رواية الحمال وبنت التاجر الفصل الخامس 5 بقلم جمانه السعيدي

الحد مادخلت جامعه اول سنه كنت اكثر من منبره بالاجواء الجامعيه

بس ماحاولت ادخل اي علاقه

رغم الولد كانو يتحرشون بيه بس اني ماكدرت احب اي واحد يعني ماكو اي احد صار عندي ميول اتجاها

علمود انطي فرصه نتعرف

المرحله الثانيه كنت مسيطره اكثر يعني اكدر اتحكم باختياراتي اكثر من قبل جمانه السعيدي

كنت اتمنى ادخل علاقه حالي حال البنات

رغم اني اشوف هواي من البنات تدخل علاقه تبقى فتره

وتعوف لو تصير مشكله لو تكتشف هو يضحك عليها

بلمرحله الثالثه شكد ولد حاولو يدخلون علاقه وياي

بس اني كنت متردده واخاف من هاي السوالف

رغم اني اريد ادخل علاقه واجرب احساس الحب شلونه

بس مااريد احب احد وانصدم بي كنت أريد شخص مختلف يحبني ويتعلق بيه يتمسك بحبي

اغلب الولد بس يطلب مني ندخل علاقه او نتعرف ارفض

راسا يعوفني ما يبقى مصر على التعارف

وكانو يريد يجرب حظه

الحد ماوصلت المرحله الاخيره

دخل حياتي راشد وولد كان حلو ومرتب كلشي بي

مميز راشد اكبر مني بخمس سنوات

هاي الخمس سنوات مخلصهن رسوب على مراحل الدراسه

كان عندا علاقات بس اني هلكد ما غشيمه وما عندي خبره ماكنت اعرف هذا الشي عنه

طبعا هو بقسم غير قسمي

طول عمري اتعامل وياا الأمور بحسن نيه وعندي ثقه بكل الناس لان اشوف نفسي لا أكره احد ولا احقد على احد

وماادور مصالح شخصيه بلعلاقاتي

كنت اعتقد كل الناس مثلي

المهم اول مره شافني بقه بس يباوع عليه تقريبا اسبوع وهو يراقب تحركاتي

اكيد هو من راقبني عرف اني ماعندي علاقات

او انسانه بريئه

هو هيج الوحش يبقى يراقب الفريسه حتى يعرف شلون يكدر يسيطر عليها

بعد اسبوع اجاني كدام صديقاتي

راشد….ممكن نتعرف

نورس…تفاجئت منه عادي هيج دخل علينا بنص كعدتنا وقرب عليه ويكول نتعرف

نورس….رديت علي كتله لا

بس بداخلي كنت فرحانه من جرئته حسيت نفسي مميزه

لان عاف كل هاي اللبنات واجا عليه

هو من سمع ردي انسحب بكل هدوء

ثاني يوم اجا للقسم بس ماحجه وياي فقد يباوع عليه من بعيد جمانه السعيدي

خلص الاسبوع الثاني هنا هو اتأكد مني واتأكد اني

خام وماعندي لا علاقات ولا خبره بمجال الحب

يوم كنت انتضر صديقاتي واكفه برا

اجا عليه

راشد…صباح الخير

نورس….صباح الخير

راشد….اني اعرف انتي انسانه محترمه وماعندج خرابيط الحب اني معجب بيج وبشخصيتج

وقررت اتقدملج

نورس…تتقدملي هيج بلهسرعه

راشد…اي اتقدملج اريد امي تتعرف عليج بلبدايه وبعدين اتقدملج

نورس….رغم اني كنت طايره من الفرح بهاي اللحظه

لان حسيته مصمم عليه

صار اكثر من اسبوعين وهو يركض وراي ويراقبني

يعني اكيد يحبني

نورس….اني مومال حب اذا عندك شي ثاني كول

راشد…باجر اجيب امي تتعرف عليج لازم تكونين موجوده

اجن البنات عافني وراح

البنات سئلني شيريد منج

كتلهن يريد يعرفني على امه

كلهن ضحكن ….اي السناره غمزت يعرفج على امه يعني يحبج

اني بقبت افكر بكلامه

معقوله هو هلكد يحبني مادام راح يعرفني على امه

يعني يحبني

بقيت كل النهار افكر بكلامه

كنت مصدكه وما مصدكه ثاني يوم كشخت وتحضرت وتعطرت ورحت للدوام كنت معتنيه بشكلي اكثر من كل مره

