رواية الحمال وبنت التاجر الفصل الثاني 2 بقلم جمانه السعيدي

عطلة نص السنه رجعت اشتغل وياهم

قبل لا تخلص العطله بيومين اجت نورس هي وامها للمجمع

كانت لابسه نفنوف رصاصي يخبل عليها

شعرها لافته كبايه ورا طالعه تخبل

اني تقدمت وسلمت على ام نورس

مهيب….شلونج خاله

ابو نورس…هذا مهيب ابن حجي سامي

ام نورس….هلو خاله شلونك

مهيب…الحمد لله

ماكدرت اسلم على نورس استحيت وهي هم كانت مشغوله

بلتليفون ما نتبهتلي

المهم ابو نورس كال اطلع وياا خالتك اجرلها سياره

طلعت اجرت سياره صعدن وراحن

من بعدها رجعت للدوام وهم ماشفته

ماكانت تجي دائما للمجمع اله شغله ضروريه

بس من تجي احس هذا اليوم مختلف بي طعم غير كل الايام

بلمرحله الثانيه ابو نورس سوه عمليه عملية بواسير

اني وابوي كنا نتناوب على بلمستشفى

أثناء تواجدي بلمستشفى كنت اشوف نورس كل يوم

بس امها موجوده مااكدر احجي وياها اي كلام

حتى مااكدر اباوع عليها هوواي استحي لا أحد يشوفني

بس من داخلي كنت سعيد بتوجدنا اني وياها بنفس المكان

كنت ناوي بس اخلص جامعه اتقدملها واطلب ايدها

قابل الي ياخذها احسن مني جمانه السعيدي

بما ان ابوها يحبني ويثق بيه اكيد راح يفرح اذا اتقدمت الها مستحيل راح يرفض هاي الزواجه

ماكدرت احجي وياها اي شي بلمستشفى

لان الغرفه على طول ببها ناس وامها ماعافت ابوها ولا دقيقه

من بعد ماطلع ابو نورس من المستشفى للبيت

اني استلمت الشغل بلمجمع بمكانه

اني استلمت الطابق الاول

وابوي بقه بالطابق الثاني

بليل اني وابوي كنا من نخلص شغل نمر علي

نحجيله تفاصيل الشغل ونسلمه الوارد من الفلوس

اني كنت ادون كل زغيره وجبيره

من اروح احجيله على تفاصيل الشغل يضحك

ابو نورس….مو الهادرجه ترا اني شايف شغلك وعندي ثقه بيك

مهيب…ميخالف هذا حلالك لازم تعرف كلشي

اني كنت اتصرف بهاي الطريقه لان اني فعلا امين على حلالهم

وهم اريد اعزز موقفي بعيون ابو نورس

حتى إذا اتقدمت النورس مستحيل يرفضني

كل ليله نروح اني وابوي عليهم بس ولا مره شفت نورس

بس امه تطلع علينا وترحب بينا

ميخالف المهم احس اني وياها متواجدين بنفس المكان

بقيت احلم بيوم التخرج حتى اروح واتقدم الها

واني كلي ثقه ابوها مراح يرضني ابد

بلعكس كنت أتصور راح يطير من الفرح اذا اني تقدمت

البنته

خلصن اربع سنوات وتخرجت واني كلما تصير عندي فرصه

خلال مراحل دراستي اروح للمجمع

اشتغل من كل كلبي

حتى ابو نورس يتاكد اني انسان استحق اخذ بنته

بعد التخرج كنت آتواجد كل يوم بلمجمع صرت اشرف على كل العمل هناك

بس هم اشتغل حمال كنت اخذ اجور يوميه اكثر من باقي العمال

اجمع فلوس الشغل علمود المهر

ابوي….مهيب بابا يمته ازوجك وافرح بيك اريد اشوف جهالك بعد اتخرجت وتشتغل ولله ابحمد

