وحيويه
اصعد للطابق الثالث على الدرج اسرع من المصعد
مرات يصعدني ابو نورس حتى اتأكد اكو بضاعه فوك لو لا
يعني اذا باع شغله ورادو منها كميه
اني اصعد ركض على الدرج اشوف المخزن بي هاي الكميه لو لا وانزل بسرعه
حتى يأكد البيعه
اما من اداوم بلمدرسه ابوي كان دائما يكول ابو نورس يسئل
عليك يكول يمتى تخلص المدرسه ويرجع علينا مهيب
احنا وضعنا بلمعيشه متوسط
ناكل اكل زين ونلبس لبس محترم اخواتي كلهن مدارس
بيتنا ملك ولله الحمد اثاث ببتنا حلو صحيح مو اخر موديل بس حلو ومرتب
امي نضيفه بشكل مومعقول
الفرق بينا وبين ببت ابو نورس
هم أصحاب املاك عدهم املاك وفلوس وسياره حديثه
احنا ماعدنا بس البيت وفلوس على كد المعيشه
ويمكن الولد ضام كم فلس للوكت
مشكلتي شنو اكيد تردون تعرفون اني ليش احجي قصتي
لان طولت عليكم
اني من خلصت سادس اعدادي انقبلت كلية تربيه
كنت مقتنع ولله الحمد
اكيد مرحله اولى يتاخرون يله يدامون
بقيت اشتغل بهاي الفتره بلمجمع نفس شغلتي حمال
بس كنت مشرف على العمال
يعني اني صحيح أوجه العمال بلعمل ومااقبل بلتقصير بس اني حالي من حالهم
اشتغل حمال مثلهم
مو كاعد وانطي الأوامر لا اشتغل مثلهم واكثر منهم
لان عمي ابو نورس حيل عنده ثقه بيه
ومايصيح اله بااسمي
طبعا اني اعتز بهاي الثقه حيل
من شغلي جمعت فلوس اشتريت ملابس للكليه
ملابس حلوه راقيه واحذيه وعطور
ابو نورس انطاني ١٠٠ الف اكراميه لان نجحت بلاضافه للفلوس الي كنت مجمعهن من شغلي جمانه السعيدي
بيوم واني اشتغل اجت نورس للمجمع
كانت هاي اول مره اشوفها بيها شكد صار استغل هنا
ماشايفه ابد
هاي اول مره توكع عييني عليها
جاي انزل من الدرج وسمعت ابو نورس صاح هلو بابا حبيبتي هلو نورس
التفتت اباوع عليها
حسيت هاي البنيه أجمل ماشافت عيني
مو لأنها نورس تحديد يعني لو هي مصادفتني بااي مكان جان اجاني نفس هذا الشعور
حسيته خطفت عيني وكلبي وروحي
اني مااعرف ليش هي اجت للمجمع لان بقيت واكف من بعيد ومانزلت عيني عنها
اني شايف بنات هواي
يعني عادي مااحس اي شي اتجاهن
ماكو تجاذب روحي بس من شفت نورس احس اكو شي صار وياي احس كلبي كام ينبض اكثر
كانت لابسه ملابس مدرسه قميص ابيض وصدريه رصاصي
ضافره شعرها كصيبه نازله على ضهرها جمانه السعيدي
شعرها لونه كلش حلو اشقر على عسلي
بشرتها بيضه ابتسمت وهي تحجي وياا ابوها
ابتسامته تخبل حسيته ولا غلطه يمكن ماكو بشر كامل الكمال لله
بس اني حسيته كامله مابيها ولا غلطه
طبعا اني شايف هواي بنات بس سبحان الله هاي البنبه
من شفتها اجاني احساس مختلف
اني تعلقت بيها من اول نضره
نورس ازغر مني بسنتين هي البنيه الجبيره والمدلله
الابوها من نولدت كان عدها فتحه بلقلب
وابوها بقى متعلق ببها حيل ويخاف عليها من الهوا الطاير
رغم الدكاتره أكدو هي راح تتعافا من تكبر يعني الموضوع مايخوف بس ابوها بقا يخاف عليه
ابوها ما قبل ترجع وحدها طلع من المجمع
وخلاني بمكانه راح وصلها للبيت ورجع
طبعا هي ما باوعت على اي احد تمشي وهيه كلها ثقه
كعدت كدام ابوها حجت الشي الي تريده
اخذها ابوها وطلع من المكان
اني هاي الدقايق الي دخلت بيهن للمجمع وطلعت
ماكدرت انزل عيني من عدها
مو بنيه تخبل
تركت اثر بنفسي مو طبيعي
رجعت للبيت وصورته ما تفارك خيالي
الثاني من هنا
التعليقات