خلصت المحاضره الاولى وطلعنا كلنا برا

اني عيني منا ومنا معقوله يضحك عليه ووين امه

هو اليوم اني ماشفته

بعد المحاضره الثانيه البنات طلعن اني ماطلعت ضجت

حسيته يضحك عليه

جان اجا يدور عليه

دخل للقاعه وسئل عني البنات اشرن عليه قرب مني

راشد.. صباح الخير

نورس…صباح الخير

راشد.. امي برا تريد تتعرف عليج

نورس….كلت لكلبي يااا هذا صدك سواها وجاب امه

بقيت كاعده بمكاني

راشد…راح تبقين كاعده هواي ترا امي تنتضر برا

نورس…كمت وطلعت وياااا

امه جانت تنتضر برا بلحديقه مره عمرها تقريبا خمسين

لابسه رداء اسود وحذاء فلات اسود

والشال شامرته على شعرها شمر امكيجه مكياج مرتب

عطرها طيب

بس شافتني ابتسمت

نورس…هلو خاله

ام راشد…هلو حبيبتي شنو هذا الجمال سبحان الخالق المبدع ولك راشد اول مره يكون عندك ذوق

نورس.. تسلمين خاله

ام راشد…راشد اكل راسي اله تجين تتعرفين على حبيبتي

نورس.. من سمعته تكول حبيبتي حسيت نفسي طرت بلسما اني حبيبته

ام راشد….طبعا ابني يريد زواح يكول هاي البنيه

دخلت كلبي تعاي شوفيها حتى نروح نتقدملها ترا مو بس راشد يحبج اني هم حبيتح جمانه السعيدي

سامعه الأذن تعشق قبل العين اني عشتك مجرد ما سمعت عنج كلام حلو

راحت امه ومن وقته اني انطيته الأمان كمت امشي وياا

بلجامعه وتبادلنا الارقام حتى نحجي بلتليفون

رجع جاب امه مره ثانيه للجامعه

هلمره كانت تحجي بس بلزواج بس تتخرجون

نجي نخطبج ونسويلج احلى عرس اني ماعندي بس هذا الولد وحالفه اله ادلل زوجته مثل ما دللته

اجيبلكم احلى غرفه عرس والذهب انتي ترحين تختاري

بنفسج

البيت اني مسجلته بااسمه

واتمنى يجي اليوم الي اشوفه بي عريس وافرح بي

انت البنيه الي اني جنت أتمناها الابني

ام راشد عليها السان وكلامه محد يكدر عليها تنتقل بلحديث بطريقه تقنع اكبر واحد

نورس.. كنت اعتبر نفسي محضوضه وكعت براشد

وسعيدة حظ باامه لان تحبني وتريدني

ست اشهر اني وراشد علاقه حب مو حب عادي حب افلاطوني ماكو منه

الحد ما قبل التخرج بشهر او اكثر شويه

اتصلت عليه امه كالت اني عازمتج على الغده

اني رفضت بلبدايه

بقت تلح عليه اله تجين تشوفين البيت الي راح تزوجين بي تعالي الخاطري

تعاي اني محضره غده يخبل

ازعل إذا مااجيتي لازم تجين

نورس….بقت تلح عليه ماكدرت ارفض

طلعنا اني وراشد قبل لا يخلص الدوام رحنا البيتهم

هي فتحت الباب واستقبلتني احلى استقبال

دخلنا جوه اني ويااا كنت مامنه بي لان امه موجوده بلبيت

كعدنا اني وياا هو بلبدايه كعد بصفي

حاول يبوسني من خدي اني ما قبلت كمت غيرت مكاني

اجا وراي ورجع حاول ببوسني

كمت وكتله لازم اروح

راشد…وين ترحين والغده

نورس….اني اريد اروح للبيت

راشد…امي تزعل عليج

راسا دخلت ام راشد كالت اني راح اجيب طرشي واجي من هذا المحل

طلعت هو طلع وراها شويه ورجع جايب عصير ثنيين

وكلاصات ثنيبن

العصير هذا ابو البطل راني

فتح البطل كدامي وخله بلكلاص

فتح البطل الثاني وخله بكلاصه

طبعا اني ماشكيت ابد لان فتح البطل كدامي وكنت عطشانه اخذت الكلاص وشربت وهو هم شرب العصير مالته جمانه السعيدي