مهيب…اي يابا اني هم اريد ازوج بس العروسه ما مخلصه

جامعه

ابوي….يالله يعني اكو وحده خال عينك عليها

مهيب…اي من زمان

ابوي….فرحتني ولله تعاي ام مهيب

ام مهيب…هااا شكوو

ابوي….ابنج طلع عاشك ومن زمان

امي….اي ولله اني اريد ازوجه وافرح بي واذا يحب وحده

اجيبها اله يستاهل مهيب جمانه السعيدي

ابوي…اي ومنو العروسه

مهيب….وحده تعرفه وتعرف ابوها زين

ابوي….مني هاي الي اعرفها واعرف ابوها

امي.. احجي هو لغز

مهيب….نورس بت عمو جاسم

ابوي….لا تحجي صدك

مهيب…وليش ضجت نورس بيها شي موزين

ابوي…لا بلعكس مابيها

مهيب…ليش ضجت

ابوي….بابا هاي وين واحنا وين

مهيب.. ليش شنو ناقصنا مثلا

ابوي…ما ناقصنا شي ابد بس بابا هاي متعلمه على غير حياة وما اتوقع ابوها يقبل بهاي الخطبه

مهيب….ليش اني شنو ناقصني مثلا خريج واشتغل

هو شيريد مثلا اكثر

ابوي….مااعرف البنيه بعدها طالبه

مهيب…اي انتضرها تكمل هسه بس خطبه

امي….ليش تكسر بلولد قابل ابوها يحصل احد احسن منه

مهيب.. اي ولله دائما يكول انت سبع وخوش ولد

وحتى من دخل للعمليه سلمني الشغل كله

شلون يسلمني الشغل اذا هو ماعنده ثقه بيه

ابوي….اني طلعني من هاي الشغله

مهيب… شلون اطلعك منو يخطبلي اني اروح اخطب

ابوي…اني وياا عشره من زمان اني وياا اكثر من اصدقاء

مسلمني كل الشغل

اذا رحت وخطبت منه نورس وما وافق لازم اعوف الشغل

اني اعتبرها اهانه

مهيب…والحل

ابوي…انت روح احجي وياا وكأني اني ماادري

كله اني جايك حتى ابوي مايعرف

اريد اطلب ايد بنتك نورس اذا وافق اني اخذ مشيه

واروح وياك

واذا رفض تكون وفرت عليه الفشله

اني مااكدر اروح واطلب ايد بنته ويكول لا بعد مااكدر اباوع بوجها ابد

امي…اي ولله كلام ابوك صح احنا عايشين من هاي الشغله

وابوك متعود عليها

لاتخرب كلشي بينه وبين ابوها

روح انت اتقدملها وشوف رده شنو

ايجوز يقبل منو يكول راح يرفض ولله هاي بته تكون اسعد وحده اذا اخذتك

ماشاء الله كلشي ما ناقصك

مهيب…انتم تشوفون هيج

ابوي…اي شوف الوقت المناسب واكعد احجي ويااا

وشوف شنو رده

مهيب…تمام اي احجي وياا قابل خايف منه اصلا هنياله

بيه اني خوش نسيب

مهيب…ثاني يوم رحت واني مصمم اطلب ايد نورس منه

كان المكان مزدحم وهو مشغول ماكدرت احجي وياا

ثاني يوم نفس الشي ثالث يوم الضهر شفته يصلي

بقيت انتضره بس خلص العمال جابو الاكل

ابو نورس…تعال صارلك ساعه مكابلني شكووو

مهيب.. اي ولله عندي موضوع مهم ا ريد احجي وياك بي

ابو نورس.. تعال نتغدا اني وياك واحجيلي

مهيب…لا شكرا

ابو نورس…شنو شكرا تعال ناكل اذا ما تاكل وياي

لاتحجي اي شي

مهيب ….اي راح اكل

اخذت خبزه خليته بلمرك وخليته بحلكي وهو بدا ياكل

الغده كان تمن ومركة فاصوليا وعليها دجاج وخبز ولبن

مهيب….اني اتخرجت ولله الحمد انت تعرفني اكثر مااني اعرف نفسي

ابو نورس….اي ولله والنعم منك

مهيب…النعم من اصلك

ابو نورس.. اي كمل

مهيب…اريد اخطب وازوج

ابو نورس….اي بيها الخير انشاء الله محتاج فلوس

ترا انت ابني كول اذا محتاج فلوس

مهيب…لا مو شغلة فلوس

ابو نورس…تريد اروح اكفلك اروح اخطبلك ترا هاي الي راح تأخذك امها وابوها داعيلها جمانه السعيدي