بدا يحجي وياي يريد يشوف اني بعدني بوعيي لو فقدت السيطره

راشد…شتحبين تاكلين اذا تردين نوع معين اكله تحبيها

اني مستعد اجيبلج

نورس..اخر كلمه اذكر حجيتها كلت اي شي اقصد على الاكل اي شي بعد مااعرف شنو صار

وعيت لكيت نفسي نايمه على الكاع وشبه عاريه

وعيت بس مااكدر انتبه النفسي راسي ثكيل حسيت اني بدون ملابس كوه فتحت عيوني

لكيت نفسي مابقي عليه بس القميص ودكمه كلها مفتوحه

واي شي ثاني ماكو

غمضت عيوني اتوقعت جاي احلم

من غمضت عيوني اذكرت اني اخير شي كنت بيت راشد

فتحت عيوني اريد افهم شصار

باوعت اني فعلا بعدني بيت راشد

مديت ايدي اتلمس جسمي اذا كنت فعلا عاريه او أواكو ملابس لكيت نفسي عاريه

كوه كعدت على حيلي لزمت راسي فتحت عيوني

باوعت شفت اكو دم على رجليه

افتهمت اني مو تمام

راسا عطت بصوت عالي

من عطت راسا اجا راشد

بس دخل للغرفه اني حاولت الملم نفسي جمعت رجليه

وغطيت صدري بالقميص

راشد….هااا حبيبتي

نورس…شصار اني ليش بدون ملابس اني مو تمام

انت اغتصبتني

راشد….اني زوجج حبيبتي انتي نسيتي امي خطبتج

نورس….شلون خطبتني انت ليش هبج سويت بيه ووين ملابسي

دخل شال ملابسي وشمرهن عليه

راشد…لا اضوجين باجر احنا ببتكم واطلب ايدج من اهلج

نورس…ليش هيج مو اني احبك اهيي اهيي

راشد…اني هم احبج شبيج ليش مكبره الموضوع

مو كتلج اني زوجج ليش ضايجه

باجر اتقدملج وراح نزوج بااقرب وقت

نورس….حسيت اني شكد غبيه شلون صدكت بي واجيت ويااا وامه امه ليش تقبل بهيج تصرف

لبست ملابسي وطلعت

راشد…اوصلج

نورس….الله لا يوفقك شسويت بيه من مصيبه

الله لايرضا عليك انت مو بشر

طلعت وهو ماطلع وراي اجرت تكسي ورجعت للبيت

بس وصلت كبل للحمام سبحت

مااكدر اتخيل القذارة الي اني بيها

شكد.بجيت هاي المشكله وكعت بيها بسبب حسن ضني بلناس اني كنت اضن راشد وامه مثلي

صادقين وكلامهم واحد

بس هاي خطه ثنيينهم رتبوها حتى يوكعوني

ثاني يوم انتضرت ماكووو مااجو

قررت اتصل على راشد أأكد موعد الخطبه

اتصل علي مايرد الجهاز مغلق

رحت للبيت اسئل

الجوارين كالو مانعرف عنهم شي يمكن سافرو

وحده من الجيران كالت البارحه اجت عليهم دوريه مال شرطه اكو وحده مشتكيه على راشد الله اعلم شنو من مصيبه مسوي وياها

نورس…كلت بكلبي الضاهر مصايبه هواي متعلم على هاي

القذاره الله يلعنه دنيا واخره

بعدها كنت شايله هم اني مو بنيه وشلون راح احل هاي السالفه

طحت بلاكبر منها طلعت حامل

بعد ما اتاخرت الدوره عليه جبت اختبارحمل واتأكد اني حامل وهنا تخبلت

شفت جيس الزباله بلباب خليت بي اختبار الحملةحتى لحد يشوفه تالي امي طلعت تشمر الزباله بعيد وشافت الاختبار

واني كنت اكثر وحده ممكن تشك بيه لان حالي متغير هاي الايام ومو على بعضي

بعد الحاح امي اضطريت اججيلها كلشي

وهي حجت الابوي ما تحمل المسكين ضربته جلطه