مهيب…رحمله والديك

ابو نورس….اي كول شنو فهمني

مهيب….اني اريد اطلب ايد بنتك نورس

هو سمع هذا الكلام راسا وكعت الخاشوكه من ايده للكاع

بقه يباوع عليه نضرة استغراب

ابو نورس….تريد نورس

مهيب…اي اتشرف اناسبكم

ابو نورس…تحجي صدك

مهيب…اي اكيد هذا الموضوع مو مال شقه

ابو نورس….اكيد لا بنتي ماازوجها انت تشتغل حمال

هنا شلون انطيك نورس

مهيب….اي اشتغل واتعب واخذ فلوس يعني مو حرامي

اني اهلي معروفين وخريج وسمعتي طيبه

وبنتك راح اخليها بعيوني ومراح اقصر وياها بشي

اني صار شكد اشتغل عندك

وانت اكثر واحد كنت تمدح اخلاقي وشطارتي

ابو نورس…. بس مو توصل الدرجه تاخذ نورس

انت شنو تخبلت شلون انت تأخذ نورس ترا انت تشتغل حمال هنا

مهيب…ليش كل شويه وكلت حمال وكأنك تعيرني شبي الحمال شغله مو اخلاقيه مثلا

واذا اشتغل حمال انت تشوفني اقل منك ومن بنتك

ابو نورس….طبعا اقل من بنتي بهواي انت اكيد مو

بعقلك وجاي تطلب هيج طلب

ابوك يعرف انت جاي تتقدم النورس

مهيب…لا ابوي مايعرف اني اجيت وحدي أتقدم الها

ابو نورس….هذا الموضوع لا تحجي بي ابد منا وسده

افتهمت لو لا

وخلي الود بينا اني ابوك لاتخرب كلشي بتهورك

من تخطب شوف وحده على كدك

واخطبها

مهيب….اشكرك عمي شكرا على النصيحه

في امان الله

ابو نورس…وين رايح بعد عدنا شغل

مهيب…مارديت علي ولا حتى التفت صدك يحجي

ليش هيج يتعامل وياي

اني شنو ناقصني مثلا حتى جكاير مااشرب

شلون يجراء ويهيني هيج

لان اشتغلت حمال عنده يحاول ينقص مني

بعد هذا المكان فلا اوصله ولا ادخل بي

راح اشتغل بغير مكان وأثبت نفسي واخلي يعرف منو اني

اذا مااخلي يتندم عليه

فلا اني مهيب

رجعت للبيت ودمي يفور من كلام ابو نورس

ابوي جان عينه عليه من فوك شافني طلعت امشي بعصبيه من المجمع عرف هو عنده حق من رفض يروح وياي الهاي الخطبه

رجعت للبيت دخلت غرفتي وقفلت الباب عليه

امي شكد حاولت تفهم مني شصار بس مارديت عليها

الحد مارجع ابوي دك الباب جمانه السعيدي

ابوي…مهيب افتح الباب

كمت فتحت الباب دخل هو وامي

ابوي…انت غلطان اني مو كتلك ابوها مراح يقبل

ليش ماسمعت كلامي

ابو نورس صديقي صار اكثر من ٣٠ سنه واعرفه كلش زين

مستحيل يقبل يزوج بنته الك

مهيب…ليش اني شنو ناقصني ترا اني شاب مرتب وخريج

وسمعتي طيبه

ماكو فرق ببني وبينهم بس همه عدهم فلوس واحنا لا

هاي الفلوس ماجبها بتعبه

ورثها من اهله

يعني لوما اهله عايفيله فلوس جان هسه حاله حالنا

ابوي…انت مالك حق تحاسبه بنته وهو حر المن يزوجها

هو ماغلط بحقك

مهيب…شلون ماغلط بحقي وهو كل شويه وكال انت حمال

ابوي…فعلا انت حمال ماجذب

مهيب…وشبي الحمال مثلا يشتغل حاله حال باقي الناس

لاحرامي ولا تاجر مخدرات

ابوي….بابا افهم اكو فرق بين الطبقات انت من طبقه اقل من طبقتهم

يجوز هو يريد يزوج بنته واحد احسن منك عادي

اني مأشوف اكو بيها زعل

الموضوع عادي

مهيب…واني بعد مااوصل هناك ابد راح اشتغل

واصير احسن منه ومن بته وراح يشوف هذا الحمال

شراح يصير

ابوي…الله يهديك ليش تعوف شغلك جاي تحصل خير من الله

مهيب…بعد مستحيل ارجع اشتغل وياا بعد الكلام الي سمعته منه

برأيكم ابو نورس عنده حق من رفض مهيب

الثالث من هنا